بيت المغتربين 2

السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​

 

[ام سحر و لؤي]

رد: بيت المغتربين 2

salam lbnat wah rakoum twahachtkoum kan 3ndi probléme de conexion wah khbarkoum ya3tek saha malak 3la tarhib win rakoum labnat oum lhilwin samira sirin w bakiya wach rakoum

 

[ام الحلوين]

رد: بيت المغتربين 2

صباح النور
ياس رانا بخير الحمد لله و نتي و العائلة واش راكم ؟؟؟؟

 

[ام الحلوين]

رد: بيت المغتربين 2

لبنات واش راكم ديرو ؟؟؟؟؟؟؟
ياس راهي تحت المجهر هيا لي حابة تتعرف عليها اكثر تروح تسألها

انا عجنت الخبز و طيبتو و درك نخرج نشري لحم و لا جاج باش نوجد العشا بسكو نفطر غير وحدي كيما الغولة هههه مرة ناكل و مرة لالا
و تاني قلت نمشي شوية

نسيتكم لي تحب الخبز تاع القمح سخون مع الدبزة (الزبدة) كيما يقولو ولادي نبعثلها درك قبل مانخرج و الخبز يبرد .

 

[ام سحر و لؤي]

رد: بيت المغتربين 2

يا ختي يعطيك الصحة هبلتينا بخبز القمح قريب نخرجلك مل pc فمي راه يسيل شهيتينا باينة عليك حادقة في الكوزينو راه في خاطرة فطور من يدك الحلوة عيب عليا نخلي ختي تفطر وخدها كي تدخلي عيطيلي نجي نفطر معاك ههه بوسيلي دراري و حطيلي شوية خبز بالدبزة a côté راني نسنئ الاسئلة تاعكم

 

[sirin2013]

رد: بيت المغتربين 2

سلام للجميع
وشراكم لبنات لباس
الله الله على شاطرة شهيتيني خبز القمح مع زبدة والقهوة ممممممم مزيا مرنيش حاملا ,واش قررتي بعد واش تسمي الكتكوتا
ملاك ساعفي روحك غير بشويا
سميرة الله يبارك بنتك مشات بكري
ام امين واش درتي في امتحان اللغة عسلة ولا بصلة كما نقولو
ياس نشاء تكوني لباس مزلكي في لبلاد؟
فطومة واش راكي مع الحمل وضرضورة راهي عاقلة شويا انا راه مهبلني بلقباحة
جهاد روعة ومريومة وكل لنسيتهم يسمحولي نشاء الله تكونو كامل بخير

 

[ام الحلوين]

رد: بيت المغتربين 2

ياس ارواحي يا لحبيبة و نطيبلك واش تحبي و الخبز راني كيما تاع بكري نعجن القمح بنتي كي ديتها للطبيب قالي لازم تحبس الخبز الابيض و تاكل غير الاسمر و الزين جاتو سبة كل يوم يقولي طيبي تاع القمح على جال بنتك هههه و هو ياكل في الجرة

سيرين واش راكي حنونة و واش راهو فؤادووو ، و الخبز راه خاصتني غير كوشة تاع تراب و نزيد نزين نطبعها بخمار احمر و المفتاح في الحزام و الزين لابس البوط و يوكل في البقر و ولادي يلعبو مع الجاج و كبش العيد ههههه

 

[ام الحلوين]

رد: بيت المغتربين 2

سيرين سقستيني على الاسم راني نقول لميس ادا مابدلتش رايي

 

[ام سحر و لؤي]

رد: بيت المغتربين 2

واش راكي سيرين لبس انا الحمد ايه راني عادا فالبلاد حتئ لمور العيد و نمشي كانش برد تما واللا

 

[ام سحر و لؤي]

رد: بيت المغتربين 2

الله يسلمك ختي ام الحلوين ربي يعيشك نشاالله و يجيبلك ساعة تاع خير في زيادتك و الله ما نخاف عليك شاطرة تبارك الله يسمئ الزين كيما قلتي جاتو سبه مليحة باش تعجني المهم كي تشري بقرة قوليلي حتئ انا نشري باش نحلبو معا بعض ههه و دوك نجيب معايا صباط بلاستيك تحبي نجيبلك واحد؟ ههه وقتاش تولدي حنونتي و الله حبيتكم صح

 

[ام الحلوين]

