**خيرة جانت **ضيفة العدد السابع من شيف لماوية في ضيافتنا

[ام أمينة]

عدت بمجموعة اخرى من الاسئلة :​

1. موقف طريف او مضحك مر عليك أثناء الطبخ ؟​
2. موقف سيئ مر عليك أثناء الطبخ ؟​
3. كيفاش تتصرفي الا جاوك ضياف على غفلة ؟ و واش قادرة تطيبيلهم؟​
4. هل انت من عشاق الحار او لالا؟​
5. في رمضان هل تدخلي للكوزينة بكري؟​
6. ماهي اطباقك المفضلة في رمضان؟​
7. هل تتابعين الوصفات على اليوتوب ؟ ان كان نعم هل تجربينها ؟​
8. هل انتي من محبات الاكل السريع يعني الجاهز من المطاعم؟​
9. وصفات سهلة للغراتان تقترحينها علي ؟​

لي عودة باذن الله

 

[خيرة جانت]

عدت بمجموعة اخرى من الاسئلة :​

لي عودة باذن الله

اهلين غاليتي ومرحبا بعودتك من جديد
فيما يخص أسئلتك

1. موقف طريف او مضحك مر عليك أثناء الطبخ ؟ خطرة كنت نقلي فالبصل والطنجرة كانت تزغدلي فوق البوطة كي نحرك بالمغرف وبلا مانفيق طاحتلي فالقاع ايا مالزعاف خبطها بكراعي حتى خرجت من باب الكوزينة ههههه والكارثة اما كانت داخلة الكوزينة رخستني
2. موقف سيئ مر عليك أثناء الطبخ ؟كنت نحب نتعلم الحلويات ومرة في مناسبة تاع جيران حبيت نعاونهم في حلوى المحقن وانا مانعرفش ايا كي هزيت راسي لقيتهم يتهامزو عليا ويضحكو غاضتني عمري هههه هكذا وماتعلمتش العكس كرهت الحلويات التقليدية.
3. كيفاش تتصرفي الا جاوك ضياف على غفلة ؟ و واش قادرة تطيبيلهم؟ ضياف الغفلة ساهل ماهل نديرلهم معجنات ولاسوب ومسكوتشو قهوة واتاي .
4. هل انت من عشاق الحار او لالا؟ لست من عشاقه بالصح ناكل كي نسخف
5. في رمضان هل تدخلي للكوزينة بكري؟ الوحدة نبدا نطيب ههههه بالصح مانجي نخرج حتى يأذن.
6. ماهي اطباقك المفضلة في رمضان؟الشربة اكيد وأي نوع طاجين والتحليات وطبعا المعجنات
7. هل تتابعين الوصفات على اليوتوب ؟ ان كان نعم هل تجربينها ؟ نعم وبقوة والحمد لله طبقت الكثير منها وتعلمت بزاف حوايج وتقنيات.
8. هل انتي من محبات الاكل السريع يعني الجاهز من المطاعم؟ لالا نحب ماكلة الدار خاصة الأطباق الثقيلة أو التقليدية.
9. وصفات سهلة للغراتان تقترحينها علي ؟بالنسبة ليا نحب طاجين الجبن ونعتبرو أشهى والذ قراتان ،مشكورة حبيبتي نورتي نتمنى تكون الإجابات مقنعة

 

[ام أمينة]

عدت بمجموعة اخرى من الأسئلة
الله غالب علابالي هبلتك ​

1. هل تشترين التوابل جاهزة يعني مطحونة او تشريها حب او عيدان و تنقيها فالدار و ترحيها ؟​
2. طريقة تخزينك للثوم ؟​
3. هل للفرينة دور في نجاح الحلويات او المعجنات او انواع الخبز ؟ و اي نوع تستعملين ؟​
4. شفت واحد الظاهرة وحدة تطيب كمية من الاكل تكفي لاسبوع لانها تحب تخرج و تروح ضيفة و كي تولي للدار غير تسخن الماكلة و تعطيها لزوجها و لاولادها ؟لوكان كنتي بلاصتها تديريها ؟ و واش رايك في هاد الظاهرة ؟ ​
5. واش ردك فعلك كي تخسرلك اكلة طيبتيها او كيك حضرتيه؟​

اكتفي بهذا القدر و لي عودة ان شاء الله ​

 

[خيرة جانت]

