قالت ليما السمانة الجاية راهم جايين يصيفو عندي ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
اليوم جات ختي لكبيرة تبات عندنا، أيا وبداو لحكايات والتمنشير مع يما وختي وحدة ...
مالا كانو قاعدين تحت البالكو في لبرود ويمنشرو أنا وقفت نطل شويا في البالكو أيا نسمع في ختي لكبيرة قالت ليما السمانة الجاية راهي جايتني سلفتي ولا ربيبتي مانعرف كيفاش يسميوها المهم خت راجلها ...
وجايبة معاها ولادها كامل وناويا تصيفي عندي كي العام ليفات _o:
أيا وبدا التمنشير ويما تقلها ماتفرشيش فراشك لمليح، وختي تقلها العام لي فات واش يحرقني قلبي كي تقعد على مطارح الصوف هههههه وبنتها كي تعفس برجليها فوق زربية عرسي
المهم تمنشيرة كبيرة ههههه
أيا لثم انا بديت نخمم في شكون الغالط هل هذي سلفتها ، ولا في ختي ولا الوقت ألي تبدل
هل ولينا مانحملوش الضيف لهذ الدرجة، ولا الضيف ألي مايفهمش روحو ويجيك بالعايلة كامل ويقعد عندك شهرين، ولا الوقت هكذا تبدل ...
بصح حتى حنايا مانفهموش رواحنا يروح واحد يصيف عند واحد بعايلتو كامل شهرين ؟؟؟ او عيب كبيرة وبزاف اذا حشمو منك نتا احشم على وحك
واقيلا هذا العقلية والعفسة نديروها غير حنا الجزايريين ...
ايا اعطيوني رايكم لمليح والغلطة تاع من ...​

ملاحظة:
ذرك تجيني شوشو (شرطية اللمة) ونور الإلهام ويقولولي نتا تضال طالق وذنيك هههههه
ياي والله مانتجسس ونطلق وذنيا بصح الله غالب واقف بيناتنا نص ميترا هههههه ...​

 

[ماكانش]

شكرا لقبول الموضوع

 

[عفاف الجزائرية]

الضيف ضيف يبقى شتاء ولا صيف
والقلب الكبير ملييييييييييح
يعني ممكن هاذي سلفت اختك كثرت ولا طولت ولا حاجة هكذا
مي درك الشهرين راهم يفوتو يومين
يعني حتى وتبقى ثلاث اشهر
اذا اختك كبرت قلبها ورفدتها رح يفوت كل شي وتبقى هاذي سلفتها تتفكرها بالخير
وحتى راجلها تزيد تكبر في عينيه
انا هاذا رايي
القلب الكبير ووسع الخاطر ملاح سيرتو في وقتنا هاذا
​

 

[إيمان قلب]

هههههههههههههههههههههههه اوكي دوك أنا الأولى اللي جيت نرد (درت تعديل باسكو سبقتني عفاف صافي ماشي انا الأولى اللي رديت هههه)
مي ماعلبالكش باللي التجسس أصلا حرام يعني بلاشرطية عليك نورمالمو حرام
مي كي وليت ماكش ناوي تتجسس والهدرة هي اللي جات لعندك مش رايح تتعاقب
في هاذ المشكل والله ماعلبالي لخاطر حتى احنا عندنا فاميلتنا اي عمتي من فرنسا يجيو يعقبو الصيف عندنا مي يفوت نورمال بالعكس يفوت هايل بلاك سلفة اختك هذه كثرت ولا عندها عايلة كبيرة ويبقى السؤال مطروح
ايا باي والمرة الجاية ماتتصنتش

 

[ماكانش]

الضيف ضيف يبقى شتاء ولا صيف

والقلب الكبير ملييييييييييح
يعني ممكن هاذي سلفت اختك كثرت ولا طولت ولا حاجة هكذا
مي درك الشهرين راهم يفوتو يومين
يعني حتى وتبقى ثلاث اشهر
اذا اختك كبرت قلبها ورفدتها رح يفوت كل شي وتبقى هاذي سلفتها تتفكرها بالخير
وحتى راجلها تزيد تكبر في عينيه
انا هاذا رايي
القلب الكبير ووسع الخاطر ملاح سيرتو في وقتنا هاذا​

اهلا بيك عفاف
والله انا خطيني امور النمسا ومانعرفهمش ومانخلطش روحي فيهم
مي القلب لكبير بلاك ينفع في الدار لكبيرة هههههه
اما f3 ويجيوك هوما في 5 تبالي بزاف شويا ...​

 

[Estrella]

هههههههههههه
هادو ضياف ثقال شوية مممممممممم شهرين كاملة وبولادهم بصح يلا كانو ناس ملاح وميعيوش مول الدار مرحبا بيهم على العين والراس هاااااا بصح يلا كانو من هادوك الي يتشرطو فالماكلة و الفراش .....الخ ههههههه ميجوش خير ههه
لله يكون في عون ختك احمد ربي الي رايحيين يصيفو عند ختك ومشي عندك نتا هههه
شكرااااا على الموضوع خويا ​

 

[ماكانش]

هههههههههههههههههههههههه اوكي دوك أنا الأولى اللي جيت نرد (درت تعديل باسكو سبقتني عفاف صافي ماشي انا الأولى اللي رديت هههه)
مي ماعلبالكش باللي التجسس أصلا حرام يعني بلاشرطية عليك نورمالمو حرام
مي كي وليت ماكش ناوي تتجسس والهدرة هي اللي جات لعندك مش رايح تتعاقب
في هاذ المشكل والله ماعلبالي لخاطر حتى احنا عندنا فاميلتنا اي عمتي من فرنسا يجيو يعقبو الصيف عندنا مي يفوت نورمال بالعكس يفوت هايل بلاك سلفة اختك هذه كثرت ولا عندها عايلة كبيرة ويبقى السؤال مطروح
ايا باي والمرة الجاية ماتتصنتش

