هاو لحق الطحين ولا مكانش الرجال فالدزاير ولا كيفاش

[BellojojO]

والله صح تحير في لي زالجيريان
كي حبو يتقدمو ماتقدموا بقليل

وفرحانين بيهم امس يصورو فيهم
:cursing::cursing::cursing:


ربي يهدينا برك

يعطيك الصحة
​

 

[asma2090]

ربي يجيب ساعة الخير ​

 

[abidou 20081]

والله صح تحير في لي زالجيريان
كي حبو يتقدمو ماتقدموا بقليل

وفرحانين بيهم امس يصورو فيهم



ربي يهدينا برك

يعطيك الصحة​

​

وعلاش مايفرحوش ختي لعزيزة ماشي بناتهم لي راهم فالستاد وماتحيري ماوالو مادام كاين الشميات كلش يقدر يصير علاه حسبتي كامل كيف كيف بحالك عندهم النيف والغيرة على كرامتهم ربي يكملك بعقلك وربي يعطيك ماتتمني ختي وربي يجيب الخير برك

 

[abidou 20081]

ربي يجيب ساعة الخير

أمين ختي اسماء ومنين نشوفو وجوهم مانعرف الخير منين يجي بارك الله وفيك وربي ينورك ويعطيك ماتتمني دمتي حرة أصيلة

 

[*amina*]

السلام عليكم اخي الكريم
مهلا فما عهدناك بهذه القسوة و الغضب راح لي راح و دخلو لبنات
انا شفت في تعليق في الشروق و كنت معاه 100/100 هو انو ما الفرق بين الشواطئ و الملاعب
انا افضل بل ااؤيد الذهاب الى الملاعب رفقة العائلة بدل الذهاب الى الشواطئ و رؤية الكاسيات العاريات بلباس البحر اقله لبنات لي كانو في الملعب كانو ساترين رواحهم
اخي هذا لا يعني اني مع ذهاب البنات الى الملاعب لكن مقارنة مع الشواطء فأنا افضل الذهاب الى الملعب بدل التوجه الى هذه الامكان المختلطة وكما رأيت فقد خصص رواق للعائلات و كانو محتشمين في لباسهم
لكن روح للشواطئ الله حرمت باش تروح تريح قدام البحر و النسوان فايتة عليك بلباس البحر والله غير حشومة خاصة اذا كنت مع ابي و لا اخي (الحمد لله مارحنا لبحر مفات علينا موقف كيما هذا)
صحيح ان اغلبية الشباب استهجنو دخول البنات الى الملاعب لكني اؤكد لك اخي الكريم ان اغلبيتهم لك يعارض هذا القرار بهدف الرجلة او النيف كيما نقولو بالعامية لكن استهجنو هذي الطريقة كي دخلو gراتوي و البعض وهناك فئة قليلة من استهجنها بدافع الرجلة و النيف
لكن اذا جئنا و قارنا الملعب بالشاطئ فالملعب ارحم بكثيــــــــــــــــــــــــــــــــــــــــــــر
في الاخير تقبل وجهة نظري اخي
مع فائق احترامي
*بريق االايمان*​

 

[r_sa_f]

الله يستر علينا جميعا
هذا هو حال العباد عندما تبتعد عن الدين نفقد كل المعاير وتتساوي عندنا المتناقضات
اخي في الله لو كل واحد فينا يدير موقف ممكن نغير شيئ ولو قليل لكن هذا هوحالنا نحن في زمن الردائة والسلام عليكم

 

[البراءة]

ايه خويا هدا التطور
كل يوم تطور هههههههههههههههههههه
هدا هوا التطور عندنا:thumbdown:
مشكور على الموضوع خويا
​

 

[طارق القبطان]

