لقاء مع فنانة

[فايزة20120]

1. متى دخلتي المطبخ أول مرة؟
2. لما كنت نقرا فالمتوسط
   
3. ممن تعلمتي الطبخ؟
4. من أمي وأخواتاتي ربي يحفظهم كامل
   
5. هل تحبين الطبخ وتستمتعين به أو ترين أنه واجب عليك؟
6. نحس بالمتعة لما نكون نطيب خاصة كي يكون عندنا بزاف التوابل
   
7. هل تحبين أن تأكلي مما تصنع يديك أو تفضلين أكل ما يصنعه الآخرين؟
8. مرات نحب ناكل من يدي ومرات نحب ناكل من ناس آخرين
9. هل تفضلين اكل البيت وتستمتعين به أكثر من اكل المطاعم او العكس؟
10. نحب ناكل فامطاعم في موسم الشتاء يعجبني بزاف أما المواسم الأخرى نحب الماكلة نتاع الدار
    
11. أكثر طبق تحبين طبخه وتجدينه؟
12. الدوارة
    
13. اكثر طبق تحبين أكله لكن للأسف لا تجدين عمله؟
14. تيكربابين
    
15. طبق أكلته وتمنيتي أن تتعلمين طريقته؟
16. تليتلي في الفرن
    
17. اسهل طبق تعلمتيه؟
18. فريت
    
19. اصعب أكلة عملتيها؟
20. الشخشوخة البسكرية
    
21. اصعب موقف حصل معاكي بالمطبخ؟
22. صنعت حلوى الكادوا ودرتها طيب لما رجعت لقيتها تحرقت وكانت خصيصا لختان وليد اختي ربي يرحمها ويسكنها فسيح جنانها وجميع موتى المسلمين قولوا آمين
    
23. مقف مضحك حصل معاكي بالمطبخ؟
24. لما كنت نقرا فالليسي كان قريب عيد ميلاد ولاد اختي وشف وصفة فالتلفزيون على تارت عيد الميلاد كتبت كل المقادير وشراولي كلش خدمتها ودرتها طيب منبعد خرجتها قعدت 2 دقايق وهبطت لكن أنا مستسلمتش حطيتلها كريم شانتي والتارت كانت سخونة ذابت الكريمة وزيد مكنتش مضربتها مليح بالرغم من ذلك ماستسلمتش:scared01: وواصلت المجهود نتاعي:sport01: قطعت البنان وحطيتو فوقها وهي سخونة البنان زلق لأنوا الكريمة ذابت ثم واصلت وقسمتها لأنوا شكلها مشي شباب وطيبت معاها القهوة وحطيتها لما جاو يكلوها مع التعليقات طبعا لقوها ثقيلة ومعجنة :very_mad:يادرا واش هو السبب لي خلاها هكذا:cray02: ضرك نقلكم لما كتبت المقادير كتبت كامل اللي لحقتهم لكن فاتتني حاجة وهي الصح نسيت الفرينة :sمكتبتهاش ودرت الوصفة بلا فرينة وهكذا مكلاوهاش:down:وكل مرة يفكروني بيها خاصة أولاد أختي
    
25. أكثر من يحب طبخك؟
26. أمي
    
27. واكثر من ينتقده؟
28. خويا يظل يعلق
    
29. عندما تطبخين تلتزمين بالوصفة عادة أو تكون فيها دائما لمسة ابداعية منك؟؟
30. مرات نزيد مرات نقص
    
31. تحبين تجريب كل ما هو جديد من وصفات أو انك تفضلين عمل المضمون من الوصفات فقط؟؟
32. نحب الجديد
    

شكراااا أختي على هذا الموضوع الرائع
​

 

[أم أمين23]

صونيا هو اكيد وصفات البيت ناذر ما تكون زي تاع البيع مهما عملتي عليك الامان ما تخرجش كي تاع البيع ابدا

