سلام عليكم لحاب يعاوني

[البحر الهادي]

السلام عليكم و رحمة الله
أخواني أخواتي اعضاء اللمة مانيش ندخل الله غالب
راهو عندي ظروف خاصة للأسف
توحشتكم كامل
راني حاب نطلب منكم حاجة لحاب يعاوني بلي عندو اني حاب نحرق لفرنسا
بقي شهر واحد و طلبو مني 8 ملايين لا أملك الا القليل
ألى حاب يعاوني بمال و لي ميقدرش
دعوات برك
تحياتي و تقديري من عند اخوكم حسين
شكرا ​

وعليكم السلام ورحمة الله
هل تعلم لو انك اجتزت البحرومت تموت يعد انتحار
هل تعلم بأن الذي يرزقك هماك هو الذي يرزق هنا
ياأخ الله يهديك
العيش هنا برغيف خبز مع العزةخير من العيش هناك في قصر مع ذل
قال الرسول صلى الله عليه وسلم "أنا بريء من مقيم بين ظهراني الكفار"
أخ الكريم هل تريد ان تلقي بنفسك غلى النار
هل هانت عليك حياتك،هل فكرت في أمك وابيك ألم تعلم أن النبي صلى الله عليه وسلم لم يأذن لصحابي بالجهاد لأن أحد والديه كان حيا فمابالك انت تريد أن تلقي بنفسك في الهاوية
أنت تظن أنك ستجدهم يفرشون لك هناك الورد والزهور ويلقون بالطبول
فكر مليا
بإمكانك صنع حياتك هنا فقط عليك بالثقة بالله والتوكل عليه
أنت تعلم بأن الله هو الذي بيده خزائن السماوات والأرض
إتق الله أخ وفكر بقلبك وليس بعاطفتك
أسال الله أن يهديك إلى سواء السبيل ويشرح صدرك بالإيمان

 

[البحر الهادي]

إليك هذه الحادثة التي حدثت لصحابي هجره النبي صلى الله عليه وسلم
القصة طويلة وهجره النبي صلى الله عليه وسلم وأصحابه وكان معه إثنان ممن هجرهم النبي صلى الله عليه وسلم
المهم الشاهد من قصته وهو بيت القصيد
قَالَ -يعني كعب بن مالك رضي الله تعالى عنه-فَبَيْنَا أَنَا أَمْشِي بِسُوقِ الْمَدِينَةِ إِذَا نَبَطِيٌّ مِنْ أَنْبَاطِ أَهْلِ الشَّأْمِ مِمَّنْ قَدِمَ بِالطَّعَامِ يَبِيعُهُ بِالْمَدِينَةِ يَقُولُ مَنْ يَدُلُّ عَلَى كَعْبِ بْنِ مَالِكٍ فَطَفِقَ النَّاسُ يُشِيرُونَ لَهُ حَتَّى إِذَا جَاءَنِي دَفَعَ إِلَيَّ كِتَابًا مِنْ مَلِكِ غَسَّانَ فَإِذَا فِيهِ أَمَّا بَعْدُ فَإِنَّهُ قَدْ بَلَغَنِي أَنَّ صَاحِبَكَ قَدْ جَفَاكَ وَلَمْ يَجْعَلْكَ اللَّهُ بِدَارِ هَوَانٍ وَلَا مَضْيَعَةٍ فَالْحَقْ بِنَا نُوَاسِكَ فَقُلْتُ لَمَّا قَرَأْتُهَا وَهَذَا أَيْضًا مِنْ الْبَلَاءِ فَتَيَمَّمْتُ بِهَا التَّنُّورَ فَسَجَرْتُهُ بِهَا حَتَّى إِذَا مَضَتْ أَرْبَعُونَ لَيْلَةً مِنْ الْخَمْسِينَ....
لاحظ انه في شدة وتركه النبي صلى الله عليه وسلم والصحابة وماذا؟جاءته الفرصة من ملك الروم
تعرف ماذا من ملك الروم معناه لاينقصه شيء من الدنيا
لكن كعب رضي الله عنه علم أنها فتنة فلم يلتفت لها ولم يجب الدعوة
لهذا ادعوك لأن تعتبر بهذا الصحابي الجليل الذي جاءت إليه الدنيا وقد ضاقت عليه نفسه وضاقت عليه الدنيا
لقد نزل توبته بعد ذلك
لهذا لاتفتنك الدنيا وتلق بك إلى المجهول

