.. نَبَطٌٌيــــــــــــــــــــــ ــــــــــاتْ موح ..

[Moha le sage]

http://www.youtube.com/watch?v=XXNUfLX4_M4&feature=player_embedded

قالوا الشقاء وشهو الشقاء قلت الشقاء ظلم السنيين
( أحدن يمر ويتعبه ) .. ( وأحدن يمر ويقهره )​

قالوا الحزن وشهو الحزن قلت الحزن .. دمعه وعين
أحدن قوي .. ويصطبر.. وأحدن تبلل محجره !!​

قالوا الوفاء .. وشهو الوفاء قلت الوفاء .. مسالم يدين
واللي يغدر في صاحبه .. عاد الليال بتغدره !!​

قالوا الجفاء .. وشهو الجفاء قلت الجفاء .. قسوه ولين
يما تغلى صاحبك .. و يما ملقيك أظهره !!​

قالوا الوصل .. وشهو الوصل قلت الوصل.. ماله وزين
يبري جروح ما برت .. والعفو عند المقدره !!​

قالوا الأمل.. وشهو الأمل قلت الأمل .. في نظرتين
أحدن يحاول يكسبه .. وأحدن يخاف أن يخسره !​

قالوا الرجاء .. وشهو الرجاء قلت الرجاء .. قلب حزين
يمشي على تراب الأمل ’’ ويخاف لا يسفى ثره​

قالوا الوجيه .. اشهي الوجيه قلت .. هي من جانبين
( وجه يزينه العفاف ) .. ( ووجه زين بمظهره )​

قالوا الحكي .. وشهو الحكي قلت الحكي .. ما بين بين
خير الحكي ما قل دل .. وزبدة القول ( أثمره)​

قالوا الخجل .. وشهو الخجل قلت الخجل .. بالعام زين
( بس الخجل لا سار دون الحق .. خزي ومحقره )​

قالوا الزمن .. وشهو الزمن قلت الزمن .. في ساعتين
ساعة طرب نفس وهوى .. وساعة خشوع وتذكره​

قالوا الغلا .. وشهو الغلا قلت الغلا .. حب دفين
والحب لا قد هو حقيقه ودك أنك تستره !!​

قالوا الخطاء .. وشهو الخطاء قلت الخطاء .. الله يعين
أحدن ما لا خطاءه عذر .. وأحدن اليا أخطاء تعذره​

قالوا المره .. وشهي المره قلت المره .. ضلع لدين
يبقى على طول أعوج .. ومن جاء يعدله كسره !!​

قالوا الرجل.. وشهو الرجل قلت الرجل .. في حالتين
أبختصرها والذكي لا جاه حكيي فسره​

( رجل سليط وكلمته ماهي تغدي لك كلمتين
ورجل مع العالم رجل .. لكن مسيرته (مره)



​

​

 

[Moha le sage]

فلسفة شاعر ....



http://www.youtube.com/watch?v=rDnI8C2-KTM


أصعد ( المشراف ) يا شعري وذبّه
أنت اكبر من محيطه وارتفاعه

مركبك هبايب افكاري تهبّه
و( البحر ) ميّت على فلة شراعه

و( السما ) تشتاق لك شوق الاحبّه
لانّك تحجّم فضاها واتساعه

خش تقصيري !! عن عيوني وخبّه
خلّني كامل مع التفكير .. ساعه

لين اسوي منك : دافع للمسبّه !!
لكل فارغ ودّه : يمارس ضياعه

اشهد ان بعض الشتايم .. مستحبّه !!
الدليل القاطع لطيب البضاعه

يا تعب حالي ويا حالي وطبّه
والله ان كنّك اخوي من الرضاعه

اتنومس فيك وانوّه وانبّه :
انحدار الطرح في جيلي إشاعه

أعشقك .. ومخالفك ربي وربّه
بيني وبينه مجافاه وقطاعه

الكراهيّه ضريبه للمحبّه !!
فلسفة شاعر وتوظيف لقناعه

كل شي ٍ نكرهه عكسه نحبّه
مثل كره الخوف حبا ً بالشجاعه

جايز ارباك العقول المستتبّه
بالدها و العنجهيه واللكاعه !!

