بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[lina-67]

انا في فرنسا و لي شومبر كيفاش لي كموندتيهم انا وحدة صحبتي شرات دار كموندات الخزانات تاعها و تاع لولاد هادوك اللي يجو اونكاستري في الحيط و دارتهم مام كولور تاع لا شومبر خرجولها يهبلو و ما يدوش البلاص
قوليلي عندكم بنوك اسلامية في البلجيك

 

[ام الحلوين]

جمان هذي حكاية اسراء
كان عندها 6 اشهر و انا حامل و كنت غير كيما جيت من البلاد و قلت للزين نخرجو نقضو و نفطرو برا و رحنا قضينا و الزين كان يخلص و اسراء حطيتها في الشاريو بصح ماقفلتهاش و هي كانت تتقلب و انا جات وحدة فايتة لابسة جيب قصيرة قصيرة بزاف بقيت فاتحة فمي فيها حتى نسمع الطفلة تبكي و راجلي يهز فيها و (يسبح) راكي عارفة الزيريين كيفاش يسبحو كي يزعفو ،و بدات اسراء تسترجع (اعزكم الله) على خماري و على روحها و انا نبكي و هو يقولي واش كنتي تشوفي ياك غير انا راني قدامك هو عندبالو راني نشوف في راجل ههههه (الغيرة واش دير) ،من بعد خرجنا و انا فايحة بريحة الحليب و مارحناش في طريقنا من بعد قتلو وين رانا رايحين قالي وين حبيتي نديك راني دايك للسبيطار ههههه من بعد شدونا 4 سوايع بسكو لازم ترقد و تنوض و يشوفو اذا نورمال و لا لا و الزين يقولي هذا رايك حبيتي تاكلي برا و حبيتي التحواس هههه و بنتي غير ناضت بقات تشوف فيا و شدت البيبرو وحدها و قالولي خلاص تقدري تديها للدار .

 

[joumane]

ماشاء الله رنيم دارك مستعه وكبيره وشابه وكوزينتك كبيره بحر وانا نموت في الكوزينه المستعه وانا تاني كوزينتي في البلاد في الاحمر تشبه لتاعك مي ضيقه

 

[ام الحلوين]

ام امين و روعة سير راهم دايرين قيلولة هههههههه .

 

[lina-67]

يا ام الحلوين و ما دارت فيك مولات الميني هههه خليتي المخلوق يشك و عشيتي في السبيطار بالاكي تزيدي تشوفي في الرجال آ في النساء ههههه

 

[joumane]

ههههه ام الحلوين يختي شفتي واش دارو فينا بنات هنا العجب تشوفي انا صدقيني كي نخرج نحشم من راجلي على الاول كنت نروح طول منشوعه ونخمم نقول الراجل هادا شاف كلشي هنا مافهمتش واش عجبو فيا وساعات طول نتقلل ومنبغيش نولهو بلي قلقوني بنات هنا باه هو ميحطهمش في بالو ومن بعد نستغفر ربي ونقول الحمد لله هو انسان متدين ويخاف ربي ويصلي صلاتو ولوكان جا متاثر بيهم ميزوجنيش وبالعكس هو يقولي انا مستحيل نبقى عايش في البلاد هادي بسكو هو الحمد لله قلبو متعلق بالجامع وكي نهبطو لبلاد صلاة ديما في الجامع حتى الفجر

 

[ام الحلوين]

انا نقولو شوف الزين شوف و وهو يقولي استغفر الله بصح نتي خير منها نقولو الله يسلمك هههههه .

