خلــــــــــــونا نتعـــــــــارفوا [ المغتربين و المهاجرين ]

السلام عليكم ورحمة الله وبركاته
بسم الله الرحمان الرحيم

ما نعرف الا راح تعجبكم الفكرة والا لا ؟؟؟

بصح نقولها وان شاءا لله تلقى استحسان منكن بما اننا مغتربات واحيانا لا نجد حتى مع من نتحدث ولا كيما يقولوا نفرغوا قلبنا لان الهاتف اكيد لا يكفي للحديث مع الاهل في كثير من الامور وفي احيانا اخرى لا يكون لدينا حتى صديقات في الغربة*******

فأحببت ان يكون هذا الموضوع للتعارف بين المهاجرات والحديث عن مشاكلهن، وما يعترضهن ويحدث لهن من احداث او ما يجول في خاطرهن نتعارف من خلاله ونتاقش في بعض الامور التي ممكن ان تدور في رأسنا
وطبعا لا ضير في تدخل الاخوات غير المغتربات والتعرف عليهن، ومشاركتهن ايضا في حل بعض الامور التي ممكن ان نطرحها
أنتــــظر رأيكن بالموضوع لانو طبعا الموضوع لن يكون الا بوجودكن
إقـــــامة طيبة في منتدى اللمة الجزائرية
​

 

[أم أمين23]

سلام حنونة والله غير درتيلي لكوراج نرجع في اقرب وقت نقرا وندير b1 اما على راجلي منهدر كامل قدامو كل منهدر يموت بدحك كمبلكساني بسح برا نهدر نورمل ,زمتعرفي بلاك يجي كاش نهار ونتلقاو في 3 دنيا قصيرة

الراجل كامل هكاكا اديرو هنا مالين اللغة ما يضحكوش عليك حتى لو غلطتي والرجال يعقدوك تاع الصح

 

[أم أمين23]

سلام للجميع للحاضرين ولغايبين ,بفطومة بسحتك التحويسا و لعقبا لنا ,بنسبا لصبيطار هنا في للمان جيبي غير حويجك مدجبي والو للبيبي غير البسا لتخرجه بيه يلبسوه من عندهم تصبي في شمبرتك خزانة فيها كامل صوالح تع لبيبي من لبسا من كلش وحتى لكان جبتلو لبسا معاك ميلبسهلوش ,تقعدي 3 ايام وكفاش يتهلاو مشاء الله تقولي اه تصبيهم قدامك ولتحبي كفاش جونتي حنا في دزاير يعيطو على لدجي تولد ويصلو حتى يمدو الكف الله يهديهم

الله الله يعني مشيخويكم على الاخر لا لا حنا الكوش برك من عندهم اما القش واللبسة تاعك

 

[أم أمين23]

هيه حاقة نتومة تحكيو واش تشريو للبيبي و توجدو واش حال الفاتورة تاع الزيادة؟؟؟؟
غالية و لا لالا علابلكم في الامارات راكي تبداي تخميلها قبل ما تولي حامل

لا لا حنونة احنا ما تسلكيش كي يعود عندك الرقة تاع التأمين الصحي ما تسلكي والو وحتى الطبيب العام من بعد تاع الاولاد وتاعك ما تسلكيش

 

[أم أمين23]

صباح الخير عليكم للحاضرين والغايبين
صح انا تولولي في الفيزا نورمارمو 5 شهور بصح الله غالب كانت عندي ضروف على هديك,اعندي موضوع جديد لكان كل وحدا تحكنا كاش تبهديلا درتها ولا صرتلها في الغرب مكانتش تعرف ولا ختر جديدا سور كل وحدا تتحكك كتتفكر واش صرالها كاش نهار....واموا باش ختنا صونيا تدي الخبرا ومدرش لغلطات لدرناها نشاء الله كتروح

نروح نجيب ولدي ونرجع العشية نكمل ان شاءا لله راح الحال خخخخخخخخخخخخخ

 

[SAMIRA25]

لا لا حنونة احنا ما تسلكيش كي يعود عندك الرقة تاع التأمين الصحي ما تسلكي والو وحتى الطبيب العام من بعد تاع الاولاد وتاعك ما تسلكيش

