بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[ام الحلوين]

سيرين عندك الصح في الاول جي صعيبة بصح مع الوقت نوالف و الحمد لله داري وحدي و ماكانش لي يجيني و لا يقلقني بسكو دارنا مايجونيش دايما و ناس راجلي نورمال كامل بديارهم و يتلاقاو غير في المناسبات .

 

[SAMIRA25]

سيرين روحي لهدا الموضوع راه حليناه للتقرعيج و انت تاني راه جاية دالتك ان شاء الله
http://4algeria.com/forum/threads/368991-42/​

 

[روعة انثى]

سلام لبنات واش راكم
روعة على سلامتك حنونة غيبتي علينا توحشناك الحمد لله كي راكي بخير

جهاد حنونة الله يسلمك و يعزك على الترحيب بارك الله فيك :dو انتي كي راكي مع الوحم ريحتي شوية

 

[joumane]

صباح الانوار البنات بالاك راكم تفطرو بصحتكم كامل
ام الحلوين والله من هداك النهار وانا مع الشريات والكدوات ومع السخانه هاد ليام وملقري لابسا صندال والله رجليا طابو من المشي والدورات بزاف و واش نقولك والله شيخي لضرك ماشريتلو هو و والديا وانا شيخي هداوين 60 سنه مزال حاط روحو صغير مع هو طويل وشباب وديما مستيكي وانا قلت نشريلو برتفوي كيما قالت ام امين ونشوف واش نزيدلو معاه
و واش نحكيلكم هبلت مع الشريات شريت لبنات خواتاتي وسلفتي و اولادهم كامل شريتلهم العاب وشريت روبات صيافي لخواتاتي وسلفتي ومرت باباه وشريت لي شوميز دو نوي لماما وكل مانشري حاجه ليهم لازم نلوح روحي في النص هههه
المهم وشريت مرامط ومقالي لرمضان بسكو بالاك نصوم شوي مع ماما وشوي في داري
وشريت ديسوفنير تاع رواسا المهم ساعا هادي لميت زوج فاليزات غير شريات تاع يومين مزال قشنا اللي هنا
والله يا لبنات انا راسي مخلط هاد ليام وعلاحساب الشوفه مرواحي لبلاد هاد المره هيطول هادا اذا ما قعدتش طول معرف
المهم احنا نقولو الليىفيه الخير يجيبو ربي وخلاص

 

[روعة انثى]

روعة يتوحشك الخير يا لحبيبة و الله تقلقت عليك

ام الحلوين يا الغالية يا ريحة بلادي حتى انا توحشتك بزاف ما كنتش ندخل بصح كنت متفكرتكم كامل بالوحدة و نقول راهم مقصرين سور :d:d:d و كنت نتساءل شكون اللي راهي تحت المجهر عندها الزهر ما قرعجتش عيها :p:p:p

 

[joumane]

سيرين مرحبا بيك معانا وكيخليتي البلاد
روعه حببتي رانا مع الشميسه الحارقه هاد الايام
ام امين كيراكي تقولي البنات انشطو هنا علاه وين قلبو القصعه وانا معلباليش كشما فيها دار جديده ضمونا
سميره انتي كدواتك باينين عبايات وخلاص وكيفاه ميعجبوهمش خلاص المره الجايه اللي متعجبهمش ابعثيهالي ههههه
جهاد كيفاه بان معاك الايكو واحكيلنا على شعورك كيما قالتلك ام امين

 

[lina-67]

صباح النور لبنات واش راكم
روعة انا الحمد لله ربي يخليك حنونة راهو قرب عرسك بالاكي ماتعرضيناش برك ههه ربي يسهلك
جمانة الله يعاونك يا اختي و الله يكرهو الشريات تاع الكادويات بصح شا نديرو بسيف علينا
سيرين حنونة انا نسكن في ستراسبورغ راكي بعيدة عليا وحد 400كم
سلامي لكل لبنات

 

[lina-67]

جمانة مازال الايكو عندي لعشية راني فرحانة و خايفة في نفس الوقت ما نعرف كيفاش يفوت

 

[ام الحلوين]