 

[ام الحلوين]

و هذي حكايتي العام لي فات مع الباسبور ههههه غير تاع حكايات .
المهم بعثولي الجنسية و استدعاء باش نروح نحلف و قلت لراجلي ماندي والو معايا قالي والو لبست مليح و درت شوية مكياج و رحت نهز في روحي كي وصلت تما قالي الزين جبتي الكاميرا باش نصورك (يحب يصورني وقيلة باش كي نموت يجبدهم و يبكي عليا ههههه ) قتلو لالا مسكين راح شرالي وحدة جوتابل من بعد خرج واحد و قالنا هيا كل واحد يخرج باسبور تاعو و كي نعيطولو يدخل هنا للصالة قالي الزين هاتي الباسبور تاعك قتلو ماجبتوش مسكين و لا يستغفر و مالقا مايهدر و سير في قلبو كان يقول هذي المصيبة لي عطاهاني ربي و غير ماحبش يبينلي و انا قتلو نتا قتلي ماجيبي والو قالي و الباسبور بلا مانقلك عليه و دروك كيفاش يعرفو بلي نتي هي صاحبة الاستدعاء و لازم يشوفو الصورة في الباسبور قتلو ها ربي ماكتبش قالي علبالي كلشي مكتوب بصح نتي ديري وحد الصوالح نسا كامل من بعد عاودت شديت موعد اخر ورحت .

 

[joumane]

ههههههه هههههه ههه
اولا على شوف الزين شوف والله ساعات حتانا نقول ياخاه كاينين بنات خرين عطاهم ربي واحد الزين والله انا كينشوفهم ندهش فمابلك هو راجل خلي يشوفو مساكن ههههه
وحكايت الباسبوره ههههه عجباتك روحك ونسيتي الصح ههههه عندك ماجريتي المخلوق ههههه ربي يكون في عونو

 

[رنيم الغربه]

رنيم ماشاء الله دارك كبيرة تقولي تاع البلاد بصح الستيل الاوروبي يجي باين و يجي متحوف و شابة و ماتكثريش فيها القش بسكو تتعبي في النقاوة و عجبتني الكوزينة كبيرة و لونها روعة ربي يهنيك و يسعدك و يحفظ وليداتك و يعطيك الصحة .

ربي يحفظك عميرة ايه انا حبيت الستيل الاروبي مام ليشومبغ والله نظل نخدم فيها عيييت لكن ملي دخل وليدي الصغير الليكول ولات تبقا نقييييييييه نهار كامل تهنيت

 

[روعة انثى]

سلامو البنات والله ماجيت نحكي معاك حتان دخلو دارنا في الخط عيطولي في السكايب وماما مريضه طول وراحها صوتها حكمتها لاقريب و ولاتهلها حساسيه وزيد مريضه بقلبها والله راني طول مشطنه عليها اليوم الجمعه وكام ساعه يستجاب فيها الدعاء ادعيولها معايا البنات وربي يجازيكم وانا والله مننساكم بالدعاء اللي محتاج ربي يعطيها واللي مريضه ربي يشفيها وربي يحفضلكم وليداتكم كامل ويحفضكم ليهم

اسأل الله العظيم رب العرش العظيم ان ان امكي شفاء لا يغادر سقما و مرضا و لا وجعا و لا اذى
اللهم أمين
صح كيما قالت ام الحلوين الجو راه يتقلب فالبلاد راه اليوم الريح في الشلف يطير و لاكونكسيون راهي غير تجي و تروح هبلتني ما نيش قادرة نتبع معاكم

 

[رنيم الغربه]

ماشاء الله رنيم دارك مستعه وكبيره وشابه وكوزينتك كبيره بحر وانا نموت في الكوزينه المستعه وانا تاني كوزينتي في البلاد في الاحمر تشبه لتاعك مي ضيقه

ربي يخليك اختي ميرسي انا نحب لوسااااااع ما شريتش حتى صبت هدي الله يتمملك على خير و تسكنيها بالصحه و لهنا

 

[ام الحلوين]

رنيم ربي يحفظ الوليدات و كي يكونو يقراو تبقى الدار نقية .
روعة لاكونيكسيون راهي كيما الريح تروح و جي هههههه معليش تبعي معانا و بلاكي تروحلك كاش حلقة انا قلت راكي مقيلة ليوم ماتخدميش . و راجلك مازال مايهبط ؟

