مادا ستطبخين اليوم اختي!!!!!!!!!!!!!!!!!!!!!!!!!

[مريم07]

السلام عليكم ورحمة الله وبركاته انقلكم حاجة هاذ الايام الحال بارد و ماتسلكها غير الكوكوطة ولا لا لمرميطة باه يسخنوا عضامنا اليوم درت في الغذاء تليتلي بالجاج وسلطة وانشاء الله يقعد للعشاء ونتهنا وصح غداؤكن جميعا وخاصتا NAWAL 1980 سلميلي على مريومة

 

[assia11]

بصحتكم لبنات faroudjase ام عبد الهادي

بصحتك التليلتاي مريم وبصحتك nawal1980 الوبيا كيما قلت هدا و اش يفيدفي البرد

 

[assia11]

اليوم درت لوبيا خضرا كاين لييقولها زليكو
رانا نستناو nawal1980قريوشyummy

 

[nawal1980]

بناتي قالولي ماما واش تديريلنا للقهوة تع العشية قولتلهم قريوش بنتي الكبيرة قالتلي لي كراب نطق راجلي وقالي قريوش تع العجايز ديريلهم واش يحبو ديريلهم لي كراب بصح كي وعدتكم اخواتي راح نوفي بوعدي وندير القريوش ليا ونبعت شوية للعجوزتي ونزيد لي كراب لبناتي

 

[مريم07]

ربي يخليلك لولاد يا NAWAL1980ومتنسايش تعطينا الوصفة انتاع لكراب درتو مرة ومانجحش جاني معجن ويعجبني لكراب انتاع العاصمة كي نروح لداري في العاصمة ديما يشريهم لي زوجي خاصة في باب الواد ابعثيلي شوية منهم

 

[faroudjase]

السلام عليكم و رحمة الله وبركاته
ان شاء الله راكم كلكم بخير ونطلب لصاحبة الموضوع شموسة العودة اشتاقنا اليها.بالنسبة لطلبك نوال البيه ان شاء الله وبلا مزيتى.
اذهبي الى مركز رفع الصور و الملفات الموجود فوق وتحته موجود اسم العضو..........ادخلي مركز رفع الصور والملفات تجدين مكتوب مرحبا بكم في مركز تحميل شبكة فور الجيريا نادي السياحة الجزائرية-منتدى اللمة الجزائرية وتحته تجدين parcourirكلكي عليها وارفعي الصور من جهازك ومنبعد تحتparcourirتجدين code انقلي codeللخانة ومن بعد كليكي على تحميل.كي يخرجولك الصور كليكي عليها ويخرجلكouvrirكي تنفتح كاملة ديريcopier وممبعد جيبها للموضوع الجديد اذا كان انشاءموضوع جديد وديري coller.

 

[assia11]

بصحت البنات لي كريب ههه بصح لقريوش ما يدوموداش ربي يخليك اختي

 

[مريم07]

شكراشكراشكراشكراشكرا والله هذا ماكنت ابحث عنه جازاك الله كل خير على مساعدتك احتي faroudjase

 

[nawal1980]

مليون ترليون جزائريون شكرا شاف فروجاس وربي يسعدك اخت فروجاسسسسسسسسسس

 

[بنت الـــ سـوف ـــواد]

السلام عليكم كيفكم يالبنات معا البرد ​

في لبرد هذا لازمنا حاجة سخونة درنا غدنا عيش في ولايتنا نقوللها (بركوكش) وسلاطة خفيفة ​

وفي العشيةمعا القهوة درتلهم انا كيكة
والعشاء
مرقة لحم
وحميس
​

 

[nawal1980]

les crepes

في الميكسور نضع 3 بيضات+250ملل حليب+250غ فرينة+50غ زبدة دائبة او زيت انا شخصيا نستعمل 1م-اكل زيت+فاني و1/4 م-قهوة ليفور+250ملل حليب وادا شفتها كتير عاقدة اضيفي 100ملل حليب خليها ترتاح
المقلة لازم تكون تاع لي كراب يعني تيفال وماشي مجروحة تسخنيها مليح وبالغراف تعمري العجينة السلئلة وتفرغيها وبسرعة تشدي المقلة وتدوريها في كامل التجاهات حتى تشوفي بلي القلة قاع تغطات
كي تشوفي الحواف بنين ارفدها بالسباتول واقلبيها وماتستنايش عليها بزاف ونحيها وحطيها في قالب التقديم
عجينة لي كراب تقدري تخبيها في الفريجيدار 4 ايام
ان شاء الله تعجبك الوصفة يا مريم

 

[بنت الـــ سـوف ـــواد]

شكرا اختي على وصفة تاع الكريب باينة عليها تهشي
ان شاء الله نجربها في اسرع وقت ونردلكم الخبر

مي حبيت نسقيك اختي

واش هيا ليفور ؟

اسفة على ازعاج​

 

[faroudjase]

تقصد والله اعلم الخميرة الكيميائية levure.شكرا اختي نوال على الكريب انا احبه جدا و موالفة نديرو ننتظر اطباق اخرى لكن لماذا لم ترفعي الصور عن طريق مركز رفع الصور والملفات.

