اعادة البكالوريا للمقصيين بسبب التاخر ...مع / ضد ؟

[sosobibicha]

السلام عليكم
كاين فرق بين واحد تأخر لاسباب مقنعة و واحد تأخر لاسباب تافهمة مقدرش ينوض الصباح -.- كاين ناس غشاشين وردوهم ثاني
صح تغيضك الناس لي قصاوهم بسبب دقيقة او اثنين راح تعبهم هكاك بصح شوية راهم قالو توصلو للمركز قبل بنصف ساعة كاين لي حبست بيهم السيارة و كاين لي انقطعت بيهم الطريق بصح هذا راه امتحان و لازم نديرو كل الاحتمالات "انا من الدار للمتوسطة لي فوت فيها ساعة باه نوصل و ساعة نرجع للدار كنت نروح بكري و نبقا ساعة قدام الباب حتى يفتحو المركز " و الكارثة الكبرى الراسبين يعاودولهم صح مليحة ليهم و مكانش كيما فرحة النجاح لكن يشوفو لصحاب 10 و 11 هاذ المعدلات دوك ماهومش ينفعوا و يزيدو يرفعوا من معدلات القبول !
لي راهم يقولو الصيام ميأثرش صح مياثرش بزاف بصح كاين ناس بقاو برا في الشمس بين مادة و اخرى و كيما حنا العلوم 4 ساعات و نصف و حنا في القسم على الاقل نركزو ساعتين و من بعد صايي لكن كي يكونوا فاطرين ياكلوا حبة حلوة طلعهم السكر و لو بنسبة قليلة و يقدرو يشربوا شوية ماء و بالنسبة للمواضيع ممكن يسهلولهم ممكن يصعبولهم اذا سهلولهم يظلموا و اذا صعبوا يظلموا
ببساطة كاين سلبيات و ايجابيات لكن السلبيات اكثر و يبقى مجرد رأي اردت مشاركتكم به فقط
ربي يوفق الجميع ​

 

[أم منيــــــر]

السلام عليكم
كاين فرق بين واحد تأخر لاسباب مقنعة و واحد تأخر لاسباب تافهمة مقدرش ينوض الصباح -.- كاين ناس غشاشين وردوهم ثاني
صح تغيضك الناس لي قصاوهم بسبب دقيقة او اثنين راح تعبهم هكاك بصح شوية راهم قالو توصلو للمركز قبل بنصف ساعة كاين لي حبست بيهم السيارة و كاين لي انقطعت بيهم الطريق بصح هذا راه امتحان و لازم نديرو كل الاحتمالات "انا من الدار للمتوسطة لي فوت فيها ساعة باه نوصل و ساعة نرجع للدار كنت نروح بكري و نبقا ساعة قدام الباب حتى يفتحو المركز " و الكارثة الكبرى الراسبين يعاودولهم صح مليحة ليهم و مكانش كيما فرحة النجاح لكن يشوفو لصحاب 10 و 11 هاذ المعدلات دوك ماهومش ينفعوا و يزيدو يرفعوا من معدلات القبول !
لي راهم يقولو الصيام ميأثرش صح مياثرش بزاف بصح كاين ناس بقاو برا في الشمس بين مادة و اخرى و كيما حنا العلوم 4 ساعات و نصف و حنا في القسم على الاقل نركزو ساعتين و من بعد صايي لكن كي يكونوا فاطرين ياكلوا حبة حلوة طلعهم السكر و لو بنسبة قليلة و يقدرو يشربوا شوية ماء و بالنسبة للمواضيع ممكن يسهلولهم ممكن يصعبولهم اذا سهلولهم يظلموا و اذا صعبوا يظلموا
ببساطة كاين سلبيات و ايجابيات لكن السلبيات اكثر و يبقى مجرد رأي اردت مشاركتكم به فقط
ربي يوفق الجميع ​

عندك الحق و تاني كاين لي ما كانوش محضرين ول ما خدموش مليح اليوم الاول لقاوها سبة
بصح كان لازم عليهم ينتبهو اكثر هادا متحان ماشي لعبة
كما وحدة نعرفها نهار ثالث يوم ما راحتش قاتلك حسباتو يوم راحة بالله عليكم هادي يتقبلها لعقل و لغدوة كي راحت طردوها سي نورمال
كاين لي داروها بلعاني يقولك اقصاء ول لخسارة و كاين لي كانو ضحية الوقت و البعد و بزاف صوالح
و لي يقول الصيام ما ياثرش ما كانش منها بنتي قاتلي كاين لي رقدو في الفترة المسائية من شدة التعب ما قدروش مع السخانة
الحمد لله ربي يوفقهم كامل

 

[sosobibicha]

