.. نَبَطٌٌيــــــــــــــــــــــ ــــــــــاتْ موح ..

[Moha le sage]

غلطتي طيبتي - وغدرك غلطتين !





ما على " قلب " الرسول إلا / البلاغ

و إنت لك عندي ( رساله ) و كلمتين

قلبي المرسل ؟ .. محاك من الدماغ
طحت من عيني ! و طاحت دمعتين .

ما أطوّلها عليك , بْلا صياغ -
هي قصيره بس ! تجرح حبتين

: يوم قلبي ذاب في حبك , و زاغ ..
ليه قطَّعته بـ [ إيدك ] قطعتين ؟! :

ما مسح لي دمعتي غير .. الشماغ ! .
غلطتي ؟ / طيبي , و غدرك / غلطتين

بيت صغته . . . وبيت " لا يمكن " يصاغ
شي كتبته, وشي مكانه نقطتين (..)

قلبك أستخسر عليه اليوم ساغ ....
وعندي كلك ما تساوي – بيزتين

آخر حروفي الصدر فيها بـ " آغ "
و إنتهى عجز الصدر فيها بـ ( تين )

إللي فيني الحين ؟ ما جا من فراغ
صدمه .. وحده .. تكفي / ما أبي صدمتين /

ما عليك من الرسول , إلا البلاغ ,


صعب تلدغني بجحرك : مرتين


​

 

[Moha le sage]

ܔْށ ,, ياســائلاً عنى ترى خاطرى ضــاق ,, ܔْށ

ياســائلاً عنى ترى خاطرى ضــاق ,,, تسـآوت غداريها بليلاً بّه نجـوم

اقاسـى الاهـات يـوم الردىِ بـاق ,,, اقاسى الاهات يوماً بأثر يــــوم
​

حتى الصبر يا خوك ما عاد ينطـــاق ,,, صبرى تعدى الحد واخشى من اللوم

لا بغيت ادله واحسب ان خاطرى راق ,,, تنتأبنى هوأجيسـاً كانـها حلـوم

هواجيسى توارد عجلاتٍ ســـباق ,,, بين الضـلوع آقاسـيها يومٍ بيـوم

كأنى اســــيراً يطلب الله الاعتاق ,,, خلـوه ربعه يـوم قفوا به القـوم

يابوســـعد ماودى بكشف الأوراق ,,, وأبوح بسـراً بين الاضلاع مضموم

لاشك حالـى يافتى الجـود ينبــاق ,,, واصبحت انا فى حيرةٍ دائم الـدوم

اللىعزيتــــه شفت انا منه ما لاق ,,, واللى شـريته باعنى بأول السـوم

واليــوم انا حالى يسـتحق الآشفاق ,,, مـمّن اوده صرت انا اليوم مضيوم

شربت انا من صافى الســم تريـاق ,,, ولا ادرى انى اشرب الكاس مسموم

دنيا بـــلاويها كما ضرب الاعناق ,,, تشييب اللى تـوه اليـوم مفطووم

دنياك يفوزبـها من الناس بـــواق ,,, وراعى الشهامه أصبح اليوم مذموم

اشــــوفها تشكل اشكال وارناق ,,, واشوفها صارت غرا بيل وعلـوم

اشوف لى ناساً بلا خلق واخـــلاق ,,, ما كنّهـا اجـواداً لها نهج وسلوم

وهذاك طويراً بالجناحيين صـــفاق ,,, يا له من وقعــةٍ لوكثرالحــوم

والليل بينجلى مع شمس الاشـــراق ,,, والنايم لابد انه يصحى من النـوم

هذه ظروفاً مع الايام تنســــاق ,,, دوراتـها لابــد لنا بـها يـوم

ترجع ايّـاماً ماضـيات لنا عتّــاق ,,, يوم ان الحر ما يتعشـى مع البـوم

يا الله يالمعبود قســـــام الارزاق,,, ياعالماً بالسـر يافارض الصــوم

اجعل منهايا والى العرش منطــــاق ,,, وانت الذى علمه علا كل معلـوم

وصــــلاة ربى عداد ما لاح براق,,, على نبياً صـفوة الخلق معصــوم



آميــــــــــــــــــــــ ـن



​

 

[Moha le sage]

أعشقك ... يا قصيدة .....




شبيهـ الريــــــــــــــــــــــ ح ....

​

شبيه الريح...

وش باقي من الآلام
و التجريح
وش باقي من الأحلام
وش باقي من الأوهام
غير اني .. الاقي في هجيرك فيّ
الاقي في ظلامك ضيّ
و اوقد شمعتي في الريح

شبيه الريح...

اذا تسمح بغيب شوي
ابجمع همي الباقي
و ادفن صبري الذابل في أوراقي
و برجع لك اذا باقي بنفسك شي


شبيه الريح...
أنا مقدر أكدر صفوك العاصف

شبيه الريح...