 

[faroudjase]

كسكس بالكرنب.

عشاءنا وغذاءنا لهذا اليوم كسكس بالكرنب. ​

المقادير: كسكس، قطع لحم حسب عدد الأشخاص، حفنة من الحمص منقوع طوال الليل، ملعقتان كبيرتان من الزيت، ملح، فلفل أسود، قرفة، كمون، قصبر جاف مرحي، ملعقة طماطم مصبرة، ملعقة صغيرة من الفلفل الأحمر، بصلتان، 250 غ جزر، 250 غ لفت، رأس صغير من الكرنب
طريقة تحضير المرقة: نغسل الكرنب ونقطعه ثم نفوره أو نسلقه في الماء.
في قدر (لو عندك قدر من الفخار يستحسن استعماله لأنه يعطي نكهة خاصة).
نضع ملعقتين كبيرتين من الزيت ونضيف قطع اللحم والبصل المقطع رقيق جدا أو المفروم، نضيف التوابل ونترك الكل يتقلى لبعض الدقائق، نضيف الطماطم المحللة في قليل من الماء والفلفل الأحمر ونمرق بعدها بنصف لتر من الماء. نضيف بعدها الحمص وعند نصف الطهي اللحم، نضيف الجزر، وعندما ينضج اللحم، ننزعه ونضع بدله الكرنب واللفت مع إضافة الماء الساخن للقدر الذي نتركه على نار هادئة حتى النضج.
فيما يخض الكسكس، نقوم بطهيه بعد غسله إن كان جافا ثم نقطره ونوفره مرتين داخل الكسكاس، أما إن كان مفتول في اليوم نفسه فنفوره 3 مرات. في المرة الأخيرة يدهن جيدا بزيت الزيتون ويقدم مع المرق.​

 

[ام عبد الهادي]

thanks sister
saha okhti
farodjas baraka lahhofik

 

[ام عبد الهادي]

salaaaaaaaaaaaaaam
fi la3ch
liom tayabet rooz ou djaj fi lkocha ou slata khadra
ou fi sahra tayabet vanilla cake ou tea
tarika hadi t3alametha ki jit l usa lgithom 3adi ydiro rooz abyadh m3ah chwia jelbana ou felfel akhal ou maleh ou zit zitoun ou basla ou 2 kisan ma ou kas rooz
ama djaj fi lkocha deret khalta nta3 siniyin <chineese
oufkhad nta3 djaj ou chwia nta3 zit zitoun ou hatitha fi lforen
ama lcake deret khalta nta3 cake tetba3 hna ou zedtelha bidh ou hlib ou zit ou khaletetha ou hatitha fi lkaleb ou hatitha fi lforen
ama tea hadi tarika 3tathali maghribia jarti gatli ahna lemgharba nzido mae zhar fi tea ba3ed ma ntayboh

 

[nawal1980]

بارك الله فيك فيروجاس كل يوم تحفة
والصور مافهمتش وعلاه ما راهومش يخرجولي
ام عبد الهادي انا كان عندي حاسوب فرنسي وكنت في واحد المنتدى نكتب كيما انتي لحتا نهار اكتشفت clavier arabe vertuel وجابلي ربي تقدري تترجمها للانجليزية وتبحتي في قوقل علية يخروجلك ديريه فيla liste favoriteكي تحبي تكتبي لكتبي واش تحبي فيها ةديري copie-coller ;وان شاء الله نكون افادتك

 

[ام عبد الهادي]

nshalah
baraka laho fik sister nawal

 

[حكيك]

سلام عليكم حبيباتي
راني طولت عليكم اسمحولي
من بعد الكسكس بالخليع يوم نمدلكم السلق بالخليع
اغسل مليح السلق ثم غليه مدة 5 دقائق من بعد قطرييه في كسكاس و خليه على جهة
قمي المرقة ذبلي البصل في شوية خليع اي قديد قي طنجرة ثم مرقي بالتوابل فلفل اسود واحمر وسكنجبير وقليل من ملح لان خليع مالح من تغلي المرقة فرغي فوقها الخضر مثل جزر و بطاطا و اللفت مقطعة مربعات صغيرة من طيب اي الخضرة
فرغي فوقها السلق مع حبيات الروز من فوق متحركيش الطبق وخليهم يغلوا على نار هادئة من يطيب الروز فرغي فوقوا الفول اي يابس كنتي محضرة من قبل منفخ ومطحون كزبدة غليه 2 دقائق وطفي عليه مالازمش تكون المرقة بزاف

وشهية طيبة اتمنى ينال اعجابكم وخاصةfaroudjase

من بعد نمدلكم ان شاء الله بوفتاتة بالخليع
​

 

[nawal1980]

طبق رائع حكيك وانا موالفة انديرو السلق بالخليع ونفسالخطوات لكن نضع غير البطاطا مع السلق ان شاء الله نجربو ويعجب ناس داري ونردلك بالخبر