بيت المغتربين

الحالة
مغلق ولا يسمح بالمزيد من الردود.
السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح
images

 
إضغط للتوسيع...
قال sirin2013:
صباح النور وجمعة مباركة للجميع
نشاء الله راكم كامل لباس
جهاد مبروك لنصومبل لموف يعجبني هاذ اللون
فطيمة نسقسيق على لبيرمي انا مدرتوش في لبلاد وبغيا نديرو هل نتي دايراتو في لبلاد وكجيتي بدلتيه ؟ولا ايه كفاش كانو لأسئلة مفهومين ؟هاذي ماش مغترب تحت المجهر ههههه:p
راهي طاحت على فكرة لبيرمي هاذ ليامات راني مهبلاتو انود نحكي عليه ونرقد نحكي عليه هههه
إضغط للتوسيع...

سيرين البارمي أنا عندي تاع البلاد وراني يامس رحت باه نبدله عطاوني ورقة ناديها ال-auto ecole باه نعاود الامتحان النضري وتطبيقي ملازمش نقرا الدروس الأن عندي بارمي من قبل ونخلص غير الامتحانين برك ومنبعد يعطوني الألماني نشالله بصح في حالتك لازم تخلصي كولشي الدروس هوما لي غاليين الدرس التطبيقي الواحد متلا من 35 إلى 40 اورو وانتي وشطارتك إدا علمك راجلك أكيد متحتاجيش دروس بزاف والنضري تقدري تفوتيه بالفرونسي أو anglais كان بالعربية بصح حبسوه وال-asilat تحفضي بزاف ومنهم يخرجو نفسهم فلمتحان متخافيش ساهل ، أنا راني باغية نفوته بلالمانية نحفض ف دار كاين واحد الجهاز تكريه عليهم ب-20 اورو وتحفضي منه المهم في حالتي حسب ما قالولي ينقام ف 500 اورو بصح لي معندهش من قبل كيما واحد البنت سقسيتها نقاملها ف 2500 اورو بلا ما تخسر واخرا نقام لها 3000 psq خسرت شعال من مرة
انتي عولي برك وكاين مدارس لي يقبلوا تخلصي بتقسيط وكاين des park سبيسيال باه يديك راجلك يعلمك فيهم les plaques وكي تباركي اللوتو و-............
جهاد راكي تضيعي فالوقت كي مراكيش تسوقي psq منبعد كي يجي البيبي وتولي ف تلج تجري ف poussete تتفكري هدرتي وهنا كولشي منضم متخافيش مشي كيما البلاد يصدموا برك
 
صباح النور يا الزينات كي راكم وواش احوالكم
فطومة قتلتيني بالضحك على مول الكارنتيكا بصح و الله لا الكرانتيكا فور انا نموت عليها نديرها في الدار بصح ما تخرجش كيما تاع برا وراجلي ما يبغيهاش يقولي تفكرني بايامات الميزيرية تاع الجامعة هههه:d
صح الالمان خاطيهم الماكلة و المشكل تاع الحلال تاني
كاين واحد restaurant تاع الحوت سموه nordseeما نعرف اذا عندكم تما بصح في stuttgart يكون كاين باسكو كاين قاع في المانيا يعجبني بزاف كليت فيه شحال من مرة
انا البارمي بدلوهلي نورمال ما درت حتى تاست اعطيتهم تاع الجزائر اعطاوني تاع فرنسا و راجلي عيا فيا قالي دبري راسك من بعد كي يولو الدراري ما علاباليش بيك ديهم آ بيي بصح ما قدرتش بالاك ندير دي كور باش نوالف
رووووعة طل علينا القمر يا اختي توحشناك باين السخانة تاع شلف راهي تحرق
مريووومة حنونة كيفاش ما نتفكروكش ان شاء الله راكي بخير
ام امين طولت الغيبة هاذي آفار تاع ضياف
سلامي لكل لبنات
 
