بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[ام الحلوين]

راني نشيطه اليوم ياك ههههه رقدوا الدراري و لقيت روحي وحدي حتى انتوما خفيتوووووووووووا

رنيم علاه خيتي رقدتي الوليدات بكري ياك غدوة مايقراوش ، انا الجمعة نخليهم يسهرو و السبت غير شوية بسكو الاحد يقراو العربية و مايدخلوش بكري .

 

[lina-67]

ام الحلوين فليكسيلي انا تاني ولا نخبرررر :d

 

[ام الحلوين]

انا هاد العام اكيد ما راحش يدخل لخاطر التسجيل كيما قلتي في ماي واحنا ما بعثنالها لا والو وانا ما حبيتش نولهو ولا نفكرو قلت على الاقل نجرب الصح العام لول ومن بعد نشوف ومازال عندي اسبوار كاشما يبدل رايو المخلوق لخاطر انا ما نيش حابة نهبط وانا ما عنديش دار

ام امين ربي يفرجها ان شاء الله
و صح الانسان كي يوالف يعيش وحدو مايقدرش يعيش مع الناس حتى و لو اهلك و خاصة لي عندها لولاد ،انا كي نروح لدارنا و نضرب ولادي تقولي يما علاه مساكن و هما يزيدو التفشاش العام لي فات قلتلها يما سمحيلي علبالي تحبيهم بصح انا يماهم و لازم نربي ولادي .
و عند العجوز مام يحطوك فوق ريسانهم بصح تحسي روحك ثقيلة و كثرتي عليهم ،ادا دارهم كبيرة يمدولك شومبرة و كوزينة و طيبي وحدك ماشي على اساس كارهتهم بصح باش تبقاو ملاح و تاني لولاد ماشي موالفين الغاشي و في البلاد راكي عارفة كيما تقول جدتي محمد داخل و محمد خارج و لولاد كي يشوفو الضياف يبدلو طبايعهم .
و ربي يكتبلنا لي فيها الخير .

 

[ام الحلوين]

ام الحلوين فليكسيلي انا تاني ولا نخبرررر :d

اوكي يا لحبيبة بصح ماتخبروش كامل لبنات خليها غير 40 الف نتي و رنيم خير من 140 الف ههههههههههه.

 

[ام الحلوين]

روعة واش بخيتي قاعدة في التاقة و طلي و لا داق خاطرك ؟
مابنتي لا هنا و لا تحت المجهر .

 

[رنيم الغربه]

رنيم علاه خيتي رقدتي الوليدات بكري ياك غدوة مايقراوش ، انا الجمعة نخليهم يسهرو و السبت غير شوية بسكو الاحد يقراو العربية و مايدخلوش بكري .

يا ختي والفوا وقتهم محال تلعبيلهم فيه و الصباح ينودو اونفووووورم خلاص والفت معاهم حتى انا نبقى وحدي ندير واش نحب دوك درت gommage و ماسك و قعدت ندور ههههه

 

[رنيم الغربه]

اوكي يا لحبيبة بصح ماتخبروش كامل لبنات خليها غير 40 الف نتي و رنيم خير من 140 الف ههههههههههه.

ههههههههه باصيتي اززززززربي سينو تصيبي روحك تدوري في الاخبار البريطانيه يجيبوك مgاجيه في لبلاد هاهاهاهاهاه

 

[lina-67]

انا طيبت قلب اللوز خرج مممم هايل

 

[رنيم الغربه]

لبنات عاونوني حبيت ندير مقروط معسل و راني حاصله هاهاهاه عندي الحرشه خشينه و لكن ما عنديش السمن نقدر نديروو بالزبده و لا لالاااا

 

[رنيم الغربه]

انا طيبت قلب اللوز خرج مممم هايل

اعطيني اللينك اجري هاهاها من الصباح و انا ندور حطي صورة اذا ممكن بلييز

 

[lina-67]

ايه تقدري ديريه بالزبدة

 

[lina-67]

http://4algeria.com/forum/threads/339139/

هذا هو ناجح تاع الصح بصح الماء مادرتش كامل الكمية اللي قاتلها باسكو تلم غير بشوية

 

[ام الحلوين]

جهاد بصحتك قلب اللوز
رنيم تقدري ديري المقروض بالزبدة .

 

[رنيم الغربه]

صحيتو ممكن تعطوني طريقة ديالو ناجحه انا جامي درتو و راه يدور في راسي
و انا نحبو بلا غرس و بلا حشو ساك اوكي
و هل نخليه يبات و الصباح نقليه و لا ديراكت

 

[lina-67]

 

[ام الحلوين]

ديري 3 عبار سميد + عبر زبدة بسيه مليح و مليه بالما و المزهر و شكليه مقروضات و طيبيه، انا في المقلة ينفتح زليت نطيبو في الفور .
هذا طيبتو العام لي فات يشبه للمقروض بصح ماشي هو .

 

[روعة انثى]

انا تاني منيش حابة ندخلهم بريفي يقراو نورمال كيما قريت انا ، و في البلاد كلشي معرفة امالا كي عمتو هي دبرلكم ،انا ادا كتب الله نهبط في اوت و ندخلهم في سبتمبر ،ربي يسهلك و يسهلي .

ام الحلوين صايي هاد العام تدخلي ؟؟؟؟؟؟؟؟؟؟؟؟؟؟؟؟؟ حسبت مازال
يسمى هاد المرة كي تجي تدخلي قاع ما تزيديش تولي ؟؟؟؟؟
مشي قلتي نطلع نزيد في لانجليز كيما خاوتو و لا راني غالطة ؟؟؟؟

 

[رنيم الغربه]

اممممممممممم شهيتيني يسلمووووو الايدين جاك هااايل ان شاء الله غدوا نجيب اللوز و نديرروا

 

[رنيم الغربه]

ديري 3 عبار سميد + عبر زبدة بسيه مليح و مليه بالما و المزهر و شكليه مقروضات و طيبيه، انا في المقلة ينفتح زليت نطيبو في الفور .
هذا طيبتو العام لي فات يشبه للمقروض بصح ماشي هو .

امممم هايل مام انا واقيل نديرو في الفور صحي اوموا خير من القلي و خليتيه بات و شحال ندير الماء و ماء الزهر جامي درتوووو هههه

 

[روعة انثى]

روعة واش بخيتي قاعدة في التاقة و طلي و لا داق خاطرك ؟
مابنتي لا هنا و لا تحت المجهر .

يا عمري كنت غير نقرا هدا وين لحقت عجبتوني دايرين جماعة تاع الصح
بصحتك اللوبيا ما تخافين ما نقولكش فليكسيلي خاطر معولة نغضب عندك هههههه
سقسيتيني على الميسيو وقتاش يجي يجي في رمضان ان شاء الله
رنيم بغيت نسقسيك تروحو للعمرة من البلجيك ؟ على بالك ادا رخيصة و لا غالية ؟