بيت المغتربين

الحالة
مغلق ولا يسمح بالمزيد من الردود.
السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح
images

 
إضغط للتوسيع...
بنات هذا هو العشا
هذي السلاطة و (ورق عنب و تبولة شريناهم البارح)
do.php

و هذي حريرة
do.php

و هذا الخبز مشري و الكسرة او(الرخساس )طيبتو بالزربة .
do.php

و هذا المسفوف
do.php

 
مسآآآآاء النوووور لبنات واش راكم توحشتكم هههه
هذا وين دخلت للدار راني من دار لاختها هههه نمووت على الخرجات رحت البارح ل muséeو اليوم دارو porte ouverte في البرلمان الاروبي و من تم رحت عند صاحبتي المهم ام الحلوين هاذ القاطو لي درتو شوفي و قوليلي رايك
do.php



do.php

​
 
بنات حتى دروك باش قريت واش فاتني
ليوم خرجت شريت لولادي حوايج البلاد و البورتابل خسرلي الزين من الصباح و هو يعيط و مالقانيش من بعد جا مع صاحبو لي هو الضيف للدار مالقانيش هههههههههه مليحة هدي و غير دخلت للدار عيطتلو قالي تقلقت عليك(احم احم ) و قالي ادا مراكيش عيانة وجديلنا عشا و الحمد لله صليت صلاتي و طيبت و دروك تعشاو و خرجو (هدي شكون قالها حكي حياتك هههههههه)
روعة يا لحبيبة ديرو فاتحة و نفس الوقت عرس يعني نتي تصدري قدام اهلك و اهلو و هو يديرلك الخاتم و يوريو الطبق و في الليل ديري حنتك و عشا غير لافامي و هو يدير حنتو في دارهم و خلاص و نهار جيك الفيزا ديري عشا غير لخوتاتك و الصباح بكري للهواري بومدين هههه .
بسكو رايحين تزوجو مرة في الحياة و نتي ادا خليتي العرس حتى يمدولك الفيزا يسما المخلوق مايديرش عرس .و نتي شوفي رايك .
 
جهاد ماشاء الله يبان يشهي بصحة حبيبتك و السمانة الجاية ارواحي عندي و جيبي حاجة في يديك هههههههه
بصح ماعرفتش واش هو يبان طبقات صح ؟
ربي يجازيك .
 
الله الله عليك يا ام الحلوين مرا و نص الله يبارك المسفوف و السلاطة و الحريرة راهي تشهي ان شاء الله نسيي الطريقة تاعك
و هذاك ورق العنب واش فيه الداخل تشريه هكا?
 
جهاد تعيشي حنونة و ورق عنب نشريه واجد من عند اللبنانيين .
ابعثيلي وصفة القاطو راكي عارفة هدا جيل التفنيين نحبو غير الحاجة الساهلة .
 
روعة يا بنتي وقيلة عياوك الدرج ماقدرتيش تطلعي ،اطلعي غير وحدة وحدة هههههه.
انا نروح نغسل الماعن .
 
salem alikom lbnat kirakom dayrin nchalah raya
habit nsaksikom man sbah rani nadkhol wa manba3d yakhroj lwahdah wa ygoulouli 3awdi dokhli mayag3dch hata 3 min
3lach
 
سلام هدا وين جيت متأخرة كيما البطة
دخلت العشية باش نقول لام الحلوين ديري الطعام و الكباب بصح لاكونكسيون تاع البلاد ماشاء الله راهي عازتني مرات نكتب كي ندير اوكي تروح و يروحو اقتراحاتي نبغي نبكي
وزيد عندي خدمة هاد ليامات راني غير نطل من التاقة بصح انا نبغي نحكي قصص حياتي
ام الحلوين العرضة و العشا ما شاء الله الحريرة تبان بنينة و الطعام خير و اختار و السلاطة مزوقة تباني محترفة
جهاد بصحتك الخرجات حنونة نحي على خاطرك و القاطو يبان شباب و كي قلتي بنين ديري لاغوسات
ام الحلوين انا زوجي متزوج من قبل و داير عرس كي كان صغير و دروك ما علابالوش راه يشوف ليا
و انا ما نيش حابة ندير عرس تاع الغنا و لاصال و يجي يديرلي الخاتم قدام الناس خاصة من بعد اللي جبت عمرة راني حابة حتى تجيني الفيزا نعرض ندير عشا بالسكات و نلبس لبسة و لا زوج و نشوف لحباب و الاهل و الفاميلة و نستغل جماعتهم و نودعهم خاطر نكون غادي نروح ماكسيموم بعد سمانة
ما تخافيش نهار اللي ندخل لدارو نرون شوية حنة و نديرهالو نقولو عيب تتزوج بلا حنة هههههه
 