لاليشكا بانتضارك اخيتي

فايزة مرحبا بيك اكيد التيكربابين ادا كانت نفس الاكلة الي نعرفها الي هي عصبان القبايل فصعبة كثير وتقريبا غير الكباريات الي يعملوها بطريقة صحيحة اما حكاية الفرينة حكاية وانت حبيتي تخرجيها بالسيف والله الحاجة الا فسدت من الاول قليل وين تقدري تصلحيها مابالك بيك انت الي ناسيا الرسمي كلو خخخ
وربي يرحم اختك ويغفر لها يا رب

 

[fatouma2012]

1. 
   [*]السلام عليكم
   [*]متى دخلتي المطبخ أول مرة؟ مانيش متفكرة السن بيلتحديد لكن كنت في اواخر الإبتدائي . ممن تعلمتي الطبخ؟ من وراديو وكتب الطبخ

1. هل تحبين الطبخ وتستمتعين به أو ترين أنه واجب عليك؟ أحبه كتيرة وهو متعتي وهوايتي
2. هل تحبين أن تأكلي مما تصنع يديك أو تفضلين أكل ما يصنعه الآخرين؟ أحب أكلي طبعا لكن أحب تدوق كل ماهو جديد
3. هل تفضلين اكل البيت وتستمتعين به أكثر من اكل المطاعم او العكس؟ أفضل أكل البيت لكن للمطاعم أيضا جو خاص ، يعني منراطي والو
4. أكثر طبق تحبين طبخه وتجدينه؟ أحب الحلويات
5. اكثر طبق تحبين أكله لكن للأسف لا تجدين عمله؟ بزاف أطباق وخاصة الاجنبية
6. طبق أكلته وتمنيتي أن تتعلمين طريقته؟ بيتزا تركية
7. اسهل طبق تعلمتيه؟ القلي هههه
8. اصعب أكلة عملتيها؟ الكسكس
9. اصعب موقف حصل معاكي بالمطبخ؟ مرات نحرق الاكل كما أمس
10. مقف مضحك حصل معاكي بالمطبخ؟
    مرة كنت صغيرة وجبت غوسات تاع غاتو على جارتنا وخليت ماما كي خرجت طبقته لكن المفاجاة كانت أن المقادير لعطاثني الجارة كانو مقادير عرس ولدها يعني كمية كبييرة 5 سوايع و-ana نطيب فيه psq الكوشة صغيرة ،وكجات ماما صابتني نعرق وميتة بتعب ههههههه
11. أكثر من يحب طبخك؟ كل العائلة
12. واكثر من ينتقده؟ مرات ماما
13. عندما تطبخين تلتزمين بالوصفة عادة أو تكون فيها دائما لمسة ابداعية منك؟؟ كل مرة kifaah
14. تحبين تجريب كل ما هو جديد من وصفات أو انك تفضلين عمل المضمون من الوصفات فقط؟؟ أفضل المضمون والمجرب
    

 

[أم أمين23]

اهلا فطوم نورتيني حبوبة ماشاءا لله من اوخر الابتدائي يعني انت اكيد خبيرة بالطبخ يلا ترى جيبيلنا وصفات مجربة خصوصا الاجنبية منها
نورتيني بمرورك وربي يحفظلك البنوتة وتولي فنانة طبخ كوالدتها

 

[ندى الورود]

أين انتن يا فنانات مطبخنا اللماوي

​

 

[بوح المشاعر]

موضوعي يا حلوات ليس استضافة لفنانات التلفاز او الاداعة ولكن استضافة لفنانات الطبخ والابداع حبيت من خلال هاد الموضوع استضافة رائدات المنتدى الطبخ واللاتي تتحفننا دائما بوصفاتهن وتجاربهن بالمطبخ وكل الفنانات اللاتي تزرن القسم حتى بالتشجيع للمبدعات لنتعرف عليهن في المطبخ ولدلك حضرت مجموعة من الاسئلة تجيب عليها ضيفاتنا وفناناتنا في كل مرة فاليكن الاسئلة وكل من ترد تختار بعدها اخت من الاخوات:

1. 
   
