بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[sirin2013]

صباح النور والياسمين يا وجوه الخير انا اول وحدا نصبح وين راهم لبنات وقيل مزال راهم راقديم

 

[أم أمين23]

بنات شكون تعرف علاج الحب لي يدير في الفم ؟؟؟
اسحاق عندو يومين ماحبش ياكل و حتى الحليب يحرقو كي يشربو اليوم ماكانش طبيب ديتو غير للصيدلي عطاني كريم تاني حرقاتو ، ماعرفتش واش نديرلو لسانو راه داير نبولات كيما النار كي تحرقنا ؟؟؟

ام الحلوين انا ديما يديرلي لامين يبقى ويروح وحدو ومرة قاتلي واحدة ديريلو العسل بصح كيفاش راه في الفم لداخل الا درتو يزرطو ههههه انت شوفي بالعسل وخلي يشل بالما والملح مليح ثاني يحرق شوي مي يداوي

 

[أم أمين23]

ام امين بصحتكم وباين كلش يشهي وربي يتقبل هكذا لواحد يبدل لجو
وربي يتقبل على العردا ,بصح ساعفي روحك راه مبقلقش بلاك بعيد شر ادري لبيبي بتعب بزاف

امين يا رب ايه والله تنحي على بالك وقالولي بلي في هاداك الجيهة ديما يديرو هكا عرضات وتجمعات وانا لا خبر هادي اول مرة نروح وكاين الدزيرية وقالولي هوما ثاني يديرو بصح ولا مرة قالولي والا عرضوني بصح ما عندهمش التيليفون تاعي نتلاقاهم برك في السوق والا المسجد وما يهدروش يعني في بعض برك الي يعرفو بعضاهم

 

[رنيم الغربه]

سيرين صباح النور كيفاش راكي حنونه انا راني من 7 ديال الصباح كملت شغلي و قعدت

 

[رنيم الغربه]

ام امين بصحتكم حنونه على الاقل تنحي ديقة الخاطر ما شي كيما احنا ما كان حتى تجمعات اللهنا تكرهي حياتك ههههه وليت كي نخرج من الدار نتقلق :d

 

[ام الحلوين]

صباح النور واش راكم حبوبات
شكرا خياتي اسحاق من البارح و هو كل دقيقة يقولي اعطيني العسل و اليوم الحمد لله شرب حليبو مع حبة قاطو .
سيرين انا نضت قبلك هههه و طيبت السفنج للزين و درت بالزيادة بسكو يدي لوليد خوه ،و لبست للدراري و وجدت فطورهم و راحو يقراو ، بصح الفطور مرانيش حابة نطيب ههههه.

 

[مريومةمم]

اختي مريومة انا انخطبت غير هادا مارس حنونة مازال زواج مانيش مقلقة وقت ما جا الخير ينفع
العقوبة ليك ربي يرزقك بولد حلال يهنيك

ااه سمحيلي
المهم غير تسترتي لعقوبة ليا وربي هنيييييك يسهلك يياااااارب

 

[sirin2013]

سيرين صباح النور كيفاش راكي حنونه انا راني من 7 ديال الصباح كملت شغلي و قعدت

لباس يسال عليك الخير راكي شاطرا 7 تع صبح وكملتي شغلك وراكي قاعدا انا في الاول كنت انوض بكري ونكمل شغلي ويبقالي بزاف لوقت معندي مندير ومبعد ولية انوض انصلي بكري ونعاود نولي نرقد وكما قلتي حتى كتحرجي تتقلقي

 

[sirin2013]

امين يا رب ايه والله تنحي على بالك وقالولي بلي في هاداك الجيهة ديما يديرو هكا عرضات وتجمعات وانا لا خبر هادي اول مرة نروح وكاين الدزيرية وقالولي هوما ثاني يديرو بصح ولا مرة قالولي والا عرضوني بصح ما عندهمش التيليفون تاعي نتلاقاهم برك في السوق والا المسجد وما يهدروش يعني في بعض برك الي يعرفو بعضاهم

ام امين سيي انتي تاني ادرلهم كاش عردا وتجمعيهم باش يولو يعردوك كل مدجمعو هكذا تولو تتونسو
لبنات والله غير تغيضني عمري ساعات دقول رانا نطلبو في شكون يجي يونسنا ههههههه انا عندي امنية دجيني وحدا عاقلة ومدينا وقريبا ليا نديرها كختي ودرني كختها حتى ولا ماش بنت بلادي قلووووووووووووا مييييييييييييييييييييين

 

[رنيم الغربه]

يسلمك سيرين حبيبتي انا نوضوني الدراري اليوم و نضت صليت طار عليا النوم
اختي ان شاء الله تضيبي اللي تونسك حتى انا صعيييييييييييييييبه باش نلقى واحده كيما نحب طولت باش صبت واحده فلسطينيه و من بعد عام و نص ولينا كي لخواتات و الله انا شريت دار بعدت عليها مي مازالنا نتلاقاو يجو عندنا و نروحوا عندهم مي بعاد و دوك صبت واحده مغربيه جارتي مي ما زال ما نعرفها ان شاء الله تكون كيما نحب

