.. نَبَطٌٌيــــــــــــــــــــــ ــــــــــاتْ موح ..

[الخيزران]

اعتذار
عسى ما زعلتك البارح وزودت الجراح جراح
عسى ما مرت الدمعة على أهدابك من أسبابي


جرحتك من كثر شوقي وخليت الكلام رمـاح
ولادري شلون ياعمري طعنتك حيـل بعتابـي


بدون شعور صدقني ترى كثـر الغـلا ذبـاح
تعال وشوف بغيابك غـلاك شلـون سوابـي

حرام تغيب من عمري وتعطيني الفراق وشاح
حرام الدمع في عيني مناديلـه هـي أهدابـي


غيابك يشغل عيون الزوايـا وأمتلـي أشبـاح
وأنا أنثر صوتك بقلب المكان وأشعل أبوابـي


تلفت للأمل دام الرجا فـي عمـري الملـواح
أناديلك ولو شرهة وصولك تقطـع أعصابـي


أبيك الجاي من عمري أنا مابيـك شـي وراح
مدامك أجمـل وأخـر مدامـك أول أحبابـي

أبي أرتاح ياعمري أنا أدري هم تبـي ترتـاح
تعال وقبل ما أفرح ترى تفـرح بـك ثيابـي

أحبك يا بعد عمر الحزن والجرح والأفـراح
أحبك كثر ما نامت عيونـك داخـل أهدابـي

​

 

[Moha le sage]

بيــــــــــــــــــــاض التــــــــــــــــــ ـجربة


http://www.youtube.com/watch?v=vnkMbp88Lbc&feature=player_embedded




أحب هاجوس الشعر من كل نوع
والنادرة تصبح بي وامسي بها

والهامة الى ماتعرف الا الخضوع
كم في ميادين الشرف ترتيبها

مع كبار السن يأتيني خشوع
وأشعر براحة ما أحد يدري بها

كم شايب ما هو من الدنيا جزوع
متمرس فيها وفي أساليبها

لحيته فيها شيب لكنه قنوع
شوفوا بياض التجربة في شيبها

ويأعياد ميلاد البدر ليت الشموع
الي البشر في أعيادها تضحي بها

ماتنور لرجلا من الدنيا خنوع
ماتنور الا للرجال وطيبها

واذا الطلوع أصعب على نفوس التبوع
يامشرق احلامي وياتغريبها

أنا النزول أصعب علي من الطلوع
ميزة بعض الاحيان ماودي بها

وقف هنا لحظات خليها سبوع
في الصدر غنوة ودي اغني بها

واللي سواتي غنوته جروح ودموع
بكيه ولكن مستحي يبكي بها

واذا الخطأ قدام ياطيب الرجوع
مالت على نفس ما تستر عيبها

واذا الوقوف يصير من بعده وقوع
الجلسة الي بينهم ياطيبها

ما يذبحك من داخلك الا الطبوع
الى تمارسها ولا توصي بها

اطلب رضى الله دام قلبك روع
واثني الصلاة الى تبي تصلي بها

وضع الجسود يشابه وضع الركوع
استحضر الدعوى قبل تدعي بها

يارب سبحانك عساي من الجموع
الي على النار يحرم تعذيبها




الشيخ حمدان بن محمد بن راشد آل مكتوم.

​

 

[Moha le sage]

انا شاعر فقيــــــــــــــــــــــــ ـر



http://www.youtube.com/watch?v=9Cl4Wda4btU



أنا شاعر فقـــــــير ونمطي ما يشبه الأنمـــــاط ... لكن يوم أتقلط عارف وش حجم مقلاطــــــــــــي

أنا ينتــــــــابني احساس مصحوب بقلق وإحباط ... لكن يالله دخيلك من قلق يدعو للإحباطـــــــــــي

وليفي سم راسك والبقاطه شغلة البقــــــــــــاط ... وأنا ماني بقوط ولا علي من كل بقاطــــــــــــي

إلى مني بغيت أضحك معاك شوي لا تشتــــــاط ... سوالفك الجميلة تشبه الجلسة على الشاطــــي

عليك الله وأكبر من تموز الأولي لشبــــــــــــاط ... تمغط والغلا في خاطر ابن الذيب مغاطــــــــــي