سلام بنات تعشيتو و لا مازال ؟
روعة كيما قلت نروح نغسل الماعن عيطتلي جارتي قاتلي واش راكي ديري قلتلها كانو عندي ضياف و سقساتني على الطياب و كي قلتلها قاتلي شهيتيني قلت و الله مانخليها في قلبها بسكو هي راهي صايمة املا ديتلها العشا حريرة و كسكس و لبن و كسرة و جمعنا برا شوية و جيت غسلت الماعن و نقيت الكوزينة و دوشت لولاد و رقدو و صليت و جيت هههه.
 
قال روعة انثى:
هادا وين دخلت رنيم مرحبا بيها ما علاباليش علاه كي تدخل رنيم نبتسم :d
وقيلا نتفكر المقروض ههههههه
إضغط للتوسيع...

ضحكتيني و الله كبفاش راكي البارح خليتوني وحدي ندور كرهت حياتي ههههههه
 
روعه واقيلا خليناك وحدك البارح ان عن نفسي البارح خرجت وتمرمدنا واحد التمرميدا
كنا رايحيين لبلاصا وغلاطنا مول الكار دانا لبلاصا اخرى وعشيت نحوسو كيفاه حنروحو المهم بالذراع وملحقنا البلاصا هدي ومن بعد ملقيناش فيها واش نحوسو وتقلق المسيو وتهاوشنا في الطريق انا وياه نمشيو مشنفين فيزوج واش نقولك روحنا حتا الغدا متغديناش من الزعاف المهم فوت يوم مكرفس
ام الحلوين يعطيك الصحه يالفحله والله يبارك عليك في ساعه وجدتي كلشي عجبتني الحريره تبان تشهي مي اول مره نشوف بربوشه بالجلبانه كيفاه درتيها مفهمتش مسقيا والا مفوره برك
جهتد بصحتك القاطو التحواس
 
قال رنيم الغربه:
ضحكتيني و الله كبفاش راكي البارح خليتوني وحدي ندور كرهت حياتي ههههههه
إضغط للتوسيع...
صباح النور لبنات
ههههه البارح انا تاني بقيت وحدي ندور فالبيت فالنهار و زدت فالليل كرهت حياتي زعمة حسبت نجمعو شوية بصح الله غالب معليش
جمان معليش تخليفيها الويكند الجاي على بالي انتي والفتي البيت و كي خرجتي ما جاتكش فوتي نهار مكرفس مرحبا بيك حنونة معانا
هههههه راني غير نعرض و انا دروك نروح نطل من التاقة عندي خدمة

لبنات الكل الجو اليوم كيفاش راه داير عندكم
احنا راه برد الحال و الفجر طاحت المطر الصيف ماهوش معول يجي السنة بلاك
 
آخر تعديل:
صباح الخيرات و نهاركم مبروك .
انا منيش فنيانة نضت بكري بصح حتى يخرجو لولاد باش نكونيكتي.
جمان ربي يخليك حنونة و الكسكس تفوريه عادي و تفوري الجلبانة و لا ديري الجلبانة في القدرة تغلى و الكسكس راه يفور فوقها و صفي الجلبانة و خلطيها مع الكسكس وادهنيه بالزبدة و ناكلوه باللبن او الرايب و في رمضان نوجدوه للسحور .
روعة الصيف راه يستنا فيا نجي و هو يجي .
رنيم واش راكي حنونة .
سلامي ليكم و لسميرة و ام امين و مريومة و جهاد .
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top