عدت بمجموعة اخرى من الأسئلة
الله غالب علابالي هبلتك ​

مرحبا مرحبا انست تشرفني غاليتي

1. هل تشترين التوابل جاهزة يعني مطحونة او تشريها حب او عيدان و تنقيها فالدار و ترحيها ؟ هي على حسب الظروف اذا كنت مزروبة نشري الجاهز بكميات قليلة ،اما اذا كنت في ليتسع الحق نفضل نشري التوابل حب وعيدان ونقيها مليح وكل ما احتجت نرحي بالشوي ونستعمل الهاون في ذلك ههههه كيما لعجايز.
2. طريقة تخزينك للثوم ؟نقولك الصح انا الثوم مانخزنوش نشري قيس حاجتي كل مرة .واذا صرات وبغيت نخزنو مايفوتش سمانة في المجمد ندقو مع شوية ملح في الهاون حتى يترحى مليح ونحطو في علبة محكمة الغلق ونحفظو فالمجمد.
3. هل للفرينة دور في نجاح الحلويات او المعجنات او انواع الخبز ؟ و اي نوع تستعملين ؟اكيد غاليتي الفرينة الجيدة دور كبير في نجاح أغلب وصفات المعجنات والمخبوزات ،لانو كل ماكانت جيدة تضمني الهشاشة والطراوة والنتيجة الجيدة. بالصح نقولك الصح نخير نوعية الفرينة كي نكون نخدم في الحلويات والمعجنات اكثر شي خاصة العجين المورق والبريوش .... اما الخبز عادي اللي جات نخدم بيها. ،نستعمل بزاف سيم هو المخير عندي.
4. شفت واحد الظاهرة وحدة تطيب كمية من الاكل تكفي لاسبوع لانها تحب تخرج و تروح ضيفة و كي تولي للدار غير تسخن الماكلة و تعطيها لزوجها و لاولادها ؟لوكان كنتي بلاصتها تديريها ؟ و واش رايك في هاد الظاهرة ؟ طبعا انا ضد الفكرة تماما لأن مثل هذه الأخت راها تفتح للامراض واولها السرطان عفانا الله واياكم أوسع الابواب إلى أجساد أفراد عائلتها بهذا الاسلوب الغذائي الغير صحي. انا والحمد لله مانديرهاش وحتى ويلا تحتمت نحفظ الماكلة في الثلاجة مالازمش تفوت ثلاثة ايام
5. واش ردك فعلك كي تخسرلك اكلة طيبتيها او كيك حضرتيه؟ كل مرة وكيفاش اذا كان هنالك طريقة نقدر ننقذ بيها الطبق ونحولو لطبق آخر ما نراطيهاش اما اذا كان فزد خلاص هاي هاي هاي نرميه ونبكي على وقتي ومجهودي ههههههه

 

[ام أمينة]

مرحبا مرحبا انست تشرفني غاليتي

1. هل تشترين التوابل جاهزة يعني مطحونة او تشريها حب او عيدان و تنقيها فالدار و ترحيها ؟ هي على حسب الظروف اذا كنت مزروبة نشري الجاهز بكميات قليلة ،اما اذا كنت في ليتسع الحق نفضل نشري التوابل حب وعيدان ونقيها مليح وكل ما احتجت نرحي بالشوي ونستعمل الهاون في ذلك ههههه كيما لعجايز.
2. طريقة تخزينك للثوم ؟نقولك الصح انا الثوم مانخزنوش نشري قيس حاجتي كل مرة .واذا صرات وبغيت نخزنو مايفوتش سمانة في المجمد ندقو مع شوية ملح في الهاون حتى يترحى مليح ونحطو في علبة محكمة الغلق ونحفظو فالمجمد.
3. هل للفرينة دور في نجاح الحلويات او المعجنات او انواع الخبز ؟ و اي نوع تستعملين ؟اكيد غاليتي الفرينة الجيدة دور كبير في نجاح أغلب وصفات المعجنات والمخبوزات ،لانو كل ماكانت جيدة تضمني الهشاشة والطراوة والنتيجة الجيدة. بالصح نقولك الصح نخير نوعية الفرينة كي نكون نخدم في الحلويات والمعجنات اكثر شي خاصة العجين المورق والبريوش .... اما الخبز عادي اللي جات نخدم بيها. ،نستعمل بزاف سيم هو المخير عندي.
4. شفت واحد الظاهرة وحدة تطيب كمية من الاكل تكفي لاسبوع لانها تحب تخرج و تروح ضيفة و كي تولي للدار غير تسخن الماكلة و تعطيها لزوجها و لاولادها ؟لوكان كنتي بلاصتها تديريها ؟ و واش رايك في هاد الظاهرة ؟ طبعا انا ضد الفكرة تماما لأن مثل هذه الأخت راها تفتح للامراض واولها السرطان عفانا الله واياكم أوسع الابواب إلى أجساد أفراد عائلتها بهذا الاسلوب الغذائي الغير صحي. انا والحمد لله مانديرهاش وحتى ويلا تحتمت نحفظ الماكلة في الثلاجة مالازمش تفوت ثلاثة ايام
5. واش ردك فعلك كي تخسرلك اكلة طيبتيها او كيك حضرتيه؟ كل مرة وكيفاش اذا كان هنالك طريقة نقدر ننقذ بيها الطبق ونحولو لطبق آخر ما نراطيهاش اما اذا كان فزد خلاص هاي هاي هاي نرميه ونبكي على وقتي ومجهودي ههههههه

​

 

[خيرة جانت]

في انتظاركن غالياتي

 

[السلطانة]

كات استضافة رائعة لشيفة غنية عن التعريف بارك الله فيك اختي

وفي الاخت اية نور اليقين والاخت ام امينة نهديكما وسام التفاعل
وضيفتنا الكريمة نهديها وسام الضيافة
نلتقي مع عدد ثامن ان شاءالله مع شيفة اخرى