اعادة البكالوريا للمقصيين بسبب التاخر ...مع / ضد ؟

[بنفسج]

لا حول ولا قوة الا بالله
علاه يلعبولنا باعصابنا هااك المعاودة قلنا معليهش
بصح النتائج ثاني يؤجلوهااا ؟؟؟؟؟؟؟؟؟؟
صااافي نزييد نستنااا شهر اخر باش نعرف
تجي تفهم تحير ....ربي صبرني

 

[أم منيــــــر]

لا حول ولا قوة الا بالله
علاه يلعبولنا باعصابنا هااك المعاودة قلنا معليهش
بصح النتائج ثاني يؤجلوهااا ؟؟؟؟؟؟؟؟؟؟
صااافي نزييد نستنااا شهر اخر باش نعرف
تجي تفهم تحير ....

شفتي و الله يلعبونا باعصابنا نتع الصح و يضيعولنا وقتنا
كامل فرحنا لهم كي عاودولهم بصح هكدا خسرت الحالة كامل
حسبنا الله و نعم الوكيل

 

[Salah eddin]

السلام عليكم
ياخويا الصالح أنا راني معاك في عدم اعادة الباكالورية مرة ثانية للمقصيين بسبب التأخر
كاين بزاف حاجات لازم يعرفوهم الناس علاه مايلزمش يعاودو للباك
اولها التلاميذ لي جوزو كامل كان مبرمجلهم يدخلو في وقت واحد
علاه هذوك خلاوهم يدخلو وهذوك ماخلاوهمش هذي مافيهاش شطارة ولا
هذي قضية تنظم روحك أنا عن نفسي كنت نوض على 6 تاع الصباح ونخرج بكري من الدار
مع اني ماشي بعيد بزاف علينا هذا هو دير حذرك
وهذي هي لازم الواحد يدير الأسباب والى مالحقش الله غالب
ثانيا لو العام هذا عاودولهم الباك العام الجاي يتكل ومايعييش روو ينوض بكري يقولك الى ماوصلتش يعاودوه
ثالثا الباك مايوليش عندو مصداقية كي يعاودوه والنيفو تاعو يهبط بين الدول
رابعا هذا ماشي ظلم للتلاميذ لي لحقو روطار الأعوام الماضية
ظلم في حقهم علاه العام الماضي ولي قبلو ماعاودولهمش وهذا العام عاودوه
والعام الجاي الى ماعاودوهش ماشي ظلموهم انا هكذا نشوفها لو انا نجوز العام الجاي ومانلحقش بالوقت
هكذاك يكونو ظلموني لو مايعاودوهش
والله كاين بزاف أسباب تخلي الواحد ضد فكرة إعادته
شوف نقولك حاجة لو عاودوههذه السنة العام الجاي تتخلط الحالة
انا مرانيش ضد لي قالو نعم للإعادة بصح على حساب المعطيات لو يعاودوه مايكونش في صالح المنضومة التربوية
وراح تزيد تتعفن اكثر واكثر
يعطيك الصحة خوو
​

اهلا خويا مالك
هذا كلام منطقي و حكيم
و الله راك وضحت كل وش كنت حاب نقول و نوضح
بارك الله فيك
يعطيك الصحة على المشاركة والتوضيح و نتمنى يفهمو وش رانا حابين نقولولهم
شكرا​

 

[Salah eddin]

شكرا على الإشارة أخي صلاح
لي عودة ان شاء الله
قلبي راهو معمر من هاذي الحكاية​

اهلا اسما
اهلا بيك و شرفينا بمرورك
​

 

[Salah eddin]

سلام الله على اخينا صلاح دوما بحول الله مكلل بالفلاح سأرد عن مقالك رغم اني لست في قائمة المعزومين على الردود فاقول
أنا كنت احد مؤطرين لهذه الشهادة وخاصة في هذا الموسم :لقد نال الحر والعطش من المترشحين والحراس والقائمين نيل النار من الهشيم ولم يقوى احد على هذه الايام وكأنها اتت من جهنم فمن شدة تأثير العطش والحر أخطأت ثلاث مرات في كتابة محضر الحراسة فمابالك المترشح الذي يجلس على كرسي المقصلة اما جنة ونعيم واما نار وجحيم
حتى اذا اتي اليوم الرابع وطلت عليهم مادة الفيزياء سقط الجمع صرعى مغشي عليهم ولم يتحملوا لاصعوبة الاختبار ولا طول اسئلته فما ان انتهى هذا اليوم افل نجمع ما يقارب ال 40 بالمئة وغادروا قاعات الامتحان قبل نيهايته بيوم (الله غالب) جاهم الحمل ثقيل ولا يكلف الله نفسا الا وسعها
اما فيما يخص اعادة دورة ثانية فهي طوق نجاة للمسؤولين وحفظ ماء وجوههم خشية ان تبقى هذه الظاهرة سنة لمن بعدهم ويعزف الجمع عن هذا الامتحان الذي بات امره سياسيا اكبر مما هو علميا تربويا
تحياتي لك اخي الكريم ولقلمك المثابر

