جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

شوصون لساميل كوين​

لعجينة : 2 كيسان فرينة + م ص ونصف خميرة الخبز+ ملعقتين كبيرتين حليب غبرة+ ملعقة صعيرة سكر+بيضة
حطي النواشف مع بعض وضيفي فوقهم البيضة المخلوطة مع الخميرة واعجبني جيدا بالحليب الفاتر
حطيها تطلع ساعة تقريبا
ومن بعد حلي بالفرينة وقطعي دوائر
وحطي الحشو اللي هو : جبن (انا درت جبن بدون ملح ) + بيضة مسلوق ومرحية+ دجاج طيبتو مفور مع البطاطا + دبشة ولا معدنوس + القليل من الكسبر
وغلقي الدائرة واقفليها بفرشيطة باش تتحكم مليح
ولوحيها في الفور
البلاطو تاعك ديري عليه الفرينة باش مايلصقوش
ومبعد كي يطيبو من تحت
ادهنيهم بالحليب كان حبيتي من فوق باش يحمارو
وشعليلهم من فوق
وشهية طيبة

 

[rose09000]

رد: جميع وصفات عضوات ماذا ستطبخين اليوم سيدتي

سوفلي لشهرازد​

درتو بعجينة العشر دقائق
1كاس فرينة
كاس ماء دافي
2مك سكر
1م خميرة
1ك لحظة
تخليهم 10 د
ممبعد ضيفي 3م زيت وفرينة وملح
وكاين عجينة اخرى نديرها تاني جي مليح بزاف كي نلقاها نعطيهالك
والحشو
درت صوص طوماط زيتون جاج فلفل اخضر
فروماج
مليح تحليه بياان لانو هاد لعجينة بالخف تخمر فالفور

 

[rose09000]

رد: جميع وصفات عضوات ماذا ستطبخين اليوم سيدتي

بيتزا لعفاف الجزائرية​

تديري كاس فرينة وكاس ماء دافي ومغرفة كبيرة خميرة و2 مغارف صغار سكر وملح وتخلطي تجيك جارية تخليها تخمر وبعد 10 دقائق تبداي تهبطي فيها تزيديلها 3 مغارف زيت وتشيحي بالفرينة وتخليها تخمر شوي وتستعمليها كيما تحبي

 

[rose09000]

رد: جميع وصفات عضوات ماذا ستطبخين اليوم سيدتي

بيتزا لندى242008​

العجينة
كاس فرينة وكاس ما فاتر و مغرف كبيرة سكر ومغرف كبيرة خميرة
خلطيهم مليح بالخلاط اليدوي ومن بعد زيدي زوج مغارف زيت وضيفي الفرينة وشة ملح بالتدريج حتان تتحصلي على عجينة طرية تتلاصق شوية حطيها في صحن مرشوش بالفرينة وغطيها بساشي وخليها تخمر مليح

لاصوص تاع الطماطم
رابي سنة ثوم وربع حبة بصل وقليهم في شوية زيت وضيفي طماطم مرحية حبتين ومغرف صغيرة طماطم معلية مع رشة زعتر صغيرة جدا على رؤوس الاصابع وملح وفلفل اكحل وخليها على نار هادئة حتان تخثار وطفي عليها

في هذه الاثناء تكون العجينة خمرت
شعلي الكوشة على نار عالية 200 درجة الى 220
حلي العجينة ورشي الفرينة على البلاطو
حلي العجينة بسمك رفيع حوالي نصف سنتيمتر
ديري فوقها لاصوص امسحي برك بلا ماتكثري
حطي فوقها الزيتون والفرماج ولا واش عندك في الدار
ودخليها للفور وهو سخون بلا ماتحلي
بعد 8 الى 10 دقائق طلي عليها وهزيها بالسكين اذا طابت من تحت خرجيها
واقسميها وكوليها وهي سخونة وادعيلي ههههه

 

[rose09000]