يابو رمش خبطني من قريب خبطته المخبــــــاط ... ونبط ضربته فأقصى الضمير الحي نباطــــــــي

على شانه الهواوي والفراق القازع والمشخاط ... لو إن قلب الهواوي يشتعل من دون مشخاطـي

الى من قلت احبك من حدود الحرص للإفــــراط ... تلفت لي تلفات الكبر وتقــــــــول خراطــــــــــي

وأنا يا جعل ربي ما يوفقـــــــــــني ما ني بخراط ... غرامك في ضميري كنه إلا جمرة ارهاطـــــــــي

يا أروع من كتابة شكسبيــــــر وفلسفة سقراط ... غلطت أو ما غلطت اللي سواتك يسمح أغلاطـي

ولو تقبض علي شرطة دبي في نادي الضبـــاط ... ترى القلب ادمنك وانت السبب الاساس متعاطي

​

محمد ابن الذيب


​

 

[الخيزران]

غريق الشوق
يا إللـي خــذيت الـروح ويا إللــي بك تـــــــــــولعت
هـــذا أنا غــــريق الشــوق وهــذي روحي تنــوحي​

صحيـــح إنـــي غلطــان وبـرجعــتي لك تســرعت
وأنت تـدري ليه أنا أقبـلت ؟ وليـه بشوقي أبــوحي ؟​

.​

لو أنـت أنا ولو أنا أنــــت ! كـان يا خلـــي أدركت
إن بـه فـــرق بين العشـق وبيـن هـــرج المزوحي​

.​

غـــدرت البـــــــارح كـل ذنوبـك يا خلي بصـــمت
وللمقـــــــــابر قبــــرتها دون علــــــــــــــم روحي​

.​

نسيــــــــــــــت كــــل العتــــب يـــوم إنـــي ذكرت
العين الكحيـــله والخـد إللـي عليه الـورد مسـدوحي​

.​

كم وكم يا حبــــــــــي البـــــــــارحة لك اشـــــتقت
وطيـــــــف الوله يضمـــــد قلبـــــــــي المجروحي​

.​

أبعــــــــــدني الشــــــوق عـن نومـــي وسهـــرت
كيف بنـــــام وبـراق الوله بعالي سمـــاي يلـــوحي​

.​

كــــــــــــأن ثــــــرى الكــون جمر تحتـي أونست
ورحـــي المشتاقــــــة بخـور العود بها مطروحي​

.​

ذبحنـــي بالبكـــى طفلـن بصــــــدري مـن رحت
واللقـــاء وحضنك الدافــــي هي سلـوة المذبوحي​

.
صاح خافقـــي وقلبـــي ليا منــــه صـــاح صحت
وأشهـــد أنه ما يصيــح إلا من بلـى ساكن روحي​

كل ما هبت هبـــــــوب الــحب شفـــتني مــــــلت
ويسقي غمام الغلا صدري وينطق حلقي المبحوحي​

حركت أمـواج بحــر الوهم مركب فكـري ونطقت
بعااااالي الصــــوت لا لا يا خلــــي لا تـــــروحي​

لو الشـــــــوق إنسان كــــان بعيـنـك قــــــــد شفت
يدي تأشــــر وأقول هذا من هــــــدّم ســـــــروحي ؟​

.

آآه ليتنـــي عن دروب الــــحب تهت وإلا صرحت
كان ما صــــار إللي صـــار البارحــــة بــــروحي​

.

هـد حيلي الحب من شافنـي قال يا مخلوق نحفت ؟
وشكلك كبـرت ومرت عليـك الليالــي بوضوحي​

.​

كـم وكـم ؟ نصحت قلبــــي الهايـم لكنـــي فشلت
وعن درب المـحبين عــيت روحـــي لا تـزوحي​

.
يا خلـــي الغياب غاب عنــي كل شيء من غبت
أقبل علــــيّ تعـال ؟ أنا مشتـــاق لك يـــا روحي​

 

