بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[أم أمين23]

فطوم مبروك وربي اكمل على خير ان شاء الله خلي الخير يزيد ويعم وين المشكل مغتربات وحاملات وين المشكل ههههه
ام الحلوين ايه كملت هاد وين جبت الدراري قالك نلعبو ديتهم للباركو لعبو حتان ال4 وليت طول للكثرة والعشا
ام ندى خدي برك الرقم الي وين اديري السمعة باش ندخلو طول نشوفو واش درتي ما فتحش الرابط والموضوع طويل بزاف انا كنت نتبع فيه ومن بعد حبست فيه الحكايات بزاف وما نلحقش هههه الرقم راح تلقايه هكا:
#1456

 

[ام الحلوين]

سيرين شحال عندك وليدات ؟ مشفيتش ادا قلتيلي و لا لا سامحيني الداكرة تاعي ماشي حاجة هههههههه
و التربية صح صعيبة شوية بصح كلشي يفوت انا ربيتهم مع بعض مرات يبقاو عاقلين و مرات نبقى نبكي تغيضني عمري ، انا حسبت كي نزوج نبقى غير نخرج نحوس و نلبس و نماكيي بصح كي ضفت التربية ندمت كامل لي زوجت ههههه و دروك الحمد لله ترباو كيما التوام ربي يحفظهم .

 

[أم ندى]

ام ندى خدي برك الرقم الي وين اديري السمعة باش ندخلو طول نشوفو واش درتي ما فتحش الرابط والموضوع طويل بزاف انا كنت نتبع فيه ومن بعد حبست فيه الحكايات بزاف وما نلحقش هههه الرقم راح تلقايه هكا:
#1456

ام امين ادخلي على الموضوع الصفحة رقم 197

وشوفي الفيديو الي درتو لثم

#1969

 

[sirin2013]

سيرين شحال عندك وليدات ؟ مشفيتش ادا قلتيلي و لا لا سامحيني الداكرة تاعي ماشي حاجة هههههههه
و التربية صح صعيبة شوية بصح كلشي يفوت انا ربيتهم مع بعض مرات يبقاو عاقلين و مرات نبقى نبكي تغيضني عمري ، انا حسبت كي نزوج نبقى غير نخرج نحوس و نلبس و نماكيي بصح كي ضفت التربية ندمت كامل لي زوجت ههههه و دروك الحمد لله ترباو كيما التوام ربي يحفظهم .

معليش كامل رانا كفكيف وربي يحفضهوملك , عندي طفل واحد في عمرو 10 شهور داخل في 11 وكحبط هاذ الخترا البلاد بزاف نصحوني نزيد باش يتربو مع بعض وتربحيهم مبعد تريحي خترا وحدا بصح انا تعبة بزاف كولدة وحدي مصبة حتى لمدلي كاس ماء يله سلكة وكما قلتي تولي غير لهيا معاه وراه يحبي مخللي حاجة في بلاصتها تنسي اتحفى ولمكياج باش غير تخرجي تحسبي ميتة حسبا ها لكوش ها لحليب نشاء الله يكبرو يردونا شويا

 

[أم أمين23]

طيب او ندى ما يكون غير خاطرك يعني راح تخليني نفركت نفركت ههههه ماشي مشكل

 

[fatouma2012]

فطومة يا ختي ادا ولينا كامل بكروشنا شكون يقوم بالعرس تاع روعة و الخطبة تاع مريومة ؟؟؟؟؟؟
خلي كي نكملو لعرس و الخطبة و النفاس تاع ام امين تما لي حبت زيد زيد هههههه
الله يهنيكم كاملين و يفرحكم حبيباتي.

الله يبارك فيك أم الحلوين ، سرسورة عندها 10 شهور ، بصح أنا بغيت يعني الحمل مشي غلطة ، شفت روحي غير ف دار لا خدمة لا صدمة لا صحابات لا فاميليا ، قلت نربي ولادي ونلها معاهم باه ننسا الغربة :d
شفتي درناها غاع باه منعاونوش فالعرس ههههه

 

[أم ندى]

طيب او ندى ما يكون غير خاطرك يعني راح تخليني نفركت نفركت ههههه ماشي مشكل

ام امن متفركتيش راني حطيتلك الرقم الي قلتي عليه نشا الله يصلح مكنتش علابالي بالعفسة ههههه

 

[أم أمين23]

ما شاءا لله ام ندى اعطيك الصحة ما علقتش لهيه باش ما يوصلونيش الايمايلات معليش هنا برك خير روعة البنات الي تحب تشوف تدخل هنا مباشرة تجيها رد او ندى وواش عملت:
#1969

 

[fatouma2012]

سلام لحراير
اسمحولي مرنيش ندخل بزاف راني نبلاصي في حوايجي
ام الحلوين يسال عليك الخير راني لباس حمد الله ومزيا لجات عندك دارك وحدك حتى ولا رجعتي البلاد ميجيكش صعيب بزاف لعقوبا لينا ولمدارش ادار في لبلاد يدير نشاء الله
سميرة عجبني الموضوع فكرة مليحة درتها ام امين يله عولو بصح سهلولي
ريمو الحمد الله لراكي بخير ويبارك فيك وسال عليك الخير
فاطيمة يبارك فيك ويسال عليك الخير دارنا راهم كامل لباس والكنجي واش نحكيلكم بشباعتش كامل من دارنا قعدة معاهم غير 3 ايام وملي رحة وانا في ادار غير هدوك 3 ايام لحلرحتهم لدار شدتلي ماما ولدي ورحت خرجت وحوسة شويا يله المهيم شفتهم وراهم كامل لباس
بيونة مبروك عليك معليش يتربو مع باعد كتوام اربحتيهم وزيد تتعبي خترا وحدا
ام امين وجميع الحوامل نشاء الله تكونو كامل بخير
يا جماعة راكم غيرتوني تقريب كامل راكم حملين وقيلة نخمم شويا في هاذ المشروع:p

