- إنضم
- 24 جوان 2008
- المشاركات
- 6,291
- نقاط التفاعل
- 88
- نقاط الجوائز
- 1,017
السلام عليكم ورحمة الله تعالى وبركاته
صحـ عيدكم وكل عام وأنتم بخير ان شاء الله
نبدأ نحكي على الموضوع مباشرة الموضوع مش يدعوا للعدائية
بين القبائل المختلفة في الجزائر الكبيرة الموضوع والي حبيت
نحكي فيه نحب نخرج بنتيجة منوا وهي رفع اللبس على قضية
حيرتني وشفتها ياسر وحكولي عليها,,,
كل واحد فينا ممكن عندوا أصدقاء من مناطق مختلفة صحراوي كان
ولا شاوي ولا قبائلي ولا أي منطقة أخرى...ويكونوا يقروا مثلا
مع بعض في الجامعة ولا يتلاقوا في الأسواق أو غير ذلك ..
صاحب محل مثلا جاء يشري عليه شخص من القبايل ومعاه صديقه
ولا الزوجة تاعه ولا أمه ولا أخوه ولا صديقه ايا كان,,,
هي الحاجة هذه مش في الناس الكل يعني بعض الناس وانا شفتها
وسمعتها الخ..وحتى بعض الشاوية عندهم الحاجة هذه مرات..
لما يكون مثلا طالب جامعي ومعاه صديقه ايضا من نفس المنطقة
يكونوا يحكوا مع بعض عادي بالعربية الدارجة وانت تكون صديقهم عادي
بصح كي تجي تريح معاهم يقلبوا الهدرة ويبدوا يحكوا مع بعض بالشاوية
ولا القبائلية ,,,أنا حبيت برك نفهم علاه هوما يديروا هذه الحاجة
ممكن باش يقولوا كلام وهو مايفهمش ولا باش يحكوا فيه ولا كيفاه عقليتهم برك
ولاحظتها ثاني حتى في القبايل ياسر ثاني ,,,
انا واحد من الناس يعني كي يديرلي انسان الحاجة هذه
نحس أنوا راهم يحكوا عليا ربما ممكن يحكوا في حوايج
مايحبونيش نعرفها ممكن ممكن وبالرغم منوا احنا اصحاب وعادي
انا ماصراليش هذا الموقف نحكي برك...
أي إنسان يصراله هذا الموقف يحس انوا كاين خلل في الموضوع صح ؟؟
يحس أنوا كاين كلام او رسالة بيناتهم ماحيبوش صديقهم يسمعها
يعني وبكل صراحة انا ماتعجبنيش الحوايج هذه ونفضل أنهم يحكوا بطريقة عادية
وبكل وضوح بيناتهم مادام راهم أصدقاء ومش مليح الحاجة هذه
لأنو نحس النية ماكانش في الهدرة وفي الأول والأخير صديقهم مش عدو
باش يتعاملوا معاه بهذه الطريقة ....
وأنتم قولولي رايكم وأكيد كاين شاوية ياسر في المنتدى وقبائل وصحراويين
نحب نسمع أرائكم ونفهم الموضوع,,
والموضوع كيما قلتلكم ممكن حساس شوي بصح مش باش ندير عادوة ولا حاجة
برك حبيت نفهم هذه المسألة هذا مـكان...وكل أبناء الجزائر أخوة,,