[Moha le sage]

http://www.youtube.com/watch?v=9Inx56ayGCc

اذكريني لا انتهت للشمس رحله مع نهار ... واذكريني لا صحى للصبح ورد وياسمين

قبل اسافر كنت جالـس فـي زمـان الأنتظـار
ارتشف هم المكـان .. و كـل همـي حاجتيـن

كنت خايف من يباس .. و كنت خايف من خضار
كنت اخاف انك تجين و كنت خايف مـا تجيـن

لين شفتـك مـن ورا بيبـان صـالات المطـار
مقبله من كثر شوقك .. كنت اشوفك تركضيـن

مرةٍٍ ركضـك يميـن و نظـرة عيونـك يسـار
و مرةٍٍ ركضك يسـار و نظـرة عيونـك يميـن

تايهة .. ما كنـك الا ضحكـةٍ وسـط انكسـار
ساكتـه .. ماكنـك الا دمعـةٍ فيـهـا حنـيـن

خايفة .. وجلة .. حزينة .. يعني كنتي بأختصار
تشرحين لكل جاهل معنـى كلمـة ( عاشقيـن )

بعدهـا جيتـك ولـدّت عينـك و دار الـحـوار
من كفوفـي دمعتيـن و مـن كفوفـك دمعتيـن

كنت اصد و كنتي انتـي ثايـره مثـل الشـرار
ماعلى لتغة لسانك غير كلمة ( وين ؟ ويـن ؟ )

واذكر اني رحت قبل ابـدي لـك ايّـة اعتـذار
رحت حتى قبل اطيّـب خاطـرك فـي كلمتيـن

لكن انتي عارفتني زيـن واللـي صـار صـار
سامحينـي واذكرينـي قـدّ ماانتـي تقـدريـن

اذكريني لاانتهـت للشمـس رحلـه مـع نهـار
واذكرينـي لاصحـى للصبـح ورد الياسمـيـن

واذكريني لا لمحتـي فـي ليالـي البـرد نـار
واذكريني لا سمعتـي للمطـر صـوت ٍ حزيـن

اذكرينـي واذكرينـي واذكرينـي .. بأختصـار
..اذكري محــــــــمد قـدّ ماانتـي تقدريـن !

​

 

[دقات قلب * sali*]

اخي امام دقة اختياراتك
وامام روائع مقتنياتك
وامام جمال تصميمك لصفحاتك

ساحتفظ بكلماتي وحروفي حفظا لماء الوجه
و الان السكوت فى حضرة الجمال جمال

بالفعل كنت اكتر من رائع ومتالق ومبدع
لك مني كل الشكر والاحترام والتقدير
دمت متالقا فى انتظار جديدك
تقبل مروري المتواضع جدا
احترامي وودي


sali الجزائـــر​

 

[Moha le sage]

فعلا السكوت في حضرة الجمال جمال ...

لذا ساسكت في حضرت حروفك اختي المبدعة سالي

هلا بيك و بعودتك و عودة قلمك الراقي و اسلوبك العذب اللى هته المساحات ..

جمال القصائد من جمال ذوقك .. و شتان بين الاثنيين ..

كل الود لكي .. و اعطر التحايا





وردهـ أخوية لكي

​

 

[Moha le sage]

http://www.youtube.com/watch?v=hTeP4Ee8X4U


قالت آحبك قلت كذابهـــ انــتي ..


قالت وربي قلت آمنـت بالـله


قالت وقعت قلت كان انتبهـتي ..


قالت قليبي قلت يتحمل اخطـاه


قالت جروحي قلت ليه انجرحـتي ..


قالت صدودك قلت قلبي وما جاه


قالت عذابي قلت يومك كذبـتي ..


قالت ظروفي قلت كـلـن وليـلاه


قالت توادع قلت كانك سمـحـتي ..


قالت ترخص لنا قلت غالي و ما أغلاه


قالت أهجرك قلت كأنك اقتنعتي


قالت وحبي قلت يوم كنت سـلـواه


قالت وش فيك قلت ليتك سكـتي ..


قالت علامك قلت ماضـي ذكرناه


قالت حسوفه قلت لا مافهمـتي ..


قالت ندم قلت الندم ماعرفناه


قالت معاني قلت توك عرفتي


قالت بتخسر قلت وش اللي كسبناه


قالت مخادع قلت لامـاصـدقــتي ..