هنا كيما يقولو تسقاملك بقرة و بنتها لا تامين لا هم يحزنون تدفعيهم كاش قبل ما تولدي يخافو تولدي و تهربي

 

[SAMIRA25]

سلام خاص الإيمان وأم أحمد وكاين عضوة أخرى جديدة من فرنسا نضن اسمها شريفة
أم أمين والبنات كاملين ،هاكي التفاصيل ،أولا سافرنا بالسيارة من ألمانيا إلى ميلانو مرورا بسويسرا ، المناضر كانت خلابة . في ميلانو رحنا عند عايلة إيطالية أصحاب زوجي ومعريفة قديمة كاين غير الام وبنتها، الام صراحة اندهشت فيها هي عجوز عندها 85 سنة لكن نشيطة وساجية إلى درجة كبيرة ، عايشة وحدها ،بنتها تجي كل شهر فقط ، وهاد العجوز قايمة بدارها جدا جدا جدا ، تنوض كل يوم على 5 صباحا ودارها تحسبوها laboratoir من كترت النضافة وتسوق السيارة ، أنا وراجلي خلعناها كي نصبحو راقدين ، شكاير تاع رقاد ههههههه .المهم قعدنا عندها 4 أيام حوست في ميلانو ،هي مدينة جميلة ومشهورة ب-schopping فيها محلات لأشهر الماركات الإيطالية وفيها ساحة الدومو والغاليريا مشهورين ،عجبتني لكن قلت الراجلي لي يشري من هاد المحلات لازم يكون ملياردار ، une vest ب-5 الآف اورو هههههه ،قتله ديني البلايس تاع المساكين شوية psq الغمة حكمتني مل أسعار . عجبتني الماكلة بزاف بزاف ،وليت كل مرة نروحو المطعم جديد ونجرب الاكل الإيطالي ،البيتزا و-rozito والباستا جربت بزاف أنواع ، عجبتني pasta a la marie bazaaf بفواكه البحر رائعة .وخبز الفوكاشيا هبلني يخدموه شباب bazaaf ،تم رحنا يوم المدينة como ،شابة bazaaf ومعمرة سياح فيها بحيرة كبيرة وجبل عالي جدا لدرجة أنك تشوفي الفنادق في أعل الجبل والسحاب تحتهم و yatal3oolah ب قطار تشوفي القطار طالع واقف ، أنا نخاف الاماكن العالية وتاني خفت على ساره من البرد في الاعلى نشالله ندير موضوع ونحط فيه الصور عن قريب ، فلسبوع تاني حجزنا ف hotel ف la toskana بعيدة ب-4 ساعات على ميلانو رحنا بسيارة قعدنا 5 أيام ف هاد الفصل راهم دايرين تخفيضات ف الفنادق .الفندق كان في جبل وفنفس الوقت حدا البحر الطبيعة والهوا نقيين ،رحنا المحمية طبيعية رائعا جاية في غابات واسعة وفيها انهار تصب فالبحر كانت تجربة فريدة من نوعها ،تشوفي الحيونات على طبيعتها مشي متل حديقة الحيوانات، خيول وابقار وحشية وتعالب وأنواع كتيرة من الطيور والسناجب والمصورين ليديرو الأفلام الوتائقية عن الطيور ، مكدرناش نحوسوها كامل psq كبيرة بزاف ولاجمل مافيها أنها حدا البحر،تم في يوم آخر رحنا الجزيرة نصحونا باه ناكلو الحوت فيها ،هاد الجزيرة كاين جسر يوصل لها بسيارة ،في يوم آخر رحنا الالمدينة ساتورنيا هاد المدينة بحمامات المياه الجبلية ، الناس تدوش فالجبل نورمال ههههه .حنا رحنا ال-hotel fih حمام لكن أنا محممتش لينة كاين picine مخلطة رجال ونساء ،elpicin داير ينها في وسط المزارع والجبال يعومو ويشوفو الجبال وخضرة ،أنا وسارة شبعنا غير تصاوير ، هادي تاني كانت تجربة جديدة ،وفي يوم أخر وكان أجمل يوم رحنا للجزيرة لغرق فيها البابور نضن سمعتو به ،البابور مازال راح كاين نصه الفوق ونصه فالماء وأصبح معلم سياحي يروحو يشوفوه الناس ،ركبنا فالباخرة باه نوصلو ليه ،منضر بابور غارق منضر جديد والجزيرة تاني شابة فيها سكان ،كي كنت صغيرة كنت نحلم نروح لجزيرة .تم رجعنا الميلانو يومين دارت schooping شريت la machine تاع la pate وال-pasta والفرامج الإيطالية وبيجامات ليا والسرسورة وولينا الدار ،وهدي هي كانت 30tlaa شابة العقوبة ليكم نشالله ، كي نلها نشالله ندير الصور :up:

بصحتك فطوم حسيت روحي معاك
ربي يهنيك و يبلركلك و يحفظلك بنيتك

 

[byouna]

okthi samira shehal mn shhar knt ki lkaw andek skr w shehal ken ywsal,afidouni taaichou,gynycologue tgouli zy w tbiba taa skr tgoul zy reni hayrena,adouli maakoum rbbi yeshfini wnwled normal
,

 

[SAMIRA25]

okthi samira shehal mn shhar knt ki lkaw andek skr w shehal ken ywsal,afidouni taaichou,gynycologue tgouli zy w tbiba taa skr tgoul zy reni hayrena,adouli maakoum rbbi yeshfini wnwled normal
,

شوفي بيونة اختي و الله ما ني شافي قداه وصلي بصح مين درت التحليل تاع السكر في الشهر 6 و شافتو الطبيبة تاعي قاتلي راكي على شعرة من سكري الحمل عطاتني الرجيم لي قتلك عليه و عطاتني باه نحلل بعد شهر يعني في 7 قاتلي راك مليحة و بقاي منقصة في الماكلة ما نكترش في المعجنات و الحلويات تقريب حبستهم خلاص و الحمد لله كملت حملي عادي كيما يقولو الوقاية خير من العلاج و زاد خوفتني الطبيبة كي قاتلي انتي راكي عادي منين تولدي يتنحالك بصح لي في كرشك يجي كبير بزاف و بعيد الشر يحكم السكر
ربي يشفيك و يسهلك ولادتك ولي فيه الخير ربي يقدمهولك
هيهه ونقولك من الان ان شاء الله كي تولدي اول حاجة نوصيك بيها رضعي وليدك حليبك و الله ما كانش كي حليب الام اول نصف ساعة باه ينزل اللبى و بقاي كل 2 و 3 سوايع نودي وليدك بسيف و رضعيه واكي مازلتي معانا و ادا حيانا ربي ان شاء الله و نحكيو في هدا الموضوع

 

[fatouma2012]

هيه حاقة نتومة تحكيو واش تشريو للبيبي و توجدو واش حال الفاتورة تاع الزيادة؟؟؟؟
غالية و لا لالا علابلكم في الامارات راكي تبداي تخميلها قبل ما تولي حامل

لا سميرة هنا متخلصي والو كولشي على الضمان كيما قالت أم أمين ، طبيب تاع الاطفال باطل وتاع الكبار 10 اورو كل 3 أشهر ، والتحاليل والايكو تاع الحمل تاني باطل ، التامين يخلص ، ويخلصو تاني فرملية تجي الدار تعتني بالأم والبيبي ، ويخلصو حتى حصص تاع رياضة للمرا الحامل وأيضا بعد الولادة .........راجلي قالي على حساب هاد التقلاش أنا ونجي نولد ههههههه

 

[fatouma2012]

نبدا انا وحد النهار شر ية صباط زعما عجبني ورجعة لدار ولغدوا كان عندي رنديفو عند الطبيبة جاء راجلي باش يديني بدا يزرب فيا خفي خفي البسة الصباط الجديد زعما هههه و داني رجلي بش يطرجم كانو تما فرمليا وطبيبة وطلعة فسرير وتكسلة حتى نشوف وجه راجلي حمر وجاني مجية رجليا يخبي في صباط وبدا يمس في صباط ملتحة مراهش كامل مع الطبيبة واش راهي تقولو ككملة قتلو واش كاين تنحي في حاجة وعلاه راك مقلق قلي بهدلتيني اتكي تع لبري تع اصباط تعيط هاني وفي زوج بلايص هههههههه ونتي جيا بيها ,مة بلحشما وقتلو يكونو شفوهم قلي ايه سور ورجعة اللوم كامل عليه كلتلو نتا السبا زربتني حتي لبسة الصباط بتكيات تع لبري هههههه وكل منتفكر نولي ندحك وحدي .يله وينراكم يالبناة كل وحا تحكينا