مير قلب الشعر : ( غصن ٍ ) ما لعبّه
غير ( نسناس ) الرقي والاستطاعه

يا أولي الألباب والإبداع لبّه
في اكتشاف ( الدارج ) و ( حُسن ) اختراعه

والأكيد : ان الدرّر في كل غبّه
وكل ٍ ونسبة ذكائه واطلاعه !!

والمهم : موت النهر فآخر مصبّه
النهايه المنطقيّه لاندفاعه ..


محمد جار الله السهلي

​

 

[Moha le sage]

لحضهـ ...........



http://www.youtube.com/watch?v=ePWiVua8pSc



لحظه قبل لا تطلب البعد وتغيب
وتنهي معايه مرحله من حياتك

أخذ الهدايا والصور والمكاتيب
دامي خسرتك ما أبي ذكرياتك

يمكن يكون فراقنا راي ٍ مصيب
خيره .. كتبها الله جتني وجاتك

مع اني ادري انت ماعنك تجنيب
كنّك موصيني وقاضب وصاتك

رح واترك بقلبي لك أربع معازيب
معزتك . طاريك . حبك . غلاتك

وإن شفتني أجمع شتاتي ماهو عيب
بكره مع الأيام تجمع / شتاتك

وإن شفتني شايل جروح ٍ معاطيب
بكره يصير الجرح أبرز صفاتك

الطيب لو إنك تجازيه بالطيب
ماكان تالي الطيب هذي سواتك !

أكبر مصيبه في زمان العذاريب
إنّي أحبك وأنت حبك لذاتك

يا صاحبي لا صرت أغلى الأصاحيب
لا تزعل بكيفك وتطلب رضاتك

أنا حبيبك مبعد الشوح مانيب
من ضيّع جهاته .. يدوّر جهاتك

شفني مقدّر عند عكف الأشانيب
مانيب من تومي عليه بعصاتك

رح للفراق إللي تركنا مصاويب
شمّت اعداتي قبل تشمَت أعداتك

الله معك .. رح وين ماودّك تغيب
هذي حياتك .. وأنت حر بحياتك



​

 

[الخيزران]

نقلت اخي العاقل فابدعت
ما شاء الله
شكرا
​

 

[وهج الجمان]

روح يالطآآير واحكيله معاناتي

احكيله كسر خاآطري بعد فراقه

روح وقله مابقى لحياتــــــي

صبر وكيف تصبر وهي للغايب عشاقه
.
روح يالطاير وقله وش كثر أناتي

محدن يحس بيها وهي للموت سواقه

قله لاينسى بعد موتي يحضر صلاتي

واحكيله بعدي وش كثر كنت له مشتاقه

روح ليه يالطاير وقله انا لحين فآخر لحظاتي

روح بسرعه عسى قبل لااموت اسمع منك اشواقه



ان شالله تعجبك
ومااكون ثقلت علييك:sad:
.​

بقلمي​

 

[Moha le sage]

روح يالطآآير واحكيله معاناتي

احكيله كسر خاآطري بعد فراقه

روح وقله مابقى لحياتــــــي

صبر وكيف تصبر وهي للغايب عشاقه
.
روح يالطاير وقله وش كثر أناتي

محدن يحس بيها وهي للموت سواقه

قله لاينسى بعد موتي يحضر صلاتي

واحكيله بعدي وش كثر كنت له مشتاقه

روح ليه يالطاير وقله انا لحين فآخر لحظاتي

روح بسرعه عسى قبل لااموت اسمع منك اشواقه



ان شالله تعجبك
ومااكون ثقلت علييك:sad:
.​

بقلمي​

رائعة فعلا ان كانت بقلمك استمتعت بقرائتها حقا ...... لديك موهبة و سليقة لقول الشعر ... ان شاء الله تواصلي على هذا المنوال ...



لي عودة ان شاء الله

​

 

[Moha le sage]

نقلت اخي العاقل فابدعت
ما شاء الله
شكرا
​

شكرا لك يا من تزداد بها المواضيع عذوبة و جمالا ...

كل ودي و سلامي لك


​

 

[Moha le sage]

يا مرقب بالصبح ضليت اباديك ............ ما واحد قبلي خبرته تعلاك
وليت يا ذا الدهر ما اكثر بلاويك............ الله يزودنا السلامه من اتلاك
يللي على العربان عمت شكاويك............ وليت يا دهر الخطا ول مقواك
واليوم هالكانون غادي شبابيك............ تلعب به الارياح من كل شباك
يا مالك اسمع جابتي يوم اوصيك............ واعرف ترى يا بوك بامرك وانهاك
وصية من والد طامع فيك ............ تسبق على الساقه لسانه لعلياك
اوصيك بالتقوى عسى الله يهديك............ لها وتدركها بتوفيق مولاك
الله بحق اجدادك الغر يعطيك............ رضاه مع كل ما تمنى من امناك
احفظ دبشك اللي عن الناس مغنيك............ اللي الى بان الخلل فيك يرفاك
واعرف ترى مكه ولاها ابن اخيك ............ لو تطلبه خمسة دواوين ما اعطاك
اجعل دروب المرجلة من معانيك ............ وادراج سيسها على العز مرقاك
لا تنسدح عنها وتبغيني اعطيك............ جميع ما يكفيك ما حاصل ذاك
احذر امر ليعات تبيها لتاليك ............ ايضا ويرخص عندها قدر مأواك
ادب ولدك ان كان تبغيه يشفيك............ واستسعفه من بعد مرباه يالاك
اما سمج واستسمجك عند شانيك ............ ويفر من فعله صديقك وشرواك
والا بعد جهله ترا هو بياذيك............ لو زعلت امه لا تخليه يالاك
واحذر تضيع كل من هو ذخر فيك ............ معروفه لا تنساه واوفه لعرفاك
ترا الصنايع بين الاجواد تشريك............ الى طمعت بركزها لا تعداك
واحذر سرور بغبة البحر يرميك............ ولا عنده افلس من تشكيك وبكاك
واوف الرجال حقوقها قبل تعنيك............ لا تعتمد بالعفو فالحق يقفاك
وهرج النميمه والقفا لا يجي فيك............ واياك وعرض الغافل اياي واياك
تبدي حديث للناس فيه تشكيك............ وتهيم عند الناس بالكذب واشراك
واذا نويت احذر تعلم بطاريك ............ كم واحد تبغي به العرف واغواك
واحذر شماتة صاحب لك مصافيك ............ والى جرا لك جاري قال لولاك
ولا تحسب ان الله قطوع يخليك............ ولا تفرح ان الله على الخلق بداك
ان اشتهى حط الطمع في تواليك............ لو ما لقيته يا فتى الجود يلقاك
والضيف قوم له حين يلفيك............ مما تنوشه يا فتى الجود يمناك
اكرم قباله فانها من شواديك ............ وابذل له المجهود ما دام يعناك
واحذر تلاقي الضيف مقرن علابيك............ خله محب لك صديق اذا جاك
واوصيك زلات الصديق ان عثا فيك............ ما دام يغطاها الشعر فاحتمل ذاك
راعه ولو ما شفت انه يراعيك............ عساك تكسر نيته عن معاداك
واحذر عدوك لو ظهر بيصافيك............ خلك نبيه وراقبه وين ما جاك
لا تامنه فاطلب من الله ينجيك............ ويكفيك ربك شر ذولا وذولاك
شفني انا يا بوك بآ مرك وانهيك ............ عن التعرض بين الاثنين حذراك
اذا حضرت طلايب مع شرابيك ............ اسع لهم بالصلح واللاش يفداك
ابذل لهم بالطيب ربك ينجيك ............ لا تجضع الميزان مع ذا ولا ذاك
اما الشهادة ادها ان دعوا فيك............ بين عمود الدين لا عميت ارياك
بالك تماشي واحد لك يرديك ............ طالع بني جنسك وفكر بممشاك
رابع اصيل في زمانك يشاكيك............ والى شاف خملاتك عن الناس غطاك
واحذر عن طرد المجفي حذاريك............ عليك بالمجبل وخل من تعداك
ثم العن الشيطان لياه يغويك............ ترا ان تبعته للشرابيك وداك
واوصيك لا تشتكي علينا بلاويك............ انت السبب اخذك عيونك بيمناك
واعرف ترا اللي وطا الفعر واطيك............ ولا انت اعز من الجماعة هذولاك
المسك يا راسي عن الذل واخطيك............ واحذر تكلم يا لساني حذاراك
والطف بجارك ثم قم دون عانيك............ وافطن الما يعنيك عن ربعة اخواك
يا ذيب وان جتك الغنم في مفاليك............ فاكمن الى حيث الرعايا اتعداك
من اول يا ذيب تفرس ابياديك ............ واليوم جا ذيب عن الفرس عداك
يا ذيب عاهدني واعاهدك ما رميك............ ما رميك انا يا ذيب لو زان مرماك (2)
والنفس خالف رايها قبل ترميك ............ ترا لها الشيطان يرمي بالاهلاك
ومن بعد ذا لا تصحب النذل يعديك ............ وعن صحبة الانذال حاشاك حاشاك
والهقوة انك ما تجي دون اهاليك............ ولا اظن عود الورد يثمر بتنباك
والحر مثلك يستحي يصحب الديك............ وان صاحبه عاعا معاعات الادياك
لا تستمع قول الطرف يوم يلفيك ............ بالكذب يقضي حاجته كل ما جاك
من نم لك نم بك ولا فيه تشكيك............ ويلاه قد ازرا رفيقك وازراك
عندك حكا فينا وعندي حكا فيك............ واصبحت كارهنا وحنا كرهناك
ما اخطاك ما صابك ولو كان راميك............ واللي يصيبك لو تتقيت ما اخطاك
مير استمع مني عسى الله يهديك............ النصح يا مالك لك الله مولاك
عندي مظنه ما تمثلتها فيك ............ واطلب لك التوفيق من عند مولاك


