سلام عليكم اختي اسماء
اهلا شكون جات اهلا واش راكي احم احم على أساس مانيش نسقسيك عليك هههه
حبيت نسقسيك عن بعض أكلات كنتي تحظريهم في البيت لما كنت نسقسيك كيفاش عملتيهم تقوليلي سر المهنة بصح اليوم لازم تجاوبي عليهم::yahoo01:
هههههه لازم يكون سر هههه أول حاجة واش كنتي تعملي في صوص نتاع سباغتي ؟
أمم عادي بعض المكونات وكل مرة وكيف ( مالقيتي ماتسقسي هههه )
اوكي نفرم الطماطم وثوم مع بعض نقلهم ونفرم الفلفل جويا مع ملعقة طماطم توابل جمبو كمون فلفل اسود قسبر ملح وربع كأس تاي ماء ولما تقرب تتخثر نرمي زعيترة أو معدنوس وزيت زيتون وشهية طيبة
وتاني حاجة لاسوب نتاع الحوت كيفاش تعمليه ؟
أمم سوب
نفرم البصل والجزر والطماطم مع بعض ونقلهم مع قليل من الزيت ونصف كأس ارز
ومن بعد نقي السمك اللي عندي مثلا السردين وترمي نصف الكمية في القدر
ونقدرهم وتخليهم يغلو وباقي الكمية تتبع بجميع أنواع التوابل ماعدا القرفة ملح جمبو. مادابك نتاع الحوت ولما تطيب نحو السوب وترمي فيها الكمية المتبقية من السمك وتخليها حتى تتخثر ) على حساب واش تحبها خفيفة ولا ثقيلة
ملاحظة الارز ديريه باه يخثرلك السوب .
وعلاه مايجينيش كيما نتي ؟
سييها هاك واكيد راح تنجحلك
هههه باسكو نت مقلقا ههههه
وآخر حاجة صوص نتاع البيتزا واش المكونات نتاعو ؟
اممم. نورمالمو راكي عارفتها
سييتها شحال من خطرا معاك 
ام ماعليش
وكيفاش ينعمل؟
نفرمو البصل الطماطم الجزر ملح والزيت مع بعض
نضيفلهم الماء نخليهم يطيبو ومن بعد نرمي الرند الزعيترة الثوم فلفل اسود ولما يطيبو. نرحيهم ونخلي الصوص تتخثر هادي هي
مكترتش عليك ياك ::p
لا لا ماكثرتيش هههه تهلاي في روحك إقامة طيبة سلام:regards01:
