سلام عليكم لحاب يعاوني

[♡كارينا♡]

السلام عليكم
اخي الكريم ...انا مارانيش رايحة نضيف شي على لي قالوه الاعضاء قبلي كفاو وفاو بصح انت باين من هدرتك مصر على قرارك لي مافيه حتى فائدة او مصلحة ليك ..اخر حاجة تروح تم تولي ترقد على الكارطون ...واذا هنا وكرهت اصبر تروح تما وتشوف كيفاش الحالة والله رايح تندم ....
المهم ماعندي مانقولك غير ربي يهديك ويوريلك الطريق الصح ...وربي يكون معاك

 

[♡كارينا♡]

hocine ben@ شحال في عمرك خويا

 

[ليليا مرام]

السلام عليكم
قريت كل ردودكم ماشاء الله والسي خونا مازال مصر وانا راني منايفاتو وما نهدرش معاهِخويا حلم ما تقولو لا اسمحلي لا والو لازملو طريحة نتاع اب واخ اكبر ونظنها تجي منك مليحة هو يتبع فالراي التالف وباغي يروح ويخلي يماه اقسم بالله هو يروح خلوه يروح. غايضتني يماه ام تترمل صغيرة وما تتزوجش باه تربي اولادها يكبرو يحرقو ويخلوها والله مسكينة ضيعت حياتها معاك يا حسين. الخاوة دارو اللي عليهم وانت راسك خسين يا خويا البحر قدامك روح وربي يسامحك

 

[♡كارينا♡]

وين رايحين تحرقو فرنسا يخي هي لي حولتنا بلد المليون ونصف مليون شهيد ولا نسيتها هادي ...مليون ونصف مليون شهيد واومبعد تروح انت تخدم قرصون عندهم لالا ياخيي اقعد اخدمها في بلادك خيرلك والله ....
حيرني شحال في عمرو هدا لي رايح يحرق ..لوكان جى كبير ويعرف ما يخممش يحرق

 

[ليليا مرام]

hocine ben@ شحال في عمرك خويا

حسين عندو 18 سنة مازال يقرا ما وصلش ل 18 وتشوفيه والله ما يبان عندو 18 يبان اقل مازال صغير ويتبع فالراي التالف هو ما شافش جماعات يدو دراهم وفوسط البحر يرمو الحراقة صرات فوهرن وصرات فعنابة ربي يهديه

 

[دعاء الجنات]

جاني الظحك ومانيش قادرة نظحك

 

[أم أُنٌَيسة]

علابالك اختي ليليا مرام وين يسكن ؟
ادا علابالك نبعثولو واحد من الاخوة يمدولو طريحة تهبل​

 

[Amine7N]

18 سنـــة !!!!
وحاب تحرق !!!
نعطيـــك حــل أخــر !!!
روح أدخـــل العســــكر
الخلصة راهي مليحــة شوية
وتقدر تعاون عايلتك والتأمين كــاين
وإذا معجبكش كمل كونترا وأخــرج
خير ماتحرق وتحرق قلب أمك

 

[♡كارينا♡]

حسين عندو 18 سنة مازال يقرا ما وصلش ل 18 وتشوفيه والله ما يبان عندو 18 يبان اقل مازال صغير ويتبع فالراي التالف هو ما شافش جماعات يدو دراهم وفوسط البحر يرمو الحراقة صرات فوهرن وصرات فعنابة ربي يهديه

اه هدا في 18 الله يبارك هاد العمر ومايعرفش صلاحو انا عمبالي في 14/13سنة والله صدمني لامراهقة ولاهم يحزنون قالك 18صغير والله كبير نورمالمو يعرف صلاحو ويعرف الراي التالف من صحيح ..واذا مش عارف من عندي عمري 19سنة ونقولو تحرق هادي غير اخطيك منها عمرها ماتكون في صلاحك والا حاب تروح لفرنسا اخدم ودير باسبور وسافر كي خلق ربي قاع علاش تروح تدخل في الحرام وتموت في البحر بعيد الشر ..اقعد في بلادك اقعد ...