أنا من لي سوى إحساسك الجارف
بقايا زيف أشواقي
سما أمطار أحداقي

شبيه الريح... وش باقي
ابي أعرف
متى تسكن رياحك
وابي أعرف
غرورك هو متى يطلق سراحك
و ابي أعرف
متى تعصف
متى تعطف
متى تنزف جراحك
و ابي أعرف
إذا باقي في بحرك موج اكسر فيه مجدافي
و ابي أعرف
إذا باقي في همك هم ماشالته أكتافي
و ابي أعرف
إذا باقي في هالدنيا حزن ما مرني و استوطن أطرافي
و ابي أعرف
إذا باقي من المعجز في هالدنيا
سوى العنقاء
و الا الغول
و الا خلك الوافي
بقايا زيف أشواقي
سما أمطار أحداقي

شبيه الريح... وش باقي ؟!


سنيني يم
و قلبي المركب المتعب و انت الريح
مجاديفي عذاب و هم
و زادي الوجد و التبريح
و صبري صبر بحّارة
بغوا في اليم محّارة
غشاهم موج كان من الغضب أغضب
و كانوا للهلاك أقرب
لولا كثروا التسبيح



شبيه الريح...

حبيبي الأصدق الأكذب
عجزت اوصل شواطي طبعك الأعذب
تعبت أنطر في وسط العاصفة
قلب و شعور و عاطفة
تعبت أجمع ألم كل الموادع
في المواني و أحضن أطيافك
تعبت السهد في ليل الشوارع
و الثواني تنطر انصافك
تعبت الظلم و اجحافك

شبيه الريح...

أنا ودي أكدر صفوك العاصف
شبيه الريح...

أنا كني نسيت إحساسك الجارف
بقايا زيف أشواقي
سما أمطار أحداقي

شبيه الريح...

كيف أسألك : وش باقي ؟
وأنا الباقي من إحساسي
ذرته الريح

​

 

[الخيزران]

إضحك وفـل حجاجـك اشفيـك محـزون
.........دنـيـاك ماتـسـوى وخـذهــا نصـيـحـه..

مــادام مـالـك مـيـت ولا انــت مـديــون
.........ارم الهـمـوم وخــل نـفـسـك مـريـحـه..

لـو كانـوا اصحابـك يضـاهـون ملـيـون
.........نــق الكـفـو منـهـم وخــل السطيـحـه..

ولا تشتـكـي للـنـاس لوكـنـت مطـعـون
والـذم مـن بـعـض الخـلايـق مديـحـه)..



........ .و(لا تنـحـنـي للهم وتـعـيــش مـغـبــون
.........تـرا المريـح اهـل العقـول الصحيـحـه..

لاصـرت صـادق قالـوا النـاس مجنـون
.........مايـمـدحـون الا الـنـفـوس القـبـيـحـه..

وخلـك صـمـود بـوجـه الايــام و موزون
.........ومـــا حـــرم الله إثـــم لا تستـبـيـحـه..
والكـبـر لــو بــه فـايـده فــاد فـرعــون
.........ومــن ذاع ســره بـشـره بالفضـيـحـه..

والله لــو يعـطـون لـــك مـــال قـــارون
.........ماشـفـت نفـسـك بالغـنـى مستريـحـه..

انفـض همـوم القلـب وابليـس ملـعـون
.........وان ضاق صدرك ارض ربي فسيحه​

​

 

[Moha le sage]

http://www.youtube.com/watch?v=dMyZX_JGdTQ&feature=player_embedded

لبيه .. لبيه ياللي وحدك إن قلت لبيه ..
يذبحني لبيهك ويذبحني الصوت ..​

وإن طاح قلبي ميتن فيك خليه ..
ياحي قلبن طاح وياحيه الموت ..​

ماقلت أحبك لأجل وقتي أسليه ..
لا لا والذي نجى نبيه من الحوت ..​

والحب لو هو سر واقدر اخبيه ..
ما قلت أحبك حتى وشفاهي سكوت ..​

لي ناظر(ن) ماغير شخصك يمليه ..
كأنك دواي وشوفتك طب منعوت ..​

وان ضاق بالي أذكر اسمك واغنيه ..
واتخيلك عل وعسى طيفك يفوت ..​

اهواك واهواك وهمي كيف قلبك اهنيه ..
من كثر ما اسمك في هالقلب منحوت ..​

حتى الخطا لو جاني منك امشيه ..
وان ما مشى أخلق له اعذار وثبوت ..​

وش الذي يخطر في بالك واسويه ..
لو حتى في وسط البحر ابني بيوت ..​

ياللي البحر لو جا في بالك تحليه ..
مريت صوبه وامتلأ سكر وتوت ..​

لبيه ياللي لو طلبني ألبيه للعاصمه ..
حافي ولو دربه خبوت ..​

لين اندهك يافلان واتقول لبيه ..
واطيـح من طولي و يذبحني الصوت ..​

​

للشــاعـر آنـور المشـيري ..


​

 

[Moha le sage]

إضحك وفـل حجاجـك اشفيـك محـزون
.........دنـيـاك ماتـسـوى وخـذهــا نصـيـحـه..

