بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[lina-67]

فتوح الايكو عندي الاثنين ان شاء الله

 

[joumane]

صباح الانوار البنات ان شاء الله كامل تكونو لاباس
والله انا مابقاليش على الهبطه للبلاد غير ثلاث سمانات وراني مع الباقاج ونشري في لي كادو راني حااااااصله ديجا لميت فليزه فيها غير لي كادو للصغار والكبار راني خارجه اليوم كشما نلقى
ام الحلوين كشما تعاونيني حببتي عييت واش حندي لشيخي مع هو مايعجبو والووو ولازمو نكثر باه يرضا
فطومه وانتي قررتي تهبطي في رمضان وكشما راكي تقضي والا مزال وهداك الحريق دارو جارنا حشاك كان سكران طابله وحكملو غير الكوزينه الحمد لله لحقوه وليام هادو راني نسمع في الخبيط تبالي راو يخدم فيها
ام ندى الله يبارك عليك يالفحله والله انا تعجبني فحالة السطايفيات عندي صحبتي صطايفيه دات ولد عمتي ماشاء الله عليها الفحاله والطبيخ وعندها افكار روعه جاتني كيفك مالا راني ديما نطل عليك في الطبخ ماتبخليناش وراني درت محجوبتك الحق الحشوة غيرت شوي عليك مي الشكل والطريقه جات متحوفه تهبل بارك الله فيك
رنيم حببتي خلي برك نثبت كي تكون ونديرو لافار هههههه
مريومه واشرامي حببتي
ام امين وسميره ان شاء الله تكونو لاباس
يالا البنات راني خاجه لعشيه ان شاء الله

 

[ام الحلوين]

فتوح الايكو عندي الاثنين ان شاء الله

ان شاء الله حبيبتي و تشوفي البيبي بخير يكون صغير بزاف بصح الاحساس يكون كبير ربي يكملك حنونة
و العقوبة لجمــــــــــــان و لكل متمنية

 

[ام الحلوين]

جمان ربي يعينك حبيبتي و الله حتى انا راني حاصلة بصح عندبالي تهبطي في رمضان ؟؟
المهم شيخك ادا يلبس الكلاسيك اديلو شميز و صباط ، انا ماعنديش شيخي بصح عندي خو راجلي 76 عام وقيلة نديلو صبابط و لا بنتوفات تاع الكبار و يعجبوه و مرات نديلو شميز بيضا و كاين خوه اخر تاني نديلو تي شرت بسكو مايلبسش الكلاسيك و العام لي فات ديتلو صباط
ادا تفكرت حاجة نقولك

 

[أم أمين23]

صباح الخير عليكم راني هنا ام الحلوين راني نطل بصح خفافي راه راح يقضي وانا استغليت الفرصة العشية مدايرين في المسجد حفلة تاع نهاية السنة الدراسية وعرضتني واحدة البارح درت شوي براج قلت نديه معايا بصح ما كاملت غير بت مكسرة من الوقفة على الغاز
ام ندى راهم حلو خط جديد بين روما وعنابة بالباور ما نعرف الا سمعتي بيه والا لا وكاشما عندك معلومات عنو فديني انا دخلت فركت مي مالقيتش غير التواريخ تاع الروحة والرجعة والاسعار ما كانش كاين برك بالعموم
جهاد ربي يسهل ان شاء الله تعرفي اول ايكو افضل واحدة يبان فيها البيبي خصوصا انها ما تتعملش على البطن انا اكثر واحدة عجبتني تشوفي مليح البيبي تاعك

جوجو كيما قاتلك ام الحلوين شوفي واش يحب بالعموم صباط وسروال والا تريكو والا بيجاما والا بناتف والا بورتفوي

 

[SAMIRA25]

لبنات لي هابطين ربي يكمللكم و طريق السلامة ان شاء الله و سخفتوني كي راكم تشريو في الكادوات انا ما نعرفش نشري خلاص الحاجة لي نديها يا ما جيهمش يا متعجبهمش معولة المرة الجاية ما ندي والو غير الحلويات و مكسرات ​

 

[أم أمين23]

سميرة رانا نشرو واحنا فرحانين فوق ما قاعدين نخرجو بصح كي نروحو الله اعلم تعجب والا لا ههههههه
البنات يلا راهي دالة رنيم في المجهر يلا ما تتأخروش:
#402

 

[ام الحلوين]

ام امين بصحتكم لبراج و لولاد واش راهم ؟
سميرة مليح تهنيتي من الكادوات لي يشيبو الراس و هما في البلاد ماشي سامعين بينا خلاص و في الاخر مايعجبهم والو ، نتي كي يديرو الصولد شري و خبي الكادو ماياكل مايشرب و ماتحسيش للمصروف .
انا راني خارجة نبدا بوليداتي نشريلهم و من بعد نرجع للكادوات .

