بيت المغتربين 2

الحالة
مغلق ولا يسمح بالمزيد من الردود.
السلام عليكم جميعا
مرحبا بيكم في البيت الجديد لي رايحين نفتاتحوه قبيل شهر رمضان بلغنا الله و اياكم اياه
ان شاء الله يكون بيت عامر كي البيوت السابقة و منور باعضاءه
نتحدث و نجتمع على الخير لنكون اسرة واحدة نهون على بعض غربتنا و نناقش مشكالنا و نتقاسم افراحنا
اتفضلو هنا قعدتنا ​


do.php


do.php
 
آخر تعديل:
إضغط للتوسيع...
رد: بيت المغتربين 2

سلام لبنات
ياسمين منضنش لميس راهي في يدها ام الحلوين راهي لتحت اطل هههههه ربي يجبلها ساعة الخير وكل الحوامل وربي يرزق لراهم حبين في القريب العاجل
سميرة ربي يتقبل ادعينا حتى انا كنت حبا نصيم بصح الله غالب
البقية نشاء الله تكونو كامل بخير اسمحولي مرنيش ندخل بزاف بصح راني ندرب طلا مين داك وتفقد حوالكم
 
رد: بيت المغتربين 2

sirin wach raki m3a rahla sava thalay f rohak w nchalah tkamli w tastkari w twali m3ana w oum lhilwin raha ghi ki controleur hhhhh rabi yjibalha sa3a ta3 kher 3la bali l weekend w rakoum lahyine m3a wladkoum lmouhim tkounou bkher hadak houwa sah
 
رد: بيت المغتربين 2

يعطيكم الصحة البنات
ام امين اللوبيا فصاص تقدري تحتفظي بيها في الثلاجة حتى اسبوع
و الا في النجمد قد ما تقدري
انا جبتها معايا من البلاد و راهي في المجمد :p​
 
رد: بيت المغتربين 2

صباح النور على وجوه النور
البارح طليت عليكم في الليل بصح راه عندي وحد الميكرو تقولو فكرون راه يمشي حبيت نكتب رد قالي نتي مشي ماشي انا ههههه
المهم السبت خملت الدار مليح و غسلت الباب تاع برا و التاقة تاع الكوزينة من برا و العشية خرجت قضيت غير شوية و شريت لولادي حوايج ،و البارح ولادي قراو العربية و انا خرجت شريت تاني حوايج و تعشينا برا و دخلت
هذا هو الويكاند تاعي
 
رد: بيت المغتربين 2

نسيت البارح قريت واش كتبتو بقيت نضحك وحدي قلت خلاص راني عرفت نقطة ضعفكم لي نحبو نعاقبوها نهبطوها شهرين للبلاد تسكن مع ناس راجلها هههههههههه

راني غير نضحك ماتزعفوش مني ههههه

لبنات وينتا العيد ؟؟؟؟؟؟؟؟ زعما حبيت نصنع شوية قاطو ،البارح انا نقول يجي في 15بالاربعاء و راجلي يقول في 12 بالسبت
 
رد: بيت المغتربين 2

لبنات هذا واش شريت لولادي يوم السبت
جبتلكم التصاور من النت بسكو الكاميرا تاعي نسيتها في البلاد و مزال ماشريتش وحدة
هذي للبنت
do.php


و هذي للولد
do.php
 
رد: بيت المغتربين 2

بصحتهم وليداتك ام الحلوين ربي يعيشهملك و تفرحي بيهم كيما مفرحتهم
العيد ان شاء الله يوم الثلاثاء 15 اكتوبر 2013 كيما علنت المملكة العربية المتحدة و اكيد المسلمين كامل رايحين يعيدو نفس اليوم لانه فيه وقفة عرفة واحدة فقط يوم الاثنين 14 اكتوبر
ان شاء الله يلحقنا ليها ربي و نصوموها
و الحلويات في عيد الاضحى زعما يقولو ما تكتروش لانه كاين اللحم تاع العيد :)​
 