ياو هوما داروا البية ب1000ينار على جال باه ما يدخلش معظم الانصار من الشناوة والكواسر والسياربي وغيرهم
من اجل انجاح دناءتهم المتمثلة في دخول العائلات القذرة (المحترمة في رأيهم)
واش يجيك من واحد يقبل يسمع كلام بذيء هو واهله
ماتقولوليش جناح خاص
لاننا نعرف الملاعب ونعرف ان كل اغاني المناصرين تحوي كلاما بذيئا
بصح ماتش زامبيا متيقن بلي ما راهاش رايحة تسلك على خير
لانها مقابلة رسمية حتى لول داروا البية ب2000 دينار مثل ماهو مقرر الأنصار رايحة تدخل
ونشوفوا كيفماه يديروا العائلات المحترمة بعد نهاية المبارات مع الكواسر

 

[D aucun]

واه يا خويا حدث ولا حرج

السلام عليكم بارك الله فيك اولا واخيرا لاني نقولك انا غادي نسكت لاني اذا بديت نحكي ما نعرف نهدر على ديك نقعد هاك خير
واسمحلي خويا عبيدو علابالي ماغاديش نتحكم في كلامي

 

[كلي امال]

السلام عليكم و رحمة الله تعالى و بركاته
و الله المرة الاولى قلت عادي علاه النسا هوما تاني مايروحوش للستاد مي من بعد كي شفت ردود الاعضاء و قالوا واش يصرا في الستاد و الله اشمأزيت و سيرتو تاع البنات باطل و هدي علاه ؟ واش كاين وراها ؟
و الله وصلت لوقت ما بقالنا غير ندعوا ربي يسترنا و يلطف بينا و هدا اضعف الايمان
الللهم لا تؤاخذنا بما فعل السفهاء منا
تقبل مروري اخي الكريم

 

[السوفي حمة]

دخول البنات للملعب داخل في إطار إعادة تجهيز ملعب 5 جويلية
أعادوا زرع العشب وأعادوا تجديد اللوح الإلكتروني وجهزوه بسيارة إسعاف، وماذا بقي ؟
مجموعة من الجنس اللطيف يزهي الملعب ويزينه
هل سقطت قيمة المرأة الجزائرية لتصبح مثل الزهرة التي نضعها في جيب البدلة لنتزين بها ثم نرميها لما تذبل
هل أصبحت المرأة مثل الدمية التي نعرض عليها الألبسة في المحلات
هل أصبحت مثل الجبنة التي نضعها في المصيدة
لكنني مقتنع أن من كن في الملعب مهمش بنات جزائريين بسطاء مثلنا
لكنهم نفس لبنات إلي راهم مطلقوين في المراكز السياحية كيما بنات المسؤول إلي دخلو ندوشو في غرفة واحد أمريكي وسرقولوا حوايجو
الله غالب منيش عارف واش نقول
بلاك أنا صحراوي كافي kavi متخلف منفهمش الحضارة
بلاك النخوة والنيف هوما ثاني حرقو مع الحراقة

​

 

[abidou 20081]

السلام عليكم اخي الكريم
مهلا فما عهدناك بهذه القسوة و الغضب راح لي راح و دخلو لبنات
انا شفت في تعليق في الشروق و كنت معاه 100/100 هو انو ما الفرق بين الشواطئ و الملاعب
انا افضل بل ااؤيد الذهاب الى الملاعب رفقة العائلة بدل الذهاب الى الشواطئ و رؤية الكاسيات العاريات بلباس البحر اقله لبنات لي كانو في الملعب كانو ساترين رواحهم
اخي هذا لا يعني اني مع ذهاب البنات الى الملاعب لكن مقارنة مع الشواطء فأنا افضل الذهاب الى الملعب بدل التوجه الى هذه الامكان المختلطة وكما رأيت فقد خصص رواق للعائلات و كانو محتشمين في لباسهم
لكن روح للشواطئ الله حرمت باش تروح تريح قدام البحر و النسوان فايتة عليك بلباس البحر والله غير حشومة خاصة اذا كنت مع ابي و لا اخي (الحمد لله مارحنا لبحر مفات علينا موقف كيما هذا)
صحيح ان اغلبية الشباب استهجنو دخول البنات الى الملاعب لكني اؤكد لك اخي الكريم ان اغلبيتهم لك يعارض هذا القرار بهدف الرجلة او النيف كيما نقولو بالعامية لكن استهجنو هذي الطريقة كي دخلو gراتوي و البعض وهناك فئة قليلة من استهجنها بدافع الرجلة و النيف
لكن اذا جئنا و قارنا الملعب بالشاطئ فالملعب ارحم بكثيــــــــــــــــــــــــــــــــــــــــــــر
في الاخير تقبل وجهة نظري اخي
مع فائق احترامي
*بريق االايمان*​

