تقديم دروس في صنع الحلوى لي تحب تتعمل تتفضل

[ياسمين عنابة]

موضوع هايل جدا جدا وانا اكثر واحدة راح نستفيد منه
مرسي اختي يعطيك العافية

 

[أية2009]

موضوع قيم ومجهود رائع
بارك الله فيك على كل المجهودات المبذولة

 

[ام منصف]

بارك الله فيك

 

[بلبلة سطيف]

شكرا شكرا شكرا على هذه الوصفة شكلها جميل وغير مكلفة حبيبتى بالنسبة للاتزين الوردة بالعجينة التى تباع ام هى من تحضيرك بارك الله فيك

 

[nissma34]

شكرا شكرا شكرا على هذه الوصفة شكلها جميل وغير مكلفة حبيبتى بالنسبة للاتزين الوردة بالعجينة التى تباع ام هى من تحضيرك بارك الله فيك

شريت عزيزتي عجينة اللوز تباع في علب واخدمت الوردات كاين طريقة صنعها في الدرس

​

 

[nissma34]

السلام عليكم ورحمة الله وبركاته​

فكرة مليحة ومديتي نصائح كثيرة رايحة نعمل بيها​

لكن عندي استفسار حول القلاصاج هذاك اللي brillant حيت انا نعرف غير القديم وعجبني هادا الجديد​

وبغيت نجربه ومانعرفش الكيفية نتاعو​

الله يحفظك اختي في اقرب وقت ممكن تعلميهلي اذا ماعندكش حاجة تشغلك وربي يجازيك الخير​

شوفي عزيزتي درس المخبز وهناك تجدين مقادير القلاصاج
لما تقلاصي الحلوى خدي اسفنجة نظيفة اغطيسها في اللماع الغذائي وامسحي السطح تاع الحلوى رايح يجيك قلاصاج يلمع

 

[حاملـة المسك]

الله يفرحك كما فرحتينا.....صح فطورك​

 

[ام منصف]

رانا بانتظار جديد الحلويات
يعطيك الصحة
خاصة وان العيد قرب ما بقاش ياسر

 

[سماح الجزائريه]

مشكورة للموضوع الرائع او هكا الكل يستفيد​

 

[هديـل]

شوفي عزيزتي درس المخبز وهناك تجدين مقادير القلاصاج
لما تقلاصي الحلوى خدي اسفنجة نظيفة اغطيسها في اللماع الغذائي وامسحي السطح تاع الحلوى رايح يجيك قلاصاج يلمع

الله يحفظك اختي وربي ينورك والله يحقق لك ما راكي متمنية

ورمضان كريم للجميع

 

[بلبلة سطيف]

شكرا عزيزة على اضاح عجينة اللوز من فضلك اختى بالنسبة للطلية هل من الاحسن استعمل الخلاط الكهرباء او بكف اليد جزاك الله خيرا

 

[nissma34]

الدرس الرابع
براسليات بالطلية
درجة حرارة الفرن: 160 درجة​

مدة الطهي : من 15 الى 20 دقيقة ​

​

مكونات العجينة :

3 مقادير من الطحين
1 مقدارمن السمن (طري)
ملعقة كبيرة من السكر الرطب
ملعقة من عطر الفانيليا
ماء زهر
للحشو :
3 مقادير اللوز
1 مقدار من السكر
مبشور الليمون
ماء زهر
الطلاء
2 بياض بيض
ملعقة كبيرة عصير ليمون
ملعقة كبيرة ماء زهر
سكر رطب
ملون غذائي
ملعقة صغيرة زيت
*نحضر العجينة
بخلط السمن مع الفرينة و السكر و الفانيليا ونجمع بماء زهر ونتركها ترتاح.
نرحي اللوز مع السكر +قطرات عطر الليمون و نجمع بالبيض
حلي العجينة شكلي مستطيل عرضه حوالي 08 سم وضعي الحشو على شكل حربوش ولفي العجينة حول الحشو لي تحصلي على اصبع .نشق طرفي الاصبع
نجمع طرفي الصبع لتشكيل الاسورة تطهي في فرن معتدل​