مــادام مـالـك مـيـت ولا انــت مـديــون
.........ارم الهـمـوم وخــل نـفـسـك مـريـحـه..

لـو كانـوا اصحابـك يضـاهـون ملـيـون
.........نــق الكـفـو منـهـم وخــل السطيـحـه..

ولا تشتـكـي للـنـاس لوكـنـت مطـعـون
والـذم مـن بـعـض الخـلايـق مديـحـه)..



........ .و(لا تنـحـنـي للهم وتـعـيــش مـغـبــون
.........تـرا المريـح اهـل العقـول الصحيـحـه..

لاصـرت صـادق قالـوا النـاس مجنـون
.........مايـمـدحـون الا الـنـفـوس القـبـيـحـه..

وخلـك صـمـود بـوجـه الايــام و موزون
.........ومـــا حـــرم الله إثـــم لا تستـبـيـحـه..
والكـبـر لــو بــه فـايـده فــاد فـرعــون
.........ومــن ذاع ســره بـشـره بالفضـيـحـه..

والله لــو يعـطـون لـــك مـــال قـــارون
.........ماشـفـت نفـسـك بالغـنـى مستريـحـه..

انفـض همـوم القلـب وابليـس ملـعـون
.........وان ضاق صدرك ارض ربي فسيحه​

​

:re_gards:

قصيدة جميلة كثير ...... و الاجمل حضور اسمك معها

لا حرمت ردودك فاطمة


اللهم ابعد عنا ضيقة الصدر ....

​

​

 

[Moha le sage]

نرجسيـــــــــــــــــــــــــــهـ



http://www.youtube.com/watch?v=fotHGXuDq9I


نرجسيه.. نرجسيه.. أذكر إنها نرجسيه
كلمةٍ مطلع قصيده راودتني من زمان

كنت أبكتبها ولكن عيت ظروفي عليه
والزمن أيضا حداني وبعدها كان اللي كان

نرجسيه يا علي بنتٍ تمادت بالخطيه
أسرفت في حالي حتى عفتها يابورزان

بعثرت عمري شظايا بين ذيك وبين ذيه
ولاقويت أجمع شتات العمر وأطراف الحنان

أذكر إني كنت أهوجس في غلا هالأدميه
وأحسب للحزة لقاها هالدقايق والثوان

وأذكر إني كنت أشكك في وجود الجاذبيه
وأتساءل ليه أطير إليا دعتني في مكان

وكنت أظن إن النهار إليا ظهر ثم بان ضيه
إستمد النور منها ثم خذى منها ضمان

والضمان إنها تصون السر عن كل البريه
ما تخبر به قريب ولا يسولف به لسان

جادل ربي حباها في ملامح يوسفيه
عنق وإلا خسر وإلا..يادخيل المستعان

إن تهادت في خطاها تسلب العقل برويه
وإن تثنت شحت كفي وش بقى للخيزران

وإذا إنتثر مجدولها اللي حشى ما شفت زيه
فاح ريح العود وإلا هو عبير القحويان

من نظرها كنه اللي ماحسب طعنة خويه
ولاله إلا لاتبسم ثغرها عض البنان

لو نظرها إبن الملوح عاف ليلى العامريه
يختلف طرقه ونهجه وتصبح العشره ثمان

يترك الشعر المقفى والحروف الابجديه
أو يهيجن هيجنة بدوٍ لهم عزه وشان

أشهد إنها من عذابي ياعلي ماهي بريه
قلبها قاسي ونادر ما تمايلي ولان

عرضتني للهجير وقالت أمشيلك بفيه
واتركتني للسهاد ولوعة أصفاد الهوان

واستباحت كل عرق من عروقي والضحيه
حبنا اللي من سواها ما صفا مره وزان

عنجهيه ونرجسيه..نرجسيه وعنجهيه
حلها وشلون مدري!!طالبك يابو رزان

​

 

[Moha le sage]

الحــال في [بعدك] قسم بالله ماأسميه حـــال

http://www.youtube.com/watch?v=JMhj_V9xmPg&feature=player_embedded#at=87



اصعب سؤال اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت"


البارحه يومه سأل : ( وش ذكرك ذيك الليال ؟ )
كان الجواب بكل بساطه : ( من متى اصلا نسيت ؟ )


ادري بان جمع ( الصعوبه والبساطه ) شي محال !!
لكنها صارت كذا ! واللي (( اهم )) اني دريت :


ان الحياه فبعد احبابك اذا جف الوصال
اتعيشها لو تقتنع انك خلااص اصبحت ( ميت !!)


يا صاحبي لو كل شي يمر بالخاطر يقال
ما كانت العبره تولجني اليامنك طريت ؟!


شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت !!


عمر الحكي ما كان دافي لاابتدى بقولة تعال
لجل اتجاهل رجفة حروفي اليامني حكيت ..


الحال في بعدك قسم بالله ما اسميه حال
انوي على الضحكه واحس كلي خطا لاني نويت ؟!


