بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[أم أمين23]

رد: بيت المغتربين 2

مينة ما تتغشيش ههههه انت جربي برك بالزبدة والا اي مارغرين يعني انا مثلا نستعمل الي يجي وتصلح والا لا؟؟؟ مع العلم راني مانيش بروفيسيونال في الطبخ هههه

 

[مينة آلاء الْقُدُّوس]

رد: بيت المغتربين 2

مينة ما تتغشيش ههههه انت جربي برك بالزبدة والا اي مارغرين يعني انا مثلا نستعمل الي يجي وتصلح والا لا؟؟؟ مع العلم راني مانيش بروفيسيونال في الطبخ هههه

اهلا ام امين متجيش لا بات فويتي باي زبدة لازم هاديك
يعطيك الصحة حنونة ​

 

[مريومةمم]

رد: بيت المغتربين 2

سلالالالالالالالا م عليكم
وش راااااكم ياحراااااااااااااااااير والله توحشتكم
هيااااااااااااا كل وحدة تحكيليوش دااااااااااااااايرة
انا الحمد لله
روعة انثى توحشتك بزاااااااااااااااااف انت وكامل لبناات جهاد سميرة ام امين ووووووووووو واللله مزروبة
نتكنىتكونوو كااااااااامل بخير طمنوني عليكم

 

[Mima Anoussi]

رد: بيت المغتربين 2

السلام علي اللي راه جا من قبلي ومالقا حتى واحد والسلام على اللي راح يجي من بعدي وبلاك مايلقانيش
سيرين وام امين وام الحلوين اللي راهي في البلاد وسميرة الله يصبرها وتاني ايمان اللي حكيت معاها ديك النهار وكاااااااامل اللي بنات بلادي اللي يدخلو لهاد الموضوع
​

 

[SAMIRA25]

رد: بيت المغتربين 2

مساء الخير لبنات واش احوالكم ان شاء الله كلكم بخير
ربي يجازيكم على التعازي في ميزان حسناتكم و ما تشوفو شر

 

[ام الحلوين]

رد: بيت المغتربين 2

السلام عليكم
ان شاء الله الجميع بالف خير
حبيبتي سميرة الله يصبركم و يرحم الوالد
انا لله و انا اليه راجعون
ام سراج ربي يعوضك حنونة و المهم صحتك
ام امين ان شاء الله تكوني بخير نتي و الاولاد
لينا و جمان و روعة و مريومة ان شاء الله راكم بخير
فطومة و بيونة و ملاك واش احوالكم نتوما و وليداتكم
ملاك مبروك عليك البنوتة ربي يجيبها بالسلامة و راكي كيما انا نحب لبنات
ايمان و رنيم و الاء ووووووو ان شاء الله راكم بخير
لي نسيتها تسمحلي
الله يخليكم و يحفظلكم كل عزيز
سلامي ليكم

 

[أم أمين23]

رد: بيت المغتربين 2

اهلا بعودتك سميرة وربي يرحمو ووسع عليه يا رب قلوبنا معاك
اهلا ام الحلوين بعودتك انت ثاني ان شاء الله كل امورك تمام
سلامي لباقي البنات وان شاءا لله تكونو كامل بخير

 

[أم أمين23]

رد: بيت المغتربين 2

مسيرة داروها البارج هنا في ترانتو لدعم مصر وسوريا هزيتها من الفايسبوك من صفحة الجالية تاع ترانتو هنا

 

[أم أمين23]

رد: بيت المغتربين 2

 

[أم أمين23]

رد: بيت المغتربين 2

 

[ام الحلوين]

رد: بيت المغتربين 2

صباح الخير
ام امين واش اخبارك نتي و الاولاد ؟؟؟؟
ربي يفرج عن سوريا و مصر عاجلا غير اجلا ،انا رجعت مانتحملش نشوفهم في التلفاز يغيضوني سيرتو الاطفال الصغار
البنات البقيات وينكم ؟؟؟؟؟؟؟؟

 

[أم أمين23]

رد: بيت المغتربين 2

والله الحمد الله ماشي الحال راني مع مريم مربوطة بيها على بيها ولات دخلاتي محدودة انت واش احوالك وكيفاش كان الفاكونس وان شاء الله الاهل كلهم بخير

