زوجتي ... الله يهدي نساء أخر زمن

[♥♥سارة♥♥]

رد: زوجتي ... الله يهدي نساء أخر زمن

السلام عليك اخي الفاضل
رايي تحكي معاها و الى مسمعتلكش تغضب عليها حتى ترضى ولا مسمعتلكش دخل وحد من اهلك و واحد من اهلها بيناتكم و مايكونوش لوالدين كل واحد يجي مع ولده هدي راهي باينة
و على حساب مافهمت يبالي راهي خايفة تخليها و تبقى هي مرمي فالزنقة نت لازم طمنها بلي راك مغاديش تسمح فيها و ربي يوفقك ان شاء الله و تولي المياه الى مجاريها

 

[محبة زوجها]

رد: زوجتي ... الله يهدي نساء أخر زمن

يا اخي لا تتسرع و تفكر بالطلاق لانكم في بداية المشوار.كن معها صارما و تحدث اليها بجدية ربما تغير رايها.انت دير رايك و لا تحمل نفسك ما لا تقدر عليه.ربي يكون في عونك

 

[أم نورس]

رد: زوجتي ... الله يهدي نساء أخر زمن

Ya akhi rakoum fi bidaiat attri9 mazal mata3arfouch 3a9lyat ba3dakoum
Assbar 3la martak watfaham m3aha bal3a9lia ou matakhrabch darak biadak
Ou hatt fi rassak bali al3am alaoual ta3 azouaj daiman ss3ib assabr toumma assabr atla9 machi hall

 

[رنيم الصمت]

رد: زوجتي ... الله يهدي نساء أخر زمن

اولا نشكرك على الثقة و فتحتلنا قلبك وان شالله تلقى المساعدة
ثانيا راسي يقوللي هادي واحد يعمر فيها من اهلها او صديقاتها
فهمهالها... بللي داير كلش على جالها علاه تسمع للناس و تفسد حياتكم
و كيما قالت مينات كن صارم معاها شوي في بعض الامور
و حكاية الطلاق نحها من بالك قادر تسير امور اسرتك علاه تهرب ؟....
ان شالله ربي يزهي ايامكم ​

 

[omar.lakaf]

رد: زوجتي ... الله يهدي نساء أخر زمن

السلام عليكم
هده مشاكل عائلية عادة ماتكون السبب الرئيسي للطلاق ولهاد انصحك عدم التسرع في اتخاد قرار تندم عليه طوال حياتك اولا هو ايجاد طريقة مقنعة للتعامل مع مثل هده الامور التي تحدث مع اغلبية الزوجين استعمل دكائك كرجل ولاتنسى السن فهو عامل مؤثر جدا ثلاثة وعشرون سنة تعتبر صغيرة على فهم الواقع استعن بالله في كل المور والله المدبر المعين الله يصلح الامور انشاء الله تصلح امورك
​

 

[الجندية]

رد: زوجتي ... الله يهدي نساء أخر زمن

اخي الكريم ... نشكرك على الثقة اللي درتها فينا وافتحتلنا قلبك من كلامك واضحة طبة قلبك و قوة شخصيتك
وكما قلت للصبر حدود ولكن اخي انت المرأة هاذ تحبها لازم تدير المحال باش ما تتفارقوش
على رأيي المتواضع احكيلها في الموضوع هذا ثلاث مرات أربع خمس مايهمش المهم انت تدير اللي عليك
اخي الكريم وخاصة علاقتكم بنيت على الحب ماشي ساهل تتفارقو وانتوما في ريعان شبابكم وأول المشوار
هذا يا أخي وسوسة وكلام بنات لا غــير يقولولها زيري روحك معاه و حمري عينيك قوليله يكتب السكن على أسمك ... يآ أخي حالات عادية جدا سببها الغيرة وبين قوسين التحراش
انت حااااااول وحاااول و ان شاء الله يكون الوضع مليح لازم تفهم بلي انت انسان تحوس على مصلحة العائلة ماشي مصلحة شخصية ولازم زوجتك تتعلم شوية الايثار الصبر ثم الصبر أخي وربي يفرجها عليكم
​