اتصور انك من رحلت اشوفك لجسمي ظلال
لا شفته امشي ببتعد واثره معي مهما مشيت !!


مدام يعني في بحرك لفرحتي مليون جال
وش فيه موجك ما ركد ؟ قربت اموووت وما رسيت ..


يرضيك ما عادت معي تفرق اذا جالك مجال
لاني اقتنعت انك نهايه واني ببطي ما بديت !!


صرت ( اعقد حجاجي ) اذا جابوك باطراف الجدال
وانا قبل لاقالوا اسمك كني : ميت ثم حييت ..


تعبت اعيش الدور وافتح للمعاذير الخيال
واتخيل اني جيت في بالك وبانك استحيت ..


وتردلي كلك (( وله )) وتقول : ( كن البعد طال؟ )
ومن الفرح ما عاتبك واقول : ( ياخي مابغيت ! )


حتى وانا تخيل حشمتك ! لن قلبي لا يزال
يكرر اسمك داخل اعماقي بنبضه لا سهيت ..


قلي شسوي فيك ؟ وانت بداخلي اصدق مثال
للحب واحساس القصيد ان عانق الليل وسريت ..

ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت ..


واذا بلاك الله وعذبك اشتياقك (( بس تعال ))
واقرى القصايد في غيابك كل ابوها بيت ... بيت ..


بتدرى ان ( اصعب سؤال ) اللي يجي رده ( سؤال )
لا قلتلي ( وش ذكرك ؟ ) ثم قلتلك ( متى نسيت ؟ )

​

 

[souss]

رائع ما انتقيت أخي
لكن لاحظت أن معظم ان لم أقل كل القصائد فيها حزن و جراح ........
فإن كان هذا يعبر عما بداخلك أسأل الله أن يريح بالك و ينير طريقك و ييسر أمورك​

 

[Moha le sage]

رائع ما انتقيت أخي
لكن لاحظت أن معظم ان لم أقل كل القصائد فيها حزن و جراح ........
فإن كان هذا يعبر عما بداخلك أسأل الله أن يريح بالك و ينير طريقك و ييسر أمورك​

أحيانا الموت هو الراحة الوحيدة ... من عذاب الدنيا و قساوتها



بارك الله فيك .. على مرورك الطيب ... و دعاءك

كل ودي لك


​

 

[الخيزران]

اعطني من ايام الفرح يوم
يا مبعد عني وانا مولع فيك ,,


تعال شف وش فعل الايااام فيني ,,,


عذبتني بالهجر ما اكثر تجنييك ,,,


واحرقتني بالصد يانور عيني ,,,


تخطي وتزعلني وسامحك وارضييك ,,,


واربط حباال الود بينك وبيني ,,,


شفني حطاام انسان من فعل ايااديك ,,,


مفتون اهذري بك على كل حيني ,,,



لاجيت انادي غيرك اخطي وانااديك ,,,

واضحك وانا حزن الدهر محتويني ,,,


كم ليلة سامرت طيفك وطاا ريك,,,


كنك معي تلمس يمينك يميني ,,,


وتقول ؛ وش علمك ؟؟؟وانااقول ؛ بااغيك


يالله نعيش احلامنا ياضنيني ,,,


عطني من ايام الفرح يوم واعطييك ,,,


كل الحياة وما بقى من سنيني ,,,

​

 

[Moha le sage]

ربتني الدنيا ............

أنا ربتني الدنيا على جزل العطا والجود​

ونفسي للوفا والطيب وفعل الخير جزامه

وأعارض منهج الهابط وأوافق للصعود صعود
وأسيّر نفسي بعقلي مدام النفس هدامه

ولا تثّر بي البسمة ولا كحل العيون السود
ولا يقوى على قلبي صغير الحسد وأجسامه

أردّ الجود بأمثاله وأقابل بالجحود جحود
وترى لاخير في رجلٍ يوطّي للردى هامه

وعندي مع أهل العِليا مواثيق وثلاث عهود
أوفي له مطاليبه وأودّه وأرفع أعلامه

أعايش مركب الدنيا على متن القدر مولود
أبعرف هو صحيح إنّ القدر بالناس دوّامه ؟

ومن وين الزمن مقبل وإلى وين الليال تقود
ومن في هالزمن يقدر يوجّه خطوة أقدامه

ومن لهب الزمن غاية ومن عنده هدف منشود
ومن منّا قدر يعرف خفايا مقبل أيامه؟

عرفت إنّ الشقا باقي ، عرفت إنّ الحسد موجود
عرفت إنّ القدر يفرض علينا بأسوأ أحكامه

