بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[روعة انثى]

ام الحلوين و لبنات الكل شكون عندها راجلها عنيد ؟ كيفاش تديري معاه ؟
كي تقولي صفرا يقول حمرا ؟؟؟؟
نعاند كيما هو و لا نسكت و نخليه و لا ندير شتا كاين في راسي و معلاباليش بيه ؟؟؟؟؟؟؟؟؟؟؟؟؟
اللي تعرف تجاوب خاصة اللي كان معاند معاها في فترة الخطوبة

 

[روعة انثى]

شفتي راهم يستشفاو ناس الشلف هههههههههه ما عليه دوك انوض على سعدي ههههههه

هههههههههه و الله ما تسشفيت فيك يا خيتي بصح ضحكتيني تاع الصح
انتي قولتيلي محترفة و السؤال اللي طرحتيه تاع مبتدئة هههههههه
و الخدمة التالية اللي درتيها تقول جامي دخلتي للكوزينة ههههههه
ما تزعفيش رانا نقصرو برك نحيت معاكم ضيقة الخاطر

 

[ام الحلوين]

ام الحلوين و لبنات الكل شكون عندها راجلها عنيد ؟ كيفاش تديري معاه ؟
كي تقولي صفرا يقول حمرا ؟؟؟؟
نعاد كيما هو و لا نسكت و نخليه و لا ندير شتا كاين في راسي و معلاباليش بيه ؟؟؟؟؟؟؟؟؟؟؟؟؟
اللي تعرف تجاوب خاصة اللي كان معاند معاها في فترة الخطوبة

الزين راه هنا غدوة ان شاء الله نجاوبك
سلام تصبحو بخير .

 

[روعة انثى]

سلام تصبحو بخير

 

[رنيم الغربه]

هههههههههه و الله ما تسشفيت فيك يا خيتي بصح ضحكتيني تاع الصح
انتي قولتيلي محترفة و السؤال اللي طرحتيه تاع مبتدئة هههههههه
و الخدمة التالية اللي درتيها تقول جامي دخلتي للكوزينة ههههههه
ما تزعفيش رانا نقصرو برك نحيت معاكم ضيقة الخاطر

هههههه خسارة عليك خدي راحتك رانا هنا باش نفاجيو على رواحنا
معليش انا قليتووووو و عسلتوووو طلع يهبل ههههههه راجلي قالي امممم بنيييين هاهاهاهاه
غدوا نحطلكم الفوتو سور رحتوا ترقدوا
تصبحوا عى خير حبيباتي
​

 

[lina-67]

صباح النور لبنات
جيت نطل على مقروط رنيم هيا رنيم راني وجدت القهوة واني نسنى

 

[ام الحلوين]

صباح النور
واش راكي جهاد
انا تاني وجدت قهوة و راني نستنا في المقروض .

 

[أم أمين23]

ياااااه ام امين بصحتك البوراك توحشتو انا والله هنا ملي جيت مدرتوش مكانش ورق الديول خلاص عييت نلقا لي شبهولهم ومكانش وعندك الحق حببتي متهبطيش البلاد حتان ديري دار ك ان شاء الله
ام الحلوين بصحتك البربوشه انا راني ندير في العيش اليوم المطر والبرد قلت هدا جو العيش الحار
رنيم بصحتك التدويشه ههههههوراني نتخيل في شعرك شحال ولا رطب هههههه

الله اسلمك جوجو والديول ساهلين خلاص الا عندك مقلى تاع الكراب وشيتة هاديك كيما الي يدهنو بيها الزبدة للبقلاوة جري شوي سميد وماء وملح وديري الشيتة برك فيها وعقبيها على المقى سخونة يجيوك هايلين

 

[أم أمين23]

يا اختي ادا ما راكيش حابه تنزلي حاولي تتفاهمي مع راجلك هدي حياه ما تلعبيش خلي كي تكوني 100 على 100 واجده روحي ربي يسهلك اختي لعزيزه

ههه ارواحي انت واهدري معاه الخلوق تاعي يسمع برك روحو عييت نهدر والو حاكملي برك في ولادي لازم يوالفو لهيه من الصغر كون يوالفو هنا خلاص

 

[SAMIRA25]

جهاد الله الله على قلب اللوز خرجلك رائع بصحتك حنونة ما تبخليش روحك بصح ما تكثريش بزاف من السكريات و العجائن باه ما يصرالك حتى مشكل

 

[أم أمين23]

ام امين ربي يفرجها ان شاء الله
و صح الانسان كي يوالف يعيش وحدو مايقدرش يعيش مع الناس حتى و لو اهلك و خاصة لي عندها لولاد ،انا كي نروح لدارنا و نضرب ولادي تقولي يما علاه مساكن و هما يزيدو التفشاش العام لي فات قلتلها يما سمحيلي علبالي تحبيهم بصح انا يماهم و لازم نربي ولادي .
و عند العجوز مام يحطوك فوق ريسانهم بصح تحسي روحك ثقيلة و كثرتي عليهم ،ادا دارهم كبيرة يمدولك شومبرة و كوزينة و طيبي وحدك ماشي على اساس كارهتهم بصح باش تبقاو ملاح و تاني لولاد ماشي موالفين الغاشي و في البلاد راكي عارفة كيما تقول جدتي محمد داخل و محمد خارج و لولاد كي يشوفو الضياف يبدلو طبايعهم .
و ربي يكتبلنا لي فيها الخير .