قالت اناني قلت مبدأ رفضنـاه


قالت كتبت قلت وش اللي كتبتي ..


قالت فراقك قلت وقعت ادنـاه


قالت ظليمه قلت قاضي وحكمتي ..


قالت ظلمتك قلت الحمد لله



​

 

[الخيزران]

ياجرح

افا ياجرح لاتبكي ترى كل الجروح تطيـب
ترى كل البشر يخطـون ونتحمـل خطاياهـم
؛؛؛
بكينا واندفن فينا حزن اصدق مـن التكذيـب
بكينـا بكـل مافينـا وفيـنـا والـعـذر منـهـم!!!

؛؛؛
لقينا ناس فيهم قلـب ونـاس فنونهـا التعذيـب
ولـكـن مانـقـول : الأه ولانتـعـب مسامعـهـم
؛؛؛
وسافرنـا فـراق الهـم لقينـا الهـم فينـا عـيـب
وواصلـنـا مسيرتـنـا وكـــل قلـوبـنـا مـعـهـم
؛؛؛
نخبي اجمـل الاهـات ولانرتـب لهـا ترتيـب
وتاخذنـا سنيـن العـمـر ونتحـمـل خطايـاهـم
؛؛؛
كذا ياجرح هالدنيا سهولتهـا مـن التصعيـب
حلاوتهـا فـي قساوتهـا ولكـن عيـب نعلمهـم
؛؛؛
تانبنـا ضمايرنـا ولا نلقـى ســوى التأنـيـب
مصيري او مصير اللي بيخطي لو يجاملهم
؛؛؛
صحيح قلوبنـا تعبـت ولكـن اجمـل التعذيـب
عذاب اغلى البشر لاصرت تتعذب لراحتهم​

​

 

[Moha le sage]

يا فاتنة مطلق ولا عليك أمر
تقربي وأدني من العذق خرزة

أبا أنظمك مسباح من عذق التمر
صعبة أنا أدري بس أبا أصنع معجزه

يا معجزة عمري وتبسيطك عمر
أستبسطه وأعيش به وأستعجزه

لقيت بك بيض المراويح السمر
وفقدت بك فوح السموم المفرزه

وأخذت بك جود الهبايب للجمر
ودفعت بك بخل السنين المعوزه

وأوجزت بك سهبة لياليك الحمر
وفصلت بك كل الليال الموجزه

حتي عقدت لبعد قربك مؤتمر
أنا وقلبي والهموم المجوزه

لين إتفقنا ناخذك ليلة سمر
تبقي على صدر الزمن متمركزه

يا أم العيون اللي بصحوتها خمر
وتفقد بخمرتها العقول المنجزه

فديت روحك جاك شعري منسمر
يستخفي بجهلك وعرفك يبرزه

وأنا وشعري والطواريق القمر
متلعوزين وقاصدين اللعوزه

لين الثعالب تفتكر صمت النمر
قبل النمر يغمز ابليس ويغمزه

وكان القصايد هم زيدان وعمر
أنا أعتبرها شغلة مو محرزه

لكن فيك أنتي مدى الحكي الثمر
وأنا مدى فخرك وصنع المعجزة

تفاخري بمطلق ولا عليك أمر
شاعر قوي باسه ومن روس عنزه



​

 

[الخيزران]

ياجرح لاتكبر
http://youtu.be/0IKMiyOHs6I

ياجرح لاتكبر ترى اثيابـك جـداد
توك طري العـود والعمـر بـدري

ياجرح حتى الموت لفنـاك مافـاد
وانا عزاي ان مت يرتاح صـدري

الضيقه اللـي تالـي الليـل تنعـاد
اتبع رضاها خوفي النـاس تـدري

طفل الضما الى نفى سلـوة الـواد
بيتي نفى من سود الأيـام جـدري

عيب الهدايا صمت يشبه له اعيـاد
من وين مر العيد ! والله مـا أدري

شعري وحسن القد واسلوبي الجاد
اضحى غرور بعين من شاف كدري

صحيح فيني عيوب وافعالي أمجـاد
لكن محال ان يشتكي الجار غـدري

وصحيح مر الوقت من بلسمي فـاد
لكن مـلاذ الدمـع بالخـد حـدري

في جرأتي بالحق تحسب لي اسياد
وانا اشد من الحياء بيـن خـدري

وفي هقوتي بالشعر تاريخ لاحفـاد
ماهو مجرد بوح ينسـاب هـدري

وش ينفع المشهور لو يملك ابلاد!
ما للشعر قيمه الـى طـاح قـدري

وياجرح كان الموت لفنـاك مافـاد
جعل الذي ماقد درى اليوم يـدري

​

 

[Moha le sage]

قصــــــــــــة جفــــــولـ

مات/ يمّك : و العصر قلبْه : رَحَولْ
و انتْ : ليلْك ؛ يعتمْ : همومك / رغيف

يِمْطر سطورك /: تفاصيلك :/ جفوُل
أمطرت :/ دربْك و : سولفك /: الرصيف

للشوارع / بـ: الأسى كسْر و /: ذبول
و لـ: الدروب فـ/ وحشتك ذكرى : خريف

يآ : منادي ؛ و العمر / طفلٍ : خجول
تكبْر : فصوله : و لـ : عتابك / كفيف

هـ: الطفل عاشت / ملامحه بـ: ذبوُل
و بـ: غيابك : يسألك بـ: الصمت كيف

و إبتعد / يندَهْك لـ : اليوم / القبول
فتتّ : البرد / بـ : ضلوعه كل / طيف

في / منامك : يرتحل / جرحك : دمول
تزفر : حروفك / و صدرك بك / رفيف

ضآقت : الطرقة و عثرات / النحول
أَنْتِثْل / أرضك ؛ و : إن كانت / قصيف

هـ: المطر ؛ سلهم / و : نظراته تطول
ناجني :/ قمرى / لها ؛ ليلٍ :/ عصيف

و السهو : عيّا : عن / عيوني ؛ يزول
ألمح / بـ: فجرك /: يناديني :/ عسيف

أنطر :/ أيامي : تزمزمها :/ ؛ الفصول
مسرج / أوراقي ؛ / يضآميه الـ : تَرْيِفْ

لملم ؛ دروبك :/ شتاتك / لو : يحوُل
صفحك / الجاهل : تفاصيل / الحصيف

موتك ؛ اليائس / بـ : يتعبني فضول
ألهمك / دمعة : و بسماتك ؛ تصيف

العذر ليلك / اذا : عشته / بتول
و أنْت / همّك يسهرك حلم و : حليف

ليل / هـ : الطايف تبعثرهـ / الحمول
و التحف : برْد ؛ و ندى : مرّ السعيف

لـ : الشوارع ؛ و المطر ؛ قصة جفول
تنتهي ؛ منيّ / ورق : مات لـ : خريف



شبيـــــــــــــــــهـ الريـــــــــــــ ـح




​

 

[الجريئة]

 

[Moha le sage]

ان كان ماتدري ولا الناس يدرووون

الشعر من صغري تخــاااويـت ويـاه

لا صرت ضايق يطلع البيت ملعوون

ولا صرت رايق يطلع لبيت محـــلاه

ولا صرت عاشق يطلع البيت مجنون

ولا صرت فاضي اكتب البيت وامحاه

اقدر اخلــي معظـم النــاس يـبــكون

واقدر اضحــكــهم وانسّـيـهـــــم الآهـ

ميــر الــبــلا باللــي علـيـنـا يقــولـون

يا بنــت انا بعـض الــتصـاريح مقـواه

البيت مايكـفــي اذا صـــار مـــوزون

مايضبط الابيــات ياكـــود مـعـنـــاه

جيتك عشان تقول ما خـابت ظـنـون

اسوق لك حــرفي بـكــــامل مـزاياه

وان كان ماتدري ولا الـنــاس يـدرون

الشــعر من صـغري تـخـاويت ويــــاه



محمد


​

 

[نوال2010]