لقينا بالعرب حاسد وشفنا بالعرب محسود
وبه ناسٍ لنا ضامت ،وبه بالناس من ظامه

وينقص بعضنا خوّه وينقصنا وفاء وعود
مدام الحسد باقي وبعض الناس نمامه

ولا ترجى بها الدنيا من ربوعك يجيك اسنود
ولا تشره على رجلٍ عيونه خانت أقدامه

وقابل خطوة بخطوة وجازي بالصدود صدود
تناسى غلطة الصاحب عليك بلحظة اخصامه

ولا تخطي ترى لصبر الحليم اليا سلاك حدود
تروّى واعرف بضرب الحديد تفكك لحامه

تجنب كسرة الخاطر ولو حبل الزعل مشدود
تراك بكسرة الخاطر حكمت القلب بعدامه

ولا تزعل على رجلٍ بذل لك ولرضاك جهود
ولا تامن من الحاسد رضاه ورفعة ابهامه

نبي نصبر على الدنيا قلوبٍ بالحياة زهود
مدام إنّ البخت عيّت توّفق رمعة سهامه

وأنا ما قلتها راجي ولا أطلب بعدها مردود
ولكن الفتى ودّه يحقق جملة أحلامه

وبمشي لآخرالدنيا ولو كلّ الأنام اقعود
وعن وجه الزمن بكشف حقيقه وأرفع الثامه

صحيح إني صغير السن ولكن قدها وقدود
وأنا عندي مع الدنيا مواقف ترفع الهامه

طموحي يملي العالم ولابه للطموح قيود
مدام إن الأمل طبعي ( عرين وصرت ضرغامه )

خلقنا الله من ترابه ولأحضان التراب نعود
تحت رمل الثرى نبقى تغطي جسمنا خامه

سلفنا ما لحقناهم تحت قاع التراب رقود
ولا يبقي منا لميت سوى ذكراه وعظامه

ولو طال العمر فاني وترى عمر الفتى محدود
وكلٍي طلب المولى يبيحه يحسن ختامه

وأنا بلّغت بلساني وربي والأنام شهود
وصحف البيّنة جفّت وعنها رفعت أقلامه



..
​

 

[Moha le sage]

تعبت ألعب دور البطوله ....


http://www.youtube.com/watch?v=nBwHaSr-FBg&feature=player_embedded





الشعر وهبه رب ماهو تدراس
وأنا بفضل الله أقوله وأعوله

أجذب جماهير مثل جذب الألماس
وأقعد بزوره ووأوقف كهوله

أفصحه وانبـــطه وانثره كــــاس
واسكـــــره وأفض بكــره بتوله

وألياأعلنوا شعار ساحته الإفلاس؟؟
صكيتله في بنك مخي عموله!!

الشاعر اللي فيه هيبه ونوماس؟؟
مايخذل الجمهور الاصفقوله..

يارب يالي خالق أعبادك اجناس
ياربنا يالي عظمتك مــــهوله..

يامـــالك ملكك بلاحد وقياس
الأدراك. . لو تناوله. .ماينوله..

يسبحك النمل في ليل غلاس
ويخاف بطشك فاسد وشيخ دوله

يــاعالم تعلـــم بدزات الأنفاس
علـــــــمٍ عـلماء البشر ماأصلوله

ياجاعلن شيطان شاغل وخناس
ومخشره قــلـــب البنادم وزولــه

ياخالق الكرمان بيضان الالباس
ويمدمر أقرى المترفين بسهوله

يادامج الأسياف في جال الأطعاس
ويامفني العشبه. .ومبقي الجلوله.

يامنزل الفرقان جلاي الأعماس
ترضي به نفوس الــعباد الزعوله

أجنبني الشرك وعمل عمل الأنجاس
وفقهني في دينك وسنة رسولــــــه

أنا فوجهك لا يجي في وجهي الباس
في يوم تعرى فيه حتى الخجولــــه

البارحه ماغمــض الجفن بنعـــاس
غدابي التفكير صـــوله وجــــــوله

ف الناس وف الدنيا وفالهم والباس
وفي سرعة أقدام الليال العجوله

العمر يمشي والمقادير جــــــلاس
والحـــلم يا قصره لو هو يطولـــــه

والقلب هذ ا كل ما هب نســــناس
شدد معاليقه و دقـــق طبـــــــوله

والحزن طعمه طعم وأجراسه أجراس
لا جـــــــاب دمع إيجيك على أصـوله

والدمع لونقص ضــعيف وبــلاس
مانقص أرجال المواقـــــف رجـــــــــوله

بالعكس اشوفه بوح راقي و نبراس
في وقت شحت فيه حتى..الطفولة

الفلسفة ومعالج الجذع بالفاس
خذت من اثمن بحر ماسه ولوله

و الإثم و الفعل الردي و التغلاس
يرث عقد جما وأنفس ملوله

والإنسان بالفطرة مناقض للأدناس
لو يشتهي قلبة .. وتجرا رجولة

و اللي يدوس النفس ما هوب منداس
لو اوقفوله خبرته واقعدوله

و مدينة ماهيب تبنى على ساس
مالوم ماطرها لا وقف هطولة

ياليت مادون الثمينات حراس
ومادونها باب تقفل قفوله

وياليت مالي اسم من بين الأقواس
وياليت كفي باخله .. ومغلوله

وياليت ما عندي مشاعر ولا احساس
الله .. يا كم شي خافي بقوله

ويالتني انسان من ساير الناس
لأني تعبت اعيش دور البطوله

الحكم لله و المسجل بكراس
بيصيبني لو ان مانيب حوله

الله يعز الساس ويشمخ الراس
ويشيل ابعير المحامل ..حموله


سعد علوش



​

 

[Moha le sage]

أسبوع مر ................. و لا وصل منك


http://www.youtube.com/watch?v=Jq311ImAJrY&feature=player_embedded



أسبوع مر ... و لاوصل منك مرسال !!
ياقو قلبك كيف تقاطعني أسبوع؟!