 

[أم أمين23]

رد: بيت المغتربين 2

راه جايبلي المخلوق ضيف على الغدا على بيها راني زدت تشغلت ضرك مريم راهي قاعدة مكسلة تتفرج خخخخخ وانا راني مع الدار الدراري كانو يلعبو في الكمبيوتر وجيت باش نطفي قلت خلي نطل على سلامتكم كامل

 

[sirin2013]

رد: بيت المغتربين 2

سلام لبنات وشراكم
سميرة الحمد الله على سلامتك والله يرحم والدك ويسكنو فسيح جنانه
ام الحلوين الحمد الله على سلامتك ونشاء الله تكوني فوتي كونجي مليح في لبلاد رانا نسنا تحكيلي كفاش قوتي لفاكونس ؟
ام امين ربي يعاونك ونشاء الله معروف مقبول
لبنات عندي شحال مدخلتش ختر كل مندخل منصيب حتى واحد ونخرج ادعوا راهي ميتا صح يله نرجعو انشاط:up:

 

[SAMIRA25]

رد: بيت المغتربين 2

مساء الخير عليكم جميعا ان شاء الله كلكم بخير
ام امين شكرا على الصور و ربي يفرج على المسلمين في كل مكان
كيما قالت ام الحلوين عدنا ما نقدروش نشوفوهم في التلفار ربي يعينهم
و بصحتو الضيف تاعك اكيد رايحة تقومي بيه
سيرين واش حوالو وليدك راه يجري و لا ما زال يددش
سلامس للجميع

 

[ام الحلوين]

رد: بيت المغتربين 2

صباح النور
واش احوالكم ؟
ام امين ربي يخليك حنونة و الاهل خليتهم بخير الحمد لله
سيرين الله يسلمك حبيبتي و الفاكونس فوتو بخير الحمد لله غير ولادي موالفين دارهم و حوايجهم و في البلاد راكي عارفة ....... غير يمسو ولادي حاجة يقولولهم لا هذي تاع الناس و تخسروها ،اذا كتب الله العام الجاي نهبطلهم كامل حوايجهم و نخليهم يلعبو براحتهم .

 

[أم أمين23]

رد: بيت المغتربين 2

صباح الخير عليكم يا جماعة الخير
يا سيرين كون تبقاي تستناء ما تتحركش الدعوة لازم تنطقيهم هههه
سميرة والله ما قمت بيه لا والو خلط الدعوة كامل اسكتي برك لخاطر المخلوق على اخر دقيقة قالي وراك تعرفي مع المريم تحكمني بالرضاعة قدقد المهم كلاو بالي جا هههه
ام الحلوين هكا الفاكونس لازم تعملي ريزارف هنا ولهيك لخاطر كل شيء تاع الناس هههه
وينكم يا البنت واش هدا الكسل والا قولولنا راكم لاتيين فاش باش احنا ثاني نلتاو
حقا ما قلتلكمش نهار الجمعة راح نفوت امتحان تاع اللغة على بيها راني قاعدة زعما نقرا شوي كاشما ننجح ادعولي ربي يسهل ويجي ساهل

 

[ام الحلوين]

رد: بيت المغتربين 2

ام امين ربي ينجحك ان شاء الله
و البلاد كرهت على جال ولادي نخلصلهم بيي غالي و نهبطهم للناس يشنفو عليها و مايخلوهم يمسو والو
بصح و راس ميمتي العام الجاي غير نهبط كلشي لولادي و لي ولداتو يماه يمس حوايج ولادي ههههه اذا حياني ربي .
سيرين راكي تحت و لا غير خيالك ؟ واش راهو فؤاد ؟؟؟؟؟

 

[fatouma2012]

رد: بيت المغتربين 2

سلام عليكم البنات كيراكم

سميرة الله يرحم الوالد وويجعل متواه الجنة ويصبركم نشالله ،

 

[fatouma2012]

رد: بيت المغتربين 2

أنا جيت هادي سيمانة ، وانتوما شكون جات وشكون راها رايحة ؟ الله يسهل للجميع