​

 

[Moha le sage]

تدري وش اصعب شي ياخوي زايد ؟!
انكـ تعيش بغربه احساس وشعور

تتعب على صيغة حروفكـ قصايد
ولا توصل المقصود لو تبصر النور

غريب لكن بين ربع وسنايد
حاضر جسد بس غايب افكار وحضور

اضحكـ واسولف لكن الجرح كايد
وهم يحسبوني طيب الحال مسرور

وينكـ ؟؟ تعال البس شعوري قلايد
تعال تكفى لملم احساس منثور

وايد عليه مابقى صبر وايد
عايش غريب وخايف اعيش مهجور








​

 

[Moha le sage]

ياللي زعلت إزعل ولاني مراضيـك
أشرب كدر ماي البحر كانه أرضـاك

لا تحسب أني عقب صدك بداريـك
بأعز نفسي عنـك مـدراك مـدراك

أربع سنيـن وأنـا متحمـل تغليـك
راضي بتعذيبك لأجل قلـبٍ أغـلاك

وخليتنـي واليـوم والله لأخلـيـك
وأدوس قلبـي لينـه يقـول خـلاك

قبـل تورينـي الحسايـر بأوريـك
ليمن يقـال فـلان هنـاك و وراك

كانك تحدانـي فأنـا أقبـل تحديـك
وأنسى الغرام اللي مضى وأتحـداك

ماني بقايل لـك عسـى الله يهنيـك
الله يحرمك كـل مـا كـان هنّـاك

عسى العمى ياخاين العهـد يعميـك
فوق الغرور اللي عن الماضي أعماك

وعساك ما تسمـع قريـب يناديـك
حيثك تجاهل صوت محـروم نـاداك

وعسى الشلل يعوق رجـلٍ تمشيـك
لينك تنـدم ليـه غيـرت ممشـاك

وعسى حياتك بس فرحـة لشانيـك
يلقى بها الفرصة عـدوك ويشنـاك

وعسى الليالي اللي تجيني بطاريـك
يصبح عليها الصبح ويموت طرياك

وعسى المنام وكل راحـة تجافيـك
آمين حتـى اللـي تمنـاه يجفـاك

وعساك ما تفـرح وتكثـر بلاويـك
وأمك تشق الجيب من عظم بلـواك

وإلى مت جعلك في جهنـم تصاليـك
نار الجحيم ونـار دنيـاك تصـلاك

الله يكـره فيـك حتـى دوانـيـك
غشاش خاين مـن النـاس دانـاك

هـذه النهايـة روح والله يجازيـك
أمسك ويومك عنهـم الغـد يجـزاك


​

 

[Moha le sage]

http://www.youtube.com/watch?v=33JZWfrKqtM&feature=related


ياشينها لا جيت للوصـل مشتـاق

!ولا لقيت اللـي يبادلـك بالشـوق !