الجوع كافر ! وانت ماترحم الحال
وانا عليك من الوله ميت جوع

يالي غيابك صعب يطري على البال
تركتني ضايق وحاير ومفجوع

ماكني الا: شايب فاقد عيال
وماكنك الا:محرم حق مشروع!!

يفوع لك قلبي ليا مر الأطلال
ياليت مالي قلب يشتاق ويفوع

حسبي عليك شلون قطعت الأمال
باااااموت لاصار الأمل فيك مقطوع

ياصاحبي ماكل نزال رحال
انت الحيا من وين مارحت متبوع!!

نسياني لزول بالاعماق يختال
اصعب على صاحبك من حبة الكوع

لو الثمن في شوفتك عمر رجال
كان الثمن من يوم ماغبت .. مدفوع!!

ولو القدر ماتم قوله ليا قال
ماضاق صدر ولا انحنى راس مرفوع

ياصاحبي عشقتني فعل وخصال
وانا عشقتك شعر واحساس وطبوع

وشلون تتركني كذا لا اشهب الــلال
وقدام عيني تجف ينبوع .. ينبوع!!

وانا عشانك جيت والغيم همال
اسيل الوديان واداحم جموع

ماردني عنك سواليف عذال
تزعل علي ربوع وتقدر ربوع !!

كان المهم اعيشك جنون ووصال
ويكون لي كلمه ولي راي مسموع

واليوم ضاقت بي من الجال للجال
فرقاك تقصم ظهر وتحز وتلوع

لوجيت شفت الحال ماسرك الحال
في غيبتك ضايق وحاير ومفجوع !!

هذا غياب اسبوع وشلون لوطال
طالبك ... لايطول غيابك عن اسبوع!!




محمد جار الله السهلي





​

 

[Moha le sage]

http://www.youtube.com/watch?v=Kh7CxQ7uJGE

صعب لامنك فشلت وصعب لامنك لقيت
ان من يكره نجاحك يدري انك مانجحت

أمس ضقت ورحت أقلب ذكرياتي وانتهيت
عند صورة طفل صوته مثل صوتي لاانجرحت

وش مثل لاوالله الاهذا أنا يوم ابتديت
أنطق حروف تلعثم في لساني لاانمدحت

هذا أنا يوم الحياة بنظرتي عشرين بيت
ومسجدين ومدرسه من طين كم فيها اصطبحت

هذا أنا وأصبحت أتمتم هذا أنا حتى بغيت
أختنق بس القدر عيا على موتي وطحت

وصاح صوت الطفل فيني انت من وين ارتميت
قلت أنا المستقبل اللي فيه كم همت وطمحت

أمس كنت أبيك تكبر بس والله لودريت
اني اللي عشت لجله مت عندك واسترحت

لودريت ان الزمان يجر رجلي ماعديت
ولودريت ان البحوربلامواني ماسبحت

كان دربك لي طويل وكل ماشفتك هويت
قلت لك كبوة جوادوماكبيت الا وجمحت

ليه تسمعني وتمشي؟؟..آآآآآه ليتك مامشيت
وآه ليتك من كثرعثرات الأيام انتصحت

ضاعت أحلامي وظل الحزن فيني واهتديت
للطريق اللي يوديني على دمعي ورحت

يالحزن ليتك مثل دمعي وتنزل لارقيت
بس أعرفك لو مسحت الدمع تبقى ماانمسحت

كان حلمي في وجود انسان يبكي لابكيت
وصارحلمي في وجودانسان يفرح لافرحت

كنت أشوف الناس مثلي كل ماجعت وضميت
مادريت ان الأوادم ناس فوق وناس تحت

آآآآه يااول ذكرياتي خذني بحضنك نسيت
لسألك عن وجه أبوي اللي معه ياماسرحت

وخذني بحضنك أبغفى ياااه مبطي ماغفيت
وان لمحت دموع عيني سو نفسك مالمحت

خذني بحضنك وبعثر في جروحي وان قضيت
هزلي كتفي وقل لي(عيب تبكي لو سمحت)

اضحك وعلم زماني من أنامن وين جيت
طق باب الحزن واصرخ في لامني فتحت

وضمني يمك وكمل ضحكتك لامن بكيت
ودي أذكر كيف كانت ضحكتي لامن فرحت



​

 

[Moha le sage]

