الإنتخاب حق وواجب ... بصح بالدراهم

[Skor m@k]

السلام عليكم
ههههه ضحكتني
ههههه البوليتيك ااااااه خربشتلي لي سونتيمون
المهم بابا راهو دا لاكارت ناسيونال باش يخدملي بطاقة الناخب و ننتخب لاول مره هههههه
و اذا حبيت تسميني شياتة سمي انا بابا رجل سياسي و منخرط في حزب جبهة العدالة و التنمية تاع جاب الله هههه
و رح نفوطي ان شاء الله بصح نرميها بيضاء باش يقولو عليا ديمقراطية و تحب بلادها ههههههه

هههههه خصارة عليك مالك كيفاش متعرفش الاحزاب
النهضة . جبهة العدالة و التنمية . حركة مجتمع السلم . حزب العمال . FLN . التجمع الوطني الديمقراطي .
ههههه هذا ما نعرف خخخخخخ و رجال السياسة كاين خيرات ثاني جاب الله و موسى التواتي اويحي . مقري . ابو جره سلطاني . لويزة حنون و نعيمة صالحي هههههه الدعوة راهي كبيرة

معلباليش علاش متحبوش الفوط و الانتخابات انا و الله غير نحبهم مالڨري مراهمش مستعرفين بينا
بلاك كي جا أبي سياسي و جدي يحب ينتخب ههههه
انا نظن بلي لازم كامل ننتاخبو يااااو يسموها الوطنية
منقدرش نتعمق في الموضوع بزاف خاطرش أنا بوغ و انت كونتخ
السماح بيناتنا الاخ مالك
شكرا اه قصدي عفوا هههه​

وعليكم السلام
يايما ويا يما انقرضو أيها الناس من أنتم ههههه
ماتزيديليش الفوط بعدا وزعما نبكر صباح ربي واع واع واع
واش من رجل سياسي مزالكم تامنو بالغول والبورورو تاع بكري
هذو هوما لي يحطمو الشباب في عمرو 60 سنة ومزالو يقولك حنا مع الشباب
أصلا التحزب في الاسلام حرام خاطرش يديرو التفرقة بين المسلمين وبين الشعب
وثانيت كل واحد فالحزب يضرب على صلاحو مش على تنميت البلاد والشعب
صح بلاك الانتخاب على رئيس البلاد بلاك قوليلي مليح باش نخيرو رئيس تاعنا
مي كيف كيف الرشام حميدة والسراق حميدة والرئيس حميدة
وعلى هذا لا أتعب نفسي في الذهاب باكرا وأضع نفسي في طابور طويل ومن ثم أوسخ أصبعي بالحبر الأزرق
ومن ثم أخرج سعيد بوتف وأنظر الى كاميرة التليفزيون وأنا مبتسم هاهاهاه
أنا كونطر الفوط واانتخابات في هذي لبلاد ههههه
خليكم في حالكم ومايصدعوناش راسنا بيهم ويوسخو لحيوط برا بالصور ههه
يعطيك الصحة أسوم ماقري انا وانت موغ وكونتخ .... مام مافهمتهمش هذو الكلمتين ههههه
ربي يحفظك​

 

[Skor m@k]

السلام عليكم و رحمه الله تعالى وبركاته

انا نفوطي على الباهي ولا الباهية فيهم.:Love:
واللي عندو ولا عندها سنيهم اكل.
واللي عمارهم ما يزيدش على ثلاثين سنة.



موال رايح يشري الغنم

وإذا لقيت واحد فيهم شارف ما نشريش ... قصدي ما نفوطيش

والصراحة نفوطي وبينهم بين مولاهم.

أخي الكريم طرح راااائع ومميز للفوط في دزاير .
استمتعت وأنا أقرأ ،بارك الله فيك.
ملاحظة : اعجبتني صورتك الرمزية لا تغيرها.
تقبل مروري مع فائق الاحترام والتقدير
حلم كبير

وعليكم السلام
اواه انت خويا عندك تخمام كيفي ههههه
بالصح المشكلة لي مترشحين كامل مايشبهو لوالو ههههه
وزين ملفوق كامل كبار يامحاينك
مايخلوش الشباب والشابات يترشحو ههههه
رنا غير مع مادموزال لويزة ندورو ماحبتش تطلقنا ههههههههههههه

تاع لا أصلح للحب ههههه مايكون غير خاطرك خويا لعزيز

 

[حلم كبير]

هههههههههههه
الله عليك مالك ما اجملك

شو معنى : فوط

الفوط هو كلمة فرنسية معربشة تعني الانتخاب وقابلة التصريف في اللغة العربية يعني تقول فوطا وراح يفوطي فهو مفوطي .
ويوجد من امثالها الكثير كيما (مثلا)
تنارفيت تعني تقلقت او غضبت.
تقبلو مروري

 

[السلطانة]

وعليكم السلام ورحمة الله وبركاته

فكرتني خويا مالك منلي تزوجت ماانتخبتش
هاذو عامين ونص نسيت على بطاقة الناخب
كان بابا يحتم عليا نفوطي في دارنا
ايا جيت للراجل طلقلي الحبل هههه
نشفى مرة رحت نفوط في دارنا دخلت لهاذيك لاشومبر ودرت الريدو وبقيت نخزر في التصاور ايا خيرت وحد الراجل معرف شكون
قطعتها وحطيتها بيا الخوف من بابا برك

