مطبخك في رمضــــــآآآن سيدتي * الجـــ 4 ـــزء* ‏ ‏ والاخير بحول الله

[momoude]

صحى فطوركم لبنات واش راكم ان شالله لباس

 

[عفاف الجزائرية]

هههههه انا والله ماقصدتك
اااااه البورطابل ناسياتو في الصاك ماسمعتوش خلاص
خرجت الصباح شريت صاك العيد لندى واكسسوارات ونسيت ماجبدتوش
ههههه شكيتك سرقاتو على هذيك ربي ماخلانيش نسمعو هههههههه
لازم نعطيك الفيكس باش تحكميني دايما

ايا اوك اعطيني الفيكس نتاعك ولا نتاع جيرانك
ولا نشيخ عليك كلام
ديري لندوش بورطابل نهار طول وهي هازاتو كي نعيط عندها نلقاك هذا هو الحل ههههه

 

[nada242008]

هيا اونgـــــاجي برك يا فوفة ونبعثلك راجلي ياكل عندك هههه راني حارماتو مسكين ..حسبت غير انا اللي قولي نحلك كيوسك بيعي المحجوبة واليتزا هههه تخدمي خير من فارماسي
بصحتك لالجيغواز اطباق مشهية اممممم

 

[l'algeroise]

أم إيناس أم ندى كوثر الوهرانية merieme hassi فوفة موائد يشهيو الله يبارك يعطيكم الصحة​

 

[روعة2005]

هههههههههههههها ابعثيه عفوفة والله مانسلك عليه بشرط وكلي راجلي لمحاجب ههههههها
بصحتك الجيغواز لفطور يشهي الله يبارك

 

[meriem104]

يعطيك الصحة مريم 104
مكن تعطيني الوصفة اذا ما في ازعاج​

راني كامل كتبتلك رد و كي جيت نبعثولك راح
معليش درك نعاودو راني رجعتلك

المقادير : 500غ زبدة طرية - كاس قازوز سكر ناعم - كاس و نصف ميزينه - ملعقة قهوة فانيليا او زوج اذا حبيتي - 4 ملاعق كاكاو ممكن كثر على حساب نوعية الكاكاو - ملعقة قهوة خمارة كميائية - فرينه حسب الحاجه
--
نخلطو كامل المقادير و نلايمو بالفرينة حتى تولي عندنا عجينة ماشي يابسه ، حليها و قطعيها كيما حليتي بطابع و شكل لي تحبي
--
كي طيب لصقيها بالمربى او الشكلاطه او نيسلي كيما تحبي " انا نفضل شكلاطه يجي ذوق بنين "
امبعد ذوبي شكلاطه و غطسيهم فيها و زيني بورود بعجينه التزيين
--
راح يقطلعلك 70 حبه و ممكن كثر راه زاكي " و من الاحسن خدمي بشكلاطه نتاع MOKA " هايله
--
هاذي طريقة باه تذوبو الشكلاطه :
نقولكم انا فلول كيفاه كنت نذوبها كنت نديرها فطبسي فحمام مائي و لا نديرها فكسرونه و كنت نخدم غير حبات و نعاود نرجع للفورنو نذوبها و نظل رايحا جايه:cursing::cursing: بلا لماعن نوسخهم و الا درتها فالكسرونه تلصق :du_nno:منجي نكمل لقاطو و كامل لحبات حتى نكره حياتي:busted_red::surrender::busted_red:
--
--
--
درك لالا رجعت نذوبها هكذا : تجيبي كسرونه ديري فيها لماء و تحطيها فوق الفورنو و تخلي الماء يغلي متعمريهاش
جيبي باطا نتاع زبدة نتاع صول مثلا نتاع 500 ولا نتاع 250 غ تكون فارغه دخلي فيها لعلبه نتاع الشكلاطه و حطيهم فوق الكسرونه ، ردي بالك تخلي الما يدخللها راح تخسرلك و ميجيكش قلاصاج شباب ، و خلي حتى تذوب شكلاطه امبعد نحيها من فوق النار و خدمي كي تكملي اغلقي العلبة نتاعك و خليها تبرد و رديها لثلاجة حتى تعاودي تخدمي بيها لمره الجايه
هكذا تكملي تخدمي قلاصاج نتاع القاطو نتاعك فدقيقه :shiny: و متوسخيش الماعن تاوعك

