بيت المغتربين

الحالة
مغلق ولا يسمح بالمزيد من الردود.
السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح
images

 
إضغط للتوسيع...
صباح الخير والانوار
بيونة يسال عليك الخير رانا نحمد الله ونشكروه
ونتوما ****م دايرين؟
 
سلام بنات واش راكم ،حنا الشتا راهي دايرة رايها
اليوم ديت لولاد لابيسين و جبتهم و كنت نحكي مع مرت خالي اكبر قرعاجة في لافامي تقول قناة الجزيرة عندها كامل الاخبار و تحب تزيد تقرعج ،و الهدرة لي قالتهالي الف مرة عاودتها اليوم.
دروك نروح ندوش لولادي و نعشيهم و ندير الحوايج في الغسالة و نجي نحكي معاكم شوية ادا ماجاش الزين .
 
قال ام الحلوين:
سلام بنات واش راكم ،حنا الشتا راهي دايرة رايها
اليوم ديت لولاد لابيسين و جبتهم و كنت نحكي مع مرت خالي اكبر قرعاجة في لافامي تقول قناة الجزيرة عندها كامل الاخبار و تحب تزيد تقرعج ،و الهدرة لي قالتهالي الف مرة عاودتها اليوم.
دروك نروح ندوش لولادي و نعشيهم و ندير الحوايج في الغسالة و نجي نحكي معاكم شوية ادا ماجاش الزين .
[/QU


ههههههه دحكتيني ام الحلوين معليش ادها على حساب عقليتها وراهي تونسك بلخبار غير مبلاش
إضغط للتوسيع...
 
رنيم حنونة عندي ليك هاد السؤال :
شوفي على حساب شحال تقراي في السمانه زعمه انتيا درتي تقراي 4 مرات في السمانه تكمليه في شهر و نص و ادا تقراي 3 تقريبا شهرين و شويه و ادا درت 2 تقراي قريب 4 اشهر كاش ما احتجتي ابعتيلي لا تخجلي هههههههه :p:p:p

على حساب واش قلتي كي تقرايي 4 مرات في السمانة شحال تديري من ساعة فالاسبوع ؟ اذا عندك معلومة
و لا شحال لازم تديري من ساعة فالنيفو ؟ و شكرا ليك رنيم حنونة
 
أهلا روعة كي فاتت الفورماسيون ؟

أم الحلوين القرعاجين ما ينفع معاهم غير السكايب الهدرة والهدرة باطل

جهاد كراه ولي أو ولية العهد
 
إيمان ****ي ؟

بيونة شوفي ف dm ولا rossman حوسي لي تكون BIO
 
قال ام الحلوين:
مساء النور بنات
ايمان واش راكي والفتي شوية ؟؟؟
و التحضيرات انا مانحضر والو لرمضان حتى السمانة الاخرة و نشري كلش كيما العادة .
إضغط للتوسيع...
لاباس حبيبتي شوية رانا انولفو روحنا بسيف :p
 
صباح الخيرات عليكم واش راكم
احنا راه الحال هايل الشميسة و الهواء بارد كون غير يقعد هاك لرمضان
فتوح شريتي لاغوب ولا مازال
فطومة كاش وحم شحال راكي من اسبوع
 
صباح الانوار البنات
جهاد احنا عندنا الريح يطير والبرد جو سامط خلاص
واشراكم يالبنات ان هاد الايام شوي منقعدش مع القضيات ومع المغال تحت الصفر ومع الجامعه شوكاوني لقيت ليgزامان فاتني وتهاوشت مع المعلم قتلو انتا اللي درتها بيا المهم واش نقولكم روحت جبدت دبلومي ولميت كواغطي اكل وراين في حيره انا قررت منزيدش نولي هنا كرهت حيااااتي عايشا كي الحي الميت وقاعدا غير في الدار قتلو دبراسك ارجع وحدك اذا تحب والله راني في حيره النوم طارلي من عينيا ومفهمتش كيفاه حندوري و وين حنستقرو راي طول مخلطتلنا
 
صباح الخير ياوجوه الخير
اختي جمانة معليش متقلقيش روحك و وكلي عليه ربي و متيأسيش يمكن تقدري اعاوديه من بعد وربي ما يغلق باب حتى يفتح 10 دريها مليح في بالك وحمد ربي لصبتي وين تلهي روحك في لقراية اما على الحي والميت كامل رانا هكا حتى تتوحشي تولي تهدري مع لحيوط كان ماش وحد ملهياتو اتربيا شويا لعقوب ليك
 
ان شاء الله اختي سيرين
مي نقولك الصح انا مخرجتنيش الغربه هادي بلادي خير وزيد نشارك في ليكنكور كشما ننجح نخدم على روحي وراني توال ميمتي وخلاص
انا لوكان نبقى هكا هنا نهبل
 
هي صح لبلاد خير وراني ندما بزاف لجية للغربا وبلوكية قريتي ف لجميعا هاذ لعام كحبط شفة لكانو يقرو معايا كامل تخرجو وراهم خدامين ,بصح هاجة ننخمم فيها اني منرجعش البلاد حتى ندير داري وحدي راهي مشكل كبير ترجعي للعشرا وتكسار اراس
اما ولا عندك دارك وحدك ننصحك مندرك خممو كفاش تولو


 
صباح النور بنات واش راكم
سيرين ماشي نتي كنتي في البلاد ؟؟؟ و واش من عرس عندك ؟ و راكي هابطة للبلاد؟ شفتي مرت خالي عداتني راني نقرعج كيما هي هههههههههه
جهاد لاغوب مازال ماشريتهاش بسكو الزين قالي خلي حتى نقربو نروحو باش نشري طاي على حساب كرشي
جمانة الله يكتبلك لي فيه الخير بصح رمضان تصومو في البلاد و لا راجلك يرجع ؟؟؟ بسكو رمضان صعيب يصوم وحدو في الغربة .
لي سقساو على مرت خالي راهي مليحة البارح جات من عند جدي تقولي روحي بعديني خليني نكمل التسياق نقولها اوكي روحي انا نبقى نحكي مع بنتها حتى نلقاها واقفة عند راسها تقولها واش قالت ماسمعتهاش هههههههههه هبلتني ، من بعد الكاميرا حبست و هي قالت لبنتها لازم نوريلها هاذ لاغوب قاتلها بنتها الكاميرا خاسرة قاتلها علاه كي جيت نوريلها في لاغوب الكاميرا خسرت .
المهم هبلتني دروك نقعد شهر مانحكيش معاها باش المرة الجاية نلقى الجديد بسكو كون نحكي معاها اليوم تعاودلي الهدرة تاع البارح ههههه.
انا راني خارجة دروك باش ندفع الباسبور تاع اسراء بسكو مات هههه
هيا سلام تهلاو في رواحكم .
 
السلام عليكم


صباح الخير عليكم لبنات بما اني ما لحقتش عليكم في الصباح جبتلكم ميلفاية حارة للغدا ههههههه







والي تحب لاروسات هذا رابطها

http://4algeria.com/forum/threads/374963/#post4813756

بصحتكم:d​
 
ام الحلوين ايه كنت في لبلاد وراني راجعا في اخر العام ختر عندي عرس ختي
ام ندى فكرة هايلة يعطيك الصحة وباينا بنينة ونوعدك نجربو ونردلك لخبر
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top