   
   السلام عليكم اختي الغالية
   موضوعك موضوع رآآئع فشكرا لكِ على هاته
   الصفحة المميزة غاليتي
   ​
2. متى دخلتي المطبخ أول مرة؟
   
   امم اول اول مرة دخلت للمطبخ كان عمري 11 سنة​
3. ممن تعلمتي الطبخ؟
   
   تعلمت الطبخ من يمآ لعزيزة ربي يحفظهآ
   ودوركا راني نتعلم من سيدات المطبخ اللماوي
   قد مانتعلم نكتشف روحي مازلت نجهل بزااف حوايج ​
4. هل تحبين الطبخ وتستمتعين به أو ترين أنه واجب عليك؟
   
   
   بالعكس نحب الطبخ و نحب نتفنن فيه
   مانحسوش مفروض عليا كي والفت وليت نعشق
   الكوزينة والطبخ ​
5. هل تحبين أن تأكلي مما تصنع يديك أو تفضلين أكل ما يصنعه الآخرين؟
   
   
   في زوج نفضلهم اولا نحب كي نطيب نذوق ماكلتي
   باه نشوفها اسكو بنينة ولا ناقصة ونحب ناكل واش يطيبو
   المحيطين بي ميش من والا نو غير الاقارب فرات
   لاني منحبش ناكل ماكلة عباد منعرفهمش
   ​
6. هل تفضلين اكل البيت وتستمتعين به أكثر من اكل المطاعم او العكس؟
   
   
   اكل البيت يكون احلى واحلى اكيد
   و اكل المطاعم كي نكون مسافرة في طريق نكون
   مجبورة اني ناكل بصح يعجبني مي ميش قد ماكلة الدار​
7. أكثر طبق تحبين طبخه وتجدينه؟
   
   
   اكثر طبق نحبو هو طاجين الزيتون و هو اول طبق
   عملتو كي كان عمري 11 سنة وعملتو بامتيآآز
   و هذاك النهار كانو عندنا ضياف و الحمد لله جاء هايل والكل
   عجبهم ختى للان مزالوا يتفكروه ويقلولي عليه ​
8. اكثر طبق تحبين أكله لكن للأسف لا تجدين عمله؟
   
   
   امممم نحب ناكل شخشوخة الظفر مي للاسف مزال
   مانعرفش نديرها بيا بيا ونحب نتعلمها مليييح ​
9. طبق أكلته وتمنيتي أن تتعلمين طريقته؟
   
   
   الكبة كليناها في عنابة في مطعم وعجبتني بزااف ونتمنى نعرف
   المقادير لي كانت مستعملة فيها و كيفاه طيبوها لانها بنينة بزااف ​
10. اسهل طبق تعلمتيه؟
    
    
    هو الجآري شوربة فريك ​
11. اصعب أكلة عملتيها؟
    
    
    هي الشخشوخة البسكرية اول مرة لقيت صعوبة فيها
    سيرتو في لوحانها مي دوركا الحمد لله نديرها نورمال ​
12. اصعب موقف حصل معاكي بالمطبخ؟
    
    
    اممم مكانش بزاف مي مرة كنت نطيب في البسبوسة
    و كي جيت نخرجها دارت يدي وطاح لبلاطو على يدي الاخر
    و تحرقت مي خرجت سللاامات بصح معرفتش كيفاه صرات ذيك الحادثة
    ​
13. مقف مضحك حصل معاكي بالمطبخ؟
    
    
    
    مرة عملت بيتزا للفطور دخلتها في الفورن
    ورحت لشومبرة تاعي باه نحضر دروسي زعمة
    كي قعدت نسيت حتى شميت ريحت لحريق نضت نجري لقيتها
    تفحمت صاااي ماولاتش تصلح
    ​
14. أكثر من يحب طبخك؟
    