 

[رنيم الغربه]

انا في فرنسا و لي شومبر كيفاش لي كموندتيهم انا وحدة صحبتي شرات دار كموندات الخزانات تاعها و تاع لولاد هادوك اللي يجو اونكاستري في الحيط و دارتهم مام كولور تاع لا شومبر خرجولها يهبلو و ما يدوش البلاص
قوليلي عندكم بنوك اسلامية في البلجيك

شوفي ليشومبغ ديال الدراري حبيت نجيبلهم طونوبيلات و الخزاين كبااار و كوموند و بيروات
و انا تاني رميت شمبرتي هههههه 5 سنين برك و الله جديده مي كرهتها حبيت كل شي مودرن على الستيل الاوروبي ان شاء الله

البنوك الاسلاميه ما كاش هنا

 

[روعة انثى]

رنيم هدا وين شفت دارك ماشاء الله الله يبارك تهبل شابة
كل شي فيها شباب الكوزينة كبيرة و شابة و طابعها لحمر انا كون جات داري من الكوزينة ما نخرجش نبقى غير نطيب و نعاود ههههه
و تاني الحجرة طابعتها بزاف و كل شي شباب لي تابي تاني شابين
كيما قالت ام الحلوين كبيرة تقول تاع البلاد مي الستيل الاوربي يجي باين و متحوف
و تاني ما تكثريش القش تعياي من التنظيف
ورانا نستناو فالشنابر كي تكمليهم صوريهم
ربي يحفظ لك وليداتك و يبارك لك في زوجك و رزقك و يعطيك ما تتمناي

 

[رنيم الغربه]

رنيم هدا وين شفت دارك ماشاء الله الله يبارك تهبل شابة
كل شي فيها شباب الكوزينة كبيرة و شابة و طابعها لحمر انا كون جات داري من الكوزينة ما نخرجش نبقى غير نطيب و نعاود ههههه
و تاني الحجرة طابعتها بزاف و كل شي شباب لي تابي تاني شابين
كيما قالت ام الحلوين كبيرة تقول تاع البلاد مي الستيل الاوربي يجي باين و متحوف
و تاني ما تكثريش القش تعياي من التنظيف
ورانا نستناو فالشنابر كي تكمليهم صوريهم
ربي يحفظ لك وليداتك و يبارك لك في زوجك و رزقك و يعطيك ما تتمناي

حبيبتي ربي يحفظك ميرسي انا تان نظل في الكوزينه هههههه نحبها ان شاء الله كي نبلاسيهم نحطهم

ربي يعطيك ما تتنمناي و ان شاء الله يتمملك امورك كلها و تجي و تعملي ما خير منها يا رب

 

[روعة انثى]

ام امين و روعة سير راهم دايرين قيلولة هههههههه .

هههههه ما نيش راقدة الريح اليوم ادا لاكونكسيون على بالك البلاد تفوت بيسكلات تروح لاكونكسيون و اليوم راه الريح راهي ثقيلة بزاف

 

[روعة انثى]

ربي يحفظك عميرة ايه انا حبيت الستيل الاروبي مام ليشومبغ والله نظل نخدم فيها عيييت لكن ملي دخل وليدي الصغير الليكول ولات تبقا نقييييييييه نهار كامل تهنيت

ربي يهنيك و يفرحك بدارك و ليداتك يا رب

 

[joumane]

رنيم هاد الدار شريتيها ملكك وشحال عندك وانتي متغربه ومن اي بلاصه من الجزائر انتي

 

[روعة انثى]

رنيم هاد الدار شريتيها ملكك وشحال عندك وانتي متغربه ومن اي بلاصه من الجزائر انتي

ههههه جمان راكي درتيها تحت المجهر كي تولي تحت المجهر ما نلقاوش واش نسقسوها:d