تقديم دروس في صنع الحلوى لي تحب تتعمل تتفضل

[nissma34]

بارك الله فيك اختي ، يعطيك الصحة
والله المنتديات الجزائرية محتاجة لعضوات مثلك

همسة : لوكان تديري كل قاطو في موضوع وحدو ماشي أحسن ؟؟؟

حبيت نجمعهوم في موضوع واحد باش يجي البحث ساهل فقط كل مرة تدخلي لمواضعي انشاء الله تلقي الجديد

 

[lina20]

ا سلام أختي نسمه، ما شاء الله عليك و ربي يعطيك ما تتمني يا رب بهذ العشر الأواخر
أرجو أن يكون الدرس القادم سكاندرانيات بورق الفيلو و كذلك إلي بلعجينه أرجوك .
سؤال بنسبه لمخبز هل يمكن أن أنقص من كمية السكر في الحشو ؟

 

[assia2007]

الله ينورك الله يحفظك ويكمل ما تتمناي لا ماشي متزوجة ربي يعطيك الزوج الصالح اللي يعرف قيمتك
كل دعوة قليلة فيك يا لحبيبة
قبلة في الجبين مني ليك
موااااااااااااح
​

 

[بلبلة سطيف]

اقل ما اقول يا اختى نسمة بارك الله فيك وجزاك الله خيرا ان شاء الله اريد ان اسالك عن العسل الذى اسقى به البقلاوة اخففه بماء الزهر ام اتركه كما هو

 

[sabira]

سلام .من فضلك نسمة عجبني قاطو القطايف سوريا بصح مافهمتش كي نزوقو والصورة لا تظهر لي ممكن تعطيني الصورة

 

[nissma34]

ا سلام أختي نسمه، ما شاء الله عليك و ربي يعطيك ما تتمني يا رب بهذ العشر الأواخر
أرجو أن يكون الدرس القادم سكاندرانيات بورق الفيلو و كذلك إلي بلعجينه أرجوك .
سؤال بنسبه لمخبز هل يمكن أن أنقص من كمية السكر في الحشو ؟

لازم ديري المقادير نفسها اختي لان في الحلوى لازم مقادير مظبوطة ماشي كيما الطبخ

 

[nissma34]

اقل ما اقول يا اختى نسمة بارك الله فيك وجزاك الله خيرا ان شاء الله اريد ان اسالك عن العسل الذى اسقى به البقلاوة اخففه بماء الزهر ام اتركه كما هو

نعم تخفيه بماء زهر

 

[nissma34]

سلام .من فضلك نسمة عجبني قاطو القطايف سوريا بصح مافهمتش كي نزوقو والصورة لا تظهر لي ممكن تعطيني الصورة

عندك الزهر عندي حبة راهي في الثلاجة دورك نصورهالك ونزلك الصورة باه تبالك مليح

 

[nissma34]

بسم الله الرحمن الرحيم
الدرس الخامس
تشاراك السكر ​

​

درجة حرارة الفرن:160 درجة
المدة:20 دقيقة ​

للعجينة
03 كيلات فرينة
كيلة خليط سمن وزبدة
ملعقة صغيرة فاني
ماء زهر
1/2 باكي خميرة
للحشو
03 كيلات لوز
01 كيلة سكر عادي
مبشور ليمون
ماء زهر
للقلاصاج:
سكر رطب
سيرو (02 كيسان ماء +كاس سكر +طرف قارص اتركيه يعقد على نار هادئة)
نخلط الفرينة مع لدان جيدا +الفاني +والخميرة ونجمع بماء زهر نترك العجينة ترتاح
الحشو
نرحي اللوز مع السكر +مبشور ليمون ونجمع بماء زهر ​

​

حلي العجينة واقطعي دوائر​

ضعي حربوش حشو فوق الدائرة
اغلقي على 02
لفي لاعطاء شكل قرن​

يطهى في فرن متوسط
عفسات الدرس
-ديري قرصة خميرة للحشو وطرف زبدة يجي طري
السر في نجاح تشاراك السكر هو القلاصاج او التغبار
-لازم الحلوى باردة جدا والسيرو بارد
-نضع الحبة في السيرو ننزعها ونضعها في السكر (يوضع السكر المغربل في كيس بلاستكي) نغمرها بالسكر و ننزعها بلطف ونحطها في كف اليد وننزع بكف اليد الاخرى الزائد شغول نملسوا السطح في نفس الوقت نحو الزائد
-نخلوا الحلوى تنشف لعدة ساعات حتى يتشرب السيرو الطبقة الاولى تاع السكر نعاود نفس العملية للمرة الثانية (نضعها في السكر)
-عند التقديم نعمر مصفاة تاع حليب بالسكر ونرش فوق الحلوى كلمسة اخيرة يخرج زي الثلج جربوا وادعولي.​

 

[chaquerre]

فكرة بتجنن مع أني متأخرة مشكورة

 

[sabira]

عزيزتي نسمة اين الصورة .

 

[اميرة المنتدى]

بارك الله فيك اخت نسمه جزاك الله خيرا

 

[الهاملية]

شكراااااااااااااااااااا شكراااااااااااااااااااا شكرررررررررررررررااااااااااا

ربييييييييييييي يحفظك

 

[فايزة1207]

[font=&quot]-نخلوا الحلوى تنشف لعدة ساعات حتى يتشرب اليرو الطبقة الاولى تاع السكر نعاود نفس العملية للمرة الثانية [/font][font=&quot][/font]
​

[font=&quot] [/font]

تقصدي نعاودو نديروه في السيرو ثم السكر ام السكر فقط وهل السيرو خفيف ام لا الحمراء المشرية ام التي نحضرها بماء و سكر بيضاء
بوركت عزيزتي وجعله الله في ميزان حسناتك رمضان كريم
​

[font=&quot][/font]​

[font=&quot] [/font]

 

[nissma34]

[font=&quot]-نخلوا الحلوى تنشف لعدة ساعات حتى يتشرب اليرو الطبقة الاولى تاع السكر نعاود نفس العملية للمرة الثانية [/font]​

تقصدي نعاودو نديروه في السيرو ثم السكر ام السكر فقط وهل السيرو خفيف ام لا الحمراء المشرية ام التي نحضرها بماء و سكر بيضاء​

بوركت عزيزتي وجعله الله في ميزان حسناتك رمضان كريم​

عادوي ديريه في السكر وليس في السيرو (02 كسيان ماء +كاس سكر +طرف قارص يعقد فوق النار يجس شوية خفيف(
ليس العسل الاحمر

 

[سهيلة سوسو]

سلام عليكم

نقدر نشارك معاكم

 

[يا أقصى]

من فضلك اخت نسمة نضع اللماع بعد ان تجف الحلوى و لا انرشوه قبل لا تنشف؟
و صحيتي على كلش

 

[nissma34]

من فضلك اخت نسمة نضع اللماع بعد ان تجف الحلوى و لا انرشوه قبل لا تنشف؟
و صحيتي على كلش

لما ينشف شوية القلاصاج امسحيه باللماع واخر لمسة رشي من الفوق اللماع

 

[nissma34]

سلام عليكم

نقدر نشارك معاكم

الموضوع مفتوح للكل

 

[nissma34]

سلام عليكم

نقدر نشارك معاكم

اهلا وسهلا اقري الدروس واي سؤال انا موجودة