رد: جميع وصفات عضوات ماذا ستطبخين اليوم سيدتي

الكروكات لعفاف الجزائرية​

شوفي حطيت الروز العادي نتاع لميزان في كوكوت درت مكيال بمكيال ونص
يعني مكيال روز بمكيال ونص ماء
شوي ملح وزيت وسنات ثوم وغلت عليه لاكوكوت وخليتو طاب طوووول وخثار مع بعضو
ايا مباعد نحيتو وحطيتو في مصفاة يقطر كشما بقى فيه شوي ماء
وفتت صدر دجاج خلطتو معاه بعد ما قطر
قطعتلو المعدنوس ربطة وملح وفلفل لكحل ومرستو بيديا وخلطتو مع الجاج
درتلو بيضة و4 مغارف شابلير وعجنتهم مع بعضاهم
ايا درت كمشة في يدي وفتحتها في الوسط حطيت فيها الفرماج ودرتها كيما تشوفي الشكل
مررتها في البيض وبعدها لاشابلير وحطيه يتقلى ماش على نار هادية باه ما يتفتتش ديريلو النار قاوية وقلبيه كل مرة باه يجيك ذهبي
وقدميه مع لي صوص بلونش زيتو جلبانة بطاطا شومبينيو كيما تحبي
ولا تحبيه وحدو مع سلايط
ولا صوص طوماط

 

[rose09000]

رد: جميع وصفات عضوات ماذا ستطبخين اليوم سيدتي

تارت سامبل تع
ЯέКîά Яồมkà​

شوفي هي وصفة نتآع جينوآز،،
عبر فيه،
4 بيض، 150غ سكر، 150غ فرينة، 1 خمآرة، 1 لفآني،
تخلطي البيض والسكر مليييح مليح مدة وحد 5د و من جهة اخرى خلطي الفرينة والخمارة ولافآني مع بعض وضيفيهم للخليط غير بالشوية يعني بالصفاية وخلطي غير بالملعقة
انا هنآ عملت عبر ونص باسكو المول عندي شوية كبير
اذا ضاعفتي العبر توجور خلي 1 خمارة
واذا درتي الكآكآو بقدر ما ديريه نقصي من الفرينة

 

[rose09000]

رد: جميع وصفات عضوات ماذا ستطبخين اليوم سيدتي

الكسرة لأم أماني​

درت كيلة فرينة وكيلة دقيق +م ك سكر+م ك خميرة وجمعتهم بالماء والباقي تعرفوه

 

[rose09000]

رد: جميع وصفات عضوات ماذا ستطبخين اليوم سيدتي

كعك النقاش لأم أماني​

3كيلات فرينة+كيلة معمرة ثلاثة ارباع سمن ذايب وبارد والباقي زيت+صفار بيضة+3 م ك حليب مجفف+نصف كيلة سكر رطب ونلم بماء الزهر كيما التشاراك بدون عجن باه يجي يذوب في الفم
ابسطي بالحلال كيما الكعيكعات ضعي حربوش من الغرس ولفي دورة ونصف وقطعي ثم الصقي الطرفين ونقشي وممكن تعمليهم على شكل هلال تعملي كويرات مثل حبة الجوز تبسطيها بيدكوتحطي الحشو وتغلقي وتتنقشي هنا عملت قبل

 

[rose09000]

رد: جميع وصفات عضوات ماذا ستطبخين اليوم سيدتي

المونشتو بالجاج لإبتسام​

تجيبي حاجة واسعة باش تخلطي فيها
بسينة مثلا تحطي المانشتو مع البطاطة والدجاج وتضيفي الموطارك والكاتشاب والملح والفلفل اكحل والثوم 3سنينات والزيت الزيتون وكاس شاي ماء من الكيسان الصغار وتخلطي كل شئ
تجيبي المول تاع الفرن تحطي المونشتو فوقها البطاطة وفي الاخير طراف تاع الجاج تغطي بالالمنيوم لمدة ساعة تقريبا من بعد انزعي الالمنيوم
خلي يحمار شوية الدجاج وخرجيها

 

[rose09000]

رد: جميع وصفات عضوات ماذا ستطبخين اليوم سيدتي

لاسوب تع البطاطة لكوثر الواهرنية​

احكمي اربعة حبات بطاطا و زوج بصلات و ربطة كرافس بصح غير الاوراق العيدان لا نضفيهم مليح قشري البطاطا و البصل قطعيهم على اربعة و ديريهم في كوكوط و حطي قليل من الملح و واحد جومبوا دجاج ادا كان عندك صدر جاج ديريه ادا مكانش ماعليش و قليل من الفلفل الاسود و مرقي بالماء الكافي باش يطيبوا و غلقي و من بعد كي يطيبوا ارحي الكل بالميكسار و ضيفي طرف فرماج شاف و قطعة زبدة و ميكسي مليح رديها تغلي غلية ولا زوج و قدميها

 

[rose09000]

رد: جميع وصفات عضوات ماذا ستطبخين اليوم سيدتي

كيك رخامي لفلوسة​

المقادير
3 بيضات
60 زبدة طرية
اربع مغارف كاكاو
طبلات شكولا للقناش
1 خميرة
150 غ فرينة
رشة ملح
كاس ونصف سكر