صباح الانوار ان شاء الله راكم كامل بخير
روعة تعيشي حنونتي واش راهم داركم ؟ و واش راه خطيبك ؟ هيا وجدي كاش لبسة باش يشوفك بيها كي يهبط
جهاد اليوم عندك الايكو ربي معاك حنونة سير قلبك راه يضرب و راكي تستناي وينتا تشوفي البيبي يا رب تشوفيه بخير
جمان الله يهنيك حبيبتي و هدي هي الغلطة لي نديروها نخلو للايام الاخيرة و نبقاو مقلقين واش نشرو ، من الاحسن الانسان يشري من قبل و يخبي باش مايحسش للمصروف بصح مافهمتش قصدك راكي ناوية تبقاي في البلاد هاد المرة ؟ المهم ربي يسهل لكل وحدة .
سميرة و ام امين و رنيم و مريومة و ام ندى و فطومة و سيرين واش راكم يا خياتي ؟

 

[ام الحلوين]

جهاد نسيتك حبيبتي اشربي الما بزاف قريب 2 لتر قبل الموعد و ماتدخليش التواليت باش البيبي يبان مليح .
انا الاربعاء نشوف واش عندي ربي يكملنا و يفرحنا و العقوبة للجمان هي تاني تحمل
و روعة و مريومة العقوبة لعرسهم
هيا قولو امين

 

[روعة انثى]

جمان قريت واش شريتي مي ما تكثريش على روحك و ما تنسايش الميزان
نتوما دو بلاص شحال عندكم ميزان في الطيارة ؟
جهاد شحال عندك شهور حمل ؟

 

[روعة انثى]

عندك الحق ام الحلوين راني نخمم واش نشري باه كي يجي يشوفني

 

[ام الحلوين]

روعة شوفي نتي واش تحبي تلبسي و اشري .

 

[ريمو]

والله ليكـــم وحشة كبيــــــــرة حبيباتي
​

ان شاء الله تكونو كامل بخير وكل اموركم مليحة


والله دايما في البال ولكن خدمة وتجهيزات الصيف ماخدة كل وقتي


سلااااااااااامي ليكم كامل​

 

[joumane]

روعه حببتي واش حندير لازم هكا ياربي والباقاج مسلكين عليه بالزياده
جهاد ربي يفرحك حببتي رانا نستناو تحكيلنا على شعورك وتشوقينا معاك
ام الحلوين ايه نهبط ان شاء الله ونشوف بالاك انا نبقا وهو يرجع وحدو نشوفو ضروفنا لهيه مليح ومن بعد تبان

 

[joumane]

والله ليكـــم وحشة كبيــــــــرة حبيباتي
​

ان شاء الله تكونو كامل بخير وكل اموركم مليحة


والله دايما في البال ولكن خدمة وتجهيزات الصيف ماخدة كل وقتي


سلااااااااااامي ليكم كامل​

يامرحبا يامرحبا طل علينا القمر
حببتي ريمو واشراكي ليك وحشه داتك الخدمه وانسيتينا
ان شاء الله تكوني بخير حببتي وبصحه وعافيه

 

[ريمو]

يامرحبا يامرحبا طل علينا القمر
حببتي ريمو واشراكي ليك وحشه داتك الخدمه وانسيتينا
ان شاء الله تكوني بخير حببتي وبصحه وعافيه

جمانة حبوبة انا الحمدلله نشكر ربي , والله دايما في البال و مستحيل ننسا جمعتنا وقرتنا مع بعض

بصح فعلا الخدمة داتلي وقتي انا قلت نتهنى من القراية جاتني الخدمة دروك بصح نقولو الحمدلله

وتعرفي بعد العيد عرس اختي تعرفي وانتي ادرى بالتجهيزات

نتمنى تكوني بخير حبيبتي ووالفتي الغربة شوية راه قرب الصيف اكيد راكي هابطة للجزاير ان شاء الله

 

[ريمو]

و اهلاااا بالعضوات الجدد ماشاء الله منورين القعدة الله يدومها يارب

 

[ام الحلوين]

جمان الله يسهلك امورك و يهنيك حبيبتي
ريمو مرحبا بيك واش راكي ؟

 

[ريمو]

الحمدلله بخير اختي ام الحلوين

انتي واش راكي ؟ وكيفاه الغربة معاك