 

[noknok]

بالتوفيق ’ رافقتك السلامة ,,,​

 

[الأزرق الملكي]

السلام عليكم

نفترض أنك جمعت 8 ملايين حركت ووصلت للاروبا ومبعد واش رايح تخدم

الدعوة ماهيش ساهلة ربما عمرك جعلك تفكر بهذا التهور وإحتمال كبير يتقلب البابور لي رايح فيه

مايخعلوكش هدوك ليديروا فيديوات بلي وصولوا لطليان صدقني اخي نصفهم في اللحباس و الاخريين يبيعوا المخدرات

وكاين لي كره من معيشة التمرميد و الطلبة و السرقة ورجع للبلاد .

راك مازلت صغير و الحياة قدامك حتى لو حبيت تطلع للأروبا اخدم عامين ولا ثلاث سنين في البلاد

لم فيها شوي دراهم و أعطيها بالكوارط وفي هذه المدة أتعلم الانجليزية و تعلم حرفة كما تطلع تلقى روحك

وروح بالطيارة سالما غانما أولا تضمن وصولك و ثاني حاجة عندك ميتي تخدم به،

أما قضية كرهت شعب كله كاره شكون في وقتنا هذا عايش في راحة ثبت روحك وأطلع بالتاويل .

ربي يهديك و يوفقك
​

 

[البحر الهادي]

بالتوفيق ’ رافقتك السلامة ,,,​

ياأخي تعينه بالدعاء
لايجوز
لايجوز الإعانة على المنكر ولو بالدعاء

 

[ليليا مرام]

بالتوفيق ’ رافقتك السلامة ,,,​

السلام عليكم
خويا اسمحلي ادعيلو ربي يهديه ماشي تقولو طريق سلامة راه صغير وهنا رانا خاوتو وخوتاتو وباباه متوفي ربي يرحمو يعني واجبنا نعلموه وننصحوه ماراحش يروح ان شاء الله طيش شباب وان شاء الله ربي يبعدو عليه

 

[Mustapha Bita]

سلام
شوفلي بلاصة معاك نعاونك

 

[Mustapha Bita]

سلام
شوفلي بلاصة معاك نعاونك

 

[ليليا مرام]

سلام
شوفلي بلاصة معاك نعاونك

هوبا مصطفى انت من نيتك تروح وتزيد تعاونو الله يهديك اذا سنك من سنو معليش راكم تبعو فالناس وخلاص ربي يهديكم لو كبير عليه من المفروض تمدلو عقلية حسين راه مقلق وففترة مراهقة وصحاب يدبرو عليه لازم احنا ما نخلوهش يروح تقولي واش فيدنا نقولك كلمة كلمة من كل واحد يبدل رايو ودعوة منا ربي يهديه وما يخليهش يروح
الله يهديكم كي انت كي هو

 

[Mustapha Bita]

هوبا مصطفى انت من نيتك تروح وتزيد تعاونو الله يهديك اذا سنك من سنو معليش راكم تبعو فالناس وخلاص ربي يهديكم لو كبير عليه من المفروض تمدلو عقلية حسين راه مقلق وففترة مراهقة وصحاب يدبرو عليه لازم احنا ما نخلوهش يروح تقولي واش فيدنا نقولك كلمة كلمة من كل واحد يبدل رايو ودعوة منا ربي يهديه وما يخليهش يروح
الله يهديكم كي انت كي هو

واه ختي نيشان عندك الحق (الوطن بخير وكل الشباب يعملون ولا توجد اي بطالة وكل الناس ساكنين في شقق والناس متساوية ولا توجد عنصرية)
علاه نحرقو غير في بلادنا ونبقو مخصنا والو راني بخيييييييير
عن جد عندك الحق

 

[بشرى ملاك]

مع احترامي لكامل الاراء وحتى صاحب الموضوع سمحلي نقولك خاصك طريحة باش تولي لعقلك..... ماتزعفش راني ختك ونخاف على ولد بلادي.... والله راه غارك الصغر وامنت كذب الناس نعرف واحد الناس راحو حرقو وضاعو وماولاوش بلادهم وزيد يكذبو يقولو رانا ملاح والله نعرفهم ضاعو تاع بصح وماكان لاه نحكيلك واش راهم يخدمو تم باس يعيشو.. ولد عمي راح بكواغطه وولى بلاده قالوله انت هبلت قالهم والله احقر واذل عيشة تم حسني ربي يرحمه قال نحمل لي كان في بلادي ولا ذل الغربة.... نعل الشيطان راه خاربلك في مخك هاديك 80000 روح خدم بيها يا لوكان تبزنس ومعليش وربي يفرج عليك وعلينا... ونعاودلك ماتزعفش دير ختك راهي تهدر معاك..

