الشيفةsoumia hadj-ضيفة المطبخ اللماوي العدد الســآبع-

[Soumia hadj mohammed]

رد: الشيفةsoumia hadj-ضيفة المطبخ اللماوي العدد الســآبع-

كيراك اختي سمية
ان شاء الله راكي مليحة
بون
واشنو هي الاكلة التقليدية المشهورة عندكم في سعيدة؟
تقدري تطبخي اطباق غي الي تعرفيهم؟
وقتاش حرقتي طبخة؟

​

مرحبا مجددا بوردية خانوو
راني غاية الحمد لله واش يخصني مع اللمة الطيبة تعنا ونتي واش راكي

1-الاكلة التقليدية المشهورة في سعيدة يعملو الكسكس، الرقاق اللي هو معروف باسم الشخشوخة وأيضا يعملو الرفيس مع الشاي كش نهار ان شاء الله نعملو ونوضعو بالمنتدى ان شاء الله
2-لالا فبطبعي احب تعلم الكثير من الاطباق؛ لا أكتفي بما أعرف طهوه فحسب
3-ههه وقتاااش حرقت الطبخة ممممم صدقيني مشفيتش مي حرقت مرة طبخة هه هذا زمان

تفضلي حبيبتي

​

​

 

[آمِيْرَتُه]

رد: الشيفةsoumia hadj-ضيفة المطبخ اللماوي العدد الســآبع-

السلام عليك
مرحبا بالآخت سمية منورة الموضوع
الأسئلة :

واش الطبق المفضل لديك ؟
شحال كان في عمرك كي دخلتي للمبطخ ؟
نصيحة للمبتدئات في مجال الطبخ ؟

 

[Soumia hadj mohammed]

رد: الشيفةsoumia hadj-ضيفة المطبخ اللماوي العدد الســآبع-

سلام عليكـــي اختي Soumia hadj
ان شاءالله تكوني بخير؟؟
من كثرش عليكـ االأسئلـــة 3 فقـــط:
1-ماذا كنتي تودين طهيه عندما بزغتي في تعلم الطبخ{عندما بداتي}؟
2-الأكلة اللمفضلة لديكـــ ؟
3-اذا جاتكـــ الأكلة مالحة واش ديريها انتي؟
نشالله من كونش ثقيلــــــة عليكـــ
الله يعنكــ وبالتوفق​

وعليكِ السلام ختي لينا اهلا بيك
الحمد لله في نعمة ، اتمنى انكِ بخير

1- اول ما وَدَدْتث طهيه عند بزوغي في تعلم الطبخ هو الكوسا محشي لانني من عشاق الطبخ السوري
2- الاكلة المفضلة لدي اللازانيا والشخشوخة وحريرة ماما
3- أذا جاتني الاكلة مالحة اما أضيف لها البطاطا أو الخبز لامتصاص الملوحة الزائدة
​

بالعكس سررت بوجودك
شكرا لك عزيزتي
تفضلي

 

[Soumia hadj mohammed]

رد: الشيفةsoumia hadj-ضيفة المطبخ اللماوي العدد الســآبع-

سيلفي مع الاحباب الموجودين

حالياً الأعضاء النشيطين الذين يشاهدون هذا الموضوع: 21 (3 عضو و 18 ضيف) ‏soumia hadj, ‏جيهان جوجو, ‏سكون الفجر+

 

[Soumia hadj mohammed]

رد: الشيفةsoumia hadj-ضيفة المطبخ اللماوي العدد الســآبع-

السلام عليكم
هاني رجعت حبوبتي سمسم
ممممم بنين لفراز ميرسي
واش هو المثوم؟ :s أعطيني المقادير و طريقت التحضير ببساطة :$
واش ديري كي قلك واحد على طبخك ماشي مليح ؟ مع انو انا متأكدة انو هاااااايل :love01:

وعليك السلام
ايييه الدار دارك ارجعي وقت ما تحبي راني وجدتلك وحد لي فراز مممم هايلين كيما انتي

1-المثوم على حدِّ معلوماتي البسيطة هو طبق تقليدي لناس العاصمة ويعملوه باللحم الغنمي او البقر اللي راح يقليو بيه الطاجين مع البصل والثوم والتوابل ويمرقو واللحم المرحي يضيفولو الثوم والتوابل ويعملوه كويرات ويطيب فالمرقة إذا كانت لديك إضافة سواءاً منكِ أو من الأخوات فلتتفضلن بالشرح مشكورات
أَمّا على طريقتي الخاصة درت المثوم تع الدجاج مع الفطر ستجدينها بالتفصيل في هذا الموضوع
>>>> طاجين بكويرات الدجاج ما شاء الله <<<<