رد: بيت المغتربين 2

مساء النور
ياس يحبك الخير حنونة ،و على الصباط غير جيبي بصح رقم 44 هداك يجي قيسي و مع الشتا راه جاي و ندوبل التقاشر اعزكم الله و اللون نحب الاخضر و لا اصفر هههه باش كي يتبحر يبان
و الولادة اللجنة راهي تقول في 21 اكتوبر و شوفي ربي واش راه كاتب

 

[ام سحر و لؤي]

رد: بيت المغتربين 2

يا ربي يقومك بخير يا رب و الله لوكان جيتي قريبة انا نفسك و نرفدك نتي و دراري معليش راني معاك بقلبي ما يكون غير خاطرك و نزيدك واحد حمر بونوس من عندي و نشريرك قشارات ف نفس اللون باش تجي انوشة راني دايرة لمسمن تجي تتقهواي رواحي

 

[ام الحلوين]

رد: بيت المغتربين 2

هذيك هي ياس باش نجي نهبل يعطيك الصحة و ربي يخليك حنونة ان شاء الله نكون فال خير عليك
و بصحتك المسمن انا اليوم كنت ناوية نطيبو و نسيت نشوف اذا عندي السميد غدوة ان شاء الله نبكر على عجنة مسمن

 

[ام سحر و لؤي]

رد: بيت المغتربين 2

انشاله ياختي تكوني فال خير خليلي حقي تاع المسمن غدوة عتد 6 تاع الصباح نكون عندك هههه

 

[ملااااك]

رد: بيت المغتربين 2

سلام بنوتات واش راكم !!

ام الحلوين عندك بنية ايه مبروك عليك حبوبة ربي يعطيك وقفة ساهلة

لميس اسم شباب بصح كاين اسماء تانين شوفي و خيري اذا حبيتي

نعطيك شوية اسماء من لي راني مخيرتهم لبنتي :$ ​

 

[أم أمين23]

رد: بيت المغتربين 2

سلام يا البنات
سيرين راه عسلة حسب الشوفة ما فيه والو انا متأكدة كل شيء صحيح هههه غدوة ان شاء الله ندخل السيتو الي عطاوهولنا نشوف الريزولتا
ام الحلوين ماشي مليح اسم لميس بدليه ههههههههههههههههه والله ماسط تاخدي رايي ما تسميهاش لميس

 

[أم أمين23]

رد: بيت المغتربين 2

واش رايك بجيداء جديد ومليح
جيداء
طويلةالعنق
طويلة الجيد العنق وجميلة الجيد – طويلة العنق
الجيداء طويلة العنق حسنته فمن طال عنقها وحسن جيدها فهي عند العرب جيداء وهم يحبون من النساء الجيداء

 

[ام الحلوين]

رد: بيت المغتربين 2

صباح النور بنات
ياس سامحيني مادرتش المسمن اليوم معنديش السميد و مانحبش تاع الفرينة

ملاك ربي يخليك و يثبت حملك و يفرحك بشوفة المولودة ، و راني نستنا في الاسماء

ام امين واش راكي نتي و الوليدات ؟
و اسم لميس رانا مقتنعين بيه 99 بالمئة كامل عجبهم و قالو خفيف و سهل النطق و ماشي دارج بزاف
و لميس هي صحابية
و جيداء تاني شباب مازالي 20 يوم و نزيد نخمم

 

[ام سحر و لؤي]

رد: بيت المغتربين 2

ربي يجيلك زيادة ساهلة ماهلة تستاهلي كل خير و علئ المسمن معليش ناكلة في الزيادة كي تولدي هههه واللا كي تولدي قوليلي ختي ملاك ربي يعطيك الخير في هاذ المزيودة بصح دعولي كي تجو تولدو ما تنساونيش ام امين واش راكي نتي و دراري و بنتك الصغيرة شحال عندها

 

[ام سحر و لؤي]

رد: بيت المغتربين 2

سيرين وين راكي ما بنتيش اليوم!

 

[أم أمين23]

رد: بيت المغتربين 2

ان شاء الله ام الحلوين وكي توجد يوجد اسمها المهم تجي على خير وعافية وما تخافيش انا واش طلعت وواش هبطت وفي الاخير ثبثت على مريم رغم انو اختي الكبيرة اسمها مريم وحتى حماتي ما حبتش قاتلي علاش اختك وزدتي بنتك نفس الاسم
ياسمين مريم عندها شهرين و20 يوم وربي يرزقك حبوبة بالذرية الصالحة يا رب