صباح النور بنات ان شاء الله راكم بخير
بنات البارح رقدت مشوكيــــــــــــا حتى صلاة الفجر صليتها قبل الوقت ،البارح تعشينا و بقينا مجمعين و جيني (الطــــــــــــــــامة الكــــــــــبرى) اسراء بنتي قاتلي أمي I'M MARRIE بالعربية (حبت تتزوج) و انا نخلعت :-o في الاول ضحكت من بعد لقاني راجلي نبكي و كي سقسيتها هي نخلعت كي شافتني نبكي و نضحك في نفس الوقت تقول أمي هبلت وقيلة و قاتلي الاستاذة قالتلهم شكون لي يتزوج و يدي البنت لي يحبها لدارو قاتلي خيرت وحد الولد و قاتلو واش تحب قالها على وحد البنت ، و الله يا بنات غير نخلعت و خفت يزوجوهم تاع الصح و يشرحولهم (الدخلة) في المدرسة قلت لراجلي خلاص كرهت هاذ البلاد الله يحرقها في الجزائر تاع التحضيري مايهدرولهمش على الزواج . يا ربي استر راهم يعلموهم غير في العواج و الطبايع لي ماشي ملاح .
 
صباح الانوار البنات
ام الحلوين شفتي بلاد القور فاه تكرهيها فيها غير الفسق ياحفيض البرائة ينحيوها من الاولاد الصغار وانا عندي بنت عمتي في فرنسا تحكيلي قاتلي حتا يديرولهم عرس كيما الكنيسه زعما ويعلموهم كيفاه الزواج وزيد واش يعلموهم قاتلنا مره تحلفت في بنتها قاتلي نضربك مالا قاتلها لوكان تضربيني نعيط لابوليس يهزوك ايييييه يحفضوهم حتا نمرو تاع التلفون يقولولهم لوكان يضربوكم والديكم عيطو فيه يجو يهزوهم
 
ههههه ضحكتيني ام الحلوين لالا ما يعلموهمش ما ضنيتش صغار بزاف اهنا وحدة صاحبتي قاتلي بنتها كي قفلت 18عام قراوهم على كلشي و قاتلها قالونا درك عندكم الحق ديرو كلش اللي تبغوها بصح حتى كبرو و انتم عندكم ما نعرف كيما قلتي هاد القور ما تعرفي قاع شا يديرو عسيها مليح و فهميها غير بشوية ربي يجيب الخير
 
جمان التلفون راهم حافظينو اسحاق غير يشوف التلفون يقولي نعيط 999 و كان عيطلهم من قبل بصح بغلطة ماكانش عارف .وينتا راكي هابطة ؟؟؟؟؟
جهاد هنا لبنات تاع المتوسط يروحو للكلينيك يجيبو (العازل) باش مايحملوش بصح بنتي مازالت صغيرة و نية و الله غاضتني تتعلم حوايج ماشي قد عمرها.ربي يستر
راني خارجة دروك نكسيها و نجهزلها و كي نهبط نخليها في البلاد تقرا الصباح في المدرسة و العشية نقول ليما تديها للجامع ههههههه .
 
السلام عليكم


صباح النرجس والجوري والقشطة عليكم يا بنات


راني جاميتكم كامل بالجملة وعجبوني حكاياتكم وربي يخليكم


ام امين تروحي وترجعي بالسلامة وربي يقدرك وتقومي بظيافك

ام سراج نورتي القعدة ريحي وتربعي البيت بيتك

مريومة جامي ننساوك وحتى ان مسالناش عليك بلسان بصح مكانتك محفوظة بين ثنايا القلب

والي ضحكني نتاع الصح ام الحلوين هذا هو الي يخوفني وخلاني نهرب بولادي من بلادهم يخطبولهم في التحضيري ويزوجوهم في سنة 1ابتدائي متخافيش فهميها نتي في الدار برك بلي راهي لعبة ومتخليهاش تتاثر بيهم