hhhhhhhhhhhhhhhhhh سيرين والله la ضحكتني أنا تاني مرة لبست سروال بتيكي تاعه لكن فالبلاد مشي هنا وبغيت نموت بالحشمة

 

[أم أمين23]

هنا كيما يقولو تسقاملك بقرة و بنتها لا تامين لا هم يحزنون تدفعيهم كاش قبل ما تولدي يخافو تولدي و تهربي

هنا واش عندهم مليح الطبيب مجاني غير تكوني تاع حجاة مختص يعني تروحي للجينيكولوغ وماشي بالكرش تسلكي وثاني التحاليل تسلكيهم واي طبيب اخر بصح الولادة والطب العام يدخل فيها حسب واش يسلك راجلك يعني الا قليل والا عندو وشكون خدام في العايلة يعني يعملو واحد الحسابات ويطلعو وكل عائلة كيفاش تسلك بصح بالعموم الا عندك البطاقة الصحية تعقبي بلاش في الطب العام برك وعند الطبيب تاعك الي حدوهولك من نهار تجي

 

[AGENT007]

السلام عليكم
موضوع جميل
مي هدو نتاع الغربة
ميبعثوناش شويا
شيكولا ههههههههه

​

 

[أم أمين23]

لا سميرة هنا متخلصي والو كولشي على الضمان كيما قالت أم أمين ، طبيب تاع الاطفال باطل وتاع الكبار 10 اورو كل 3 أشهر ، والتحاليل والايكو تاع الحمل تاني باطل ، التامين يخلص ، ويخلصو تاني فرملية تجي الدار تعتني بالأم والبيبي ، ويخلصو حتى حصص تاع رياضة للمرا الحامل وأيضا بعد الولادة .........راجلي قالي على حساب هاد التقلاش أنا ونجي نولد ههههههه

والله عندو اللحق راهم مقلشينكم للخر هنا يتهلاو صح بصح ماشي لهاد الدرجة خخخخخ

 

[أم أمين23]

انا ما عنديش بزاف حكايات تاع الطوايش بصح الاول كنت حافظة زوج كلمات سي وداكوردو واش يقولولي نقولهم سي داكوردو
ابو امين قالي كون يسبوك تقوليلهم ايه وطيب

 

[fatouma2012]

ana wesh dert le premier jour ki lhakt llmatar keyn rejl w mra yfetshou nsa yrouhou and lmra w rjal yrouhou and rejl ana rht lrejl dahket alya lmra guelli wekila thebbi rjel yftshouk,rejli hshem gueli behdltini:d