التحضير

نفصل الصفار عن البياض نخفق الزبدة مع السكر حتى تتحصلي على كريمة ثم نضيف صفار ثلاث بيضات ونخلط ثم تضيفى الفانى والفرينة والخميرة تخلطي جيدا
منجهة اخرى نضرب البياض مليح مع \رة ملح حتى يصبح كالثلج ونضيفو للخليط الاول وتخلطى باشوية حتى يصبح الخليط متجانس
نقسم ه\ا الخليط لزوج واحد نضيفلو الكاكاو والقسم الثانى يبقى ابيض

تتدهنى المول بازبدة وشية فرينة وتصبي الخليط بالتناوب مرة الابيض مرة الاسود الي بالكاكاو
وتحطيه في الفور

بعد ما يطيب درت قناش شكولا ت\وبي شوية شكولا وتضيفيلها شوية كرام ليكيد او زبدة

 

[rose09000]

رد: جميع وصفات عضوات ماذا ستطبخين اليوم سيدتي

بيتزا بطريقة جديدة لكوثر الواهرنية​

عبارة عن عجينة العشرة دقائق و الحشوة بصلة مقطعة قطع صغار تقليها مليح فالزيت و ديري طماطم مرحية و ملح فلفل اسود و و طماطم نتاع الباطة تخليهم يطيبوا تزيدي عليهم اللحم المرحي و تخليه يطيب لاصوص تكون خاثرة تزيدي زيتون مقطع روندال لازم تنشفي لاصوص مليح
تقلي البطاطة
تورقي العجينة تحطيها في السينية و تحطي نصف لاصوص و تحطي فوقها الفريت و قطع من الفرماج و تزيدي فوقهم لاصوص و تورقي عجينة اخرى و تقطعيها شرائط و تزيني من الفوق و تدهني بالبيض و تعمري الفراغات بالفرماج رابي و تدخليها الفرن حتى تحمار​

 

[rose09000]

رد: جميع وصفات عضوات ماذا ستطبخين اليوم سيدتي

القطايف لندى242008​

تحليها مليح ومن بعد تحطي فوقها سمن ذايب وتدخليه مليح في القطايف وتفرشيها في المول وتضغطي ومن بعد الحشو ومن فوق تزيدي نصف الكمية تاع القطايف وترشي شوية سمن وتدخليها تطيب حتان تحمار ومن بعد تسقيها بعسل مخفف بما الزهر وتخليها تشرب مليح
نتي قلتي تتفتت ممكن ماهيش طايبةمليح من داخل قصدي تحمار من فوق ومن داخل تبقى نية .. حاولي تسخني الفور مليح قبل ماتدخليها وتطيبها على درجة 180 وفي نص الطياب تدوريها باش تطيب بالتساوي وتشعليها من فوق باش تحمار
او ممكن راكي ماتسقيهاش مليح بالعسل على هذيك تجيك ناشفة
وخليها تشرب مليح يعني ليلة كاملة ولا نهار باش كي تقسميها تبقى محافظة على شكلها

 

[rose09000]

رد: جميع وصفات عضوات ماذا ستطبخين اليوم سيدتي

لامونا تع
ЯέКîά Яồมkà


​

1 كغ فرينة
Bol de sucre
Bol d'huile
2 خمارة + 2 فآني
قشور الليمون
تلميهآ بالمآء دآفي او فآتر كيمآ مين تعملي الخبز
وبعدهآ كيمآ تحبي تعمليهآ خبزآت كبآر ولا صغآر مآم تقدري ديري الشوكولآ في الوسط
و تخليهآ تخمر كي تطلع دخليهآ للفرن طيب

لامونا لكوثر الواهرنية​

كاس حليب دافي مع كاس ماء دافي مع كاس ماء زهر دافي مع زوج بيضات مع كاس و نص سكر مع مغرف خمارة نتاع الخباز مع وحدة خميرة الحلوة و كاس زيت و مبشور الليمون و مبشور البرتقال ضربيهم مليح بالفوي و اضيفي الفرينة حتى تتحصلي على عجينة تكون طرية متنشفيهاش غطيها و خليها تخمر و كي تخمر نزليها و عاودي غطيها و خليها تخمر و كي تخمر دهني سنيوات نتاع بالزيت و رشيهم بالفرينة و شمخي يديك بالزيت و شكلي كويرات متوسطين حطيهم في السينية و غطيهم يخليهم يخمروا شعلي الفور نتاعك و كي تخمر ادهنيها بالبيض مع قليل من الحليب و قطرات من ماء زهر ضربيهم مليح و طلي لامونة و رشي بالسكر من فوق و دخليهم الفرن يكون سخون جدا و كي يطيب من تحت شعلي من فوق خليها تبرد و رفديها و باش تطولك متيبسش حطيها في ساشية نتاع بلاستيك