روعه ام الحلوين رنيم سيرين جهاد فطومة ام امين منورين القعدة بشياختكم الي ما تتملش

راني نجي نطل على خياتي ونشوف كلامكم لعسل مي اعذروني على تقصيري​
 
آخر تعديل:
معليش حببتي ام ندى وانتي اللي كلامك كلو معسل وحلو
وبالمناسبه حتانه نسلم على مريومه وكامل البنات ونقولها منسيناكش ان بالذات اعذروني منيش في طبسيا هاد الايام
 
قال joumane:
ام الحلوين مزالي 15jour على الهبطه
ادعيولي البنات ربي يسرلي اموري ونلحقو البلاد بخير هادا مكان
إضغط للتوسيع...

جومانا صباح النور حنونة

ربي ييسرلك طريقك ويرزقك من حيث لاتحتسبي

ويجعلك في كل خطوة سلامة يا رب

تروحي وترجعي بخير على خير

متنسايناش برك كي تهبطي لازم تدخلي تطمنينا عليك

​
 
سلالالالام للجميع
وش راكم كل وحدة باسمها
لي هااابطين للبلاد الله يسهللكم واللي بالحملكيف كيف الله معاكم
عجبتني ام الحلوين بنتها حتتزوج؟ولله عجب في الغرب عرفو غير الشر نتمنى كل وحدة مغتربة تحاول تزرع في اولادها حب الدين والجزائر والله الوقت صعيب والله يكون في عونكم
 
قال روعة انثى:
سلام سيرين كي راكي اختي
الله يسلمك يا الغالية كي سقسيتي عليا
مازال ما بديتش نوجد نستنا وقتاش يجي و من بعد نشري خاطر قادر في اي وقت يأجل ؟عندو اوراق تاع الطلاق تاع مرتو مازال فراوش باش نقدرو نعقدو
البلاد راه فيها خير كبير السلعة تاع الترك و الخليج ما شاء الله
و انا الله غالب راني سمانة فورماسيون و سمانة خدمة كاين حوايج جدد فالخدمة لازم نقراوهم والله عييت و راني كارهة مانيش نشبع رقاد راني ناسية روحي كامل مع هاد الخدمة
مكاش كيما اللي قاعدة فالدار والله
إضغط للتوسيع...
واش ختي روعة
انت مازال مادخلتيش ؟والله حسبتك متزوجة وصايي.........
 
سلام يا البنات راني ميتة نروح نرقد شوي وممكن ندخل العشية سامحوني الا ما وفيتش بوعدي والله تاعبة للخر
ان شاء الله لعشية نولي ونقرا واش فات وان شاء الله تكونو كامل بخير
 
سلام بنات خرج جهزت لبنتي بسكو عرسها راه قريب مع خطيبها (مايكل MIKLE) و راكم كامل معروضات نتوما و ولادكم و حبابكم ههههه (بعيد الشر مسلمين و مكتفين )
بنات و الله غير البارح شوكيت تاع الصح قلت لراجلي تهبط و لا تقعد انا ندي ولادي و نروح نتحمل نعيش بعيدة على راجلي و ما نتحملش بنتي تتربى مع الكفار و يعلموها الصوالح لي ماشي ملاح .
ام ندى على حساب واش فهمت وليدك الكبير (ربي يحفظو) راه يقرا في البلاد ، وين خليتيه عند يماك و لا عند عجوزتك ؟
ام امين ريحي حنونة و العشية ان شاء الله احكيلنا كاش جديد
روعة وقيلة بنتي رايحة تزوج قبلك ههههه
مريومة شفتي وين راني عايشة بلاد الهم ماشي بلاد الخير
سيرين و ام سراج واش اخباركم و واش راهم العزاب الصغار ؟
فطومة و بيونة غير بداو تجهزو لبناتكم من دروك
سميرة و رنيم مابانوش ان شاء الله غيابهم خير .
جمان ربي يسهلك امورك و ان شاء الله توصلي بخير للبلاد
جهاد شفتي ام ندى واش حطتلنا راهي حابة تخرج كاش وحمة في بيبياتنا ههههههه.
 