 

[حلم كبير]

السلام عليكم و رحمه الله تعالى وبركاته
أعرف أنه في نظرك أنا آخر واحد يمكن أن يقدم لك نصيحة في هذا .
لكن الله وحده يعلم بحال وأحوال الناس ولن أتحدث عن نفسي هنا لاننا أحسن من ناس كثيييرة هنا.

ندورهالك دارجة باه تحطها في راسك مليييييح
الميgرية نتاع بلادنا كذابين حاشى اللي ما يستاهلهاش خاصة الفواخين ،العام بطولو وهو يغسل فالماعن للgاورية ويخرجلها كلابها يحوسو ،ويلبس غير الدرابل وحارم روحو من لقمة في كرشو ،وكي يعود هابط يشري زوج كسوات من المرشي نتاع العرب ويشري لعايلتو الريحة المدرحة يعني التقليد من المرشي ،ويدير هاذيك الصاكة الصغيرة على كتفو والشابو الاكحل والنواظر نتاع 5اورو ويهبط هاز الفاليزات ويتقلش اللي يشوفو من ولاد بلادو يقول فرانسا دايرتلو دواح وتدوح بيه ( هوما اللي كذبو عليكم ووراولكم الجنة في اوروبا)
ويجيك العميد نتاع الكلية بكل تبجح يقلك جا من عندكم طبيب وما خليناهش يدخل يقرا ويكمل ونتا بشهادتك نتاع زوج كلمات تحوس تكمل.... كيفاه ما تهبلش.

هذا اللي عندو شهادة كاين نسا جاو لهنا بشهاداتهم باش يخدمو نحاو الخمار ويربيو في ولات الgور .

خليني نفرغلكم قلبي اليوم على الكذابين ونكشفلكم فرانسا والمانيا وأوروبا كامل
وشكون اللي راه ناجح هنا سقسيوني نقولكم

هيا سقسيوني
سقسيتوني؟
ضرك نقولكم
ما كانش اللي ناجح
النجاح لا تقصدو بيه الدراهم كاينين المتخشين هنا مليانين دراهم بصح واش الفرق بين وبين اليهودي؟ ما كانش

النجاح نتاع المعيشة ؟ ايييييه زعما المعيشة رخيصة المعيشة رخيصة ورخيصة على الجيهتين رخيصة في انو الزوالي هنا يقدر يعيش ، بصح الزوالي يرخص روحو (نهدر على الزوالي العربي الgاوري ما علاباليش بيه)
يرخص روحو يخدم يهنبر يغسل يسيق .... يخدم غير الخدمة اللي يعافوها سيادو ،ولازم يسكت ويقول ميرسي ميسيو ،ويقول باردون ،ويزيدو يعايروه ويقولولو بونيول ،
اللي راه يقلك المعيشة هنا مليحة كذب عليك ويحوسك تتمرمد كيما هو وكي تلحق اللهنا يضحك عليك ويقولك واش كنت حاسب ساهلة ولا فرانسا واعرة لوروب واعرة ،والله هاذي هدرتهم كي تلحق هنا تروح تقعد في فوايي نتاع الكلوشارات لا ما عطاوك الطرايح صباح وعشية يخدموك عليهم ،تقولي نروح للشارع تلقاك الشرطة ترجعك لبلادك ..... وين تروح ؟
تربية ولادك يدخلولك فيها .
عندهم الرشوة
عندهم المعرفية
عندهم حاجةزايدة علينا فالشر اللي هي العنصرية

بعد اللي قلتو جاوبني على سؤال واحد فاه لوروب خير من بلادك وانت بحالتك اللي راك فيها ؟
واش أغراك فيها؟
واش حاب تولي في حياتك؟
صح واش راك حاب تولي كاين غير فاللوروب؟
احلامك الدراهم وخلاص؟
ولا عندك احلام تجاه الأمة نتاعك؟