اهلا بيك خويا بقايا انسان
شكرا على مشاركتك القيمة و الكافية و الوافية
راك ذكرت و وصفت وصفا دقيقة الحالة الي عاشوها الناس الي عقبو الباك في رمضان
و من كلامك نقدر اذا تسمحلي نحدد موقفك من بين الموقفين المطروحين و هو المع او الضد
و يظهرلي انك ضد
رغم انك ما دافعتش على موقفك
شكرا و بارك الله فيك ​

 

[Salah eddin]

الاسوا هو انو النتائج لي رانا نستناو فيها نهار 15 جويلية رايحة تتاجل الى الاسبوع الاول من اوت باش يعلنو النتائج في يوم واحد
تبا لهم نزيدو نسناو شهر عوض 15 يوم
واحد يريح وواحد يخلص

هذي بلاد عمي موح
اخدم ارضك يا فلاح
ههههه​

 

[Only me]

السلام عليكم ورحمة الله تعالى وبركاته
والله صراحة هاذ الموضوع راه مطروح بقوة في دارنا بما أنو خاوتي أساتذة وماراهم فاهمين فيها والو في هاذ القرار البزنطي التعسفي
أنا رايي ورأي كل العائلة من رايك لعدة أسباب منها
- المعيدين يعديو في ظروف أحسن وأريح ،، تعدي وحدك في القسم أحسن من 20 راس تتنفس الأكسجين معاك هههه
- المعيدين عندهم فرصة يعاودو يراجعو امليح
- المعيدين كاين منهم لي غاب لأنو شاف روحو ماخدمش في اليوم الأول مش لأنو مالحقش ، وخلي لي بقاو يستناو في السوجي يخرج

وزيد الكارثة خويا صغير خدم في الأمانة وحكالنا على ناس حكموهم رايحين يغشو وقبل مايديرو بيهم محضر هربو من قاعة الامتاح واعتبروهم متأخرين واليوم راهم رايحين يعاودو يعديو بكل صحانية وجه

وخلي تاع يفوتو الخميس ويريحو الجمعة وووو ماهذا يا هذا ؟؟؟؟
ربي يجيب الخير في هاذ البلاد وانت يعطيك الصحة على الموضوع راك حطيت يدك على الجرح ​

 

[بقايا إنسان]

اهلا بيك خويا بقايا انسان
شكرا على مشاركتك القيمة و الكافية و الوافية
راك ذكرت و وصفت وصفا دقيقة الحالة الي عاشوها الناس الي عقبو الباك في رمضان
و من كلامك نقدر اذا تسمحلي نحدد موقفك من بين الموقفين المطروحين و هو المع او الضد
و يظهرلي انك ضد
رغم انك ما دافعتش على موقفك
شكرا و بارك الله فيك ​

سلام على اخي الكريم صلاح انما موقفي واضح وهو انو شهادة الباكالوريا هذا العام لم يٌحسب لها حساب رمضان ورمضائه فكانت وبالا على الطلبة ولم ينتبه لها الا بعد انتصاف ايام الامتحان فعبثنا بطلبتنا الى ما لا تحتمله طاقتهم قيام بالليل او مراجعة وامتحان في حجرات تتجاوز حرارتها 40 في النهار شيء لا يقبله العقل والذي يده في الماء ليس كمثل الذي يده على النار جربنا وشفنا معانات الطلبة واغماءات الطالبات بكل ما تحمل المعنى من كلمة ضحينا بولادنا ولما غادروا ساحات الاختبار بشرنا المقصيين منهم باعادة الاختبار في شهر شوال مناورات اتخذها القائمين على هذه الشهادة لا تخدم الطلبة بقدر ما تحفظ لهم ماء الوجه

 

[Salah eddin]