الحمدو لله لي داركم بخير بصح 3 أيام برك قلال كون أنا نهبل ونهبله ههههه معليش خلفيها المرة الجاية
واه سيرين خمي فالمشروع ، رانا وحدنا هنا أملا نلهو مع ولادنا أحسن

 

[ام الحلوين]

فطومة ربي يكملك حبيبتي
سيرين انا كي كانت اسراء 10 اشهر كنت في اواخر الشهر 7 باسحاق .
اتكلي على الله و زيدي سيرتو ادا مراكيش تخدمي و لا تقراي

 

[fatouma2012]

فطوم مبروك وربي اكمل على خير ان شاء الله خلي الخير يزيد ويعم وين المشكل مغتربات وحاملات وين المشكل ههههه
ام الحلوين ايه كملت هاد وين جبت الدراري قالك نلعبو ديتهم للباركو لعبو حتان ال4 وليت طول للكثرة والعشا
ام ندى خدي برك الرقم الي وين اديري السمعة باش ندخلو طول نشوفو واش درتي ما فتحش الرابط والموضوع طويل بزاف انا كنت نتبع فيه ومن بعد حبست فيه الحكايات بزاف وما نلحقش هههه الرقم راح تلقايه هكا:
#1456

الله يبارك فيك أم أمين والله يسرلك ولادتك نشالله ويقويك على تربيتهم ،

 

[fatouma2012]

جهاد رانا في الهوى سوى hhhhhhhhh

واه حنا تاني شمست عندنا بصح معاها الريح ، نشالله نضرب دورة الستراسبورغ ونقولك قبل باه نتلاقو ونروحو للمرشي نشالله وانتي تاني مرحبا بيك وأهلا وسهلا

 

[fatouma2012]

فطومة ربي يكملك حبيبتي
سيرين انا كي كانت اسراء 10 اشهر كنت في اواخر الشهر 7 باسحاق .
اتكلي على الله و زيدي سيرتو ادا مراكيش تخدمي و لا تقراي

أم الحلوين صح صعيبة تربية زوج مع بعض ، الزين مكاش يعاونك ؟ أنا تاعي والو يعرف غير يرفدها ويدير بها الصفا والمروى ف دار وأنا نتنارفا psq مشي مولفتها الرفود
سيرين صح رنا وحدنا ومكاش لي يعاون بصح تخيلي راكي متزوجة فالبلاد وساكنة مع العزوج تكون الحالة أصعب ، مترغدي كي تبغي إدا سهرتي مع البيبي صباح لازم تبكري وتقومي بدار مشي كما هنا متبكريش وطيبي أي حاجة ولا مطيبيش مكاش لي شافك ، وزيد فالبلاد الضياف وحطي ورفدي وتسمعي الهدرة والمشاكل واقفين عند الباب ههههه أنا هاكا نخمم ونطلع الروحي المورال دايما باه نعيش دايما غاية ، نجيب ده على ده ونكبرهم شوية ومنبعد نقرا كاش حاجة وندخل للبلاد نهائيا
ونديرو كاش مشروع إدا ربي سهل وطول في الاعمار نشالله

 

[lina-67]

سلام لبنات
فطومة مبرووووووك عليك ربي يكملك ان شاء الله و تجيبي خو سرسورة و الله عندك الصح تربيهم في رحبة مليح ربي يقدرك و يقدرنا كامل
ام ندى يعطيك الصحة يا الفنانة و الفحلة و الله غير اطباق تحفة الله يقوي الخير و يخليلك الوليدات

 

[fatouma2012]

 

[SAMIRA25]

فطوم مبروك عليك الحمل و ربي يكملك ان شاء الله
و هدا دارك؟؟؟
الله يبارك مليحة بزاف ز كل شيء منظم ربي يهنيك فيها

 

[fatouma2012]

سلام هادوا صور داري الصالون برك منبعد نزيد الكوزينة والشومبرة مانيش مصورثم وهداك الخبز تاع حورية المطبخ

 

[SAMIRA25]

يشهييي فطوم هاتنا الوصفة ربي يجازيك و راني ديت وحدة

 

[روعة انثى]

صباح الخير عليكم

لبنات راني حامل

أم أمين ولا بيت الحوامل مشي بيت المغتربين هههههههه
who is next ?

مبروك عليك فطومة تستاهلي كل خير ربي يفرحك اكثر و اكثر العقوبة للباقيات

 

[fatouma2012]

فطوم مبروك عليك الحمل و ربي يكملك ان شاء الله
و هدا دارك؟؟؟
الله يبارك مليحة بزاف ز كل شيء منظم ربي يهنيك فيها

الله يسلمك سمورة ، والخبز لوكان تشوفي الوصفة ديراكت فاليوتب أحسن ملي نكتبها باه تشوفي الطريقة فالعجن والتشكيل صوت وصورة
اكتبي خبز بالبيض لحورية المطبخ يوتوب تخرجلك بتفصيل وحطيت الرابط
‫ط®ط¨ط² ط¨ط§ظ„ط¨ظٹط¶ ط¨ط£ط´ظƒط§ظ„ ظ…ط®طھظ„ظپط© ظ…ظ† ط*ظˆط±ظٹط©
ط§ظ„ظ…ط·ط¨ط® ط¬1‬â€ژ - YouTube