عندك الحق و تاني كاين لي ما كانوش محضرين ول ما خدموش مليح اليوم الاول لقاوها سبة
بصح كان لازم عليهم ينتبهو اكثر هادا متحان ماشي لعبة
كما وحدة نعرفها نهار ثالث يوم ما راحتش قاتلك حسباتو يوم راحة بالله عليكم هادي يتقبلها لعقل و لغدوة كي راحت طردوها سي نورمال
كاين لي داروها بلعاني يقولك اقصاء ول لخسارة و كاين لي كانو ضحية الوقت و البعد و بزاف صوالح
و لي يقول الصيام ما ياثرش ما كانش منها بنتي قاتلي كاين لي رقدو في الفترة المسائية من شدة التعب ما قدروش مع السخانة
الحمد لله ربي يوفقهم كامل

صح و الله وحدة قعدت في الطابلة لي قدامي في الاسلامية طولو باه جابولنا المواضيع و الله رقدت حتى نوضوها و المواد لي فيهم سوايع بزاف يلحق نصف الوقت كاين لي ميكتبوش من التعب حتى الاساتذة لي يحرسوا جابو الماء و بقاو غير يغسلوا في وجوهم و يروحوا و يخرجو و يدخلو عاد هوما غير قاعدين و يشوفو فما بالك حنا بصح واش نقولو لي مجربش و مشافش التعب تجيه ساهلة و الكلام ساهل مقارنة بالافعال كون نبقا نحكي شا كاين منكملش حتى غدوة ربي يجيب الخير و صايي
اللهم امين ربي ينجح الجميع ان شاء الله ​

 

[أم أُنٌَيسة]

السلام عليكم ورحمة الله تعالى وبركاته
انا ضد اعادة البكالوريا
واضع نفسي مكان احد المقصيين
قرات في الاستدعاء انو لازم نكون في المؤسسة قبل الوقت بربع ساعة ،تم تحديد الشروط فالاستدعاء
حتى وان تاخرت لظروف قاهرة كالنقل وغيره بالنسبة لي عادي ماشافش ربي فيها خير ،اما انو يطردو واحد فكرسي متحرك بسبب تاخره هدي مانقبلهاش
المشكل موش في اعادة البكالوريا او لا المشكل فالتعليم وين راه واصل راهو قاعد غير يزيد يهبط للحظيظ
من قبل كانو يطالبو بالعتبة المرة الجاية يطالبو باعادة الباك
مابقا والو فبلادنا ،لأاتعليم صالح ولا اي شيء
لانو اكيد لما يتاثر التعليم تتاثر الميادين الاخرى
واشمن باك يعاودوه ؟؟؟
علاه ادا طردتوم لما تاخرو ؟؟؟؟؟
خليتوهم يعقبو بما انو الظروف لم تساعدهم وعلاه تطردوهم ومن بعد تعادو الباك ؟؟؟
هدي الحاجة اللي مافهمتهاش
ماعندي مانقول ،ًحيح امر مؤسف انو يروحلهم عام بصح الجيل هدا اصبح مستهتر هدا واش شفت وانا اولهم فبعض الامور
بارك الله فيك للاشارة
ارجو تقبل مروري
تحياتي احترامي وتقديري لشخصكم الكريم​

 

[Salah eddin]

اخي @habchisalsheddin ممكن انا بالغة في ردت فعلي شوي لانو كي تجي تشوفى فالمكان لي نعيش فيه وتشوف الطلبة كيفاش يحكيو على الظلم الي تعرضولو من طرف الادارة وحتى الحراس كان لهم دور في هذا الظلم تفهم علاش انا مع اعادة الباك

يا ختي ماعليش انا ما درتش على ردة فعلك لاني عارف بلي راكي شايفة الظروف تاعهم
لكن
نكونو منطقيين ..السيد تاخر اكيد رايح يغيضو الحال و اكيد رايحين نشفقو عليه بصح القانون قانون ولو زوج دقايق و لا 10
لانو كن ما نطبقوش القانون راها تلعب و يولي اعادة الباك حق و مطلب شرعي عند البعض
فهميتي ؟​

 

[Salah eddin]

السلام عليكم و رحمة الله
جماعة الخير
الغرض من الموضوع كان معرفة اراءكم و وجهات نظركم
و حسبما شفت
الاغلبية راهم ضد اعادة البكالوريا
ما نزيدش نهدر و نقدم ادلة و كذا لانو كلشي باين ...
..........
و الحريص حريص و لو مانيش عارف وش تعود الظروف
و المتهاون متهاون و لو يخير هو الوقت الي يعقب فيه
و الي غلباتو الظروف الله غالب عليه و حظا اوفر المرة الجاية
من المفروض هذا هو الكلام الي ينقال
لكن الله غالب
رانا في بلاد عمي موح ..عمر راسك و روح
و سياسة ...جقبل و خلي يقبل ..و الترقيع و شراء السلم
....
شكرا على تفاعلكم
و ارجو من المشرف غلق الموضوع لانو رانا وصلنا الهدف منو
@أم منيــــــر ​

