بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[رنيم الغربه]

رنيم هاد الدار شريتيها ملكك وشحال عندك وانتي متغربه ومن اي بلاصه من الجزائر انتي

ايه هدي داري باسمي و اسم راجلي و عندي 6 سنين مغتربه و انا من بومرداس مي علاش هههههه

 

[رنيم الغربه]

ههههه جمان راكي درتيها تحت المجهر كي تولي تحت المجهر ما نلقاوش واش نسقسوها:d

هههههههههه و الله ضحكتيني خودوا راحتكم مي خلوو شويه اسئله كيما قلتي للتحت المجهر ههههههههههههه

 

[joumane]

هههههههه هادا التوقاب ومادار فيا
متشرفين بيك اختي رنيم بسكو انا في الاول كنت حاطاتك متغربه في الامارات

 

[روعة انثى]

حبيبتي ربي يحفظك ميرسي انا تان نظل في الكوزينه هههههه نحبها ان شاء الله كي نبلاسيهم نحطهم

ربي يعطيك ما تتنمناي و ان شاء الله يتمملك امورك كلها و تجي و تعملي ما خير منها يا رب

امين يا رب ربي يخليك يا رب

 

[رنيم الغربه]

هههههههه هادا التوقاب ومادار فيا
متشرفين بيك اختي رنيم بسكو انا في الاول كنت حاطاتك متغربه في الامارات

هههههههه خدي راحتك ختيتي ما فيها والو انا نحب بزاااااااف الامارات ان شاء الله راني رايحه عطله مع راجلي راه رايح يهبل عليهاااا هههههه راكي حاسه بينا هههههه

 

[رنيم الغربه]

اسمعوا نحكيلكم هدي تضحكوا عليا شويه
اليوم درت السبور الصباح في الصاله و جيت نجرررررري ندوش و مع الدوش رفدت الشومبوا باش نغسل شعري و عندي الشمبوا و الغسول ديال المنطقة نفس اللون و ليت رفدت ديال المنطقة و راني نحك و نغسل في شعري حتى نشوف شعري نشف و يدي ما شي قادرة ندخلها و الريحه ماشي طبيعيه ههههههههههه كي خزرت لقيت الغسول جيال المنطقة مفتوح و الشمبوا في بلاستها ههههههههههه وقاعده نعاااااود و نشلل هههه للدوك راهي فيا الحساسيه من شعري قاعده غير نشم فيه هههههه

 

[ام الحلوين]

ههههههههههه و الله يا رنيم راني نضحك
رشيه بالريحة بزاف و عاودي اغسليه و بلاكي تغسليه بلاجافال و لا كريزيل ههههه.

 

[روعة انثى]

ههههه مزية خرجت سلامات و حاذري على روحك

 

[رنيم الغربه]

ههههههههههه و الله يا رنيم راني نضحك
رشيه بالريحة بزاف و عاودي اغسليه و بلاكي تغسليه بلاجافال و لا كريزيل ههههه.

ههههههه شفتي حتى راجلي مات عليا بالضحك راني عاودتوا و درتلو سبراي راه ولا نورمال ههههههه عجبتني جافيل و لا جريزيل هاهاهاهاهاهاه نزيد اكثر ههههههه

 

[رنيم الغربه]

ههههه مزية خرجت سلامات و حاذري على روحك

ههههه الحمد لله ميرسي حبيبه

 

[رنيم الغربه]

ام امين راهي غير تطل ههههه وين راكي مادام باني

 

[أم أمين23]

ان شاء الله رنيم انا نظل ندعي في ربي اعطيني الصبر
مرات نجيبهم من المدرسة الولد مايعرفش يمشي يجري برك تقولي طلقوه من الرباط و البنت تمشي و تتمختر و كي تهدر لازم تحبس و تحكي و انا نولي غير نستغفر .و نخاف عليهم في الطريق بسكو قبل 3 اشهر وحدة جزائرية هنا وليدها عندو 5 سنين قطع الطريق بلا يماه و كي شافها ماقطعتش عاود رجع عندها ضرباتو شاحنة كبيرة مسكين مات في بلاصتو ،ربي يصبر ميمتو على هكذا وليت نخاف نشدهم و نعيط و مايسمعوش الهدرة .