تحضير الطلاء

*نحضر الطلاء بخفق بياض البيض مع عصير الليمون و ماء زهر ثم نضيف السكر بدون التوقف على الخفق +الزيت حتى الحصول على طلاء لا يسيل +الملون قليل فقط وردي.
الديكور:
لما تقلاصي الاسورة قصي زهرة مارغريت حجم كبير من عجينة اللوز البيضاء ولصقيها في الوسط وبواسطة ملعقة صغية عمري وسط الزهرة بلماع متعدد الالوان ورشي بريشة الوردة كاملة .
هادو هما طوابع المارغريش استعملي لكبير فيهم ​

عفسات الدرس
*باه يجوك الحبات بنفس الحجم لما تلفي السوار لفيه حول غلاق قارورة ماء شرب واقطعي زائد.

*جربي الطلاء فوق الحلوى كان سال ومشدش فوق الحلوى زيدي السكر كان جا تقيل زيدى عصير ليمون.
*باه يجي القلاصاج يلمع اغطسي اسفنجة في اللماع الابيض
وامسحي الحلوى.
*لما تزيدي شوية خميرة حلوى في الحشو وقليل من الزبدة يجي طري .​

 

[nissma34]

شكرا عزيزة على اضاح عجينة اللوز من فضلك اختى بالنسبة للطلية هل من الاحسن استعمل الخلاط الكهرباء او بكف اليد جزاك الله خيرا

بالخلاط الكهربائي افضل جيك طري

 

[tasnim55]

السلام عليكم اختي نسمة والله لك منى مليون الف شكر على المجهودات والنصائح للاني من محبين صنع الحلويات الحصرية الله يجعلها في ميزان حسناتك.
اختي نسمة عندي سؤال عن القلاصاج اذا كان القلاصاج هو بذات ابيض وخترنا اللون الابيض نستعمل غبرة اللون الابيض ام لا داعي
واذا خترنا اللون الوردي نختار من الاحسن غبرة او سائل باش يجي اللون باهي وسامحيني طولت بسؤال مشكورة وصح صحورك

 

[توتة41]

السلام عليكم ورحمة الله وبركاته تقبل الله منا ومنكم صالح الاعمال اما انا راني اخر من يعلم اي كلمة شكر قليلة عليك اختي العزيزة ربي يجعلهالك في ميزان حسناتك ويكتبهالك صدقة جارية يعطيك الصحة

 

[ريمة الجزايرية]

بارك الله فيك اختي ، يعطيك الصحة
والله المنتديات الجزائرية محتاجة لعضوات مثلك

همسة : لوكان تديري كل قاطو في موضوع وحدو ماشي أحسن ؟؟؟

 

[نصيرجميلة]

Une bonne idee

 

[meimeifati]

مشكورة حبيبتي على البراسليات تزيينهم هايل الله يعطيك الصحة

 

[وردة الروح]

يعطيــــك الصحة
بوركــــت
و صـــح فطرك

و تقبل الله منا و منكم صالح الأعمال ​

 

[nissma34]

السلام عليكم اختي نسمة والله لك منى مليون الف شكر على المجهودات والنصائح للاني من محبين صنع الحلويات الحصرية الله يجعلها في ميزان حسناتك.
اختي نسمة عندي سؤال عن القلاصاج اذا كان القلاصاج هو بذات ابيض وخترنا اللون الابيض نستعمل غبرة اللون الابيض ام لا داعي
واذا خترنا اللون الوردي نختار من الاحسن غبرة او سائل باش يجي اللون باهي وسامحيني طولت بسؤال مشكورة وصح صحورك

ان كان لقلاصاج ابيض لا داعي لاستعمال الملون
ديري شوية برك برك من اللون الاحمر غبرة يجيك وردي مليح