 

[شيماء05]

يا ختي ماعليش انا ما درتش على ردة فعلك لاني عارف بلي راكي شايفة الظروف تاعهم
لكن
نكونو منطقيين ..السيد تاخر اكيد رايح يغيضو الحال و اكيد رايحين نشفقو عليه بصح القانون قانون ولو زوج دقايق و لا 10
لانو كن ما نطبقوش القانون راها تلعب و يولي اعادة الباك حق و مطلب شرعي عند البعض
فهميتي ؟​

اااوي خويا فهمتك عندك حق مي نعطيو فرصة للمضلومين ماشي للي دايرينها بالعاني وصاي نطويو النقاش باسكو هوما راح يعاودو وحنا مناش حنحبسوهم ومكلاه نربحو من بعضانا العيب بذيك الهدرة

 

[Salah eddin]

اااوي خويا فهمتك عندك حق مي نعطيو فرصة للمضلومين ماشي للي دايرينها بالعاني وصاي نطويو النقاش باسكو هوما راح يعاودو وحنا مناش حنحبسوهم ومكلاه نربحو من بعضانا العيب بذيك الهدرة

يا اختي هذا يعتمد على تعريفك لكلمة مظلوم
كيفاه مظلوم و هو الي تاخر ؟؟؟
راكي عارفة ويكتا يولي مظلوم ...
اذا غلقو عليه الباب قبل 5 دقايق من الوقت الاصلي و قالولو راك مقصي ..ثم راه مظلوم
اما اذا هو تاخر بدقيقة ..هذا راه هو ظالم روحو
....
و نختمو كلامنا بهذي و خلاص
و راني عارف بلي القرار خلاص راه صدر ...لكن الحق لازم ينقال و لو بعد ذاك
شكرا كي شاركتينا رايك
و
السلام عليكم
​

 

[السلطانة]

وعليكم السلام ورحمة الله وبركاته
مع الاعادة للي تقصاو بسبب التأخر
لانو 2 دقايق تأخر ماشي تاع يقصوهم
كاين اساتذة يديرو الروطار على الحراسة وفي يدهم ربع ساعة ويلحقو وعادي
وتجي غير في التلميذ المسكين ديما هو لي يخلص
ربي يوفقهم ان شاءالله

 

[Salah eddin]

وعليكم السلام ورحمة الله وبركاته
مع الاعادة للي تقصاو بسبب التأخر
لانو 2 دقايق تأخر ماشي تاع يقصوهم
كاين اساتذة يديرو الروطار على الحراسة وفي يدهم ربع ساعة ويلحقو وعادي
وتجي غير في التلميذ المسكين ديما هو لي يخلص
ربي يوفقهم ان شاءالله

اهلا بالاخت و السيدة ام ياسمين
...
شكرا على ابداء رايك معنا


​

 

[ام راس يابس]

وعلاش يا وليدي غاضتك
⁦(^^)⁩

 

[Salah eddin]

وعلاش يا وليدي غاضتك
⁦(^^)⁩

.............؟​

 

[Skor m@k]

السلام عليكم
ياخويا الصالح أنا راني معاك في عدم اعادة الباكالورية مرة ثانية للمقصيين بسبب التأخر
كاين بزاف حاجات لازم يعرفوهم الناس علاه مايلزمش يعاودو للباك
اولها التلاميذ لي جوزو كامل كان مبرمجلهم يدخلو في وقت واحد
علاه هذوك خلاوهم يدخلو وهذوك ماخلاوهمش هذي مافيهاش شطارة ولا
هذي قضية تنظم روحك أنا عن نفسي كنت نوض على 6 تاع الصباح ونخرج بكري من الدار
مع اني ماشي بعيد بزاف علينا هذا هو دير حذرك
وهذي هي لازم الواحد يدير الأسباب والى مالحقش الله غالب
ثانيا لو العام هذا عاودولهم الباك العام الجاي يتكل ومايعييش روو ينوض بكري يقولك الى ماوصلتش يعاودوه
ثالثا الباك مايوليش عندو مصداقية كي يعاودوه والنيفو تاعو يهبط بين الدول
رابعا هذا ماشي ظلم للتلاميذ لي لحقو روطار الأعوام الماضية
ظلم في حقهم علاه العام الماضي ولي قبلو ماعاودولهمش وهذا العام عاودوه
والعام الجاي الى ماعاودوهش ماشي ظلموهم انا هكذا نشوفها لو انا نجوز العام الجاي ومانلحقش بالوقت
هكذاك يكونو ظلموني لو مايعاودوهش
والله كاين بزاف أسباب تخلي الواحد ضد فكرة إعادته
شوف نقولك حاجة لو عاودوههذه السنة العام الجاي تتخلط الحالة
انا مرانيش ضد لي قالو نعم للإعادة بصح على حساب المعطيات لو يعاودوه مايكونش في صالح المنضومة التربوية
وراح تزيد تتعفن اكثر واكثر
يعطيك الصحة خوو
​