    
    الصراحة الكل يحبوه وخاصة الوالد تاعي ربي
    يحفظو دايما يقولهم نحب كي طيبلي بنتي ماكلتها شابة و تغير يما
    خخخخخخخخ تولي هك
    ​
15. واكثر من ينتقده؟
    
    
    خويا الصغير بففففف ولو كانت بنينة ووهايلة
    يسمع بلي انا طيبت يبدآ كي دايرة واش هذا لماكلة
    سمطتيها علينا عمرو ماشجعني دايما يحط فيا
    ياكل ويشبع بصح دايما يذمها
    ​
16. عندما تطبخين تلتزمين بالوصفة عادة أو تكون فيها دائما لمسة ابداعية منك؟؟
    
    
    في اول مرة نطبقها نلتزم بالوصفة اما الشكل
    دايما كل مرة وكيفاه احيانا ندير لمسة خاصة
    واحيانا نخليها كيما راهي ​
17. تحبين تجريب كل ما هو جديد من وصفات أو انك تفضلين عمل المضمون من الوصفات فقط؟؟
    

اكييييد نحب نجرب واي وصفة نشوفها وتعجبني نحب نجربها
خآآآصة الحلويآآت نموت على تجريبها
احيانا في وقت الدراسة نشووف و مي التجريب نخليه لوقت اخر​

كان عندي اسئلة أخرى بس قلت بلا ما تملو هاد القدر كافي ليعرفنا عليك في جانب ما
في أمان الله ومستنيا تفاعلكم مع موضوعي الي اتمنى ينال اعجابكم وهو طبعا حصري للمة مش منقول

​

بارك الله فيك اختي على الاسئلة المميزة
استمتعت كثيرا بها
​

 

[أم أمين23]

مشكورة بوح المشاعر واكيد باين انك شطورة والي راح يديك ما راحش يندم خصوصا الا كان احب كرشو خخخخخ اما خوك ربي اطيحو في واحدة ما تعرف اطيب باش يتفكر ماكلتك هههههههههههه
مشكورة ندى لرفع الموضوع وضرك نزيد نحوس كاش ضيفة انا ثاني رقدت عليه

 

[✿أسيـل✿]

أم أميـــن
نشكرك بزاف على الدعـوة ربي يهنيـك حنـونة
لـــــي عودة
إن شـــــاءالله​

 

[أم أمين23]

ان شاءا لله اسيل بالانتضار اكيد

 

[نجمة ساطعة]

موضوعي يا حلوات ليس استضافة لفنانات التلفاز او الاداعة ولكن استضافة لفنانات الطبخ والابداع حبيت من خلال هاد الموضوع استضافة رائدات المنتدى الطبخ واللاتي تتحفننا دائما بوصفاتهن وتجاربهن بالمطبخ وكل الفنانات اللاتي تزرن القسم حتى بالتشجيع للمبدعات لنتعرف عليهن في المطبخ ولدلك حضرت مجموعة من الاسئلة تجيب عليها ضيفاتنا وفناناتنا في كل مرة فاليكن الاسئلة وكل من ترد تختار بعدها اخت من الاخوات:
متى دخلتي المطبخ أول مرة؟ 14 السنة

1. ممن تعلمتي الطبخ؟
   من ماماواخت ي
   
2. هل تحبين الطبخ وتستمتعين به أو ترين أنه واجب عليك؟
3. واجب عليا ديما شخشوخة بربوشة صراححة كنت نحبوا بصح د رك كرهتوا
4. هل تحبين أن تأكلي مما تصنع يديك أو تفضلين أكل ما يصنعه الآخرين؟م
   
5. من عند اختي احيانا انا
6. هل تفضلين اكل البيت وتستمتعين به أكثر من اكل المطاعم او العكس؟
   
