تقديم دروس في صنع الحلوى لي تحب تتعمل تتفضل

[سلسبيل34]

merçi bcp ..............

 

[nissma34]

مساء الخير حبيباتي
اقصد كل حلويات اللي حشوها كوكاو و تتلم بالبياض لما نلمس سطح الحلوى بعد ما نعسلها لما نلمس الكوكاو نلقاه قاسي ماشي هشيش لكم
لما يبات يطرى شوية

عسليهم وهوما سخونين برك وتكيريش البيض وانت تجمعي قيس ماتتلم فقط اكيد الكوكاو شوية يقسي الحاجة فيه دهون بزاف اللوز خير الف مرة لكن غالي

 

[MARAW]

فكرة هايلا ننتضر الدروس اختي العزيزة شكرا لكي و لمجهوداتك

 

[الور::السوداء::دة]

مرسي بزااااف
ودي.... لكي...

 

[نور الجنة]

حلوة الوردة هذه وقد وجدتها هنا في المنتدى

 

[ام منصف]

​

​

 

[nissma34]

تابع للدرس السابع الخاص بحلويات العيد

لقيت هاد الصورة في احد المنتديات
عجبني شكلها عندي وصفة تاعي هايلة ودرتلها ديكور لي في صورة اكيد في العيد رايحة نحطلكم كامل الحلوى لي درت راهي دورك تشيح
نخدم 250 زبدة مع 2 مغارف كبار سكر رطب+باطة ياغورت طبيعي+نفس العلبة زيت+مبشور ليمون+باكي خميرة
ونلم بالفرينة نتركها ترتاح نحلها وندير حربوش حشو (حلوة تءك +كوكاو مرحيو تجمعي بمعجون)
ونلف مرتين ونقطع اصابع نطهيها في الفرن
ودرت قلاصاج شكولا وخطوط بشكولا بيضاء ملونة
هايل جربوه متندموش عليه
رائــــــــــــــــــــــــــــــــــــــــــــــــــــــــــــــــــع​

لي سابلي بالمعجون
وصفة سابلي مقاديرها خاصة تاعي جي خفيفة روعة ​

المقادير :

500غ زبدة طرية
07 مغارف كبار سكر ناعم
07 مغارف عسل
2 بيض
مغرفة صغيرة فانيلا
02 خميرة حلوى
فرينة حسب الحاجة
1/2 علبة نشاء تقريبا 50 غ
للتزيين :
كيما تبغي تحبي بسكر قلاصي من الفوق او المكسرات على الحواف او تغطسي الوجه في المربى وجوز الهند​

طريقة التحضير :

امزجي المرغرين و السكر والفانيلا اخدمي جيدا حتى يصبح مثل البوماد ثم اضيفى البيض وامزجي ثم ضفي النشا واخلطي جيدا ثم ضفي الفرينة ورشة الخميرة حتى تتحصلي على عجينة طرية و ملساء حلي العجينة ، قطعيها بقوالب مخصصة لها ، صفيها في صينية مرشوشة بالفرينة وادخليها الفرن حتى تنضج دون تغيير لون وجهها
بعد أن تبرد الصقي كل قطعتين مع بعض بالمعجون وزيني حيب الرغبة المهم القاتو سابلي يجي خفيف
المقروط لي نعملوه في منطقتنا
03 كيلات سميد متوسط sim
01 كيلة سمن دائب
شوية ملح باه ميجيش صامط
كيلة خليط ماء وماء زهر
نخلط جيد الدقيق مع السمن باليد +كمية الملح ونبدى نضيف في كمية الماء وماء زهر حتى يتشمخ
تشكليه باه يطيب مليح كي جي تستفيه في البلاتوا لصقيهم في بعضهم مليح باه تغطي كامل الغرس وميتحرقش طيبيه في فرن 180د لما يحمار على الجوانب بعد حوالي 30 دقيقة شعلى من الفوق ان كان الفرن لي يشعل من فوق اما العسل ديري عسل المرجان يمدلك حلاوة هايلة للمقروط

​

 

[كوثر الوهرانية]

بارك الله فيك اختي نسمة الله يفرحك في حياتك و يعطيك ما راكي تتمناي انشاء الله

 

[فايزة1207]

لم اجد ما اقوله غير ربي يدخلك الجنة ويرزقك في الدنيا ما تتمناي

 

[meimeifati]

مشكورة اختي على الرد و النصائح القيمة و الله اليوم قليل اللي يمد صنعتو
بارك الله فيك و القاطويات الجدد باينين هايلين
مشكورة اختي

 

[marwa03]

السلام عليكم اختي بارك الله فيك على مجهودك انا حبيت تعطيني Petits fours à la poche à douille
الي تتباع برا نموت عليها و يعطيك الصحة صح فطورك

 

[chaquerre]

انن احبك صديق اشكرك

 

[chaquerre]

العاب ستريت فايتر لي عماد

 

[nissma34]

العاب ستريت فايتر لي عماد

??????????????????????????????????????????????

