من فضلكم ساعدوني بارائكم

[malek]

السلام عليكم
انا اليوم حبيت نقولكم على المشكل لي راه مقلقني انا انسانة مجتهدة في دراستي و نحب لقراية بزاف و الحمد الله انا ديما كنت متفوقة في دراستي و هدا العام راني ربحت الباك بمعدل مليح ولكن راكم عارفين عقلية لعرب نتاعنا ونظرتهم للجامعة انا الحمد الله والديا من صغري و هما يشجعوني على قرايتي بصح اليوم راه عندي مشكل جدي مراهش حابني نروح للجامعة بحكم ان الجامعة صعيبة في هدا الوقت وانا راني خايفة نروح للجامعة و جدي مهوش راضي عليا والله غي راني حايرة كيفاه نعمل براي جدي و نقعد في الدار و لا نكمل قرايتي و متنساوش انا انسانة كثير طموحة و راني حابة نوصل بعيد في قرايتي و انتم الله يخليكم مدابيكم تعطيوني رايكم

 

[Badech]

نقلك راي
انتي اللي تقري ماشي جدك
انا رايي البس الحجاب تاعك والخمارة كوني محترمة

وروحي للجامعة

مجرد راي
​

 

[عبيق الريحان]

السلام عليكم
أنا في رايي كملي قرايتك مادامك طموحة جدا و حاولي تقنعي جدك لخاطرش المعيشة راهي غالية بزاف

 

[اناس]

حنونتي أنا من رايي تكملي قرايتك وما تقطعيش طموحاتك وحياتك على جال كلمة قالهاجدك بالك هو عندو الحق بصح أنتي إذا كنتي فحلة وواثقة من روحك تعرفي كيفاش تسيري حياتك في الجامعة وما طيحيش في هفوات الشباب الطايش
روحي وقراي وبرهنيلهم بالي قادرين يثيقو فيك ويتكلو عليك وكملي حياتك كيما خططتيلها وماتقطعيهاش بالاك رايحة تندمي بعدها
هذا رايي و الكلمة الأولى والأخرة ترجع ليك خمي مليح

 

[دودو لبزاف]

انا من رايي جدك ما يعرفش مستقبل ديالك اكثر منك .................

 

[اسهاء]

من رايى تكملى دراستك وخصوصا انك من المتفوقين

والجامعة ما تخوف ما والو

تفوت ليامات وتتعودى عليها

وتعرفى كيفاش تسايرى امورك معاها

هى تحتاج شوى شطارة وكلش يكون مليح باذن الله

ونتمنالك التوفيق ان شاء الله



​

 

[malek]

بارك الله فيكم على الردود وانا تاني اني خممت باه نكمل قرايتي و لي يصرا يصرا المهم تكون النية الحسنة و الاحترام و انا الحمد الله والديا عاملين فيا ثقة كبيرة و لهدا لازمني نكمل قرايتي و نحقق اهدافي باه نبرهن لهم اني قادرة نوصل بعيد

 

[الناصر صلاح الدي]

بارك الله فيكم على الردود وانا تاني اني خممت باه نكمل قرايتي و لي يصرا يصرا المهم تكون النية الحسنة و الاحترام و انا الحمد الله والديا عاملين فيا ثقة كبيرة و لهدا لازمني نكمل قرايتي و نحقق اهدافي باه نبرهن لهم اني قادرة نوصل بعيد

يعطيك الصحة.احسن ما درتي

 

[اجمل زهرة]

ياطيك الصحة ما تنفعك غير قرايتك في هاد الوقت ما تضيعيهاش و ديري المستحيل على جالها

​

 

[rashid113]

نقلك راي

انتي اللي تقري ماشي جدك
انا رايي البس الحجاب تاعك والخمارة كوني محترمة​

وروحي للجامعة

مجرد راي​

كيما قالك الاخ

 

[POLIYANA]

الله غالب جدك تاني بالاك خايف عليك من واش قاعد يسمع بالصح تاني هدا مستقبلك و كون تخلي هدي الفرصة تندمي عليها بزاف بزاف اتوكلي ربي و روحي تقراي .الوقت مشا وراحت هدي العقلية تاع بكري الطفلة تحكم الدار .المهم كي يكونو والديك راضين هاديك هي .انا من رايي اتكلي على ربي وهو يوفقك.

 

[jiji 94]

أنا من رايي تكملي قرايتك لانها هي المفيدة في الاخير .​

 

[محامي الجزائر]

أختي جدك عنده نظرة الاب الحنون على ابنته ولكن من وجهة نظري اكملي دراستي فا أصعب مرحلة هي مرحلة الثانوي حيث تكون الانتقال من مرحلة المراهقة الي الوعي وان شاء الله خير.​