 

[أم ندى]

ام امين بصحتك العرضة وربي يبارك على لخيورات الي حطيتوها


شهيتينا في لحوايج الي درتيهم يعطيك الصحة يا لحرة


وصباح الخير عليكم كامل يا لبنات​

 

[lina-67]

سلآآم لبنات واش راكم
ام امين بصحتكم العرضة و لي فوطو راهم يعطو لخبر فوتوها و القاطوات هايلين مليح تنحي شوية على خاطرك
سيرين ان شاء الله تلقاي رفقة صالحة ويلا حبيتي ارواحي عندي مرحبا

 

[sirin2013]

سلآآم لبنات واش راكم
ام امين بصحتكم العرضة و لي فوطو راهم يعطو لخبر فوتوها و القاطوات هايلين مليح تنحي شوية على خاطرك
سيرين ان شاء الله تلقاي رفقة صالحة ويلا حبيتي ارواحي عندي مرحبا

انشاء الله حنونا ونتي تاني مرحبا بيك في كل وقت راني مشتاقة لجيني وقيل راكي غير قريبا عليا

 

[lina-67]

سيرين راهي بيناتنا تقريب 400كم واذا جيتي كاش نهار لستراسبورغ ارواحي عندي

 

[sirin2013]

سيرين راهي بيناتنا تقريب 400كم واذا جيتي كاش نهار لستراسبورغ ارواحي عندي

هذا مكان فة عليها غير كجية جيا ,اروحلي قولي اراجلك نتي جبو دراري ورواحو والله منقلبي

 

[imen ahmad]

SIRINانت وين في باريس الى في باريس نتلاقاو هههه الى حبيتي

 

[sirin2013]

SIRINانت وين في باريس الى في باريس نتلاقاو هههه الى حبيتي

ياعمري على بنت بلاد خصارة انا في المانيا لكان غير جية في باريز معليش اروحيلي نتي تشوفي للمان مرحبا بيك

 

[أم أمين23]

صباح النور بنات ان شاء الله راكم بخير
بنات البارح رقدت مشوكيــــــــــــا حتى صلاة الفجر صليتها قبل الوقت ،البارح تعشينا و بقينا مجمعين و جيني (الطــــــــــــــــامة الكــــــــــبرى) اسراء بنتي قاتلي أمي I'M MARRIE بالعربية (حبت تتزوج) و انا نخلعت :-o في الاول ضحكت من بعد لقاني راجلي نبكي و كي سقسيتها هي نخلعت كي شافتني نبكي و نضحك في نفس الوقت تقول أمي هبلت وقيلة و قاتلي الاستاذة قالتلهم شكون لي يتزوج و يدي البنت لي يحبها لدارو قاتلي خيرت وحد الولد و قاتلو واش تحب قالها على وحد البنت ، و الله يا بنات غير نخلعت و خفت يزوجوهم تاع الصح و يشرحولهم (الدخلة) في المدرسة قلت لراجلي خلاص كرهت هاذ البلاد الله يحرقها في الجزائر تاع التحضيري مايهدرولهمش على الزواج . يا ربي استر راهم يعلموهم غير في العواج و الطبايع لي ماشي ملاح .

ههههههههههههههههه ام الحلوين نورمال وانت ما كنتيش تلعبي عريس وعروسة في البلاد ههههههههههههههه هنا الحق ما يعلموهمش هاد الحوايج بصج كاين حوايج يدوهم بطريقة غير مباشرة هنا شوي يحترمو الديانات وعلى بالهم المسلمين مختلفين في حوايج وما يديرولهمش كيما لخرين

 

[أم أمين23]

ام امين بصحتكم حنونه على الاقل تنحي ديقة الخاطر ما شي كيما احنا ما كان حتى تجمعات اللهنا تكرهي حياتك ههههه وليت كي نخرج من الدار نتقلق :d

انا راني لا خبر هادي اول مرة نروح ونسمع بلي كاين وهاد عندي 6 سنين هنا انت ثاني ما تدري ممكن كاين وما على بالكش ههه

 

[أم أمين23]

ام امين سيي انتي تاني ادرلهم كاش عردا وتجمعيهم باش يولو يعردوك كل مدجمعو هكذا تولو تتونسو
ان شاء الله بعد ما نولد ضرك يا ربي ندير العرضة للمخلوق وولادو ههههه
لبنات والله غير تغيضني عمري ساعات دقول رانا نطلبو في شكون يجي يونسنا ههههههه انا عندي امنية دجيني وحدا عاقلة ومدينا وقريبا ليا نديرها كختي ودرني كختها حتى ولا ماش بنت بلادي قلووووووووووووا مييييييييييييييييييييين

امين يا رب وان شاءا لله تلقاي الدنيا ما تخلاش حنونة