مابيننا فرق
الله خلق عبده عشان العباده
ما هو عشان مفاخر العرق بالعرق ​

صح أن فالدنيا عبيد و ساده
لاكن عند الله ما بينهم فرق ​

خللك بسيط الكبر ما هو بعاده
لا تسرقك دنياك عن خلقتك سرق ​

خلك صبور وخل عندك اراده
ولا صرت راعي ضو اصبر على الحرق ​

لولا الصبر و المعرفة و الركاده
ما تجرح العشاق ترنيمة الورق ​

و اذا بتسيد فالمراجل سياده
خل المراجل باب و سيادتك طرق ​

خلك ذكي و أخذ الامور بهواده
و لا صدت و ثق لا تجيب صيدتك زرق ​

و اليا عشقت أعشق من الحور غاده
حورية في بحرها يحيي الغرق ​

ان زعلت زانت بعينك زياده
و ان ضحكت كنها تنافس مع البرق ​

و أذا تدور فالحياة السعادة
أسجد لربك سيد الغرب و الشرق
سعد علوش​

 

[Moha le sage]

طغى وجه الظلام ولا بقا وسط المدايـن نـور
آبطوي طاري وصالك وافل لبعـدك شراعـي

تعبت اسأل متى اشوفك وامد من الحنين جسور
تعبت اسامر طيوفك وانـا واعـي ولا واعـي

تعبت افتح شبابيك الولـه للموعـد المهجـور
تعبت أشهق مع انفاسي ونين الناي والراعـي

تخيلتك مسارح شوق واحساسك وله جمهـور
وهقيت اني بلحظة شاعرك وعيونـك اتباعـي

نشرت من الوفا نور ونثرت من الغرام زهـور
انا وش ذنبي ان كانت حروفي تكتب اطباعـي

أمد ايديني استنجد لقـاك وخاطـري مكسـور
وتشر لي على فرقاك وانـت هنـاك وتراعـي

حبيبي تذكر اوجاعي هاك اللحظة وانا مقهـور
ترا للحين انا مقهور واوجاعي هي اوجاعـي

بعد مااسقيتني كاس الجفا هم وتعب وغـرور
بعد ماارويتني فرقا تجي تنشد عن اوضاعـي

حبيبي مات لك وسط الحشا من غيبتك عصفور
عجز يلحق مداك ولا رضا يستوطن اضلاعـي

وشعري ماعليه خلاف وديانه تسيـل سطـور
مادام احساسي غيوم وسحاب ودفتري قاعـي

ترى مالي حمل طعنة جديدة لعن ابوه شعـور
اذا ماطاعنـي قلبـي قسـم للويـه بذراعـي

يقولون الكلام فما مضى به للعقـول قصـور
واقول عقولنا من دون ذكـرى مالهـا داعـي

حبيبي كثّر الله الف خيـرك تسلـم ومشكـور
بعـد ماذبلـت ورود اللقـا ذي وردة وداعـي




محمد العايد

​

 

[Moha le sage]

​

خلوها.....