 

[ام منصف]

يعطيك الصحة

 

[nissma34]

تابع لدرس حلويات العيد
قلاصاج الشكولا
​

علبة شكولاطة
شوية حليب
شوية زيت
مغرفة صغيرة كاكاو
ذوبي الشكولاطة على حمام ماري كي ذوب زيدي شوية حليب +كاكاو +زيت
وهكذا القلاصاج واجد .
نصائح:
1-الكاكاو يمد لون اسود هايل للقلاصاج
2-الزيت يمد بريق للقلاصاج
3-الحليب يساعد على ذوبان الشكولاطة مي ما تكثريش مانو باش ما يجيش قلاصاج سائل
4-جربي حبة حلوي اغطسيها في القلاصاج لا تكسرت معنى القلصاج ثقيل خفيه بشوية حليب اما اذا ساح القلصاج معناه القلصاج خفيف ثقليه بشوية كاكاو.
5-في فصل الشتاء القلاصاج ينشف بالخف لا كان نشفلك قبل ما تمكلي الحلوى رجعيه فوق حمام ماري حتى تكملي الكمية .
6- لما تغطسي الحلوى في القلاصاج ماتحطيهاش مباشرة فوق سنية من بعد رايحة جيك صعيبة تنحيها من الاحسن تحطيها فوق مشبك او شباك مثلا رف الثلاجة و هكذا زائد الشولاطة يسيل و تبقالك حبة نظيفة .
7-حمام ماري يعني تحطي الشكولاطة في صحن فوق كسرونة تع ماء يغلي فوق النار

بنيون بالنيستلي​

السلام عليكم ورحمة الله تعالى وبركاتهجبتلكم اليوم وصفة جديدة كيما وعدتكم هو قاتو مايطيبش وساهل ما يحكمش اليد فالخدمة زد على ذالك طعمه الرائع راح نعطيكم المقادير
تاع كمية كبيرة تكفي عرس بامكانكم تعملو نصف المقادير او اقل.
المقادير:
8علب بسكوي طوم+2 علب كبار قوفريط+1كلغ ونصف حلوة الترك+3 كلغ شوكولا سوداء.
تزين الوجه:
5 علب حليب نيستلي+انصاف الجوز+شوكولا سوداء.
التحضير:
نرحي القاتو والقوفريط وحلوة الترك ونبلهم كامل بالشوكولا ذائبة وباردة ونبسطها في بلاتو كبير تاع الكوشة طوله 1م ونغلي النيستلي 4ساعات ونفرغو على سطح القاتو وبعد ساعات يقطع مربعات ونزين بالشوكولا خطوط ونضع نصف جوزة في الوسط.
جربوه ومش راح تندمو باذن الله واذا عجبكم ردولي.​

 

[geroise]

شكرا نسمه على المقادي الحلويات اريد معرفة انواع الحلوى التى تصنع بالعجينة التالية اى 04 مقادير فرينة 1مقدار مارغرين وتتلم العجينة بالماء الزهر

 

[nissma34]

شكرا نسمه على المقادي الحلويات اريد معرفة انواع الحلوى التى تصنع بالعجينة التالية اى 04 مقادير فرينة 1مقدار مارغرين وتتلم العجينة بالماء الزهر

الياسمينة -لمشكلة -الدزيريات

 

[abdou30]

السلام عليكم ..
اهلا بك اختي نسمة ، كيف حالك؟
اردت ان اشكرك عل الجهود العظيمة التي تبذلينها .. جزاك الله خيرا و جعلها في موازين حسناتك ..
بارك الله فيك دمت فخراا للمنتدى ..
الى الامام دوما .. و صح عيدك مسبقا ..^^
اختك ام عبدو 30 =)
​

 

[سماح4]

موضوعك رائع ،ربي يجازيك خير ويخليه في ميزان حسناتك ربي ينولك لي في بالك ،تستاهلي تقيم واكثر.ساكون متابعة بإذن الله لكل جديد عندك​