 

[كوثر الوهرانية]

صحى فطوركم لبنات واش راكم ان شالله لباس

صح فطورك اختي مامود كيراكي اختي هدي غيبة توحشتك يا اختي

 

[l'algeroise]

104 merieme يعطيك الصحة كامل هايلين​

 

[meriem104]

بصحتكم طوابل يشهو الله الله

ام ندى غير بداي حنا ندشنوهالك نموت على لمحاجب بصح ديري حارين و ديري لي بسلق نبغي نتاوع السلق و فوفه دااااااااااااااار يموتو على هاذوك لكرعين كي شافوهم سخفو سيرتو يما

ديرو فيها آفار ، ايا قولو بسم الله

 

[momoude]

صح فطورك اختي مامود كيراكي اختي هدي غيبة توحشتك يا اختي

يتوحشك الخير يا اختي حتى انتي والله راكي فيبالي :sheer:

 

[meriem104]

نتوما لي يعطيكم الصحه

متتصوروش شحال تعلقت بيكم وليت ديما فدار نهدر غير عليكم شوفو واش دارو ليوم شوفو واش دارو ليوم

الله يحفظكم ان شاء الله ، تقول كلخواتات مع انو كاين لي مراهمش شايفين بعضاهم
بصح رانا خواتات عند ربي

 

[كوثر الوهرانية]

اختي لالجيرواز مشاء الله على فطورك يشهي بصحتكم و ربي يدومها نعمة
لاخت روز فطرت و درك خرجت تحوس عند الاهل و الاقلرب ان شاء الله تستمتع بوقتها
اختي مريم الحلوى نتاع هايلة راكي ساجية خموس عليك
انا بلاك اليوم يشريلي اللوازم و نبدى الحلوى
واش ترايوا عليا
انا راني نقول صابلي و مقرود كوفر فلة راني ساخفة عليها ملي حطتها الحبوبة عفاف و تاني الحلوى نتاع البابيوا عجبني الديكور تاعها و شريت لي مول هههههههههههه سبقت الحطب قبل ما يخطب ههههههههههههههه
و بقلاوة رغم اني مانكلهاش ومنعر شا نزيد زيدوا اعطوني افكار
بصح راح ندير من كل نوع غير شويا
ايه و تشاراك نموت عليه

 

[l'algeroise]

عيشكم أعطوني رابط قاطو بالشوكولا لي مايطيبش لي دارتو أم ندى دخت و أا نحوس مالقيتوش​

 

[momoude]

احنا عملنا هاد الحلويات البابيون راهو داير رواج كبير مشكورا مولات الموضوع
ودرت قاطو نتاع الاخت شرطية اللمة الكبوس التونسي جا روعة انا درتو على شكل دوائر
والقاطو الكابريس بحلوت الكابريس شوفو و عطوني رايكم ومزال نعم انواع اخرين كي نخدمهم نوريهملكم

[/url][/IMG]

 

[روعة2005]

هايلين لي مودال تاعك مومود بصحتك
كوكو انا نقولك فيها براكة راكي مريضة حافضي على روحك ويخي الناس تقول لي في ييدو كل يوم عيدو
مريم شكرا على الطريقة حنونة وراكي وحدة منا من اليوم

 

[momoude]

الله يسلمك فوفة

 

[محاربة صحراء]

صح فطوركم فطور اليوم
شوربة
سفرية
بوراك
​

الفطيرة بحشوة البيتزااختibtesem جاروعة ماعندي مانقول يعطيها صحة اممممممممم روعة عجبتني بزاف اني مع قاطوا

 

[nada242008]

مومود صحا فطورك وبصحتكم حلويات هايلة
مريم عجبتني المعلومة تاع تذويب الشيكولة ..نكره نغسل الماعون اللي نذوب فيه الشيكولة تلصق فيه..
لالجيغواز تفضلي الرابط
https://www.4algeria.com/vb/showthread.php?t=226703

 

[nada242008]

رايي من راي فوفة يا كوثر فيها الف براكة .. وراكي تطيبي ديما مش غير في العيد ..

 

[momoude]

الله يسلمك ام ندوش وصحى فطورك انتي تاني
امن ندى معليش تفتحي السكايب دقيقة برك