​

خلوها ياهل الشعر واخماس الاسداس
قصيدتي هذي خطيره مثيره

​

لله وللتاريخ ولكل هالناس
ولـ هالحياة الزايله والمريره

​

واللي مهوب لذروة الفكر عساس
ينضم لـ اصحاب النفوس الكسيره

​

الله الاول من قبل لفظ الانفاس
عز وجل من الظنون الصغيره

​

مامثل مثله مثل ولاله اجناس
يخلق مخلوقه ولايستشيره

​

اذل له وانصاع له واحني الراس
اللي جعلني ماعبد رب غيره

​

عساه يكسوني من السندس الباس
في يوم يعرابه الامير و الاميره

​

شاعر وذنبي غير وسكوتي اجراس
ونفسي على مالله عطاها فقيره

​

من كثر ما اعطي حب واخلاص واحساس
انا ماعاد اعرف وشلون اصيره

​

في عقلي الباطن عقيده ونوماس
وفي واقعي خوف وتردد وحيره

​

هل ياترى ببني على حلمي اساس؟
ام ياترى ببقى على هالوتيره؟

​

والافلاس ماهو افلاس من حلم الافلاس!
اذاك ماتملك لنفسك بصيره

​

ماخلق شي الا بقدرن ومقياس
ماشي يغلب شي او يستعيره

​

اللي خلق خوف وخلق ضيقه وياس
خلق امن وافراح وحب وبريره

​

لذلك الله لايوليني انجاس
ويكسوني بفضله ومنّه وخيره

​

الرب اذا تحتاج له صرت نبراس
والانسان اذا تحتاج له صرت اسيره

​

والناس ناتج ناس استلطفو ناس
ابناء رغبة واستهامه وغيره

​

لولا التلاطف واللي مابين الاقواس
ماشفت هالعالم شفوحه غفيره

​

ندور ويدوّر بنا كل هوجاس
ومن اجل ذلك روسنا مستديره

​

الكل تايه في مصيره ومحتاس
وماهوب هو اللي يحدد مصيره

​

فياليت ماتنسى الذواليق غراس
وماينسى مجرى المياه وخريره

​

اعلّم اللي عاث من بعد ماجاس
ترى الجهل راس الامور الشريره

​

وين الملوك اللي على اقباب الافراس
راحو وخلو المغريات الكبيره

​

هالارض ياللي برجل الناس تنداس
بواقي ابن دواد وابن المغيره

​

الله يلعن كل مشرك وخناس
والله يلعن هالحياه القصيره

​

صغيّر الادراك وصغيّر الباس
يحسب كل الناس مثله صغيره

​

ياقلب برّد كل ماهب نسناس
مادام هاليمنى نديّه وجديره

​

يفداك من رزقه قتات وتمراس
لولا رئتينه ماطلّع زفيره

​

شفاه من طرد الملذات يباس
وهو على عد الرواة وغديره

​

حديثه فما قال حمزه فـ عباس
ماحدّث المسلم عن ابو هريره

​

العمر فرحه وحده وعشرة اتعاس
ومن لا يجيره خالقه من يجيره؟

​

ومن عاش شاف وكل غبّه بغطاس
والصدق خيره مذخرته الذخيره

​

كل ما اكتشفت من الاصاحيب بلاس
اقول يالله جعل فـ الامر خيره

​

خيره تعرف ان به من اصحابك اخساس
خيره ولكن ياعساها الاخيره

​

اقسى جروح الناس تغلبه بنعاس
مايذبح الانسان الا ضميره

​

بعض البشر مثل ابتسامات الاعراس
على كثر ماهي مثيره ضريره

​

وحيد وماعندك من الناس جلاس
اخير من شر الكلام وسعيره

​

والكل مايخلو من اخباث وادناس
في كل نفس هناك حاجه حقيره

​

فـ من قبل لاسوي مشاكل مع الناس
عندي مع نفسي مشاكل كثيره

​

http://www.4shared.com/audio/nVfQ67O6/_online.html

​

​

 

[خولة93]

 

[Moha le sage]

موت الاحساس

الفوت لامن فات ماينفع الصوت
..... والصبر مفتاح الفرج خير مقياس
خلك رزين وبدل الصوت بسكوت
.......لاصار ماترقب على كل مرواس
علم الحيا والطيب تلقاله اثبوت
......... يلفح عبيره كل ماهب نسناس
العمر دين ولاتحسف على الفوت
.......مافات راح وكل شيٍ على ساس
أن جاد حظك بالكرم وانت مبخوت
...ويــاعــاضبت دنياك لاتخضع الراس
لاترجي اللقمه بعد لقمة الحوت
.. أحفظ عـــلو الـــراس من وقعة الفاس
تنوع الأسباب والخاتمه موت
.. بس الوكاد الموت في موت الأحساس
لاكفنت دنياك حظك بتابوت
........ ماعاد تسوى دنيتك جر الانفاس
من يحترم قوت العرب ياجد القوت
....... ومن لاحترم باس العرب يفقد الباس
حبل التواصل بين الانذال مبتوت
.......مــثل الـــــتخاذل بين حاسد وهلاس
والشاعر اللي جاب له عدت بيوت
....... قـــــله يخاف الله ولايعذرب الــناس
والحلم لامن صاب والا طلع أوت
........ لاتعلق افــــكارك على كــل هوجاس
خل العتب ببحور الأخلاق مزتوت
....... اكـتم همومك واخفها عن مدى الياس
والصوت ماينفعك لافاتك الفوت
........ مــافــات راح وكــل شـيٍ على ساس


​

 

[وهج الجمان]

يااااااااااااااه

لست اشاركك حب هذا الشعر فحسب

وانما انازعك عشقه

لي عودة وانتظر من وحي قلمي الكثير ​