 

[zagane]

رد: زوجتي ... الله يهدي نساء أخر زمن

السلام عليكم

هادي بداتك من الاول واستغلت حبك ليها وبدات تركب عليك من الاول والان راهي حابا دير فوقك البردعة وتركب -اسمحلي على هاد التعبير - لكن هادا لي يقولوه عندنا في معسكر
ادا تواسلت في تساهلاتك ستدلك الى ان تكره منك وتتركك
ادن من الان وقفها عند حدها مهما كانت النتيجة ادا كانت فعلا تحبك ولا تريد ان تفرط فيك فستغير من سلوكاتها وادا كانت لا تحبك راح تكون تعجل في النتيجة اللي رايحة تكون بعدما تدلك وتمرمدك وتسمح فيك
وهادا لا يمنع انك تعطيها حقوقها الواجبة شرعا
عيش نهار سردوك

 

[ليلى الشاوية]

رد: زوجتي ... الله يهدي نساء أخر زمن

:regards01:خويا لعزيز انا رايي تهدر معاها .ماعليش ادا مرة على مرة تمشي رايها.امبصح ماشي ديما.كاين حدود .الراجل في بلاصتو او لمرا في بلاصتها.او لمرا الي بعد 6اشهر تحب تبدل لا شومبر.هادي الشبعة الحلوفة الي ادير هكا.انا لا شومبر تاعي عندها 7 سنين السنة راح انبدلها.ادا قدر راجلي. اهدر معاها بشوية اعرف نقطة الضعف تاعها تمشيها كيما تحب .ربي يديم المحبة بيناتكم.:regards01:​

 

[ضحکَة خچڸ ღღ]

رد: زوجتي ... الله يهدي نساء أخر زمن

سلالام خويا
قبل كل شئ ندعي ربي يصبرك
ويهدي زوجتك ويبعد عليكم الشيطان
اخي قبل ما تفكر فالطلاق
دير في بالك بلي راهو ابغض الحلال عند الله

يا اخي الزوجة نتاعك ربي يهديها
بالاك انت المعاملة الطيبة نتاعك ليها
بانتلها كلي ضعف
تالمون انت حبيتها
صايي ما تقدرش ترفضلها اي طلب
مي يا اخي الكرييم
لاتكن يابسا فتكسر ولا رطبا فتعصر
يعني انت ما تخليش حبك الشديد ليها يوصلكم لهاد الدرجات
مرات صح دللها وراعيها ومرات اقسى عليها
ماشي قسوة كبيرة
مي باش ديرلك هيبة

وتاني لازم هي تراعي ظروفك لانو مش اي حاجة تتمناها المراة تلقاها عند الرجل او يقدر يديرهالها رجلها والعكس
سبحان الله يخي كل نفس والاستطاعة نتاعها
انا تبانلي تحكي معاها وتحاورها
وتبينلها وش عاجبك وش ماعاجبكش

وربي يسهل ليك خويا
ربي يهدينا

​

 

[ام أمينة]

رد: زوجتي ... الله يهدي نساء أخر زمن

اخي انصحك بالحوار اهدر معها و ناقش معها ممكن تفهمك و دير واش تقولها و ممكن تتوصلو لحل
لا تتسرع بالطلاق خليه الحل الاخير

 

[زهور96]

رد: زوجتي ... الله يهدي نساء أخر زمن

ربي يكون معاك

 

[ام العرائس]