هوما يخلطو في المرميطة والشعب طاب مليح بحكاية التقشف والحقرة والخ الخ
وياعجبك نشرة الثمنية والشعب لي يورو فيه يدير باي باي
ويحكيو على الفوط وكأن الجزائر دولة خلابة وفخامته يوجه برقية
(نكره النشرة تاع 8 مي تحتمت عليا نشوفها مع حماتي ههههههههههههههههه كل يوم وقت لعشا تحطهالنا وياويلنا ينطق واحد نعود راح نطرطق مباعد نتفكر بلي راهي كبيرة وواش راح نفهم فيها خخخ نسكت)

هيا نهار 4 ماي الفوط و3 ماي نديرولكم عشا الفوط في اللمة هههههههههه ومنها نقلعو خونا @Fethi.dz
وننتخبو مالك

 

[آمِيْرَتُه]

السلام عليك
هه راني لا علاقة بالفوط نعقل فوطيت نهار خدمتها أول مرة غير باه تبان مكاشية برك
هذاك مخصني نفوطي على لويزة حنون و باعين لي مازال لدرك عايشين خخخ

 

[Skor m@k]

السلام عليكم
حيوا الشمال يا شباب حيوا الشمال الافريقي
في الحقيقة هذي الجملة ما عندها حتى علاقة بالموضوع
ههه
المهم
بسم الله
صح الفوط راه قرب
نهدر على روحي انا
ان شاء الله ننتخب وننتخب وننتخب
ههه
ميش بيا شيات
اعوذ بالله
انا مانيش شيات
لكن المشاركة السياسية واجبة و االامور الاخرى من تزوير و تلاعب بالاصوات
ناسها الله يسهل عليهم
و كاين ربي يحاسبهم
انا ما نعلمش الغيب
اللي عليا اني ننتخب و نخير الانسب لخدمة البلاد
هههه
و نتوما دزوا معاهم
ايه نتوما لي ما تنتخبوش
هههههه
راني نgسر برك
جماعة اصلا اذا ما انتخبتش راهم يدو الصوت تاعك و يتلاعبو بيه
و اصلا الانتخاب واجب
و زيد ان شاء الله اذا حب ربي باه يعطونا السكنة
هههه
ايا السلام عليكم
و مشكور يا خيي مالك على الموضوع
هه​

السلام عليكم
أه يا خويا الصالح آه يا الشيات هذي سور كاش كاشيرة مدوهالك ههه
ولا أنت معاهم فالتنخبيت ههههههه يعني الترشح ههههه
صح بلاك الانتخاب واجب على الرئيس باش نختاروه
وهناك قولي من حقك
مي باش تقولي الانتخابات تاع الأحزاب والبلديات هذي خرطي
خاطرش كل واحد يدابز على صلاحو
أنا باذن الله مانفوطيش والى حبو يدو عضويتي يفوطيو بيها غير يدو هههه
مي هنا غير فوطي عيا خويا صالح باش نحكمها انا مدير اللمة ههههه​

 

[Salah eddin]

ههه
الله يهديك خويا مالك
تعاير فيا الشيات
ههههه
المهم
اذا ترشحت راني نفوطي عليك بقوة
ههه​

 

[Skor m@k]

مساء الورد اخي مالك
يعطيك الخير موضوع طووووووب
الانخاب ههههه انا والله ناسياتو صدقني لوكان تشوف ورقة نتاعي تاع الفوط شيفون هههه مخليتها حضايا كانش منخرج بابيي يطلبوه مني
تعرف يضحكوني النسا نهار الفوط ليس عندها علبة مكياج وروج تجبدوا طلسس وجهال وايا للانتخاب ههههه زعما راها رايحة لسواري
ونضحكك اخي مالك وحدة فاميلتي كي انتخاب نسقسيها نقولها تروحي تفوطي تقولبي ايه باينة نفوطي باش يعطوني سكني صدقني هذي 10سنين مسكينة وهي تفوطي ومعطاوها وااالوووو ههههههه
واش من انتخاب كلشي مسطر حنا غي يديرونا في الواجهة ونزيدك حاجة والله مراني فاهمة وااالو فهاد الانتخاب راني نسمع كل يوم هداك الاشهار نتاع ساهلة باش تشرب الما ساهلة باش وساهلة وساهلة وساهلة باش تفوطي ههههههههه والله الشكيل
ولا يبداو المراجعة للقوائم الانتخابية اوووف والله صدعونا بيها كل وقت
واسم نقولو ربي يجيب الخير
ربي يهدينا لطريق الحق
املا متنساش نهار الفوط راني علي 8 نتاتع الصباح نفوت عليك باش ناديو الواجب اوك
تحياتي اخي

أهلا بك ختي مليكة
هههه والله ضحكتيني سافيك حتى انت راكي طامعا يمدولك دار بكارطا تاع الفوط هههههه
خبيها خير وخليها تغمل خاطرش سور ماتديش دار بيها ههههههههه
مليحة هذيك لي طلس وجها وتزيد تروح تجري للكاميرة باش يوروها فالنشرة وهي تزغرت وتعيط
صح عندهم كل حاجة ساهلا مي كاين عيباد لي الماء ماعندهمش هذو ماشافوهمش الى ساهلا عليهم
ايه يا ختي مليكة ماجيش برك عندي صباح ربي هههه
خاطرش مانوضش بكري هههه
بصح اكونديسيو انا نفوطي على لويزة وانت على سعيداني داني داني واش داني هههه
ربي يحفظك ختي مليكو​