 

[ضآحكة مستبشرة]

شكرا على الإشارة أخي صلاح
لي عودة ان شاء الله
قلبي راهو معمر من هاذي الحكاية​

 

[بقايا إنسان]

سلام الله على اخينا صلاح دوما بحول الله مكلل بالفلاح سأرد عن مقالك رغم اني لست في قائمة المعزومين على الردود فاقول
أنا كنت احد مؤطرين لهذه الشهادة وخاصة في هذا الموسم :لقد نال الحر والعطش من المترشحين والحراس والقائمين نيل النار من الهشيم ولم يقوى احد على هذه الايام وكأنها اتت من جهنم فمن شدة تأثير العطش والحر أخطأت ثلاث مرات في كتابة محضر الحراسة فمابالك المترشح الذي يجلس على كرسي المقصلة اما جنة ونعيم واما نار وجحيم
حتى اذا اتي اليوم الرابع وطلت عليهم مادة الفيزياء سقط الجمع صرعى مغشي عليهم ولم يتحملوا لاصعوبة الاختبار ولا طول اسئلته فما ان انتهى هذا اليوم افل نجمع ما يقارب ال 40 بالمئة وغادروا قاعات الامتحان قبل نيهايته بيوم (الله غالب) جاهم الحمل ثقيل ولا يكلف الله نفسا الا وسعها
اما فيما يخص اعادة دورة ثانية فهي طوق نجاة للمسؤولين وحفظ ماء وجوههم خشية ان تبقى هذه الظاهرة سنة لمن بعدهم ويعزف الجمع عن هذا الامتحان الذي بات امره سياسيا اكبر مما هو علميا تربويا
تحياتي لك اخي الكريم ولقلمك المثابر

 

[أم منيــــــر]

الاسوا هو انو النتائج لي رانا نستناو فيها نهار 15 جويلية رايحة تتاجل الى الاسبوع الاول من اوت باش يعلنو النتائج في يوم واحد
تبا لهم نزيدو نسناو شهر عوض 15 يوم
واحد يريح وواحد يخلص

 

[أم منيــــــر]

بعض النقابات طالبت باش تكون الاعادة في سبتمبر باش يعطو فرصة للراسبين باش يعاودو
و لكن الوزارة قطعت الطريق و قررت باش تكون يوم 13 جويلية
الله يوفق الجميع

 

[بنفسج]

الاسوا هو انو النتائج لي رانا نستناو فيها نهار 15 جويلية رايحة تتاجل الى الاسبوع الاول من اوت باش يعلنو النتائج في يوم واحد
تبا لهم نزيدو نسناو شهر عوض 15 يوم
واحد يريح وواحد يخلص

مكانش منها ؟؟
وراكي متأكدة ..خبر مؤكد ؟؟
باربي واشمن بلاد هااادي

 

[أم منيــــــر]

مكانش منها ؟؟
وراكي متأكدة ..خبر مؤكد ؟؟
باربي واشمن بلاد هااادي

وااااه يا لحبيبة حتى انا طلعلي السكر كي شفتها
هدرو عليها في النهار و الشروق قالك قرار وزاري
راني نطلب ربي يلغيوه
شتي بلاد ميكي هادي
كل عام تبهديلة و حكاية لازم يديرونا في حكايات الف ليلة و ليلة

 

[بنفسج]

وااااه يا لحبيبة حتى انا طلعلي السكر كي شفتها
هدرو عليها في النهار و الشروق قالك قرار وزاري
راني نطلب ربي يلغيوه
شتي بلاد ميكي هادي
كل عام تبهديلة و حكاية لازم يديرونا في حكايات الف ليلة و ليلة

لا حول ولا قوة الا بالله
علاه يلعبولنا باعصابنا هااك المعاودة قلنا معليهش
بصح النتائج ثاني يؤجلوهااا ؟؟؟؟؟؟؟؟؟؟
صااافي نزييد نستنااا شهر اخر باش نعرف
تجي تفهم تحير ....