 

[rose09000]

رد: جميع وصفات عضوات ماذا ستطبخين اليوم سيدتي

غراتان خضر لإيمان27

احكمى بطاطا وبسباس قطعيهم بطول ودريلهم لزبيس ملح فلفل اسود شوية عكرى وزيت زيتون وشوية راس الحنوت ودرى هم فى بلا تاع فور ودرى حوالى كاس ماء معاه وغلقيه بالمنيوم ودخليه للفور يطيب
كى يكون كاب حضري فى صحن طون تاع زيت وبيض ومعدنوس وملح وفلفل اسود وخلطيهم وفرغيه فوق بطاطا وبسباس وحطى فوقو فرماج وعاودى رجعيه يطيب ويحمار
​

 

[rose09000]

رد: جميع وصفات عضوات ماذا ستطبخين اليوم سيدتي

عجينة بقلاوة لشهرازد

مقادير العجينة
4 كيلات فرينة وكيلة سمن تلميهم بالماء الزهر والماء وتعجني وتخليها ترتاح
​

 

[rose09000]

رد: جميع وصفات عضوات ماذا ستطبخين اليوم سيدتي

غراتان شفلور لإبتسام​

شفلور تقطعيه قطع صغيرة والبطاطة ايضا تفورها في شوية ملح وفلفل اسود
تحطيهم في المول تاع الفرن
تخلطي من جيهة الكريمة الثقيلة مع الفرماج رابي وهنا تحطي المعدنوس انا مضفتوش والبصل مقطعين صغير ودبليهم في الماء المغلي من بعد قطريهم وضفيهم مع سنة ثوم
لانو مايحبوهش في الدار مع فرماج مقطع تاني
درة فلفل اسود
وتدخليها الى الفرن الى ان تتشرب وتتحمر من فوق

 

[rose09000]

رد: جميع وصفات عضوات ماذا ستطبخين اليوم سيدتي

كيش تع الجاج لشهرازد​

العجينة
250غ فرينة
120غ مارغارين ..تبسسيهم
ملح
تلميهم بصفار بيضة وشوية ماء بارد 3م ك
الحشو انتي او واش تحبي انا درت بصل جاج فلفل اخضر زيتون وطماطم من الفوق للتزيين
طيبي العجينة ممبعد ديري فوقها الحشو وتخلطي 3 حبات بيض+3مك كرام فراش ادا مكاش ديري لحليب +1/2كاس حليب +فروماج رابي كثري وفرغيه على الحشو ورجعيه للفور

 

[rose09000]

رد: جميع وصفات عضوات ماذا ستطبخين اليوم سيدتي

الكروكي لأم سيراج​

6 بيضات+كاس سكر+كاس زيت+2 مغارف لحظة+2 خميرة+فرينة وفانيلاخلطي كل المكونات جيدا حتى تتحصلي على عجينة خفيفة وشكلي عصيات وادهني بصفار بيض+كاكاو ميزان ومرري الفرشيطة من فوق

السفنج لميمي53​

درت بول سميد+1/2 بول فرينة -ملعقة كبيرة خميرة الخبز-ملح-ولمدتها بالماء دافئ
عجنتها ومرة على مرة ندير الماء دافيء
نعجنها مليح ونخليها تخمر 1/2 ساعة ونقليهم وبصحة والراحة على قلبك حبيبتي

 

[rose09000]

رد: جميع وصفات عضوات ماذا ستطبخين اليوم سيدتي

تشيز كيك لبنت الجسور المعلقة​

ريحت البسكوي وذوبت الزبدة ورملت كلشي مع بعضاه ونبعد جبت مول حطيت الخيط بشكل متساوي في الصينيه تشيز كيك

ودخلتو للفور لمدة دقيقة من فوق ومن تحت وحطيتو على جنب

ومنبعد حطيت القشطه السائلة والحليب المحلى والفرماج كيري ولجيلاتين وخفقتهم
وصوبيت الخليط فوق البسكوي المرحي مع الزبدة ودخلتم للفريجيدار حتان برد وزيدت طليتها بمعجون حب الملوك