شااااارعك

يعني لو شارعك به ضجة جـــــــراح
تتركه من دون ماتبكـــــــي عليــــه

أنا أدري ما بها يديـــــــنك سمــــــاح
وإني ألطف من طفل لعبة تهديــــــه

جاني صبحٍ يكســــر وجوه الكفــــاح
وأنت تصرخ يافجر وشهـــــو يتليه

من مهادي ما عرفت الا الوشــــــــاح
ألتحف بالهـم أمســـــــــي به أبيه

كل عمري يوغـز حظوظي شحـــــاح
وأنت تضحك والألم بــــــــس تتكيه

يعني ترحـل دون ريش بهالجنـــــــاح
إنت طيـرٍ والوجـــــــــــع دايم تطيه

مايهم إن كـان فـــي كاسك ذحـــــــاح
المهم شارعك لا مره تعطيـــــــــــه

هاك شيل الدم مـــــــن عين الرمــاح
وإطعن المسكين فـي صورة تجيـــه

السفينة لا دوة فيـــــــــــه الريــــــاح
مايطيح شراعـها و أهيـــــــــه تبيه

البحر مايعـرف حدود المــــــــــزاح
الله يستر من بشر خـــــــــاين سفيه

والرياح تهيج مـن كثر الصيــــــــاح
والمواني صدرها للــــــــي تعنيــــه

النجاح إنـك تمـــــــــوت بلا نجـــاح
والفشل إني لأحزانــي نبيــــــــــــــه

صاحبي لا مـر فــي عمرك صبــاح
لك أمانه لازم تصـــــــــــــافح يديه

هذا هو شارعك يفديـــــك بجــــراح
وإنت طيـب توصي بسهامك عليــه

​

​

محمد

​

 

[Moha le sage]