حتى اخوك اللي على الطيب سبّـاق

يغيب وغيابه عـن الفيـن مخلـوق

جيت هناك اسابق الدرب بالسـاق

وابطى ولاجانـي ولاشافـه المـوق

لو كان ضرف اضروفي شلون تنطاق

تعبان لي مـده وحايـر ومخنـوق

كتبت عنها اعذار فـي كـل الاوراق

وصار الورق والعذر فالنار محـروق

ماضقت بس إن العتب داخلي ضـاق

اعتب عليه ولاني ابطالـب احقـوق

هذاك شوفـه قدامـي يبـل الاريـاق

غالي وله وسط الحشا قدر مرمـوق

قدره تعلا فـوق فـي هـام الأفـاق

ماهو تحت في ذمتي منزلـه فـوق

لكن غيابه عتمه وشوفـه اشـراق

وهو تركني في رجا الشمس بشروق

جيته وانا مشتاق ماشفتـه اشتـاق

ورجعت من عنده وذابحني الشـوق

فـــهـــد الـديـحــانــي



​

 

[Moha le sage]

http://www.youtube.com/watch?v=wew5P4i-TYE


لبيك ياللي خطوتك.. تغزل.. مسافات الحرير...
..بالمسك...والكبر... المزخرف.. .. والسطور.. الحافله...

لبيك..لا.. وريتني..وش.. عقبة.. الموت.. الاخير
في ليلتن.. تمحي خطاها..؟ ركعتين... النافله..............

لانك.. اتعرف.. اني..ليا استبشرت.. أستبشر بخير..
لاكنك.. تجهل.. يتم..؟ وقتك... واليدين.. الكافله....

أتصدق....؟ ان الوقت.. هاذا غير.؟ وأن.؟ الناس.؟ غير..؟
وأتصدق.. أن ماعاد باقي..شي.. حتى..؟ أتخافله؟......

شوف الاسد.؟ يمشي على راي المهاه...؟ أو؟. لا؟ يشير.؟
والمشكله.؟؟؟ لاهوب.؟ مستغرب..؟ ولاهي.؟ جافله؟؟؟.......

وأتصدق..؟ أن أغلب رعاة الحرف.؟ خوانة..؟ ضمير..؟.
شفت الادب هاذا........؟ يبيعونه..؟ لنضرة.؟ سافله....

وأتصدق..؟ أن حمل البعير..؟؟؟ أتبعزقه.؟ دودة...؟ حرير...؟؟؟؟؟؟
وأتصدق..؟ ان الوقت ذا... غافل..؟ وناسه..؟ غافله...؟؟؟؟؟

أمن أولا..؟؟ تنبح كلاب.... او قافلة .. الاحمل...؟؟؟ تسير.,..
واليوم.؟.؟.؟. لاتنبح كلاب...؟ او؟..؟ لاتسير... القافله.....


​

 

[الخيزران]

صدقت قصيدة الشاعر سعد علوش
على ايامنا لا كلاب تنبح ولا قافلة تسير
انتقاء ينم عن ذوقك اللماح اخي العاقل
شكرا كثيرا على النبطيات المختارة بعناية
اجد متعة في قراءتها
​

 

[Moha le sage]

فآطمهـ ....

يستلهم الورد من حضورك الرقة ...

و استلهم انا تواجدي بالمواضيع من حضورك يا غالية ...

كل ودي و سلامي لك ...

و لك مني على كل حرف ... وردهـ جوريـهـ



​

 

[وهج الجمان]

​

خلوها.....