7. نتع دار ناكل برا احيانا
8. أكثر طبق تحبين طبخه وتجدينه؟
   
9. بسوسة وبربوشة وشربة
10. اكثر طبق تحبين أكله لكن للأسف لا تجدين عمله؟
    
11. ملوحية
    
12. طبق أكلته وتمنيتي أن تتعلمين طريقته؟
13. ملوخية وطاجين حلو
    
14. اسهل طبق تعلمتيه؟
    
15. السفنج اومقرونة
    
16. اصعب أكلة عملتيها؟
    
17. شخشوخة والتشيشا
    
18. اصعب موقف حصل معاكي بالمطبخ؟
    
19. كي نجرب وصفة من النت وتفشل والله نلقيني نبكي
    
20. مقف مضحك حصل معاكي بالمطبخ؟
    
21. جربت وصفة من ا النت وجات فاشلة ودركتها ثم رميتها شفتي والله ماتتكلش نهائي
22. أكثر من يحب طبخك؟
    
23. بابا وامي
    
24. واكثر من ينتقده؟
    
25. اختي نطيب وعمرها ماشكرتني
    
26. عندما تطبخين تلتزمين بالوصفة عادة أو تكون فيها دائما لمسة ابداعية منك؟؟
    
27. كيما هي ديما
    
28. تحبين تجريب كل ما هو جديد من وصفات أو انك تفضلين عمل المضمون من الوصفات فقط؟؟
    
29. نموت نجرب نععشق نجرب
    

كان عندي اسئلة أخرى بس قلت بلا ما تملو هاد القدر كافي ليعرفنا عليك في جانب ما
في أمان الله ومستنيا تفاعلكم مع موضوعي الي اتمنى ينال اعجابكم وهو طبعا حصري للمة مش منقول
​

 

[أم أمين23]

شكرا اختي نجمة للمرور بموضوعي نورتيني وفعلا احيانا عندما يطلب منك الطبخ حتى لو لم تريدي يصبح واجبا ثقيلا بس حبيت منك الملوحية خخخ انا ثاني نموت عليها وللاسف ما نعرفش ولا مرة جربتها

 

[بنت الجسور المعلقة]

متى دخلتي المطبخ أول مرة؟
12 عـــــام
ممن تعلمتي الطبخ؟
من أمي و من النت
هل تحبين الطبخ وتستمتعين به أو ترين أنه واجب عليك؟
نحب الطبخ وهو من هوياتي
هل تحبين أن تأكلي مما تصنع يديك أو تفضلين أكل ما يصنعه الآخرين؟
لالا أنا كي نطيب نgهم وجيني الماكلة مافيها حتى بنة بصح كي تبات ونسخنها من لغدوة كي نذوقها جيني بنينة
هل تفضلين اكل البيت وتستمتعين به أكثر من اكل المطاعم او العكس؟
في زوج
أكثر طبق تحبين طبخه وتجدينه؟
الكسكسي (النعمة) والمحاجب وبزاف حوايج
اكثر طبق تحبين أكله لكن للأسف لا تجدين عمله؟
التليتلي
طبق أكلته وتمنيتي أن تتعلمين طريقته؟
لي تمنيتو جربتو وكليتو منخليش في قلبي ههههههه
اسهل طبق تعلمتيه؟
الشربة
اصعب أكلة عملتيها؟
المريش
اصعب موقف حصل معاكي بالمطبخ؟
بزاف حوايج واش نحكي واش نخلي ههه
موقف مضحك حصل معاكي بالمطبخ؟
منين نجي نرابي البصلة ولا طماطم نجرح يدي بيها ونتولهش نرابي يدي معاها ههههه من وليت نتوله
أكثر من يحب طبخك؟
عائلتي
واكثر من ينتقده؟
ماكنش
عندما تطبخين تلتزمين بالوصفة عادة أو تكون فيها دائما لمسة ابداعية منك؟؟
نلتزم بالوصفة وساعات في التزيين نزيد من عندي
تحبين تجريب كل ما هو جديد من وصفات أو انك تفضلين عمل المضمون من الوصفات فقط؟؟
نحب نجرب كل ماهو جديد الحق
كان عندي اسئلة أخرى بس قلت بلا ما تملو هاد القدر كافي ليعرفنا عليك في جانب ما
في أمان الله ومستنيا تفاعلكم مع موضوعي الي اتمنى ينال اعجابكم وهو طبعا حصري للمة مش منقول
مشكورة حبيبتي ^_^ ربي يعيطك متتمناي ​