وعليكم السلام ورحمة الله تعالى وبركاته

والله غير كيف كيف كي لي يروح ويدي بناتو ومرتو ولا خوتاتو لستاد كي لي يديهم لبحر ويعريهم لتم ديوث يبقى ديوث وعمرو مايتبدل وقالك على أبواب الجنة مكتوبة لن يدخلها ديوث والعياد بالله وأنا فهمت كلامك وتقصدي بلي كامل على ستاد بصح باش تجي في لبحر وعريانة هذي كبيرة كثر صح تقدري تقولي هكذا بصح ما فكرتيش في أمور أخرى واش من ورا هذ السياسة عمرو الكيران منا ومنا وجابوهم لستاد باش يورو لطفيلات بلي تقدرو تدخلو لستاد راه تاع عائلات من ويقتاش العائلات الجزائرية تجمع فالستاد ونكون أكثر من واقعي منين نقولك الهدرة والسب ولكلام كامل لي مايسواش يتسمع فالستاد يعني شكون هذا لي يقدر يريح مع يماه ولا ختو ولا حتى باباه رانا والله يالأخ مع خوه ومايريحوش قدام بعضاهم وين الطفيلات ماعليهش نحو كامل السب وتطياح شكون يرضى يجيب ختو ولا مرتو قدام 40 ولا 50 ألف متفرج يتفرج فيها ويبعثو تصاورها للعام أتفرجو راه عندنا النسا لي تدخل لستاد ومنين حاجا عادية علاش جات غريبة والناس كامل تهدر عليها غير معنتها حاجا كبيرة هذي وفالستاد اللا عب يحتاج لرجالة لي تشجع ماشي لزغاريد النسا ندخلو فالصف ونهدرو على بلدان أخرى كيما تونس مثلا منين لعبت مع نيجيريا وتعادلت في ستادها وقريب عطاوهم ثلاثة ولا ربعة واش قالو منين لقاو ستاد معمر نسا قالو ستاد يحتاج رجالة ومشجعين حقيقين للفريق ماشي كيما تشجيع النسا وعلاش البارح يشجعو فالمرا باش تدخل لستاد واليو دارو عليها وهي ولات سبة لخسارة تاع فريقهم لازم كل طفلة تعرف السياسة لي راهم يديرو فيها ماشي بيهم تشجيع ولا قضاء على الهماج فالستاد ولكن سياسة خبيثة يقضو بها على كامل كاش عزة وكرامة عند الفتاة الجزائرية وفي لبحبر عمرهم ماجابولنا تيليفزيون وصورو النسا في لبحر عاريات بصح فالستاد راهم كامل يقولو للعالم لي ماقدرتوش تديروه أنتم في شحال من سنة نديروه حنا في دقيقة وما تحكميش على ماتش الأوروغواي الهدرة في ماتشات أخرين راهم جايين ونعرفهم مسؤولين تاع الصح ماينقصوش للصوت تاع التيليفزيون كل دقيقة ولتم يعرف لي راه يشجع في بنات الناس لوين راه دايهم وهذا إذا دخلو أصلا لستاد على خاطرش إذا تخلطت والله يالبوليسية إذا سلكو رواحهم باش يسلكو أشباه العائلات هذي وماراكيش عارفة ختي واش كاين واش راه يصرى فالستاد على بيها ماتقدريش تتصوري حجم الكارثة ومانهدرش على لي غايضهم التيكي ب100ألف برك وماغاضتوش أعراض الأمة منشورة قدامو هذا أنا نعطيه عفسة يدخل لستاد يروح مع ختو برك يدخلوه بالقدر وماتنسايش كاين لي يدي دراهم على ختو باش يدخل لستاد هههههههه نظن ونتمنى أني وصلتلك الفكرة على واش راني نقصد وعلى واش راني تحكي وهذي غيرة على بنات بلادنا ماشي كونترا عليهم
ربي يحفظك وربي يخليك وربي يعطيك ماتتمني دمتي مميزة *​

 

[abidou 20081]

الله يستر علينا جميعا
هذا هو حال العباد عندما تبتعد عن الدين نفقد كل المعاير وتتساوي عندنا المتناقضات
اخي في الله لو كل واحد فينا يدير موقف ممكن نغير شيئ ولو قليل لكن هذا هوحالنا نحن في زمن الردائة والسلام عليكم

أمين ختي لعزيزة والله غير كلامك يفرح تاع الصح وتبانلي وحدة عندها الغيرة على حرمات المسلمين ربي يكملك بعقلك ختي وصح لوكان كل واحد فينا يدير موقف مانوصلوش لهذ المنكر بعينيه ولوكان نهدرو على الدين مافراتش يقولولك لمرا تصلي في دارها خير بصح لستاد ماعليش باطل وعلماء الدين تاعنا راهم يتفرجو ويصفقو مخصوصين رجال ولا لي ستاد تاةعنا راهم فارغين باش يجيبو نسا والله غير سيادسة تاع نرضي بها اليهود والنصارى برك ولي يرضى بهذ الشيء غير ديوث ماعندوش غيرة على بنات بلادو ربي يحفظك ختي وربي يسترك ويعطيك ماتتمني وربي يجازيك بالجنة إن شاء الله والسلام عيكم ورحمة الله تعالى وبركاته

 

[abidou 20081]

ايه خويا هدا التطور
كل يوم تطور هههههههههههههههههههه
هدا هوا التطور عندنا
مشكور على الموضوع خويا

واش من تطور هذا خويا لعزيز التطور فالصناعة فالعلم وهما حبو يعلمونا الحضارة في دخول النسا لستاد
إذا راهم رجالة تاع الصح يجيبو بناتهم وخواتاتهم لستاد ويتبتو لنا هذا التطور والله غير يلعبو ويطبعو في بنات الناس إذا كانت بعيدة عليه يقول الله يلعنها تقول ماعندهاش والديها وإذا وقفت قدامو يقوللها أنت الله يبارك أنت عندك الروح الوطنية وهذا هو التطور مشكور أنت أخي العزيز على مشاركتك القيمة وحفظك الله ورعاك وربي يعطيك ماتتمنى خويا لعزيز دمت

 

[abidou 20081]

ياو هوما داروا البية ب1000ينار على جال باه ما يدخلش معظم الانصار من الشناوة والكواسر والسياربي وغيرهم
من اجل انجاح دناءتهم المتمثلة في دخول العائلات القذرة (المحترمة في رأيهم)
واش يجيك من واحد يقبل يسمع كلام بذيء هو واهله
ماتقولوليش جناح خاص
لاننا نعرف الملاعب ونعرف ان كل اغاني المناصرين تحوي كلاما بذيئا
بصح ماتش زامبيا متيقن بلي ما راهاش رايحة تسلك على خير
لانها مقابلة رسمية حتى لول داروا البية ب2000 دينار مثل ماهو مقرر الأنصار رايحة تدخل
ونشوفوا كيفماه يديروا العائلات المحترمة بعد نهاية المبارات مع الكواسر