رد: زوجتي ... الله يهدي نساء أخر زمن

خيا العزيز واعر بزاف باش نحكمو على عبد ما نعرفوش ظروفو اللي ربى فيها والا تجاربو اللي مر بيها تقدر تكون مرا مليحا بصح خائفة يصرالها كيما صرا بفلانة والا تتكلح كيما علانة. وتقدر تكون سفابا. المهتم العام لول ترع الزواج يكون صعيد بزاف ولو كان نحكيو مع مرتك ولا بلاك تعز بينا. أمور الحياة لها أوجه وزوايا ومين تدورها تتبدل. المهم تمهل وبشوي برك حاول تفهم نفسيتها وشوف. الطلاق ساهل الاستمرار هو اللي صعيب. الله يسعدكم

 

[حفيد هواري بومدين]

رد: زوجتي ... الله يهدي نساء أخر زمن

كاين زوج حوايج
الأولى يا هي طماعة وسامحني على العبارة لأنها تبقى بين قوسين مرت راجل
و الا التانية
انها عندها دخل نتعها اكتر منك مستصغرتك بمعني اخر تشوف فيك ضعيف حابة تفرض السيطرة نتعها

الحب عمرو ماكان هكا خويا الوهراني

 

[habibasirin]

رد: زوجتي ... الله يهدي نساء أخر زمن

لا تتسرع الى ابغض الحلال عند الله وحط في بالك بلي متحكمش على نجاح العلاقة الزوجية فاشلة اوناجحة الا بعد مرور عام ومن هدرتك تقول هي متفهمة فحاول دائما ان توعها عند الغلط و لا تكن ضعيف الشخصية امامها لانها ستتمرد اكثر

 

[رهف سعد]

رد: زوجتي ... الله يهدي نساء أخر زمن

انا نقول اضرب المدام تعاملك با احترااام

 

[mohamed_touil]

رد: زوجتي ... الله يهدي نساء أخر زمن

Ana Adon annaha machi afkar dialha ; bessah wech nkollak hna yji l'intelligence ; kayan hale et sure kayan we machi tlak ;

 

[salah.f]

رد: زوجتي ... الله يهدي نساء أخر زمن

لم امر بهدا النوع من المشاكل اي ليست لي خبرة لكن الي النصحك بيه شوف ناس كبار وفاهمين صح تقدر حتى تطلب النصيحة من باباك ربي يقدرك اخي و يهديها

 

[serinee]

رد: زوجتي ... الله يهدي نساء أخر زمن

السلام عليكم
اولا حياتكم الزوجية هداوين بدات
و زيد خويا مدام راك تشوف في زوجتك هكدا
انت حاول تفرض رايك عليها
لانها ممكن والفت رايها هو لي يمشي
او ممكن جدا كي قلت في الاول تتقبل افكاري و ممبعد تتغير ممكن جدا كي تحكي لاهلها يبدلولها رايها
حاول تحل الموضوع بعقلانية الطلاق مش حل
ربي يسرلك امورك
​

 

[ريح الورد]

رد: زوجتي ... الله يهدي نساء أخر زمن

السلام عليكم
الرجل لا يتحدث عن اسرار بيته ومشاكله للملأ
تقيل مروري

 

[علي الفاضلي]

رد: زوجتي ... الله يهدي نساء أخر زمن

النصيحة الاولى ....حاول الا تنجب منها ....والفاهم يفهم.

ثانيا : هذه امراة في ظاهرها حسب ما ذكرت طماعة استغلالية ، وشخصيتها قوية.

ثالثا : حبك لها جعلك صاحب شخصية ضعيفة فاستغلت ذلك.

رابعا : ان لم تتغير بعد الحوار والنقاش ..وقد قلت انها ماكرة لعوب.. فاحزم امرك ولا تلبي لها طلبا.

خامسا : هددها بالطلاق ان بقيت على اعوجاجها .

سادسا : نفذ الطلاق ان لم تستقم ... ولا تتردد ولا تندم ...فالنساء كثر والحمد لله والكثير منهن طيبات راصيات

باقل القليل مما وفرت لهذه الاخيرة التي لم تشكر ولم تصبر .

قالوا عيش وحدك ولا صاحب اعور-العقل والفكر-.

كان الله في عونك.