 

[أم أمين23]

اهلا بنت الجسور نورتيني حبوبة ومشكورة للاجابة التي وان دلت تدل على طباخة ماهرة حبيت برك نصقصي واش هو المريش؟؟؟

 

[السلطانة]

1. متى دخلتي المطبخ أول مرة؟ لما كان عمري 11سنة
   
2. 
   
3. ممن تعلمتي الطبخ؟من أمي وجدّتي
   
4. هل تحبين الطبخ وتستمتعين به أو ترين أنه واجب عليك؟ نعم أحبه غالبا مااطبخ بحكم أن والدتي عاملة حمّلتني المسؤولية من الصغر
   
5. 
   
6. هل تحبين أن تأكلي مما تصنع يديك أو تفضلين أكل ما يصنعه الآخرين؟
7. أحب أكلي وأكل الأخريات خاصة إن لم تكن من الولاية نفسها نحب نتدوق الأطباق المختلفة
   
8. هل تفضلين اكل البيت وتستمتعين به أكثر من اكل المطاعم او العكس؟
9. ماكانش خير من أكل البيت
   
10. أكثر طبق تحبين طبخه وتجدينه؟
11. شخشوخة الظفر بالنسبة ليا احسن طبق ونعرف نطيبها :-r
    
12. اكثر طبق تحبين أكله لكن للأسف لا تجدين عمله؟
13. مممممم عاجبني طبق الزفيتي والمختومة مي منعرفش نطيبهم
    
14. طبق أكلته وتمنيتي أن تتعلمين طريقته؟
15. ماكانش طبق معين
    
16. اسهل طبق تعلمتيه؟
17. المرقة بطاطا
    
18. اصعب أكلة عملتيها؟
19. الكرواصون وماصلحليش
    
20. اصعب موقف حصل معاكي بالمطبخ؟
21. نشفى العام لي فوت فيه السيزيام راحت ماما تخدم وقاتلي اقلي البطاطا لخواتك حطيتها تتقلى ورحت نتفرج في الكوميك
    وصلت 12 دخلت ماما لقات الدخان داير حالة جرات فتحت التاقة وطفات النار لي شعلت قريب لهبت الدار شعلت المقى والنار حكمت في التاقة مزية ماوصلتش للتويو تاع الغاز لوكان دار انفجار عظيم
    
22. مقف مضحك حصل معاكي بالمطبخ؟
23. مرة حطيت السكر في بلاصة الملح في المرقة :d
    
24. أكثر من يحب طبخك؟
25. خالي ديما كي يجي عندنا يقولي ديري لملوخية ولي بلا تاع الفور
    
26. واكثر من ينتقده؟
27. خويا ديما يتمشرك نقولو نشوفو الحرة لي تجيبها
    
28. عندما تطبخين تلتزمين بالوصفة عادة أو تكون فيها دائما لمسة ابداعية منك؟؟
29. وي نلتزم بالوصفة
    
30. تحبين تجريب كل ما هو جديد من وصفات أو انك تفضلين عمل المضمون من الوصفات فقط؟؟
31. وي نحب نجرب الجديد
32. 
    

