بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[ام الحلوين]

الف الف مبروك على البيت الجديد ربي يهنينا فيه
انا قلت سميرة اليوم راهي غايبة و نتي من الصباح و نتي تخملي و زدتي تعبتي روحك بالحلوة ، الله يخليك حنونتي و ربي يجازيك .

 

[SAMIRA25]

ههه ام الحلوين ضحكتيني شفتي من الصباح و انا نوجد
ما عليش ما خسارة في الاحباب​

 

[SAMIRA25]

سيرين عجبتني القصة تاع المرواح تاعك
عشتها تقول كنت معاك :p
بصحتك اختي ​

 

[ام الحلوين]

سميرة ربي يعيشك يا لحبيبة
فطومة اسحاق ريح شوية كي يكون جيعان ياكل مايحسش بصح غير يشبع يقولي فمي يوجعني .

 

[ام الحلوين]

فطــــــــــــــــومة​

تفضلي تحت المجهر راهي اختارتك الاخت ام ندى .

 

[SAMIRA25]

ام الحلوين الحمد لله على اسحاق كي ريح
و ما قتيليش على الباسبور تاع بنتك جددتيهولها؟؟؟​

 

[ام الحلوين]

.سميرة عمرت الفورم يوم الخميس و قالي الزين نديها ندفعها و مازال راح اليوم الصباح و لقا الغاشي عاود رجع نورمالمون غدوة ان شاء الله يروح يدفعها الصباح قبل مايروح لشغلو و اذا ماراحش مانطيبلوش الفطور :d.

 

[أم ندى]

السلام عليكم ورحمة الله

مساء الخير عليكم

ومبروك علينا الدار الجديدة دخلناها بالصحة ولهنا يا رب

وشكرا للاخت سمورة الامور على الحلوة والقعدة الي تفتح النفس للاستقرار في هذ الدار الي لمت حلونا ومرنا

وربي يبلغنا شهر رمضان وحنا متجمعين فيها وسهرانين على الخير

اهلا بيكم كامل ومنورين ديما بحكاياتكم الي متتملش​

 

[ЯǾᵯẫḭṧşẰ]

السلام عليكم
الف مبروك على االدار الجديدة ربي يجعلها عتبة ودخلة مبروكة
منورين
​

 

[رنيم الغربه]

مبروووووووووووووك الافتتاح الجديد راني راجعه من بعد نروح نطيب لعشاااااااااااااااا

 

[مريومةمم]

مبروك افتتاح شاء الله كون فال خير علينا كامل خاصة في رمضان
وش راكم يا الغااالييين توحشتكم بززززاااف

 

[SAMIRA25]

يتوحشك الخير مريومة ما دامنا هنا في المنتدى رانا الحمد لله عايشين
و انت واش احوالك واش عاملة فيها ؟؟؟​

 

[SAMIRA25]

مرحبا بيك معانا romaissa 2011
نورتينا بتواجدك معانا
ربي ينورك​

 

[أم أمين23]

مشكورة سيرين على الروسات ايه راني نحوس على وصفات تكون مليحة ونفس الوقت ساهلة ههههه مع الحمل يعني يا دوب لضرك راني مقرة البقلاوة والمقروض تاع الكوشة تاعنا تاع الشرق والقريوش هاد لخر راح نجيب واحدة تعملهولي كليتو من عندها قبل وعجبني وقالتلي ماشي مشكل نديرهولك وهي تروح 28 في الشهر جويلية للبلاد قلت نلم الوصفات وفي العشر ايام لويلين تاع جويلية ندير ونحط في الفريقو لخاطر من بعد ما نعرف الا نقدر والا لا؟؟؟
مادابيكم مالا تقولولي على الي مجربينو والي ممكن يتخبى ثاني في الفريقو
نسيت مرحبا بينا في الدار الجديدة وان شاء الله تكون عتبة مبروكة

 

[أم أمين23]

romaissa2011 مرحبا بيك معانا انت مغتربة وشاركتي معانا قبل والا راكي جديدة؟؟؟
وفي كل الاحوال مرحبا بيك راني نصقصي برك

 

[أم أمين23]

سميرة الله اخليك مادامك المشرفة احدفي الصورة الثالثة الي في هاد الرد لخاطر فيها صورة المرا وما تولهتش مرسي فطوم للتنبيه:
#1749

 

[ام الحلوين]

رميسا مرحبا بيك معانا
مريومة واش راكي نتي و العائلة ؟
ام امين ربي يسلكك على خير و ممكن تصنعي المشوك بسكو غير تخرجيه من الفرن تعسليه و خلاص و تاني اصنعي صابلي و لا غريبية لخاطر كاين لي مايحبوش الحلوة المعسلة و تاني يطولو و ماييبسوش و كيما بقلاوة تعيي في الخدمة سيرتو نتي وحدك ادا تقدري اشريها علبالي خربطتك هههههه
المهم اصنعي صابلي و غريبية و مقروض و الطمينة واشري بقلاوة و المرا تصنعلك قريوش .
خسارة كون راكي قريبة ليا نوجدلك الرفيس تاعنا و الله مانخليك تتعبي بصح الله غالب جينا بعاد.

 

[ام الحلوين]

بنات ممكن تعطوني طريقة الجاري ؟؟؟
و لي عندها فور صغير و مليح ممكن تمدلي لامارك تاعو ؟؟ عندي فور عادي بصح اعلى درجة 230 باش نطيب الخبز لازم نسخنو ساعة و لا كثر من قبل ، و نحب نحمر الجاج بصح كي ولا يجي يابس و مايتحمرش .

 

[روعة انثى]

مساء النور لبنات راكم منورين يا الوردات في داركم الجديدة
نتمنالكم كل خير و ربي يهنيكم و يحفظكم
انا راني مشغولة هادو ليام ان شاء الله بلاك ما رانيش رايحة نولي ندخل بزاف
اللي حاملة ربي يثبت حملها و يوفقها و يعطيها وقفة ساهلة
اللي رايحة تجي للبلاد مرحبا بيها
و صحا رمضانكم تصومو بالصحة و صحا عيدكم يا الوردات و السماح اذا غلطت مع وحدة نطلب منها تسمحلي و تهلاو في رواحكم و في وليداتكم و ازواجكم
و السلام عليكم و رحمة الله و بركاته