بيت المغتربين 2

الحالة
مغلق ولا يسمح بالمزيد من الردود.
السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​


do.php


do.php
 
آخر تعديل:
إضغط للتوسيع...
رد: بيت المغتربين 2

سلام فطومة و مرحبا بيك
واش راكي نتي و صارة و البيبي ؟؟؟؟؟
و كيفاش خليتي البلاد و معسكر و الاهل و الاحباب ؟؟؟؟؟؟؟؟
قبلاتي لصرصورة
 
رد: بيت المغتربين 2

سلام للجميع
سميرة وام امين يسال عليكم الخير راه بدا يمشي راه مهبلني ميخلي بلاصة ميجبدهليش
ام الحلوين على سلامتك بانت بلاصتك ودراري هذوك هما يبغو يمسو في كلش بصح اموا كعود الواحد عندو دار لباس
فطومة على سلامتك نورة للمان كفاش فوتي لكونجطي و واش صرصورة راهي بدات تمشي
نسيت مسولتكمش لحوامل وشراكو مع لحمل لباس ؟
 
رد: بيت المغتربين 2

salam 3likoum ana jdida fel mountada naskoun f nantes france mais darwak rani f bladi natmana takablouni binatkoum oukht barak lah fikoum w madabiya nkounou 3ayla wahda fel ghorba nassana rad ta3koum tasabhou bkher
 
رد: بيت المغتربين 2

ربي يخليك ام حلوين
ايه هكداك انت ثاني ديريلهم صندوقهم وحد ما يمس اكتبي ممنوع اللمس لغير المغتربين ههههههه
اهلا فطوم بعودتك من جديد ان شاءا لله اهل كامل بخير وان شاءا لله صارة ما مرضتلكش برك ؟؟؟
ضرك راهي جهاد في البلاد الباقي راهم مختفيين وما نعرف عليهم وينهم؟؟؟
اهلا ياس المفروض اسمك ياسمين حسب الاختصار منورة حبوبة متشرفين بيك وبمعريفتك اختك ام امين مغتربة في ايطاليا
 
رد: بيت المغتربين 2

صباح الخير عليكم
اهلين بيك اختي ياس تشرفنا بإنضمامك لينا نشاء الله تلقاي الونسة معانا
انا سرين مغتربة في المانيا وعندي ولد في عمرو عام وشهرين ونتيا عرفينا على روحك؟
 
رد: بيت المغتربين 2

ربي يخليك ختي ام امين متشرفة بيكم و الله ما وليت نحس روحي وحدي كي نروح ل فرنسا ما نخافش نعرف بلي عندي خواتات يونسوني ربي يعطيك ما. تتمناي اختي سيرين بارك الله فيك على الرد الحلو كيما نتي ربي يهليلك وليدك و يفرحك انا عندي عامين ملي تزوجت في فرنسا و معنديش دراري رغم محاولات عديدة بصخ ربي ما كتبش
 
رد: بيت المغتربين 2

سلام ان شاء الله الكل بخير
ام امين ماتخميش ولاد الغربة يجو قانعين يلعبو بالحوايج بصح مايخسروش ههه
سيرين ربي يحفظ وليدك و يفرحك فيه ، واش كاش بلاد و لا حتى 2014 كيما حالة البقية هههه
فطومة واش اخبارك ولا راكي مع الدار ،انا كي نرجع من البلاد يحكمني التفنيين نولي كارهة داري و نطول باش ترجع حليمة لعادتها القديمة ههه،و عرفتي جنس الجنين و لا مازال ؟؟؟
ياس مرحبا بيك معانا و ربي يهنيك و يرزقك الذرية الصالحة ان شاء الله
انا ام الحلوين متغربة في بريطانيا يعني راني جارتك ههه
وينتا ترجعي لدارك في فرنسا ؟؟؟؟؟؟
 
رد: بيت المغتربين 2

تشرفت بيك ختي ام الحلوين ربي يخليلك الحلوين ايه راكي جارتي باش كي تجي ل فرنسا تلقاي ختك تسنا فيك انا نرجع مور العيد انشا الله يا ختي لبلاد تبدلت بزاف تقلقت فاوك نرجع كاين عباد همهم يشوفوك ماشي مليحة شكرا علئ الرد
 