خلوها ياهل الشعر واخماس الاسداس
قصيدتي هذي خطيره مثيره

لله وللتاريخ ولكل هالناس
ولـ هالحياة الزايله والمريره

واللي مهوب لذروة الفكر عساس
ينضم لـ اصحاب النفوس الكسيره

الله الاول من قبل لفظ الانفاس
عز وجل من الظنون الصغيره

مامثل مثله مثل ولاله اجناس
يخلق مخلوقه ولايستشيره

اذل له وانصاع له واحني الراس
اللي جعلني ماعبد رب غيره

عساه يكسوني من السندس الباس
في يوم يعرابه الامير و الاميره

شاعر وذنبي غير وسكوتي اجراس
ونفسي على مالله عطاها فقيره

من كثر ما اعطي حب واخلاص واحساس
انا ماعاد اعرف وشلون اصيره

في عقلي الباطن عقيده ونوماس
وفي واقعي خوف وتردد وحيره

هل ياترى ببني على حلمي اساس؟
ام ياترى ببقى على هالوتيره؟

والافلاس ماهو افلاس من حلم الافلاس!
اذاك ماتملك لنفسك بصيره

ماخلق شي الا بقدرن ومقياس
ماشي يغلب شي او يستعيره

اللي خلق خوف وخلق ضيقه وياس
خلق امن وافراح وحب وبريره

لذلك الله لايوليني انجاس
ويكسوني بفضله ومنّه وخيره

الرب اذا تحتاج له صرت نبراس
والانسان اذا تحتاج له صرت اسيره

والناس ناتج ناس استلطفو ناس
ابناء رغبة واستهامه وغيره

لولا التلاطف واللي مابين الاقواس
ماشفت هالعالم شفوحه غفيره

ندور ويدوّر بنا كل هوجاس
ومن اجل ذلك روسنا مستديره

الكل تايه في مصيره ومحتاس
وماهوب هو اللي يحدد مصيره

فياليت ماتنسى الذواليق غراس
وماينسى مجرى المياه وخريره

اعلّم اللي عاث من بعد ماجاس
ترى الجهل راس الامور الشريره

وين الملوك اللي على اقباب الافراس
راحو وخلو المغريات الكبيره

هالارض ياللي برجل الناس تنداس
بواقي ابن دواد وابن المغيره

الله يلعن كل مشرك وخناس
والله يلعن هالحياه القصيره

صغيّر الادراك وصغيّر الباس
يحسب كل الناس مثله صغيره

ياقلب برّد كل ماهب نسناس
مادام هاليمنى نديّه وجديره

يفداك من رزقه قتات وتمراس
لولا رئتينه ماطلّع زفيره

شفاه من طرد الملذات يباس
وهو على عد الرواة وغديره

حديثه فما قال حمزه فـ عباس
ماحدّث المسلم عن ابو هريره

العمر فرحه وحده وعشرة اتعاس
ومن لا يجيره خالقه من يجيره؟

ومن عاش شاف وكل غبّه بغطاس
والصدق خيره مذخرته الذخيره

كل ما اكتشفت من الاصاحيب بلاس
اقول يالله جعل فـ الامر خيره

خيره تعرف ان به من اصحابك اخساس
خيره ولكن ياعساها الاخيره

اقسى جروح الناس تغلبه بنعاس
مايذبح الانسان الا ضميره

بعض البشر مثل ابتسامات الاعراس
على كثر ماهي مثيره ضريره

وحيد وماعندك من الناس جلاس
اخير من شر الكلام وسعيره

والكل مايخلو من اخباث وادناس
في كل نفس هناك حاجه حقيره

فـ من قبل لاسوي مشاكل مع الناس
عندي مع نفسي مشاكل كثيره

​

​

يروقني دآئمآ انتقآئكـ

زآئرة كنت أو مسجلة

مآزلت وفية لصرحكـ الذي يبعث

في نفسي السكـون

وإن كنت لا اتركـ أثرآ لطلاعي

على قوآفيكـ

تقبل مروري المستمـر باستمرار إبدآعكـ

..../وهـ:re_gards:ـج\....
​

 

[Moha le sage]

يروقني دآئمآ انتقآئكـ

زآئرة كنت أو مسجلة

مآزلت وفية لصرحكـ الذي يبعث

في نفسي السكـون

وإن كنت لا اتركـ أثرآ لطلاعي

على قوآفيكـ

تقبل مروري المستمـر باستمرار إبدآعكـ

..../وهـ:re_gards:ـج\....
​

لكم سعيد انا بهذا الاعتراف منك .... و ما ذوقي الا من ذوقك الراقي و نفسك الذواقة ...

دمت وفية للشعر النبطي ... و لكل الاحاسيس الجميلة فيه ...

تتركينا دائما بريقا ..من بريقك ... اينما حللت ...

لا حرمتك في مواضيعي يا غاليه ...

الف شكر على ردك الذي اعتز به
​

 

[Moha le sage]