سلام على اخي الكريم صلاح انما موقفي واضح وهو انو شهادة الباكالوريا هذا العام لم يٌحسب لها حساب رمضان ورمضائه فكانت وبالا على الطلبة ولم ينتبه لها الا بعد انتصاف ايام الامتحان فعبثنا بطلبتنا الى ما لا تحتمله طاقتهم قيام بالليل او مراجعة وامتحان في حجرات تتجاوز حرارتها 40 في النهار شيء لا يقبله العقل والذي يده في الماء ليس كمثل الذي يده على النار جربنا وشفنا معانات الطلبة واغماءات الطالبات بكل ما تحمل المعنى من كلمة ضحينا بولادنا ولما غادروا ساحات الاختبار بشرنا المقصيين منهم باعادة الاختبار في شهر شوال مناورات اتخذها القائمين على هذه الشهادة لا تخدم الطلبة بقدر ما تحفظ لهم ماء الوجه

يا سيدي قوللنا اسمك باه نعيطولك... بيه بقايا انسان هذي ثقيلة ههه
...
اما فيما يخص النقاش ...فاني معك في قولك ان الباكلوريا لم يحسب لها حساب
لكن تجاوزنا هذا..و من ادرك الامتحان بتعبه ادركه و من تخلف عنه تخلف ...
انما نحن نتحدث بصورة الناس الجالسين في المقهى ...ما رايك في اعادة الباك ؟ ...هذا هو النقاش بعيدا عن الكولسة و سوء التاطير و البرمجة وغيرها
فلو افترضنا ان البكلوريا مرت في ظروف مثالية ...هل يصح اعادة البكالوريا للمقصيين ؟​

 

[Salah eddin]

السلام عليكم ورحمة الله تعالى وبركاته
والله صراحة هاذ الموضوع راه مطروح بقوة في دارنا بما أنو خاوتي أساتذة وماراهم فاهمين فيها والو في هاذ القرار البزنطي التعسفي
أنا رايي ورأي كل العائلة من رايك لعدة أسباب منها
- المعيدين يعديو في ظروف أحسن وأريح ،، تعدي وحدك في القسم أحسن من 20 راس تتنفس الأكسجين معاك هههه
- المعيدين عندهم فرصة يعاودو يراجعو امليح
- المعيدين كاين منهم لي غاب لأنو شاف روحو ماخدمش في اليوم الأول مش لأنو مالحقش ، وخلي لي بقاو يستناو في السوجي يخرج

وزيد الكارثة خويا صغير خدم في الأمانة وحكالنا على ناس حكموهم رايحين يغشو وقبل مايديرو بيهم محضر هربو من قاعة الامتاح واعتبروهم متأخرين واليوم راهم رايحين يعاودو يعديو بكل صحانية وجه

وخلي تاع يفوتو الخميس ويريحو الجمعة وووو ماهذا يا هذا ؟؟؟؟
ربي يجيب الخير في هاذ البلاد وانت يعطيك الصحة على الموضوع راك حطيت يدك على الجرح ​

صح يا اختي
انا نعرف ناس ما عقبوش اصلا
و ضرك راهم رايحين يعاودو
يقولك راكم حاسدينهم ..الله يسهل افهموها حسد و لاغيرة الله يسهل
لازم يكون كاين العدل و التكافؤ في الفرص
و زيدي العفسة تاع الجمعى راحة ..هذو راهم يطبعو فيهم بالسيف باه يطلعو و ياربي
الله يهدي و خلاص
شكرا يا اخت على المشاركة​

 

[بقايا إنسان]

يا سيدي قوللنا اسمك باه نعيطولك... بيه بقايا انسان هذي ثقيلة ههه
...
اما فيما يخص النقاش ...فاني معك في قولك ان الباكلوريا لم يحسب لها حساب
لكن تجاوزنا هذا..و من ادرك الامتحان بتعبه ادركه و من تخلف عنه تخلف ...
انما نحن نتحدث بصورة الناس الجالسين في المقهى ...ما رايك في اعادة الباك ؟ ...هذا هو النقاش بعيدا عن الكولسة و سوء التاطير و البرمجة وغيرها
فلو افترضنا ان البكلوريا مرت في ظروف مثالية ...هل يصح اعادة البكالوريا للمقصيين ؟​

يا اخي الكريم اوضح لك قولي فأقول:ماكان ينبغي اعادة الباكالوريا ابدا ماحدث قد حدث ومن نجح نجى ومن رسب وفقه الله مرة اخرى وما اسعى من اجله هو ان اعادة شهادة الباكالوريا في بلادنا ليس جديد فقد اعيدت نهاية السبعينات وكما قلت كانت لحفظ ماء وجه المسؤولين لا اكثر وكانت نسبة النجاح وقتها لا تذكر وهانحن الان نعود لماضينا لكن بجيل جديد عن الماضيه غافل
اعادة الباكالوريا معناها فشل المنظومة برمتها
اما في ما يخص اسمي فنادني بأخي فهو اصدق