هههههههههه
ياه ردوني نتجسس هههههههه
راني غير نضحك مع شرطية ونور
الحمد لله مافياش خدايم النسا وأشباه الرجال
التجسس كبيرة والنبي صلى الله عليه وسلم يقول " يفرغ على آذنيه من الآنك يوم القيامة "
او كما قال صلى الله عليه وسلم ...
والله ماعلابالي في امور النسا بصح علابالي بلي سلفتها تجي ومعاها 3 ولاد وختي ساكنة في f3
ايه كامل غالطين بختي بسلفتها ...
حقا عمتك هذي كاشما عندها بنات ميgغيات ماشي مخطوبات ههههههههه​

 

[إيمان قلب]

هههههههههه
ياه ردوني نتجسس هههههههه
راني غير نضحك مع شرطية ونور
الحمد لله مافياش خدايم النسا وأشباه الرجال
التجسس كبيرة والنبي صلى الله عليه وسلم يقول " يفرغ على آذنيه من الآنك يوم القيامة "
او كما قال صلى الله عليه وسلم ...
والله ماعلابالي في امور النسا بصح علابالي بلي سلفتها تجي ومعاها 3 ولاد وختي ساكنة في f3
ايه كامل غالطين بختي بسلفتها ...
حقا عمتك هذي كاشما عندها بنات ميgغيات ماشي مخطوبات ههههههههه​

أولا عذرا على كلمة التجسس ماقصدي غير الزعاقة
شوف حليلها اختك f3 و5 عباد زيدلها اختك وراجلها واذا كان عندهم ولاد لالالا شوية صعيبة مي معليهش الضيق فالقلوب آو منعرف درتها هاك ماجات درتها هاك ماجات
أما بخصوص عمتي احم احم واش خطاب وا ؟؟؟؟ وي كااااين يامحاينك بالصح ماشكيتش خاوتي يخليوهم ههههه سي بون رانى نشوفولك كاش واحدة خرصا ولا مطلقة ولا بايرة

 

[*ايمان*]

الله يعين اختك هادا يسموه الضيف الثقيل
ايه معليش تقعدي سمانة بصح مش شهرين بزاف عليها

​

 

[قيس محمد]

لما يصير معي هادا الموقف بردلك جوااب !!!!!!!!

 

[قيس محمد]

الله يعين

بس ايش يعني سمانة؟؟؟؟؟!!

 

[fufa22]

ماعليش قالك الدار لي فيها البراكة ديما فيها الضياف
لوكان نحكيلك على دارنا تبقى بلا راص lol
​

 

[afkaar]

هادي سلفت أختك مادامت صيفت عند أختك العام لي فات تفهم روحها هاد العام وتعرض أختك عندها هكدا باه أختك تا ني تبدل لهوا كيما الناس.​

 

[*ايمان*]

بس ايش يعني سمانة؟؟؟؟؟!!

يعني اسبوع وهي جاية من كلمة فرنسية Semaine

 

[منايا الجنة]

لوكان يجو عند اختك وينقصو عليها شويا ويعاونوها هدي صحا ولا باش يجو وهوما طالقين رواحهم ملي يطلع نهار مايديروا والو اختك تحصل مسكينة انتماك تغيضني ربي يكون في عونها

 

[سيرتا]

قالك ولا كان حبيبك عسل ما تلحسوش كامل

 

[SAFA-94]

احنا اخت راجلها منقولولهاش سلفتها نقولولها طفلتها وسلفتها هي زوجة سلفها يعني خو راجلهابالنسبة للموضوع اذا كانوا ولادتها عاقلين عادي بالصح مهما يكن لازم تتحملهم ومتقوليش راجلها جابتوا معاها؟؟؟؟شكراااا على الموضوع

 

[ماكانش]

هههههههههههه

هادو ضياف ثقال شوية مممممممممم شهرين كاملة وبولادهم بصح يلا كانو ناس ملاح وميعيوش مول الدار مرحبا بيهم على العين والراس هاااااا بصح يلا كانو من هادوك الي يتشرطو فالماكلة و الفراش .....الخ ههههههه ميجوش خير ههه
لله يكون في عون ختك احمد ربي الي رايحيين يصيفو عند ختك ومشي عندك نتا هههه

شكرااااا على الموضوع خويا ​

هههههههههههههههههه
الحمد لله ياربي
انا ختي تجي عندنا يومين نكره حياتي هههههههه
الله غالب الضيق مداير حالة ...
كيما قلتي شهرين شويا ثقال ...
المهم الله يسهل تخطي راسي ههههه​

 

[ღملامح طفلةღ]

الزمان تبدل خويا مكانش
درك الضيق ف القلوب قبل الديار
و شهرين؟؟؟؟؟
بزااااف
الضيف ع العين و الراس
بصح ثاني لا تكثر ع الملوك لا يملوك
كل حاجة ليها حدود


​

 

[somi]

هههههههههههههههههه
ضحكتيني فكرتيني في الضياف نتاعنا كون يجيو وينعسوا أعلا حاجة ولا ياكلو في حاجة ولا يلبسوا حاجة من عندنا يحبوا يديوها كون تصايرهم فرغولنا الدار هههههههههههه
بالصح ماكانش كيما تتلم العايلة لافامي والحكايات والفرحة والله غير تسوى الدنيا وما فيها