سمعت بقصة الحجرة الصغيرة اللي فالسد وناضت فالليل تبكي وقالت ما عندي حتى اهمية في وسط هاذ الحجار الكبار اللي شادين السد ،وكملت تصغر في روحها حتى واحد الليلة قررت تغادر بلاصتها وتروح لبلاصة يستعرفو بيها فيها ، هي تنحات من بلاصتها وهو راب السد وغرقت المدينة الكبيرة بما فيها


ولا عمرك وليدي تقول ما عنديش اهمية ،عندك اهمية وبلاصتك ما يقدر يعمرها حتى واحد .
قرايتك ،الباك ،الجامعة ،الثقافة ، الخدمة نشالله لاه حكمت على روحك بالفشل قبل ما تبدى .
،تولي سيد في بلادك عندك اللي يحتارمك ويقولك يا سي الحسين ، تكبر بقدرك وعاطييلك المحيطين بيك قدرك وقيمتك مرتك عربية متربية كيما انت ،ولادك يترباو كيما انت.


روح اقعد وحدك فالسطح وقول بصوت عالي بحيث تسمع روحك

أنا ناجح ورايح ننجح بإذن الله
بلادي مليحة فيها نقائص بصح مليحة.
حياتي مليحة

عاودها عدة مرات وشوف كيفاه ترتاح .

ماتصدقش الكذابين راهم متمرمدين لهنا لا ما راحت صحتو تروح كرامتو ولا يروحو مع بعض.
نحي الفكرة من راسك وحط الدراهم في كونت وخبيهم واخدم فالعطل وزيد عليهم وسمي باسم الله وشوف كيفاه يباركلك ربي فيهم.
احترامي وتقديري لك
حلم كبير​

 

[ليليا مرام]

واه ختي نيشان عندك الحق (الوطن بخير وكل الشباب يعملون ولا توجد اي بطالة وكل الناس ساكنين في شقق والناس متساوية ولا توجد عنصرية)
علاه نحرقو غير في بلادنا ونبقو مخصنا والو راني بخيييييييير
عن جد عندك الحق

مصطفى خويا
والله عاذرينكم والله يحسن عونكم اناثديمت نقول انا مرا ولو نحتاج بلاصتي الدار ويحسن عون ليجون لا خدمة لا زواج لا مستقبل مي يا خويا واش دير فبلاد الناس تحسابو صح المعيشة هناك راهي تترامى اواه راكم غالطين الذل اللي يشوفو فيه هناك عالم بيه ربي يرقدو برا ويتخباو من لابوليس وخلي المعاملة وهلي وخلي نحكيلك عن تجارب ناس نعرفهم شخصيا والله تروح وتروح ودور وتولي غير لبلادك عارفة مليار حاجة ناقصة مي كيما قال الملك الازرق لما تروح تكون قادر على شقاك قاري معاك شهادة تروح فطيارة علاه يماك ويماه مش امهات ترمو رواحكم للبحر وللحوت والام هذي حرام عليكم لالا انا عندي الحق انينخمم فحسين وخوك تخمامي فخويا اللي ما نحبو لخويا ما نحبوش ليكم تنذلو وتتمرمدو اتكلو على ربي اسعاو للرزق والله لو تخدم تسلح الطريق مش عيب هذاك سيد الرجالمي ولادنا لازم بيرو لازم يخلص 10 ملاين والا ما يخدمش الناس تبيع الحمصوفاتحين اسر اللي يقنع بالحلال مهما كان رله ربي يمدلو ما يخلعك اللي قدك يفوت عليك بالاودي لالا خويا ربي عالم منين جابها عندو 20 سنة يسوق اودي دير 500 مليون منين هذا ورث ورث قارون ماكانش منها يا خويا 5 الاف فالجيب والراس مهني ولا 500 تقوعير قدام الناس وكحلة قدام ربي
خمم مليح انت وهو مصطفى خويا راه ربي يحاسبكم على النفس هذي وخمو فالأم هذيك شوي

 

[ليليا مرام]