قال djihad-17:
صباح النور يا الزينات كي راكم وواش احوالكم
فطومة قتلتيني بالضحك على مول الكارنتيكا بصح و الله لا الكرانتيكا فور انا نموت عليها نديرها في الدار بصح ما تخرجش كيما تاع برا وراجلي ما يبغيهاش يقولي تفكرني بايامات الميزيرية تاع الجامعة هههه:d
صح الالمان خاطيهم الماكلة و المشكل تاع الحلال تاني
كاين واحد restaurant تاع الحوت سموه nordseeما نعرف اذا عندكم تما بصح في stuttgart يكون كاين باسكو كاين قاع في المانيا يعجبني بزاف كليت فيه شحال من مرة
انا البارمي بدلوهلي نورمال ما درت حتى تاست اعطيتهم تاع الجزائر اعطاوني تاع فرنسا و راجلي عيا فيا قالي دبري راسك من بعد كي يولو الدراري ما علاباليش بيك ديهم آ بيي بصح ما قدرتش بالاك ندير دي كور باش نوالف
رووووعة طل علينا القمر يا اختي توحشناك باين السخانة تاع شلف راهي تحرق
مريووومة حنونة كيفاش ما نتفكروكش ان شاء الله راكي بخير
ام امين طولت الغيبة هاذي آفار تاع ضياف
سلامي لكل لبنات
إضغط للتوسيع...

سلام جهاد
صح راجلك عنده الصح لازم تسوقي منبعد مع الاولاد صعبة والراجل فالغربة مشي disponible ،
وه في فرنسا يبدلوه ديراكت بصح هنا لازم 2 test قبل ، انتي ديري les coures لمهمين برك كما السياقة فالاتو روت والباقي راجلك إدا كان عنده صبر مشي كيما تاعي مدود ههههه
وعلى الكرانتيكا أنا تاني قصتي معاها كيما راجلك ، الحب الاول من أيام الجامعة وإدا متخرجلكش مليحة المشكلة ف نوعية الحمص ، أنا شريت العام لي فات حمص من باريس عند الإيراني يجي ف باكي أخضر تع ورق الكرنتيكا تاعه تجي فوور وحمص آخر شريطة تاني من تم بصح على الحوانيت تعع العرب معجبنيش رميته ، شوفي إدا عندكم الايرانيين وجربيها
 
ام الحلوين هههههه دحكتيني والله دمك خفيف سكر
والله لعندك لحك انا هاذي لحاجة راهي مخوفتني بزاف وكل يوم في نقاش انا وراجلي على هاذ الموضوع هو يقولي كلش بتربية ولا ترباو مليح متخفيش عليهم ,نقولو عندهم رحلة في لمدرسة كفاش تقولهم مترحوش ولا اخليهم يروحو وتولي موسوسا واش راهم يديري ولا عيد ميلاد تاني نحرمهم نولي غير شادتهم في دار وعاستهم منقدارش وحتى ولا تربو تربية دينية على صح دراري يتعاندو والله اعلم
ربي يرزقنا نديرو اتاويل في بلادنا ونولو على طول ويتربو ولادنا تربية دينية امين يارب
 
أم الحلوين صح هنا يخوفو بصح انتي ف دار لازم تاتيرك يكون أكبر من المعلمة ، وأوروبا راهي شوية قالولي ف أمريكا يدرسو الاطفال على الاعضاء إتناسلية على المباشر يعرو الدكور والبنات ويقولولهوم تعرفو على بعضكم باللمس أعود بالله ،، حتى وحد البنت كي جات للبيت بغات طبق الدرس في أبوها وتشوف لا حول ولا قوة إلا بالله
 
مريومة متزعفيش حنونة رانا خواتات

أم ندى يعطيك الصحة ومتحرمناش من وصافاتك
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top