والله ياخويا طارق غير كلامك كل صواب وحتى أنا راني نشوف فيها بلي الماتشات الجايين رايحة تصرى حاجة الشعب خلاص تعمر وراهم يزيدو يعمرو فيه وبنات الناس غير يخلوهم طرونكيل في ديارهم خير ملي قاعدين يشعو فيهم على دعاوي الشر ومالمشكلة أنهم زادو حسو بالحقرة كثر منين هي تدخل باطل وهو يخلص وشحال 100ألف وماعلابالهومش بلي نص الغاشي راه مشومر ويطلع لستاد غير باش يديفولي وينح شوية على خاطرو وهما حبو يزيدو يخنقوه مليح والله غير بعض المرات غير نشك بلي كاين ناس راهي تشجع ماشي غير لدخول النسا راهي تشجع لخالوطة كبيرة فالدزاير وربي يستر وكيما قلت خلي يدخلو الشناوة والكواسر وغيرها من المشجعين ولتم نشوفو إذا دخلو هذا النسا ربي يجيب الخير برك حفظك الله ورعاك أخي الكريم طارق وربي ينورك كيما نورت الموضوع ​

 

[abidou 20081]

السلام عليكم بارك الله فيك اولا واخيرا لاني نقولك انا غادي نسكت لاني اذا بديت نحكي ما نعرف نهدر على ديك نقعد هاك خير
واسمحلي خويا عبيدو علابالي ماغاديش نتحكم في كلامي

وعليكم السلام ورحمة الله تعالى وبركاته
والله ماعرفت نقولك تسكت خير ولا تهدر خير وأنا راني نقول مابقاش وقت السكات راك كل مرة تسمع قوانين جديدة مفروضة على الزوالي ويزيدو يكرهولو حياتو منين يشوف هذا المنكرات خليها على ربي برك خويا مختار إن الله يمهل ولا يهمل ولتم نشوفو هدا المسؤولين واش يديرو ياك ماكانش حاجا يحكمو فيها والله غير دزاير كنز بصح كيما يقولو عو فيها فساد ربي يحفظك وربي يخليك خويا مختار وربي يعطيك ماتتمنى دمت

 

[abidou 20081]

السلام عليكم و رحمة الله تعالى و بركاته
و الله المرة الاولى قلت عادي علاه النسا هوما تاني مايروحوش للستاد مي من بعد كي شفت ردود الاعضاء و قالوا واش يصرا في الستاد و الله اشمأزيت و سيرتو تاع البنات باطل و هدي علاه ؟ واش كاين وراها ؟
و الله وصلت لوقت ما بقالنا غير ندعوا ربي يسترنا و يلطف بينا و هدا اضعف الايمان
الللهم لا تؤاخذنا بما فعل السفهاء منا
تقبل مروري اخي الكريم

وعليكم السلام ورحمة الله تعالى وبركاته

أختي العزيزة أمال الله يكملك بعقلك ولي يحكم وحدو يعرف بلي الناس ماراهيش ظالماتو والله لوكان جات حاجا تاع فايدة معليش بصح حاجا تدي لتفسخ المجتمع وعلاش واش راهم يحوسو والحمد لله مجرد سؤالين لقيتي كل الجواب وعلاش لبنات باطل وعلى واش كاين من وراها وهذي تبين بلي راكي عارفة واش وراها وفقتي بلب كاين مؤامرة ضد المرأة الجزائرية وتأكدي من وراء هذ العفسة هم اليهود والنصارى وحنا رانا نقدمولهم في هدية على طبق من ذهب بصح هيهات منين تتقعد الرجالة والفحلات لحرار تاع الدزاير كيما بحالك ماشي تاع طايوان لي جابوهم في كيران لستاد ما نعرف منين جمعوهم ورانا هنا وـاكدي وقولي بلي قالها واحد الخطرة واحد متخلف فاللمة واش رايح يصرى من وراها ربي يجيب برك مرورك أسعدني وشرف لي وكيفاش منقبلوش وربي يعطيك ماتتمني وربي ينورك كيما نورتي الموضوع ودمتي مميزة​

 

[abidou 20081]