 

[Salah eddin]

يا اخي الكريم اوضح لك قولي فأقول:ماكان ينبغي اعادة الباكالوريا ابدا ماحدث قد حدث ومن نجح نجى ومن رسب وفقه الله مرة اخرى وما اسعى من اجله هو ان اعادة شهادة الباكالوريا في بلادنا ليس جديد فقد اعيدت نهاية السبعينات وكما قلت كانت لحفظ ماء وجه المسؤولين لا اكثر وكانت نسبة النجاح وقتها لا تذكر وهانحن الان نعود لماضينا لكن بجيل جديد عن الماضيه غافل
اعادة الباكالوريا معناها فشل المنظومة برمتها
اما في ما يخص اسمي فنادني بأخي فهو اصدق

اهلا من جديد ...أخي
اي والله
كيما هاك راك وضحت رايك زين في زين
امالا اعادة الباك راها في صالح المسؤولين اكثر من التلاميذ
ايا راني فهمتك زين ضرك
شكرا يا ..أخي ...كي وضحت

​

 

[Salah eddin]

شفتي و الله يلعبونا باعصابنا نتع الصح و يضيعولنا وقتنا
كامل فرحنا لهم كي عاودولهم بصح هكدا خسرت الحالة كامل
حسبنا الله و نعم الوكيل

البريكولاج من كل جيهة
ههه
هذاك ما حلبت
هه​

 

[حروف تائهة]

السلام عليكم
يعطيك الصحة خويا الحبشي على الموضوع
بصراحة انا رأيي كرأيك
يعني علاش كل هذي البلبلة
خليتوهم يعاودو تلعام الجاي و صايي
و لي يقلك مساكن و ظروفهم و ماعرف واش
هاا بركاونا واش الدزاير كامل عندها ظروف؟
ها ماكانش منها
ثلاث او اربع طلبة فقط لي عندهم ظروف و الباقي تاخر عن الوقت
يعني بلا مانغطو عين الشمس بالغربال
الشعب كامل نعرفو بعضانا مانتقيدوش بالوقت و المواعيد و هذي حاجة ماش جديدة علينا
الباك تاع لبلاد ولات 000 و غير معترف بها دوليا
من كثر ما صرات فيها مشاكل
كل مرة يديرو دورة ثانية
هااا عام ولا زوج و تولي كيما البيام
لي ماينجحش بالباك يطلعوه بمعدلاتو تاع وسط العام
مابقاتش باك هذي
ديجا هاك ورانا ولينا نخافو نروحو للطبيب
تروح على وذنك ترجع بلا عين
بركاونا قالو دورة ثانية
و اسمحولي على الاطالة عادلي ياسر ماشاركتش مشاركة مليحة :p
في امان الله

 

[salah.f]

الله لا تربحك يا الرايس و يا بن عفريت و يا المسؤولين خمجتو وفسدتو التعليم خاصتا وكل القطاعات عامتا وراهم يتعمدو هاذا المهم
انا ضد فكرة يتعاود الباك عندو قيمتو فالخارج هههه وزادولو مع العلم حتى في الدول الأوروبية الي يتأخر راح يقصى
بالنسبة لي واحد يتاخر على ماذا على حلم حياتو هاذا الباك ماشي عرس ولا موعد ... عندي انا يستاهل الاقصاء والحبس من فوق
في الاستدعاء يقول نصف ساعة قبل خلاص مكان حتى نقاش
تبدى تجوز على الساعة 9:00 نوض على الخمسة انا مكونتش نقدر نرقد الساعة 6اخرج من الدار عندك تلاث ساعات تلحق للمريخ
في الأخير الي مهتم صح بالباك كان راح يدير المستحيل باه يلحق قبل الوقت ...