رد: بيت المغتربين 2

السلام عليكم ورحمة الله وبركاته


اهلاااا خياتي حبيباتي كل وحدة باسمها والله توحشتكم وتوحشت اللمة معاكم

ان شاء الله تكونو كااااااااامل بخير و اهلكم بخير


​
 
رد: بيت المغتربين 2

مرسي سميرة نخليها مالا في الثلاجة وخلاص
بصحتهم ام الحلوين وبشوي على روحك حنونة ما تعبيش بزاف روحكوالا ديري كيما انا اعملي البقلاوة والسمانة الجاية تولدي ههههه
صدقتي والله هاداك هو العقاب كلنا نخافو من دار العجوز تقولي مدايرلنا الغول ههههه
 
رد: بيت المغتربين 2

اختي سميرة عظم الله اجرك الله يرحمه و جعل مثواه الجنة يارب

اختي ام امين ولو جات متأخرة الف مبرووووك وربي يحفضلك مريومة المزيونة وتتربى في عزكم ان شاء الله
 
رد: بيت المغتربين 2

سميرة تعيشي حنونة ربي يخليك و يخليلك كتاكيتك
و القاطو قلت نصنع التشاراك بسكو ولادي يحبو تاع الثــــــكر ههه و نزيد صابلي و بقلاوة و لا مقروض
ريمو صباح الورد و الياسمين يتوحشك الخير ان شاء الله
ام امين شفتي دار العجوز ولات دار الرهبة و الخوف ههه ،و القاطو نصنع شوية للعيد و بعد الولادة ان شاء الله نزيد نصنع اذا قدرت و نشري شوية
البارح شريت 2 كلغ سميد نروح نحمصهم نوجدهم طمينة
 
رد: بيت المغتربين 2

ختي ام الحلوين يعطيك الصحة على الشطارة و بصحتك الويكاند و بصحتهم ولادك الالعاب ربي يخليهملك يا رب
شفتي ام الخلوين قلنالك نقطة الضعف بلا ما نفيقو هههه و الله ما نزعف منك ختي كانش وحدة تزعف من ختها البنات حبيتكم بزاف و ربي عالم
غاية كي ولادك يقراو الغربية نستعرف بيك و العيد نهار الثلاثاء نشاالله
ختي سميرة ربي يبلغنا حنا وياك هاذيك االليلة المباركة
خنا تاني نديرو حلوى بصح غي نوع واحد باش نتقهواو برك ونتوما؟
ختي ريمو حنا رانا بخير نتمناو حتى نتي تكوني بخير
 
رد: بيت المغتربين 2

شفتو البنات دار العجوز راهي دايرتنا كوشمار
ام الحلوين نسيتيني و اللا واش ما راكيش تقيمي صح فيها و انا مقلقة عليك و نقول مالها ما بانتش ههههه راني نضحك معاك
ختي سميرة رغم انها جات متأخرة بصح و الله ما كان علابالي عظم الله اجرتكم ر ربي يبدل محبتو بالصبر
 
رد: بيت المغتربين 2

يعطيكم الصحة لبنات و جزاكم الله خيرا
ريمو مرحبا بيك من جديد ان شاء الله امورك كلها اوكيو الله الصباح و انت على بالي
ام امين بصح عسيها تعود تنبت و يخرج البرعم تاعها ادا مطولة عليها كونجليها ما يصرالها والو كنت رايحة نجبد تاعي نطيبها و من بعد قلت خليها شوي يبرد الحال :p​
 
رد: بيت المغتربين 2

يسلمكم خياتي , الحمدلله بخير و كل اموري تمام

حبيبتي سميرة والله ليك معزة وحدها ربي يحفظلك يالغالية و خياتي جاع نحبهم ومتشرفة بمعرفتك اختي ياس

ربي يهون علينا الغربة و يسهل امور كل واحد فينا ان شاء الله
 
رد: بيت المغتربين 2

ياسمين و الله مافهمت قصدك على واش نسيتك ؟؟
ريمو فكريني وين راكي متغربة ؟راكي عارفة خيتك و الذاكرة تاعها هههه
 
رد: بيت المغتربين 2

ريمو سمحيلي حنونة و الله غير راني ننسا بزاف سيرتو كي رحت هذي المرة للبلاد و جيت راني كي البهلولة تقولي جبت معايا مرض النسيان و جيت ههههه
 
رد: بيت المغتربين 2

هههههههههه السماح ختي تصرا عادي
غي سكتي على العطلة والله نفس الحالة انا نروح متوحشة البلاد و العايلة نرجع دايخة من العباد وتخمامهم

الحاجة المليحة هي فات عرس اختي مليح ربي يهنيها ان شاء الله
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top