كلامك كامل عارفاتو ومجرباتو في الفاكونس برك بصح هو ما حبش يفهم قالي معليش تتعاركو مرة وتتصالحة وهي ماشية
لا لا ما نعرف كوزينتي وحدي ما نظنش وما نعرف احنا ما زالنا ما هدرناش مع العجوز كيفاش راح تكون الدعوة مي حسب العقلية ما شكيتش تقبلي بكوزينتي وحدي

 

[SAMIRA25]

ام الحلوين وريدات المقروض خرجولك باهيين و يشهو يعطيك الصحة و راكي الله يبارك قايمة بالحالة ربي يحفظك و يعطيك صحتك ​

 

[SAMIRA25]

رنيم المقروظ كاين لي يبيتو السميد مبسس باه يشرب الزبدة و الا السمن مليح و الصباح يبلوه و يخدموه رانا نسناو في مقروظك و بصحتك حنونة انا تاني شاهية حوايج بزاف بصح اي حاجة نديرها ناكلها وحدي ما عنديش لي يعاون

 

[SAMIRA25]

روعة و الله قد ما يكون راجلك راسو خشين و متعصب كوني انت رزينة و متفهمة و ان شاء الله مع الوقت و كي يجيو الاولاد راه يلين بادن الله و ما تخشنيش راسك انت جي غير عليك و كيما يقولك امشي و خاصة في الغربة راه اكيد هو عارف و مجرب حوايج بزاف قبلك و يعرف الدنيا و مشاكلها و انت رايحة تكوني جديدة في الغربة ما تعرفيش كيما هو​

 

[أم أمين23]

ام الحلوين و لبنات الكل شكون عندها راجلها عنيد ؟ كيفاش تديري معاه ؟
كي تقولي صفرا يقول حمرا ؟؟؟؟
نعاند كيما هو و لا نسكت و نخليه و لا ندير شتا كاين في راسي و معلاباليش بيه ؟؟؟؟؟؟؟؟؟؟؟؟؟
اللي تعرف تجاوب خاصة اللي كان معاند معاها في فترة الخطوبة

روعة هاد النوع ما تخافيش منو انا يظهرلي من بعد يتبدل لخاطر المخلوق تاعي قبل الزواج كان معايا فيك ل الالوان بصح ضرك دار كي حكاية البير الا تعرفيها ديما عاكس

 

[أم أمين23]

انا عملت وصفة ام الحلوين تاع البسبوسة وجاتني هايلة وفي العبار عملت كاس شابلور مع نص كاس سميد خشين جاتني هايلة واشنو الشاربات جات بزاف وانا صبيتها كاملة وليت انقص من بعد ههه وحتى الصباح صفيت منها هاي ليكم ومن فوق درت عليها الكاوكاو:

حقا سميرة ما شفتيش داري ودار رنيم والا عجباتك برك دار جوجو ههه تاع رنيم الله ابارك شوفيها تاعي معليش مش مشكل لخاطر راني نعقب برك في الايامات ماشي مشكل

 

[SAMIRA25]

لبنات راكم فتوني بزاف عييت نلحقكم و ما قدرتش
اسمحولي و الا كاش ما نسيت
​

 

[SAMIRA25]

فطومة ربي يجعلك الشفى اختي و الله حاجة حنا ما نديرولهاش حساب تظهر المشاكل ربي يعين و يجيب الخير و بوسيلس البوبية تاعك و كاش ما بدات تتحرك و الا مازال؟؟؟؟
​

 

[ام الحلوين]

كلامك كامل عارفاتو ومجرباتو في الفاكونس برك بصح هو ما حبش يفهم قالي معليش تتعاركو مرة وتتصالحة وهي ماشية
لا لا ما نعرف كوزينتي وحدي ما نظنش وما نعرف احنا ما زالنا ما هدرناش مع العجوز كيفاش راح تكون الدعوة مي حسب العقلية ما شكيتش تقبلي بكوزينتي وحدي

صباح النور ام امين و لي كاتبها الله تلحقنا المهم الصحة و عادي ممكن مدة و تجوز و يفتح عليك ربي بدار و تستقري و تتهناي و هدي هي الدنيا يوم مليح و يوم لا .

 

[SAMIRA25]

الله الله عليك ام امين خرجتلك هايلة بصحتكم حنونة اني ديت حقي​