خويا حلم كبير
الله يفرحك لانو نصحتو نصيحة الاب والاخ. الاكبريسمحلي حسبن نقول حاجة
حسين يحس بفراغ بزاف خاطر ما عرفش باباه مات وخلاه صغير ربي يرحمو والله متعلق باباه بدرجة كبيرة والصور برك حسين حاب يعوض غياب والدو وانا قتلو انو الحرقة ماشي حل على العكس يبقى هنا ويقوم بيماه وينجح ياما ناس نجحت بلاما عندها شهادات نعرف ناس معاقين واثبتو وجودهم ونجحو وناس بلا شهادات راهم فاعلى المراكز الارادة والاتكال على ربي ودعوة الوالدين هذي اللي تنجح
انا ما يخلعونيش ليزيميقري يسمحولي. اللي عايشين فالغربه ما يغركش شكلهميبكو من قلبهم الداخل هذيك اوف وبوف كي يجو بيها فالصيف وابا وي ومغسي راهم يخرجو فالقهر من داخل الميقري اللي يجي هنا يدي اابطاطا والجلبانة واش من معيشة تغرب عليها باه ياكل لحم كل يوم علاه مارانش ناكلو باه يدير طونوبيل راهم هنا النسا وكسبو طونوبيلات لبستهم ياحي يرحم الشيفون يروحو يتكساو. منو وحاشا البعض خليما من هذي لو تشوف كيفاه بتوحشو البلاد والحومة وريحة رمضان والعيد البراني براني مهماتتغرب دايما واسمك الحراق وحاي من بلاد كذا وانت وين تروح دزيري وتموت هناك تلمك بلادك
ربي يهديكم
خويا حلم ربي يبارككك فيك لانو حسيتك اب وانت تنصح فيه ربي يجازيك

 

[Mustapha Bita]

مصطفى خويا
والله عاذرينكم والله يحسن عونكم اناثديمت نقول انا مرا ولو نحتاج بلاصتي الدار ويحسن عون ليجون لا خدمة لا زواج لا مستقبل مي يا خويا واش دير فبلاد الناس تحسابو صح المعيشة هناك راهي تترامى اواه راكم غالطين الذل اللي يشوفو فيه هناك عالم بيه ربي يرقدو برا ويتخباو من لابوليس وخلي المعاملة وهلي وخلي نحكيلك عن تجارب ناس نعرفهم شخصيا والله تروح وتروح ودور وتولي غير لبلادك عارفة مليار حاجة ناقصة مي كيما قال الملك الازرق لما تروح تكون قادر على شقاك قاري معاك شهادة تروح فطيارة علاه يماك ويماه مش امهات ترمو رواحكم للبحر وللحوت والام هذي حرام عليكم لالا انا عندي الحق انينخمم فحسين وخوك تخمامي فخويا اللي ما نحبو لخويا ما نحبوش ليكم تنذلو وتتمرمدو اتكلو على ربي اسعاو للرزق والله لو تخدم تسلح الطريق مش عيب هذاك سيد الرجالمي ولادنا لازم بيرو لازم يخلص 10 ملاين والا ما يخدمش الناس تبيع الحمصوفاتحين اسر اللي يقنع بالحلال مهما كان رله ربي يمدلو ما يخلعك اللي قدك يفوت عليك بالاودي لالا خويا ربي عالم منين جابها عندو 20 سنة يسوق اودي دير 500 مليون منين هذا ورث ورث قارون ماكانش منها يا خويا 5 الاف فالجيب والراس مهني ولا 500 تقوعير قدام الناس وكحلة قدام ربي
خمم مليح انت وهو مصطفى خويا راه ربي يحاسبكم على النفس هذي وخمو فالأم هذيك شوي

اول نقطلة اختي (اقسم بالله ثم اقسم بالله عشت تقريبا اكثر من 3 سنوات في البرتغال والله عشت مثل الملك وانا جد مفلس عند دهابي)
ثاني نقطة لقال ان الشاب الجزائري يريد مرتب ب10 ملايين(هاد من سابع المستحيلات) ولايوجد منصب للشباب (الزواولة .مع انهم مفكرين جدا في نمو البلد)
اقسم بالله تعرفت على مجموعة كبيرة جدا من الجزائريين والعرب في الغرب اكثرهم مفكرين ومبدعين لم ياخدو اي فرصة من بلدانهم
ثالث نقطة اختي منبيعش الحمص (مشي عيب) بصح مشي ولادهم وبناتهم يقراو ويفرتو ليفاكونس في اوروبا وانا كما الغريب عندهم