ههههه أنا تاني byouna نهار الاول لجيت صرالي العجب في داك المطار تاع فرانكفورت ، قلعت من وهران على 3 تاع صباح بايتة قاعدة وزيد الزعاف تاع الفراق على لفملي ، واش نحكي وصلت عند الراجل صابحة وعرقانة وقشي غاع مكرش تحسبو سوطوني ف الطيارة ، وكون غير مشي زعما هادة أول لقاء بيني وبينه لأني دارت العرس وحدي وجيت ، والاسوا أني كنت لابسة حشاكم سباط جديد وكي جيت نازلة م طيارة مكديتش نمشي بيه ، يعني الخطوة نبكي باه نديرها وسبابيتي كانوا غاع فالبغاج والمطار من زهري وميموني كبير bazzzaaaaaaaaaaaaaaaaaaaaaaf وزايد رافدا كابة صغيرة ومتنجرش لازم نحملها ، وليت نقول نغلعة وسايي ونمشي بالحفة ،psq سبات فيه talon وحتى الدم ولا يسيل ......واش نحكي كشفت روحي ، وزيد الكابة الكبيرة كي جيت نجيبها مل بغاج إليد تاعها تكسرت هههههههه ، كي جاء راجلي حشمت نقوله على سباطي ،غلط غير الكابة مكسرة بزاف psq عدباتة ،،،،ولا يمشي قبلي وأنا موراه بشعال وكل مرة يحبس ويقولي مالكي ؟ ووجهي منحكلكمش عليه من شدة التعب ، elricil سايل ومسفارة وحالتي حالة ولي كاملت الباقي كان لازم نركبو القطار باه نروحو لدار كي جينا نطلعو هو طلع وأنا كي بغيت نطلع طولت شوية eltrain بلع الباب وقلع وراجلي م داخل يضرب فالباب ومنارفي علي ، باينة عايرني ط شبع في قلبه .تخيلو الموقف أول يوم في بلاد منعرف فيها والو ،معنديش tel باه نعيط ........بغيت نطيح بالخوف ،هنا نسيت الصباط وغعدت نجري لاحقة القطار والناس تشوف وراجلي م زداج يطل تحسبو فيلم ، هاد اللقطة شفتها بزاف ف فالفيلمات تاع الهند تاع بكري ههههههههههحه مزية العامل المراقب حبس القطار وطلعت وليت حمرا بالحشمة :$و-3 سوايع تاع الطريق وأنا ساكتة
والسباط قلعته ومن هاداك النهار مزدش لبسته هههههههه:d:d

 

[أم أمين23]

خخخخخخخخخخخخخخخخخخخ فكرتوني في حكاية المطار انا ثاني كي جات كان ليا اول مقلب لتم انا جيت انا وابو امين درت عرسي وجا جابني قالي اول مرة ما تجيش وحدك نجي نديك جا درت وزج فاليزات اول شيء في المطار فاتو الوزن دفع عليهم
ومن بعد كي وصلنا هنا لميلانو ما لقيناش فليزة وللزهر الفليزة الي راحت تاع الشورة يعني فيها قشي الجديد كامل وكان فيها اكثر شيء غاظني هو قفطان مروكي دارتهولي واحدة حبيبتي مروكية كادو جابتهولي سبيسيالمو من المروك هاداك اكثر شيء غاضني
المهم بقينا نريكلاميو على الفليزة وهما استنو استنو حتى راح علينا الترا لول الي يدينا للمدينة الي ساكنين فيها وبتنا في الستاسيون تاع الترا كي المتشردين وهو مسكين هاز هاديك الفليزة 28 كيلو وانا هازة الكابة صغيور برك ما فيهش حوايج حلو برك بعثوه لمرط سلفي وانا نقولو خلي نعاونك وهو يقولي لا لا خلي برك وهو مسكين قليل الفليزة يمكن توزن تقريبا قد نصف وزنو وصلنا للدار على 6 تاع الصباح ميتيين كاووو لضرك نتفكر التشرد الي عشتو في اول يوم في محطات ميلانو خخخخخخخخخخخخخخخخخخ

 

[أم أمين23]

السلام عليكم
موضوع جميل
مي هدو نتاع الغربة
ميبعثوناش شويا
شيكولا ههههههههه

​

وعليكم السلام ورحمة الله وبركاته مرسي خويا
الشيكولا برك راهي نفس الشيكولا الي تنباع هنا كاين لتم وتاع دزاير خير من تاع هنا
راهي نفس الماركات يعني ما كانش في دزاير ميلكا وفيروري روشيه وغيرها والله هاديك تاع الحليب تاع 15 الف في البلاد خير من تاع 20 اورو تاع هنا

 

[SAMIRA25]

لبنات راني درت موضوع هنا ادخلو كاش ما تفيدونا و لا انتم تاني كيما حالتي؟؟
https://www.4algeria.com/vb/showthread.php?t=356980

 

[SONYA25]

هههههههههههههه ضحكتوني
تسما التبهديلات تاعكم صراولكم في المطارات :up:

 

[SONYA25]

حالياً الأعضاء النشيطين الذين يشاهدون هذا الموضوع : 6 (5 عضو و 1 ضيف) ‏SONYA25, ‏byouna, ‏fatouma2012, ‏om abdulhadi 2011, ‏sirin2013