دخول البنات للملعب داخل في إطار إعادة تجهيز ملعب 5 جويلية
أعادوا زرع العشب وأعادوا تجديد اللوح الإلكتروني وجهزوه بسيارة إسعاف، وماذا بقي ؟
مجموعة من الجنس اللطيف يزهي الملعب ويزينه
هل سقطت قيمة المرأة الجزائرية لتصبح مثل الزهرة التي نضعها في جيب البدلة لنتزين بها ثم نرميها لما تذبل
هل أصبحت المرأة مثل الدمية التي نعرض عليها الألبسة في المحلات
هل أصبحت مثل الجبنة التي نضعها في المصيدة
لكنني مقتنع أن من كن في الملعب مهمش بنات جزائريين بسطاء مثلنا
لكنهم نفس لبنات إلي راهم مطلقوين في المراكز السياحية كيما بنات المسؤول إلي دخلو ندوشو في غرفة واحد أمريكي وسرقولوا حوايجو
الله غالب منيش عارف واش نقول
بلاك أنا صحراوي كافي kavi متخلف منفهمش الحضارة
بلاك النخوة والنيف هوما ثاني حرقو مع الحراقة

خويا حمة والله غير مشاركة قيمة تاع الصح وهذي لي ما حبوش يفهموها البعض برك ماشي الجميع مكانة المرأة وقيمتها في المجتمع المرأة وردة خويا كائن خاص منفرد بأمور خاصة به وبدل من الجري على المحافظة عليه راهم يحوسو يرجعو ه كائن متوحش تاع ستادات ودعاوي الشر أنا تانيراني كافي ومتخلف وجاي من عام دقيوس ونفتخر بدلك ولي متقدم وعندو الحضارة يروح ياخويا يدي ختو ولا يماه لستاد تغني ألي زياني ولا صايفي وماشي محال كاين الديوث وكاين لي يدي معاه ختو باش تخلص عليه لبلاصا وكاين لي يجي مع ختو باش البوليسي عند الباب يتهلا فيه ياخويا راني نقولها ونعاودها إذا كان لي يغير على أعراض المسلمين كافي أنا أول كافي وأفتخر بذلك ونتمنى نبقى حياتي كامل كافي وروحو يالمتحضرين وبلاك تتفكرو الصلاة غير نهار الرعد وتعرفو بلي هذا تأخر غير نهار الزلازل والزلزلة منين ربي يسلطها على ناس يقولولك كارثة طبيعية عادية وهي عبارة عن تحرك قشرة الأرض كيلي ربي ماكانش وتسونامي كيف كيف ياخاوتي هذو كامل إندارات من عند القادر سبحانو وإذا ماحشمناش ولا قعدنا ساكتين رايحين يصرالنا كيما صرى لقرى خلت قبلكم ربي يجيب الخير وربي يلطف بنا برك خويا حمة ربي يحفظك وربي ينورك وربي يعطيك ماتتمنى دمت مميز ​

 

[zagane]

salame alaycom
أنا بروحي عمري ما رحت لي ستاد

 

[طارق القبطان]

دخول البنات للملعب داخل في إطار إعادة تجهيز ملعب 5 جويلية

أعادوا زرع العشب وأعادوا تجديد اللوح الإلكتروني وجهزوه بسيارة إسعاف، وماذا بقي ؟
مجموعة من الجنس اللطيف يزهي الملعب ويزينه
هل سقطت قيمة المرأة الجزائرية لتصبح مثل الزهرة التي نضعها في جيب البدلة لنتزين بها ثم نرميها لما تذبل
هل أصبحت المرأة مثل الدمية التي نعرض عليها الألبسة في المحلات
هل أصبحت مثل الجبنة التي نضعها في المصيدة
لكنني مقتنع أن من كن في الملعب مهمش بنات جزائريين بسطاء مثلنا
لكنهم نفس لبنات إلي راهم مطلقوين في المراكز السياحية كيما بنات المسؤول إلي دخلو ندوشو في غرفة واحد أمريكي وسرقولوا حوايجو
الله غالب منيش عارف واش نقول
بلاك أنا صحراوي كافي kavi متخلف منفهمش الحضارة
بلاك النخوة والنيف هوما ثاني حرقو مع الحراقة​

معبيش اذا كان هذا هو التخلف كامل رانا متخافين وكاvيا