http://www.youtube.com/watch?v=BCIgki6U-u0&feature=player_embedded


منـك العـذر وعـلـي المـعـذرة
لاتحسب حساب هجـر ولا هجيـر

كـل ذنــب بتذنـبـه بستغـفـره
واحـد مايعـذرك مافـيـه خـيـر

دور بصـدري وطـن واستعمـره
عندك مـن الضلـع الأول للأخيـر

عيش فينـي ودمـر اللـي تدمـره
واعتذر لي واعتبـر سـرك فبيـر

لاتبشـرنـي بـجـرح وتـذخـره
لاتعشمنـي بـحـزن وتستخـيـر

ولاتنومـنـي بلـيـل وتـسـهـره
ولاتنـام الا ونـا جفنـي سهـيـر

خلنـي مثـل النـجـوم مبعـثـره
عيـش فينـي لاشهيـق ولا زفيـر

لاتقـول العفـو عـنـد المـقـدرة
خل قلبك صلـب وحسابـك عسيـر

المسـامـح والـزعـل للمـبـزره
والا أنا لانـي زعـول ولا صغيـر

ودي أدري كيـف للحـزن أثمـره
ودي أقطف مـن قساوتـك العبيـر

ودي أجفـل مـن فراقـك وأحـذره
ودي أعرف لو فقدتـك وش يصيـر

لو تقدر خاطـري صـدق أكسـره
لـو صحيـح تحبنـي لاتستشـيـر

أزرع بقلبـي سـبـب يستنـفـره
أثبت أنك غيـر وأن النـاس غيـر

شاعـرك ماكـل بنـت تجرجـره
حارت بـه عقـول نـاس ماتحيـر

النسـاء ماحركـن فيـه اشـعـره
ثـار عشـق ومالقـى شـي يثيـر

أن سكـت كـن الوقـار بمنـبـره
وأن تكلـم زمهـريـر بزمهـريـر

مايحضـر الا القلـوب مجمـهـره
ومايغيـب الا وعشـاقـه كثـيـر

أن هجرتـه تستـقـر بمحـجـره
وأن تبعت رضـاه ماعينـت خيـر

اسكنـه لكـن بـعـد ماتهـجـره
ابتسـم لـه بـس لاشفتـه كسيـر

حـن لكـن حـن لاجبـت اخبـره
حـب لكـن خـل حبـك بالأخيـر

لو عطيته وجهك أعطـاك اظهـره
صد عنه ويتبعـك مثـل الضريـر

لاتـحـاول تكسـبـه ماتخـسـره
صير ثلج يصير لك مثـل السعيـر

ماتميـل الا الغـصـون المثـمـره
ومايسيل من الجـروح الا الغزيـر

من قبـل لاتنقهـر منهـى أقهـره
قبـل لايستحقـرك خلـك حقـيـر

استفزه،شتـتـه، فــج انـحـره
اعشق،أكره،عاتب،أشره،حن،غيـر

أنثـره ،لملمـه ، لملمـه ، أنثـره
صد ،كابر، طير لـو تقـدر تطيـر

مـن متـى ونـا تحرالـي مــره
تثبت أنـي لاوقعـت أوقـع كبيـر

أبك أنا مقطوع من غصن اشجـره
لاصديـق ولارفيـق ولا عشـيـر

ابـدوي شيـب الصبـر اشـعـره
ماعرف ريش النعـام ولا الحريـر

أن غفـا كـن السحـاب يـدثـره
وان صحا يفرش من الرمضا حصير

ماخـذ مـن قسـوة البيـد أكثـره
ومن شموخ البـدو شـر مستطيـر

جنتـه صحـراه والشـوك أزهـره
والسـراب بنظرتـه مثـل الغديـر

أن فـزع يامشجـعـه يامظـفـره
من خلـق الله وهـو قـرم وفقيـر

كـان ماتقـدره قــول ماتـقـدره
صير غالـي صـدق ولاا لاتصيـر

الغـلا اللـي ماتزعزعـه اهجـره
كـان قلبـك لايجـار ولا يجـيـر

شوف لـك واحـد بليـد استحقـره
واجد اللـي يعشقـون بـلا ضميـر

بس أنا لو جبـت لـي ميـة مـره
ماتحـرك فـي شعـره لـو تطيـر


حامد زيــــــــــد


​

 

[Moha le sage]

أنا عايش مع همي وهمي صعب تفسيره .!.!.




أنا عايش مع همي وهمي صعب تفسيره
حياتي بالألم تبدأ وهذا أول المشوار

أنا صوره من الماضي وأنا حاضر بلا ديره
وأنا طيفن مضى وقته وأصبح للزمن تذكار

وانا جرح صعب يبرى وكسر صعب تجبيره
وجودي والألم واحد بدنيا كلها أسرار

أعزي دمعتي وأضحك ودمعي كيف تبريره
الا يادمع لاتقسى على عين دمعها من نار

أسافر والألم خلي مخاويني وأنا صغيره
ولو أبعد عن دياري معي دايم الأسفار

انا ورده بدت تذبل .. وضعها كيف تصويره
تخيلها سحابة صيف بخيله حتى بالأمطار

عمري عالقدر واقف محال الوضع تغييره
قدر مكتوب من ربي وهذي حكمة الأقدار



...
​

 

[Moha le sage]

˚° 乂乂 قـالتـــــــــــــــــــــ من انتـــــــــــــــ ؟ 乂乂 °˚

قالت من انت ؟ وقلت مجموعة انسان
من كل ضـد و ضـد تلقيـن فينـي


فيني نهار وليل وافـراح و احـزان
أضحك ودمعي حايـرٍ وسـط عينـي


وفيني بداية وقت و نهايـة ازمـان
اشتاق باكر واعطي امسـي حنينـي


واسقي قلوب الناس عشقٍ وظميـان
واهدي حيارى الدرب واحتار وينـي


واحاوم طيور السما حـوم نشـوان
واسيّـل الوديـان دمـعٍ حزيـنـي


في عيني اليمنى من الـورد بستـان
وفي عيني اليسرا عجـاج السنينـي


تهزمني النجـلا وانـا نـد فرسـان
واخفـي طعونـي والمحبّـه تبينـي


وان ما عرفتينـي فلانـي بزعـلان
حتـى أنـا ترانـي احتـرت فينـي





موح
​

​

 

[Moha le sage]

•°•╬╬• || ~.. كحيـــــــــــــــلان ...~ { لمن يريد أن يعرفني } || •╬╬•°•


http://www.youtube.com/watch?v=1ZBoiq1FZDk


حامد زيد ... على لساني ..

ياشعر تبقى في نظرهم كحيلان
وابنظرتي تسوى عيال الحمايل

حنا الثنين اخوان واكثر من اخوان
لو ماجتمعنا بالنسب والسلايل

لو نختلف باسماء وعروق والأوطان
يبقى التشابه بيننا بالخصايل

وانا ليامني نويت اكسب انسان
اسعاله بكل السبل والوسايل

اعرف كيف ارد الاحسان باحسان
وكيف احصد بذور الفضايل فضايل

عايش زمن عاصرت به كل الازمان
مااعيل بس أكسر ثمانين عايل

اكسب عدو واحرق به قلوب عدوان
أشعل فتيلة بس اطفي فتايل

ان خفت ضعف اخاف من ضعف الايمان
وان عفت حمل اعاف حمل الجمايل

ما أضمى على الساحل ولو مت غرقان
لو مركبي تابوت والموج هايل

تغرق شهيد ارحم من تموت عطشان
طيحة شموخ ولا وقوف تمايل

ودك اليامن جيت في كل ميدان
لو منت الأول بالصفوف الأوايل

خلك اليا عودت خسران خسران
ينقال عنك عامل لك عمايل

لا جيت تحلم احلم تكون سلطان
وان جيت تقنع اقنع بحلم زايل

الوقت غربة وآخر الدرب عنوان
والجهل رحلة والتجارب رحايل

وانا كثر مالي من الناس خلان
الي صفولي بالشدايد قلايل

شايف حسد قل شايف اشكال وألوان
قابلت ظلم الا لقيت الهوايل

وان عشعش بصدري من الغبن شيطان
واتسددت دوني جميع الوسايل

بالقى من عيال الحمايل كحيلان
الي يكفي عن اعيال الحمايل

مرات ربك يرزقك قوت انسان
واحد ويسوى في عيونك قبايل​

​