 

[Salah eddin]

السلام عليكم
يعطيك الصحة خويا الحبشي على الموضوع
بصراحة انا رأيي كرأيك
يعني علاش كل هذي البلبلة
خليتوهم يعاودو تلعام الجاي و صايي
و لي يقلك مساكن و ظروفهم و ماعرف واش
هاا بركاونا واش الدزاير كامل عندها ظروف؟
ها ماكانش منها
ثلاث او اربع طلبة فقط لي عندهم ظروف و الباقي تاخر عن الوقت
يعني بلا مانغطو عين الشمس بالغربال
الشعب كامل نعرفو بعضانا مانتقيدوش بالوقت و المواعيد و هذي حاجة ماش جديدة علينا
الباك تاع لبلاد ولات 000 و غير معترف بها دوليا
من كثر ما صرات فيها مشاكل
كل مرة يديرو دورة ثانية
هااا عام ولا زوج و تولي كيما البيام
لي ماينجحش بالباك يطلعوه بمعدلاتو تاع وسط العام
مابقاتش باك هذي
ديجا هاك ورانا ولينا نخافو نروحو للطبيب
تروح على وذنك ترجع بلا عين
بركاونا قالو دورة ثانية
و اسمحولي على الاطالة عادلي ياسر ماشاركتش مشاركة مليحة :p
في امان الله

ههه
اهلا بيك زكية ...بصح راكي دخلاي عليها gوش دروات
ههه
بشوي يا بنت عمي خليهم يتنفسو شوية
ههه
..
اما بعد ..صح كلامك ..الي عندهم صح ظروف قاهرة راهم يتحسبو على الاصابع اما الاخرين تهاون و فقط
انا نعرف اخرين حضرو نهار واحد و كي عرفو بلي الدعوة ما تشكرش جبدو رواحهم
و ضرك راهم رايحين يعاود ق العافية
و نعرف اخرين ما راحوش اصلا باه يعقبو الباك و ضرك ثاني راهم رايحين يعقبو كي يا ايها الناس
و الناس الي عقبو في رمضان صحلهم التعب و العطش و الخدمة الناقصة
هذا هو الحال
شكرا يا زكية على المشاركة الصاخبة ..ههه
يعطيك الصحة​

 

[GI Joe]

yzidou ytal3o 99pr 100 w yethanaw !! kol 3am tokhredj hadja djdida
tmeskhir a mon avis w zid kooolech b drahem li rayhin yakhedmou f 2eme bac ey maydirouhech 3la wedjh rabi lazemelhom des primes w masroof yzid yroh mel budget !!

 

[Salah eddin]

الله لا تربحك يا الرايس و يا بن عفريت و يا المسؤولين خمجتو وفسدتو التعليم خاصتا وكل القطاعات عامتا وراهم يتعمدو هاذا المهم
انا ضد فكرة يتعاود الباك عندو قيمتو فالخارج هههه وزادولو مع العلم حتى في الدول الأوروبية الي يتأخر راح يقصى
بالنسبة لي واحد يتاخر على ماذا على حلم حياتو هاذا الباك ماشي عرس ولا موعد ... عندي انا يستاهل الاقصاء والحبس من فوق
في الاستدعاء يقول نصف ساعة قبل خلاص مكان حتى نقاش
تبدى تجوز على الساعة 9:00 نوض على الخمسة انا مكونتش نقدر نرقد الساعة 6اخرج من الدار عندك تلاث ساعات تلحق للمريخ
في الأخير الي مهتم صح بالباك كان راح يدير المستحيل باه يلحق قبل الوقت ...

اهلا خويا صلاح
صح و الله ق خربو القطاعات و هردو السوق و خلات و ذرات و راحت و ما ولات
الدعوة هربت يا خويا
و صح الي مهتم بحاجة راه يوفرلها اسبابها مهما كانت الصعاب الا الحاجة القاهرة جدا جدا ذيك الساعة الله غالب ..مش نعاودولو الباك
ياودي هذا قاشي يحبها طايبة و ممذوقة هو يسرط برك
هذي هي
الله يهدي و خلاص
ناس تحبها راقدة و تمونجي
و لقاو على من يتكاو
ربحت دزاير امالا ...
شكرا خويا​

 

[Salah eddin]

yzidou ytal3o 99pr 100 w yethanaw !! kol 3am tokhredj hadja djdida
tmeskhir a mon avis w zid kooolech b drahem li rayhin yakhedmou f 2eme bac ey maydirouhech 3la wedjh rabi lazemelhom des primes w masroof yzid yroh mel budget !!

هذا هو
كل عام حاجة جديدة و الباك راه عاودوه اكثر من اعادة الهدف تاع بوقرة في ماتش الكوديفوار
هههه
و الميزانية تاع الباك الزاوج اكيد رايحة تكون كبيرة ق كيما الاول
و هذي فايدتهم
ما بيهم لا تلاميذ لا سيدي عيسى
السوق لاعب و البلاد تمشي على الريح
شكرا يا اخت على المشاركة
​

 

[salah.f]

يعطيك الصحة...