 

[أم أُنٌَيسة]

18 سنـــة !!!!
وحاب تحرق !!!
نعطيـــك حــل أخــر !!!
روح أدخـــل العســــكر
الخلصة راهي مليحــة شوية
وتقدر تعاون عايلتك والتأمين كــاين
وإذا معجبكش كمل كونترا وأخــرج
خير ماتحرق وتحرق قلب أمك

حل جميل جدا ومعقول اخي الكريم
بارك الله فيك وجزاك خيرا
لكن نظن هو يحب اللي يضربو لانو كل كلام ماقنعوش​

 

[♡كارينا♡]

علابالك اختي ليليا مرام وين يسكن ؟
ادا علابالك نبعثولو واحد من الاخوة يمدولو طريحة تهبل​

نقولك واش ندير انا قولولي وين رايحين يحرقو اعطوني العنوان ونرووح نبيع بيهم والله يرموهم كامل في الحبس يوروهم فرنسا زين كيفاش دايرة قالك نحرق

 

[ليليا مرام]

علابالك اختي ليليا مرام وين يسكن ؟
ادا علابالك نبعثولو واحد من الاخوة يمدولو طريحة تهبل​

اهلا اختي
يسكن فوهرنوانا باينتلي نروح لدارهم والطريحة يديها مني ومن يماه والله لو عندي رقم امو نخبرها لانو راح يروح بلاما يقولها
الله يهديه

 

[ليليا مرام]

18 سنـــة !!!!
وحاب تحرق !!!
نعطيـــك حــل أخــر !!!
روح أدخـــل العســــكر
الخلصة راهي مليحــة شوية
وتقدر تعاون عايلتك والتأمين كــاين
وإذا معجبكش كمل كونترا وأخــرج
خير ماتحرق وتحرق قلب أمك

اهلا خويا
ابه هذا حل مستقبل ويخدم على اهلو ويخدم بلادو وعندو اجر ولا سم الله يموت فيها يموت شهيد ويا سعدو اللي مات شهيد من.كل الجوانب مليحة ولا الحرقة وغسيل الماعن

 

[أم أُنٌَيسة]

نقولك واش ندير انا قولولي وين رايحين يحرقو اعطوني العنوان ونرووح نبيع بيهم والله يرموهم كامل في الحبس يوروهم فرنسا زين كيفاش دايرة قالك نحرق

اهلا اختي
يسكن فوهرنوانا باينتلي نروح لدارهم والطريحة يديها مني ومن يماه والله لو عندي رقم امو نخبرها لانو راح يروح بلاما يقولها
الله يهديه

نبعثو واحد من الاخوة يمدلو طريحة
ولا تان رايك اختي كرينا مليح بزاف​

 

[هواري بومدين.]

نقولك واش ندير انا قولولي وين رايحين يحرقو اعطوني العنوان ونرووح نبيع بيهم والله يرموهم كامل في الحبس يوروهم فرنسا زين كيفاش دايرة قالك نحرق

تبيعينا .. أذا أكي حابة تجي لوهران من الجلفة و متوليش و حابة تموتي أرواحي لوهران و بيعينا ... مرحبا بك

باش تمدي نصائح .. نبيعهم و حبس و كاع ... أياي رواحي بيعي .. متخرجيش حية ..

 

[هواري بومدين.]

السي خونا وانا راني منايفاتو وما نهدرش معاهِخويا حلم ما تقولو لا اسمحلي لا والو لازملو طريحة

سلام
ههه و الله جبتيلي ضحكة على هدي الكلمة (السي خونا ) علاه تنايفيني والله لا نبغيك و الله لا نحبك و من قلب كي ختي ... تسمى تبغيلي نتمرمد هنا فلبلاد .. علاه يا ساراه علاه .. محبيتهاش منك

 

[هواري بومدين.]

جاني الظحك ومانيش قادرة نظحك

راه باطل ...

 

[هواري بومدين.]

18 سنـــة !!!!

روح أدخـــل العســــكر

العسكر لي راك تهدر عليه عمرك في حياتك ما تزيد تقولي على العسكر ... عمي مات عسكري قتلاتو Bomb .. بابا كومندو .. @ليليا مرام شافته مات Accident ..
واش حبيت .. نزيد انا

 

[هواري بومدين.]

سلام عليكم
و الله حبيت برك نشوفكم أسكو تبغوني نروح تشجعوني راه نروح مي و الله هنا عرفتكم بلي قاع نسملاح و تبغولي غيل الخير​

@حلم كبير @ليليا مرام @missing heart و كامل اعضاء لي ردو بارك الله فيكم
شاركتو معايا فكاميرا كاشي ...
ههههه بارك الله فيكم صحييييييتو .. لكم مني أجمل تحية .. ♥ ♥

 

[هواري بومدين.]

@ليليا مرام حبتني نحلف
قسم بالله ماراني رايح​