= لا تغرك ضحكتي ولا اسلوبي =-]





http://www.youtube.com/watch?v=kTAoaEVLbQM&feature=related




لا تغرك ضحكتي ولا اسلوبي
اعرف اعزاز النفوس من الرديه


كم وفولي ناس وكم ناس اغدروبي
وكم كسبت بطيب نيه سوء نيه


ناس من كثر المخادع ما تتوبي
وناس بياض وصداقتها نديه


ناس اغلتني وناس اغلت جيوبي
وناس اطالع ولكنها عميه


كل هذا والجروح اتزيد صوبي
والمجامل والتملق والخطيه


ما يغير ضحكت الوجه الرحوبي
مد يمناه دوم ماهي موسميه


ودي اني اعطي المحتاج ثوبي
واعطي ولا انتظر رد العطيه


مجمع العالم ولا اقول اسمعوبي
نفسي من اطرا خلق الله غنيه


في بعض الاشياء اتقدم وانوبي
على بني أدم جميع وعن بنيه


سجدت(ن) تغفر بها كل الذنوبي
خير من عيش الحياة القاحليه


يا مسوالف بي على الطرق الكذوبي
عقاب الله من ظلم نفس(ن) بريه


يا صحيب الخير يامثبت ظنوبي
النصيحه روح الايمان القويه


الصحيح من العيوب اللي تشوبي
قولها فالوجه والنيه مطيه


بارك الله في من اهداني عيوبي
واشكره جدا على هذي الهديه


لا تغرك ضحكتي ولا اسلوبي
اعرف اعزاز النفوس من الرديه


كم وفولي ناس وكم ناس اغدروبي
وكم كسبت بطيب نيه سوء نيه





​

 

[وهج الجمان]

الله يخليكـ اخوي


اقول ياريت لو تسمع هذا المقطع
واتحداكـ ماتدمع عيونكـ




خايف عليها من الثرى غطاهـا

http://www.youtube.com/watch?v=PD0M2tZ6ZGM&feature=related

​

و الا الحصى حافيه اخاف اذاهـا
اكرم عليها بالكفـن يـا مطـوع






بالبيت ضل فراشهـا وغطاهـا
اكرم عليه بالكفـن هـذي امـي






و شهد عليها في ما عطت يمناها
هذي الضحى واليـل يتحرونهـا






هذي السماء و نجومـه تنعاهـا
هذي السوالـف مثلنـا تبكيهـا






والارض تنشد عن اثر لخطاهـا
هذي الكبيره كبر هـذي الدنيـا






هذي العظيمه جل مـن سواهـا
ابكي عليها مـو نهـار و ليلـه





و لا سنه تمشي وعـد قضاهـا
ابكي عليها كثـر مـا شالتنـي





و كثر الحنين الي اختلط بغناهـا
و كثر الاسامي و كثر من سموها





و كثرالنجوم و كثر من يرعاهـا
ابكي عليها من القهر يـا دنيـا





مـن لـي انـا عقـب فرقاهـا
من فتحت عينـي و لا خلتنـي





و شوفوا ولدها بالقبـر خلاهـا
هل التراب بوجهـا مـا قصـر





شفتوا ولدها كيف هـو جازاهـا
لو انهـا مكانـي مـا سوتهـا






لاكـن اعـز عيالهـا سـواهـا
يا دود يا دود شفها ذابله جنبها





انا ولدهـا و حاضـر وأفداهـا
قطعني هاك الي تبي من جسمـي





بس الكريمـه لا تجـي بحذاهـا
و وصيك امانه قل لها تعذرنـي





و تكفى تروح تحب لي ماطاهـا
ابيها تغفر لي مثـل مـا كانـت





كل خمله منهي بطيبهـا ترفاهـا
يالله عساهـا بالنعيـم الخـالـد





و عساها في جنة عدن سكناهـا
يا فضو هذا الكون يا هو خالـي





يا ضيق هذي الدنيا يا مقساهـا
يا مر طعـم فراقهـا يـا مـره





ماني مصـدق ارجـع ومالقاهـا
وشلون اجي غرفتها ما هي فيها





وش عذري السبحتها ومصلاهـا
وش اقـول انـا لدولابهـا واذا





سالني مشطها وحنها وعباتهـا
ومي زمزم ومصحفها والمبخـره




ورشـوشـهــا ودواهــــا
الكـل فـي غرفتهـا متفقدهـا






حتى الجدار متفطـر ويرجاهـا
الكـل يبكيهـا مهـو ناسيـهـا





يالله صبرني و شلـون انساهـا ياليتهـا
مـاراحـت وخلتـنـي او وسعت لـي بالقبـر وياهـا​

 

[Moha le sage]

بكيت في البيت الرابع ....

قصيدة مؤثرة ..... لم أستطع اكمالها ....

بارك الله فيك خيتي ...


​

 

[نوال2010]

http://www.sa3ad.com/in/index.php?cmd=post&id=426​