مادا ستطبخين اليوم اختي!!!!!!!!!!!!!!!!!!!!!!!!!

[faroudjase]

غذاءنا لهذا اليوم جواز شفلور وسلطة.

 

[مريم07]

السلام عليكم حبيباتي وصحا غداكم اليوم حضرت في الغداء مايلي
البسباس المحمر
وسلطة الارز والطون
وسلطة مشكلة كرمب وطماطم وبصل وفلفل وجزر مرحي
وخبزت الكسرة البضاء مثل كل يوم
الطبق الرئيسي بسباس محمر في الفور الطريقة
طرف دجاج +نصف حبة بصل ويمكن الاستغناء عنها +ثوم واذا استغنيتي على البصل ديري حبة ثوم+سمن+لفاح وفلفل احمروالملح والفلفل الاسود وقليه على نار هادئة ثم ضعيه في صنية الفور واضيفي له الماء سخون وقليل من طماطم علب
البسباس ملحيه وفوريه ولما يفور خليه يبرد ثم ضعيه في البيض ثم لاشبلير واقليه
ولمايطيب الدجاج ضعي الزيتون الاخضر مغلي ومقطع وفتي الدجاج وضعي البسباس وخلي المرق ينشف

 

[faroudjase]

يعطيك الصحة اختي مريم على الوصفة الجميلة.

 

[مريم07]

الله يسلمك ياختيFAROUDJASE

 

[مريم07]

الله يسلمك ياختي FAROUDJASE

 

[nawal1980]

شكلرا الاخت فروجاس

سؤال اخر هل الكسكس بلا ما يطيب والبرغل هل موجود في الجزائر انا اسكن في العاصمة
اليوم الفطور كان قرنطيطة
باكي قرنطيطة+1بيضة+كاس اتاي زيت+ملح +فلفل اسود+م-شاي خميرة الخبز+ كمون +الماء حوالي 1ل ونصف ونضربوه بالباتور ونفرغوه في السنيوة و نخليوه يرتاح
نسخن الفرن 200° ونخليها تطيب حوالي40د نشعلو من الفوق كي تحمار نديرولها شوية زيت زيتون
وبالصحة والصورة مصغرة هي للقرنطيطة
العشوي مازال ما خممتش

 

[faroudjase]

نعم اختي نوال البرغل موجود في الجزائر انا اسكن في البليدة وموجود في الاسواق ويوجد 2 انواع.خشن وناعم والتبولة تحتاج الى برغل الناعم.اما الكسكسي طيبه خير.وبصحتكم القرنطيطة.تبان بنينة.ننتظر جديدك.

 

[مريم07]

وين راكم ياحباباتي غايبين والله توحشتكم واللمة بلابيكم سامطة ومرة كل ماندحل ومالنقاكمش نزعف بزاف
سلامي اليكم جميعا مملوؤ بالشوق والحب انتم عائلتي الثانية
اليوم درت شربة فريك اللي مشهورا بها مدينة العلمة الحبيبة وكذلك كرمب في الكوشة وسلاطة مشكلة وكسرة بيضاء اللي يحبها زوجي ولازم كل يوم تحضر فوق الطابة ولايبطل يحبني ههههههههههههههههههها انا نضحك معاكم زوجي يحبني اكثر
وراكم معروضين للغداء والعنوان هو منتدى اللمة شارع الاخوة والحب في الجهة اليمنة تجدون علم الجزائر فوق بيتي مكتوب عليه كم كم كم كم احب بلدي واحبكم السلام عليكم

 

[nawal1980]

اليوم الغدا كان
بطاطا شطيطحة
و زعما قلت نطيب لا سوب تع الكرنب بش نشيان شوية حوايجي تزيرو عليا مي ماقدرتش ناكلها ماششششششي بنينة
رجعت وكليت الشطيطحة والريجيم يستنا شوية
العشا بلاك سلاطة علا خاطر مازال البطاطا تاع الصباح

 

[nawal1980]

الكرنب في الكوشة ولا غوست وين راهي
نحب الكرنب ونعرف نديرو غير دولمة
الحقيني بلاغوسات اختي مريم07
اسمك كما بنتي
ميبصاح مريم ديالي بزاف قبيحة لكنها حنينة فوق اللازم وقلبها بيض