ما تفكرنيش فيها هادي انا امين هكا في الطريق يروح يجري وانا نعيط وهو والله ما سامع بيا الكبير على الكيف من جنبي ما يروحش ويقولي احكمي يدي اما هاداك الصغير ربي يحفظو برك
وربي يرحمو الوليد ويصبر امو ويحفظ اولادنا يا رب

 

[أم أمين23]

ربي اخليكم يا البنات والله هنا الواحد راه ضيف برك مهما يدير راح يخلي الضرب كلو في البلاد انا عييت من الكرية والتشنطيط قتلو على الاقل الواحد في بلادو يدير دار باسمو وما يضالش يتمرمد من دار العجوز لدارهم ماشي الواحد يتغرب يتغرب وما يدير والو في الاخر يدي برك شنعت عايش في الخارج وربي يرزقكم كامل ما تتمناو يا رب

 

[أم أمين23]

جوجو ربي يشفي ميمتك يا رب ويحفظها
سميرة وينك يا لالا طلي علينا هنا راكي وليتي زاليتنا بالكل ربي يفك كربك وييسر امورك يا رب

 

[أم أمين23]

ام امين
ولادك تقريهم في البلاد بريفي و لا عادي ؟
عادي خاصني غير البريفي
و معاذ يدخل تحضيري و لا سنة اولى ؟ و نظن لازم تسجليهم في اواخر هاذ العام بسكو في البلاد وقيلة يسجلو في ماي و لا جوان ماشي حتى سبتمبر .
انا مانيش حابة نهبط العام هاد لخاطر مزال معاذ العام الجاي باش يدخل سنة اولى بصح باباه الي زارب قالك يدخل عام قبل لخاطر ممكن ادخلو عمتو بصح في كل الحالات ما يلحقش وربي يكون الي فيه الخير
صاحب زوجي هبط في سبتمبر لي فات و تعذب باش لقى بلاصة لوليدو قالولو جيت روطار و ماكاش البلاصة حتى دخلوه بريفي من بعد الولد ماحبش و بالمعرفة باش لقاولو بلاصة بعيدة على الدار لازم يدوه بالسيارة .
ربي يسهلك حنونة .

ماكانش مشكل من هاد الناحية تعرفي بلادنا بالمعريفة كل شيء ممكن وهو عندو اختو معلمة وممكن ادبرها حتان نهبطو

 

[ام الحلوين]

ما تفكرنيش فيها هادي انا امين هكا في الطريق يروح يجري وانا نعيط وهو والله ما سامع بيا الكبير على الكيف من جنبي ما يروحش ويقولي احكمي يدي اما هاداك الصغير ربي يحفظو برك
وربي يرحمو الوليد ويصبر امو ويحفظ اولادنا يا رب

ربي يرحمو و الله انا ملي سمعت بيه وليت نخاف مسكينة يماه ماقدرتش تبقى في دارها و تشوف بلاصتو و السرير تاعو من بعد دارت دوموند و بدلولها الدار و الجزايريين لي هنا ربي يحفظهم كامل تعاونو و خلصولها عمرة راحت مع راجلها باش تنسى شوية .
ربي يرحم موتانا و يحفظ اولادنا و جميع المسلمين و المسلمات .

 

[ام الحلوين]

ماكانش مشكل من هاد الناحية تعرفي بلادنا بالمعريفة كل شيء ممكن وهو عندو اختو معلمة وممكن ادبرها حتان نهبطو

انا تاني منيش حابة ندخلهم بريفي يقراو نورمال كيما قريت انا ، و في البلاد كلشي معرفة امالا كي عمتو هي دبرلكم ،انا ادا كتب الله نهبط في اوت و ندخلهم في سبتمبر ،ربي يسهلك و يسهلي .

 

[أم أمين23]

رنيم راني كنت نراجع واش فات ههههه والا كيفاش كنت راح نشوف تصاور دارك
ماشاء الله الله يبارك ربي اعينك وتكمليها يا رب انا اكثر حاجة شدتني هي الكارلاج او خلي نقولو لادال دو صول السوداء انا نموت على الاسود في الديكور وكون يكون لي الخيار في تعمير داري ان شاء الله نختار كل شيء في الاسود نظلمها هههه

 

[أم أمين23]

اما تاع الميني واللبسة المفضوحة رانا كامل في الاول هكاكا نبقاو غير حالين فامنا ولو انو هنا تعرفو ما كانش بزاف الي يلبسو مفضوح يعني قليل وين تشوفي هاد المضاهر
اما الباسبور والورق انا ديما ندريها للمخلوق خاصة عند الطبيب العام لول كي كان هو يديني كل مرة ننسا حاجة يا اناليز يا كارني ونولو متعاركين بصح احنا المشكل نعولو على بعض هو يقولي خلي ومن بعد يقولي وينهم كي نقولي قلتيلي خلي هههه
اما تاعك يا رنيم وحدها انت ثاني يا ختي المفروض لاخرة صغيرة شوي كيفاش تخربطتي والا نفس الحجم؟

 

[ام الحلوين]

بنات راني رايحة نصلي و ندير العشا ليوم ماطيبتش الصباح درت غير شكشوكة كيما تاع جدتي بسكو غير انا و سحوق و العشا رايحة نطيب كسكس ان شاء الله .