انا مرنيش قانط عادي نخدم بحرفتي بصح من تشوف ان البلد طبقات والقوي ياكل الضعيف ترى انعدام الانسانية وعدم العدل ووو اشياء كثيرة والله
انا كحرفي تقدمت الى الدولة لتساعدني لانشاء مصنع كبير ولاكن لايوجد شيء بدون نفود او رشاوي او ماشابه

 

[ليليا مرام]

اول نقطلة اختي (اقسم بالله ثم اقسم بالله عشت تقريبا اكثر من 3 سنوات في البرتغال والله عشت مثل الملك وانا جد مفلس عند دهابي)
ثاني نقطة لقال ان الشاب الجزائري يريد مرتب ب10 ملايين(هاد من سابع المستحيلات) ولايوجد منصب للشباب (الزواولة .مع انهم مفكرين جدا في نمو البلد)
اقسم بالله تعرفت على مجموعة كبيرة جدا من الجزائريين والعرب في الغرب اكثرهم مفكرين ومبدعين لم ياخدو اي فرصة من بلدانهم
ثالث نقطة اختي منبيعش الحمص (مشي عيب) بصح مشي ولادهم وبناتهم يقراو ويفرتو ليفاكونس في اوروبا وانا كما الغريب عندهم

انا مرنيش قانط عادي نخدم بحرفتي بصح من تشوف ان البلد طبقات والقوي ياكل الضعيف ترى انعدام الانسانية وعدم العدل ووو اشياء كثيرة والله
انا كحرفي تقدمت الى الدولة لتساعدني لانشاء مصنع كبير ولاكن لايوجد شيء بدون نفود او رشاوي او ماشابه

ايه راني معاك كاين ليجون نجحو فالخارج خاطر هناك فبعض الدول يهمهم عقلك لا منين جيت ولا ديانتك تخدم وعندك شهادة يمدولك فرصة ونعرف هنا رشاوي ومعارف ويحطمو مي يا خويا لو انا نبقى نخمم فولادهم وننسى ربي اللي هو مد الارزاق اواه لالا
نقولك انا ثاني نبقى نخمم وعلاه هذا عندو ملاير وانا ما لقيتش باه نداوي امالا نكفر بربي والا نسرق ولو انا عانيت من الدولة حقي نعالج حقي نخدم حقي كمواطنة بلادي داويني مي لالا ربي الشافي تغيضني ايه مرات كنت نروح ويتمسخرو بيا فالضمان وختى وزارة الصحة نخرج نبكي من عندهم نوكل ربي ونرجع لدارنا مي والله ما نخلي بلادي رحت لتركيا باه نشوف عمليتي ولقيت خدمة فمطعم مي والله ويعطوني ملاير ما نخلي يمى وبلادي 3 ايام تقلقت وليت نبكي باه نرجع ما قدرتش
خويا يحسن عونكم والله مقدرة الظروف مي انت شاطر وعرفت الغربة ونجحت هناك مي كاين حراقة ماتو كاين جاعو ماتو فالثلج يرقدو برا
نقولك الصح اللي يروح يكون قاري خدام يوجد ويروح قانوني ماشي يرمي روحو للبحر
يا خويا ربي يوفقك هنا او هناك

 

[Mustapha Bita]

ايه راني معاك كاين ليجون نجحو فالخارج خاطر هناك فبعض الدول يهمهم عقلك لا منين جيت ولا ديانتك تخدم وعندك شهادة يمدولك فرصة ونعرف هنا رشاوي ومعارف ويحطمو مي يا خويا لو انا نبقى نخمم فولادهم وننسى ربي اللي هو مد الارزاق اواه لالا
نقولك انا ثاني نبقى نخمم وعلاه هذا عندو ملاير وانا ما لقيتش باه نداوي امالا نكفر بربي والا نسرق ولو انا عانيت من الدولة حقي نعالج حقي نخدم حقي كمواطنة بلادي داويني مي لالا ربي الشافي تغيضني ايه مرات كنت نروح ويتمسخرو بيا فالضمان وختى وزارة الصحة نخرج نبكي من عندهم نوكل ربي ونرجع لدارنا مي والله ما نخلي بلادي رحت لتركيا باه نشوف عمليتي ولقيت خدمة فمطعم مي والله ويعطوني ملاير ما نخلي يمى وبلادي 3 ايام تقلقت وليت نبكي باه نرجع ما قدرتش
خويا يحسن عونكم والله مقدرة الظروف مي انت شاطر وعرفت الغربة ونجحت هناك مي كاين حراقة ماتو كاين جاعو ماتو فالثلج يرقدو برا
نقولك الصح اللي يروح يكون قاري خدام يوجد ويروح قانوني ماشي يرمي روحو للبحر
يا خويا ربي يوفقك هنا او هناك