 

[أم أمين23]

خخخخخخخخخخخخخخخخخ يعطيك الربح على شوية بطاطا قريب حرقتي الدار يا مخلوقة ههههههههههه نورتيني بردك ومرورك الجميل
ومستنيا مشاركات اخرى ان شاء ا لله ما تبخلو عليا بمروركن

 

[بنت الجسور المعلقة]

اهلا بنت الجسور نورتيني حبوبة ومشكورة للاجابة التي وان دلت تدل على طباخة ماهرة حبيت برك نصقصي واش هو المريش؟؟؟

ربي يعلي شانك ميمة
المريش هوا شخشوخة االفطير ولا كيما نقولو حنا تريدة الطاجين
تشبة نتاع البساكرة

 

[ام شيماء]

الله يبارك يا الفحلات

 

[أم أمين23]

ربي يعلي شانك ميمة
المريش هوا شخشوخة االفطير ولا كيما نقولو حنا تريدة الطاجين
تشبة نتاع البساكرة

اها اوك مشكورة با حلوة للعودة والتوضيح

 

[أم أمين23]

يلا ام شيماء خليك فحلة انت ثاني وشاركيني بالرد على الاسئلة يلا مستنيين مشاركتك

 

[ibtesem]

احم احم هدا وين فطنت وقيل
السلام عليكم
شكر ام مينو على الموضوع الشيق ​

بسم الله نبدا ​

1. ​
2. متى دخلتي المطبخ أول مرة؟​
3. 10 سنوات​
4. ​
5. ممن تعلمتي الطبخ؟​
6. امي و زوجة عمي ​
7. هل تحبين الطبخ وتستمتعين به أو ترين أنه واجب عليك؟​
8. نعم حبي للطبخ جعلني استمتع ببه ​
9. هل تحبين أن تأكلي مما تصنع يديك أو تفضلين أكل ما يصنعه الآخرين؟​
10. نعم احب ان اكل ما اطبخ ​
11. هل تفضلين اكل البيت وتستمتعين به أكثر من اكل المطاعم او العكس؟​
12. بصراحة الاثنين احب تغيير بعض الاحيان ​
13. أكثر طبق تحبين طبخه وتجدينه؟​
14. الارز بانواعه ​
15. اكثر طبق تحبين أكله لكن للأسف لا تجدين عمله؟​
16. الاكل الصيني امممممممممممممم​
17. طبق أكلته وتمنيتي أن تتعلمين طريقته؟​
18. نفس الشئ المطبخ الصيني ​
19. اسهل طبق تعلمتيه؟​
20. كسرو والحسوة اكلة شعبية في مدينة بسكرة ​
21. اصعب أكلة عملتيها؟​
22. شخشوخة او المقلوبة على ماضن ​
23. اصعب موقف حصل معاكي بالمطبخ؟​
24. حطيت بيتزا في الفرن تلهيت بالهدرة جبتها فحمة ههه​
25. من يومين تاني تلهيت مع ام ندى في الكلام نست كورواسون فحمة ههه حتى بنتها علقت عليا :p​
26. مقف مضحك حصل معاكي بالمطبخ؟​
27. يوم عزمت صديقتي قاعدة نتفنن في طبخ الارز ههه لصقلي كامل بخص بيا نسيت مانقصتش النار نشف هو مازال مطابش ههه ​
28. من يومها شريت الاة الارز الكهربائية باش الموقف مايتعودش
    
    ​
29. أكثر من يحب طبخك؟​
30. اهلي زوجي اولادي صحباتي ​
31. واكثر من ينتقده؟​
32. حد الساعة لا يوجد ​
33. عندما تطبخين تلتزمين بالوصفة عادة أو تكون فيها دائما لمسة ابداعية منك؟؟​
34. عندي موشكل منقراش الوصفة خلاص بصح في الاخير نجيبها نفسها بالضبط هدا في الطبخ ​
35. اما الحلويات التزم بالمقادير لكن اتفنن في اللمسات الاخيرة ​
36. تحبين تجريب كل ما هو جديد من وصفات أو انك تفضلين عمل المضمون من الوصفات فقط؟؟​
37. احب التجديد اموت في التجارب ولا تهمني النتيجة ​