 

[assia11]

اليوم في لغداء كلينا سلق مع الحمص.يم مايتشبعش منه

 

[nawal1980]

اسيا ولا تقدري تعطيلنا لا غوسات انا عمري ما سمعت بالسلق بالحمص ميبصاح كي قولتي مايتشباعش منو نحب نعرف كتر عليه وبلاك نجربو

 

[مريم07]

السلام عليكم اختي NAWAL1980انا تاني لساني طويل بصح كامل دارنا ولا زوجي يقولو بلي حنينة بزاف وهذه الوصفة لك ولبنتك الحلوة وربي يخفضها لك
الكرمب عبارة عن دولمة ولكن في الكوشة وهي كالتالي
الكرمب غليه ولافوريه كيما تحبي اما لاصوص فهناك طريقتين
الاولى ديري مرقة حمراء وهي طراف لحم اوعضام نتاع الخروف او شوي دجاج باه تبني المرقة وحبة بصل وتحبي تستغناي عليه وتكثري من الثوم حبة طماطم وقليل من الثوم ملح فلفل اسود ولفاح وفلفل احمر حلو والزيت وقليه مليح واضيف الماء ولما اطيب فرغي لاصوص على الكرمب

الطريقة الثانية وهي بصلصة الطماطم لما تجهزيها اضيقي ملعقةمنها للحشو والباقي افرغيه على الكرمب وحمريه وتحبي تزيدي الزيتتون المقطع في الطريقتين

الحشو قلي البصل والثوم والملح في قليل من الزيت وبعدها اضيفي اللحم مرحي والفلفل الاسود وطرف زبدة وقليه مليح وزيدي المعدنوس والزيتون الاخضر مقطع دوائر ولما تحشي الكرمب ضعي الحشو ثم قطع فرماج ثم لفي الكرمب وستفيه في البلاطو نتاع الفور فرغي فوقو لصوص نتاعك واذا حبيتي شوي فرماج اذا كان عندك ومعليش تستغناي عنو وحطيه في الفور حتي ينشف
انشاء الله تكوني فهمت الوصفة وتحياتي لك

 

[nawal1980]

شكرا جزيلا ميمي لوووول مريم07
ادن هي الدولمة في الكوشة
الخطرة الجاية نجربها راه عندي راس كرنب في الفريجيدار
ونقولك كاش جات

 

[مريم07]

اما في لاعشا درت شطيطحة وسلطة بوزلوف لانو ما لقيت واش اندي

 

[faroudjase]

عشاءنا لهذا اليوم بسباس وسلطة.

 

[assia11]

اختي nawal1980 هده طريقتي و بالاك تعجبك نحضروا الحمص عادي نقليو لبصل و الثوم و التوابل الملح، والكمون،و البابريكا،والفلفل الاسود،والفلفل الحار.في شوية زيت امبعد نفرغوهم على الحمص يكون يطيب في الماء و ادا عندك مكعب دجاج ولا غنم فتفتيه فوقهم كي يطيب الحمص نكونوا قطعنا السلق و نرميوه على الحص نخليه يطيب و يقدم مع زيت زيتون تجي بنينة احنا تعجبنا و ان شاء الله تعجبك :001_smile:
يعطيك الصحة faroudjaseو باقي لبنات اعطتونا افكار مليحة

 

[ام عبد الهادي]

macha e lah sister
NAWAL1980
it s good idea
i always wonder what to cook every day
so i cooked for dinner coscsy and a choclat cake with tea in the evening
this is my dinner today
salaaaaaaaaaaaaaaaaaaaaaaam
thanks:thumbup:

 

[nawal1980]

salam om abdel hadi every day we write what we have cooced for more idea and it s long time i did n t spea k english it very dificult to me
maybe you can write an arabic
see you

 

[nawal1980]

فروجاز بسباسك يشهي وعلاه ما تعطيناش لا غوسات وتحطيه موضوع جديد نستفيدو قاع الله يخليك شاف فروجاس
كل يوم ابداع ما شاء الله تبارك الله عليك يا حرة