امين ويوفقكم كاع

 

[Amine7N]

النـــاس تطفي وأنـــت تحـــرق !!!
ويــن غــادي تروح ؟؟ للجنــة ؟؟
رانـــي نحير فيكم
ياااووو النــاس عايشة في ميزيرية أكثر منك
وراهي تحـــارب وقاعدة في هــاذي البلاد

المهم إذا رحـــت متندمش درتها بيديك حلها بأسنانك
وربي يهديــــك

 

[الامين محمد]

السلام عليكم و رحمه الله تعالى وبركاته
أعرف أنه في نظرك أنا آخر واحد يمكن أن يقدم لك نصيحة في هذا .
لكن الله وحده يعلم بحال وأحوال الناس ولن أتحدث عن نفسي هنا لاننا أحسن من ناس كثيييرة هنا.

ندورهالك دارجة باه تحطها في راسك مليييييح
الميgرية نتاع بلادنا كذابين حاشى اللي ما يستاهلهاش خاصة الفواخين ،العام بطولو وهو يغسل فالماعن للgاورية ويخرجلها كلابها يحوسو ،ويلبس غير الدرابل وحارم روحو من لقمة في كرشو ،وكي يعود هابط يشري زوج كسوات من المرشي نتاع العرب ويشري لعايلتو الريحة المدرحة يعني التقليد من المرشي ،ويدير هاذيك الصاكة الصغيرة على كتفو والشابو الاكحل والنواظر نتاع 5اورو ويهبط هاز الفاليزات ويتقلش اللي يشوفو من ولاد بلادو يقول فرانسا دايرتلو دواح وتدوح بيه ( هوما اللي كذبو عليكم ووراولكم الجنة في اوروبا)
ويجيك العميد نتاع الكلية بكل تبجح يقلك جا من عندكم طبيب وما خليناهش يدخل يقرا ويكمل ونتا بشهادتك نتاع زوج كلمات تحوس تكمل.... كيفاه ما تهبلش.

هذا اللي عندو شهادة كاين نسا جاو لهنا بشهاداتهم باش يخدمو نحاو الخمار ويربيو في ولات الgور .

خليني نفرغلكم قلبي اليوم على الكذابين ونكشفلكم فرانسا والمانيا وأوروبا كامل
وشكون اللي راه ناجح هنا سقسيوني نقولكم

هيا سقسيوني
سقسيتوني؟
ضرك نقولكم
ما كانش اللي ناجح
النجاح لا تقصدو بيه الدراهم كاينين المتخشين هنا مليانين دراهم بصح واش الفرق بين وبين اليهودي؟ ما كانش

النجاح نتاع المعيشة ؟ ايييييه زعما المعيشة رخيصة المعيشة رخيصة ورخيصة على الجيهتين رخيصة في انو الزوالي هنا يقدر يعيش ، بصح الزوالي يرخص روحو (نهدر على الزوالي العربي الgاوري ما علاباليش بيه)
يرخص روحو يخدم يهنبر يغسل يسيق .... يخدم غير الخدمة اللي يعافوها سيادو ،ولازم يسكت ويقول ميرسي ميسيو ،ويقول باردون ،ويزيدو يعايروه ويقولولو بونيول ،
اللي راه يقلك المعيشة هنا مليحة كذب عليك ويحوسك تتمرمد كيما هو وكي تلحق اللهنا يضحك عليك ويقولك واش كنت حاسب ساهلة ولا فرانسا واعرة لوروب واعرة ،والله هاذي هدرتهم كي تلحق هنا تروح تقعد في فوايي نتاع الكلوشارات لا ما عطاوك الطرايح صباح وعشية يخدموك عليهم ،تقولي نروح للشارع تلقاك الشرطة ترجعك لبلادك ..... وين تروح ؟
تربية ولادك يدخلولك فيها .
عندهم الرشوة
عندهم المعرفية
عندهم حاجةزايدة علينا فالشر اللي هي العنصرية