رد: بيت المغتربين 2

ياس ربي يخليك حنونة و فوتي الفاكونس تاعك مع الاحباب و ماتعمريش راسك بكلام الناس انا كل عام نهبط نقول نفرغ قلبي من بعد نطلعو مشارجي هههه
و هاذ العام درت العقل و قلت راني نشري البيي غالي و نقطع البحر لازم مانخليش وقتي للناس ،رحت حوست و شفت دارنا و ناس لي يحبوني و الباقي كل واحد يعوم بحرو درك كي جيت هنا راني نسمع انا علاه ماجاتش عندي و انا علاه ماجابتليش ووووووو
 
رد: بيت المغتربين 2

مساء النور عليكم
فطوم على سلامتك بصحتك العطلة
ياس مرحبا بيك معنا طبعا راكي في بيتك و ع اخواتك منورتنا و ربي يرزقك الذرية الصالحة في اقرب وقت و تفرحينا
سيرين مبروك على وليدك المشية​
 
رد: بيت المغتربين 2

سلاموووووووو
سميرة يبارك فيك ولعقوبة للبنتك واش راهي ادير تحبي ولا مزال
ياس ربي يخليك ويرزقك باذرية الصالحة عاجلا غير اجلا ياااااااااااااااارب متتقلقيش عامين ماشي بزاف ,نتوما في فرنسا متحسوش بزاف بالغربة هاذ العام كجينا ريحين البلاد دخلنا في مرساي تقول راكي فدزاير ولا نتيا تسكني في لمناطق لمفهمش لعرب كينين هنا معنا من فرنسا نتفكر زوج mima , lina
ام الحلوين راني ريحا في ديسمبر لعرس ختي راني غير نتمنا نروح غير انا ووليدي كل ميفوة نهار نقول حمد الله راه نقص نهار ههههه
 
رد: بيت المغتربين 2

walah ya oukhti oum lhilwine dahaktini pcq tkoul raki f kalbi nafs lmouchkil w nafs lhadra ki rohna lal ghorba 3rafna sah chkoun li yasanana hna w chkoun li yasana swalahna chkoun yhabna hna w chkoun yhab sawalahna 3andak sah khti lazam ki namchiw nastghalou koul dkika m3a lahbab lu yahabouna sah ya3tek saha w barak lahou fik wali yahdar fik goulilah merci rak tnahili dounoub
 
رد: بيت المغتربين 2

rabi ykhalik oukhti sirin mabrouk 3la waldak lmachiya w rabi ysakhar l oukhtak w yhaniha eh sah f lghorba wa3ra mais f fransa chwiya ana sakna f nantes ma kanch kayan les marocains ktar fraht bezaf bel oukouwa ta3koum w nchalah tajibak liyam man jihati w zourini nantes madina chaba marhba bik 3ana sah 3amin zwaj machi bezaf mais hadrat nass ma tarhamch vraiment rani nsoufri men had sujet
 
رد: بيت المغتربين 2

السلام عليكم ورحمة الله وبركاته
يشرفني ان انضم معكم لانني مغتربة كيفكم وراني في فرنسا مدة 4 سنين عندي بنت عندها 3 سنوات وولد عنده عام ونصف
 
رد: بيت المغتربين 2

مرحبا بيك اختي المهاجرة نتشرفو بيك ختي منال رانا بخير و نتي واش راكي انا تاني هاذي عامين وانا في فرنسا معنديش دراري
 
رد: بيت المغتربين 2

صباح الخير عليكم جميعا
نهاركم طيب و سعيد
سيرين ربي يعيشو وليدك و يحفظه بنتي عندها بزاف تمشي :p
المهاجرة مرحبا بيك معانا ربي يحفظلك وليداتك و تفرحي بيهم
منال يسال عليك الخير اختي رانا الحمد لله واش احوالك انت​
 
رد: بيت المغتربين 2

شكر بزاااااااااااف لترحيبكم الكريم وهذا يدل على طيبة قلوبكم ربي يحفظلكم ماهو عزيز
 
رد: بيت المغتربين 2

سلالالالالالالالالالالالالام عليكم ياااااا حراااااااااااااير
وش راااكم
الدخلة قلة على الجميييع خييييييييييييييييييييير؟
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top