 

[رنيم الغربه]

ههههههههههههههه اوكي انا تحت امركم حبيباتي

 

[مريومةمم]

سلالالام مادامكم بخير راني الحمد لله
وانتم كاش جديد ماكلة ولا قاااطو ؟

 

[مريومةمم]

salam habibati ranii m3a la3cha w el youm sma3t wlid 3ami mat walah jt choquée il a juste 18 ans sghir maskine ad3olo b el ra7ma

الله يرحمو ويصبر عايلتو ياااارب

 

[sirin2013]

سلاااااااااااااااااااااااااام لبنات
وشراكم والله ليكم وحشة لبارح برك جية فاتو ليام يجرو نشاء الله تكونو كامل لباس والله يبارك كبرة اللمة وزادو لحباب جدد مرحبا بيهم والله غير فرحة :up:
لزمني بزاف باش نقدر نولي ونقرا ونوقب واش صرا في غيابي :p

 

[SAMIRA25]

يا مراحب توحشنااااااااااااااااااك سيرين واش احوالك واش وليدك ريحي في عقلك اختي و من بعد وافينا بالتقرير:d
ربي يهنيك​

 

[SAMIRA25]

رنيم ربي يرحمه قريبك و يسكن فسيح جناته و جميع موتى المسلمين
و يصبر اهله
ما تقوليش صغير راهي حق علينا كامل كي الصغير كي لكبير​

 

[أم أمين23]

اهلا سيرين واهلا بعودتك قريب نسيناك يا مرا يلا اخبارك وجديدك مستنيين
رنيم ربي يرحمو ولو اني ما على باليش على من تهدرو؟

 

[رنيم الغربه]

سميرة ربي يحفظك حنونه صح عندك الحق الموت ما تخيرش ربي يرحمو و يغفرلو ياااااااااااارب

 

[رنيم الغربه]

اهلا سيرين واهلا بعودتك قريب نسيناك يا مرا يلا اخبارك وجديدك مستنيين
رنيم ربي يرحمو ولو اني ما على باليش على من تهدرو؟

اللهم اميين حبيبتي رانا نتكلموا على وليد عمي مات البارح بحادث مرور و عمره 18 سنه

 

[ام الحلوين]

صباح النور حبيباتي
ان شاء الله راكم بخير
سيرين مرحبا بيك كيفاش خليتي داركم ان شاء الله بخير .
بنات اليوم لولاد يقراو العربية نروح نوضهم
سلام .

 

[روعة انثى]

صباح الخير يا الوردات كي راكم
راكم منورين اللمة ربي ينوركم
هادي السمانة كانت عندي فورماسيون تاع خدمة ما دخلتش و كي جيت ندخل الويكند لقيت النت مقطوعة خاطر جاو بلاصاو النت للجيران قطعوها عندنا لا نت لا تلفون ..... تعرفو البلاد هههه فيها الحلو و فيها المر هادي وحدة من المر بعدوني عليكم و اليوم الصباح عيطتلهم قالولي بلاك نجو اليوم و لا غدوا راني غير نستغفر
و دروك راني نكونيكتي من الخدمة مي مشي بزاف طلات برك
خسارة ما لحقتش على سميرة كانت تحت المجهر ربي يوفقها و يعطيها ما تتمنى
رنيم حنونة راكي منورة تحت المجهر من بعد نولي ليك الله يرحمو وليد عمك و يغفر له
جهاد واش راكي مع الوحم ان شاء الله تكوني ريحتي
ام الحلوين يا الحلوة يا ريحة بلادي توحشتك تاع الصح
جمان يا الغالية واش راكي واش راه الجو في روسيا
فطومة خليتها تحوس ما علاباليش اذا دخلت
ام امين كي راكي و الوليدات كي راهم
مريومة و ام ندى و كامل لبنات ان شاء الله تكونو بخير حبوبات و ربي يخليكم و اللي نسيتها تسمحلي
هدا وين دخلت دروك نقرا واش فاتني و نولي عندكم

 

[SAMIRA25]

صباح الخير يا الوردات كي راكم
راكم منورين اللمة ربي ينوركم
هادي السمانة كانت عندي فورماسيون تاع خدمة ما دخلتش و كي جيت ندخل الويكند لقيت النت مقطوعة خاطر جاو بلاصاو النت للجيران قطعوها عندنا لا نت لا تلفون ..... تعرفو البلاد هههه فيها الحلو و فيها المر هادي وحدة من المر بعدوني عليكم و اليوم الصباح عيطتلهم قالولي بلاك نجو اليوم و لا غدوا راني غير نستغفر
و دروك راني نكونيكتي من الخدمة مي مشي بزاف طلات برك
خسارة ما لحقتش على سميرة كانت تحت المجهر ربي يوفقها و يعطيها ما تتمنى
رنيم حنونة راكي منورة تحت المجهر من بعد نولي ليك الله يرحمو وليد عمك و يغفر له
جهاد واش راكي مع الوحم ان شاء الله تكوني ريحتي
ام الحلوين يا الحلوة يا ريحة بلادي توحشتك تاع الصح
جمان يا الغالية واش راكي واش راه الجو في روسيا
فطومة خليتها تحوس ما علاباليش اذا دخلت
ام امين كي راكي و الوليدات كي راهم
مريومة و ام ندى و كامل لبنات ان شاء الله تكونو بخير حبوبات و ربي يخليكم و اللي نسيتها تسمحلي
هدا وين دخلت دروك نقرا واش فاتني و نولي عندكم

بالتوفيق حنونة و ربي يعاونك و يونرك انت تاني​