بعد اللي قلتو جاوبني على سؤال واحد فاه لوروب خير من بلادك وانت بحالتك اللي راك فيها ؟
واش أغراك فيها؟
واش حاب تولي في حياتك؟
صح واش راك حاب تولي كاين غير فاللوروب؟
احلامك الدراهم وخلاص؟
ولا عندك احلام تجاه الأمة نتاعك؟


سمعت بقصة الحجرة الصغيرة اللي فالسد وناضت فالليل تبكي وقالت ما عندي حتى اهمية في وسط هاذ الحجار الكبار اللي شادين السد ،وكملت تصغر في روحها حتى واحد الليلة قررت تغادر بلاصتها وتروح لبلاصة يستعرفو بيها فيها ، هي تنحات من بلاصتها وهو راب السد وغرقت المدينة الكبيرة بما فيها


ولا عمرك وليدي تقول ما عنديش اهمية ،عندك اهمية وبلاصتك ما يقدر يعمرها حتى واحد .
قرايتك ،الباك ،الجامعة ،الثقافة ، الخدمة نشالله لاه حكمت على روحك بالفشل قبل ما تبدى .
،تولي سيد في بلادك عندك اللي يحتارمك ويقولك يا سي الحسين ، تكبر بقدرك وعاطييلك المحيطين بيك قدرك وقيمتك مرتك عربية متربية كيما انت ،ولادك يترباو كيما انت.


روح اقعد وحدك فالسطح وقول بصوت عالي بحيث تسمع روحك

أنا ناجح ورايح ننجح بإذن الله
بلادي مليحة فيها نقائص بصح مليحة.
حياتي مليحة

عاودها عدة مرات وشوف كيفاه ترتاح .

ماتصدقش الكذابين راهم متمرمدين لهنا لا ما راحت صحتو تروح كرامتو ولا يروحو مع بعض.
نحي الفكرة من راسك وحط الدراهم في كونت وخبيهم واخدم فالعطل وزيد عليهم وسمي باسم الله وشوف كيفاه يباركلك ربي فيهم.
احترامي وتقديري لك
حلم كبير​

فوق كلامك ما عندي ما نزيد
وليدي حسين سمع الكلمة و اخطيك
اذا يبست راسك رايح تندم بزاااف ثم انت راك تقرا
زعما تبطل القراية و تروح راك غالط يا ولدي

 

[فيتامين سي]

سلام
ديرتي اختك و رايحة تنصحك و تحكي معاك
اخي الصغير . تعلمت حاجة قبل متدير اي خطوة لازم تدرسها مليح
درك ريح مع عقلك في بلاصة فارغة توضى و صلي ركعتين بعيد على الناس و دعي ربي ينورلك طريقك
و من بعد ريح و خمم علاش راك باغي تحرق ؟! خممت الطريق !؟ لا قدر الله كاش ميصرالكم قلب يماك يبقا محروق لا تعرف ولدها حي ولا ميت خممت اهلك و احبابك شايصرا فيهم
ياسيدي وصلت وين تروح !؟ راك حاسبها ساهلة !؟ تعيش حياة الذل و الاهانة و التمرميد .تحسب نتم بلا اوراق بلخف تخدم !؟ صديقتي في فرنسا مع راجلها و بالاوراق و بخدمتو متمرمدين راها تستنا اول فرصة و ترجع للبلاد .
مقريش خدم خمم تطور روحك شوف هواياتك ولا المجال لي يعجبك و تعلم و خدم فيه الخدمة ماشي عيب و هذا الوقت تعلم اللغات حتى كي تروح تروح فاهم ماشي 00
نزيد نسقسيك راك رايح و وصلت .وين تسكن وين تعيش شا تخدم .خممت فيها علابالك الخدمة لي عايفها هنا نتم تخدمها و بالذل
راك حاسب فرنسا و اسبانيا لي خالعينكم تروح تتهنا اواه راجع حياباتك نتم تبدا التمرميد
دراهم باش تروح معندكش و باغي تروح منك صح .ربي يهديك و نهار تبغي تروح روح بقيمتك ولا قعد في بلادك