وهاذو عملتهم بنفس الطريقة اللي حطيتها

2- ههه واش ندير اذا قالولي طبخك ماشي مليح ،اذا كنت متاكدة من ان طبخي لذيذ هذا يكفيني حتى لا يحدث لي احراج فالاذواق عند الناس تختلف يعني اذا ماعجباتوش نحاول نغير فيها و الا منزيدش نطبخهالو :thumb_up02:

​

تفضلي

​

 

[سكون الفجر]

رد: الشيفةsoumia hadj-ضيفة المطبخ اللماوي العدد الســآبع-

الله الله خير من إخترتم والله
أهلاً فيكِ حبيبة قلبي، فرحت وقت شفتك على كرسي الضيافة
نعم فأنتِ تملكين موهبة ما شاء الله عليكِ، يعني اللي بعمرك هلأ ما بيدخلوا المطبخ الا للصراخ، نحن جائعووون
الله يسعدك وينورلك دربك ويهنيكِ يارب
أسئلتي لكِ يا حلوتي هي ...
هل تحبي طهوا الأطعمة الحلوة أم المالحة؟!
هل تهتمين بشكل الطبق قبل تقديمه؟
هل سبق وطهوتي أكل لعزومة؟ وما الذي قدمته حينها؟

جزاكِ الله خيراً عزيزتي وربي يتمم لك كل خير على خير ان شاء الله

​

 

[Soumia hadj mohammed]

رد: الشيفةsoumia hadj-ضيفة المطبخ اللماوي العدد الســآبع-

السلام عليك
مرحبا بالآخت سمية منورة الموضوع
الأسئلة :

واش الطبق المفضل لديك ؟
شحال كان في عمرك كي دخلتي للمبطخ ؟
نصيحة للمبتدئات في مجال الطبخ ؟

وعليك السلام ،أهلا بالغالية
الله ينورك اختي اميرة بارك الله فيك حبيبتي
​

1- الطبق المفضل لدي هو اللازانيا والشخشوخة وحريرة أمي
2- كنت صغيرة لازلت بالابتدائي لكن بشكل كبير في سن 14
3-نصيحتي :
* أنْ لا ينسوا في بادىء عملهن بسم الله و التوكل على الله
* أن يحبوا الشيء الذي يقمن به
* الاعتماد على الوصفات الاجنبية في الحلويات ويحترمن المقادير عليهن الوزن بالضبط وطريقة التحضير
* المطلوع أو خبز الدار ومثله من العجائن مثل المحاجب، الرقاق ،المسمن كلها تتطلب الدلك الجيد براحة اليد حتى الوصول الى سماع * الفرقعات وتكون العجينة ليينة وتظهر عليها بعض الفقعات /احيانا المطلوع بالفرينة وحدها لا يتطلب الكثير من العجن /
* عند طهو الكيكة لا تتسرعن في فتح الفرن عليها
* النصيحة المهمة ان كان لديكم في المنزل من يدخن فأكثري من استعمال الذرى في السلطة لأنّ التدخين يزيد من ضغط الدم ومن بين فوائد الذرى أنّه يعالج ضغط الدم المرتفع والله أعلم

يسرني وجودك أختي
تفضلي
rochers suisses

​

 

[Soumia hadj mohammed]

رد: الشيفةsoumia hadj-ضيفة المطبخ اللماوي العدد الســآبع-

الله الله خير من إخترتم والله
أهلاً فيكِ حبيبة قلبي، فرحت وقت شفتك على كرسي الضيافة
نعم فأنتِ تملكين موهبة ما شاء الله عليكِ، يعني اللي بعمرك هلأ ما بيدخلوا المطبخ الا للصراخ، نحن جائعووون
الله يسعدك وينورلك دربك ويهنيكِ يارب
أسئلتي لكِ يا حلوتي هي ...
هل تحبي طهوا الأطعمة الحلوة أم المالحة؟!
هل تهتمين بشكل الطبق قبل تقديمه؟
هل سبق وطهوتي أكل لعزومة؟ وما الذي قدمته حينها؟

جزاكِ الله خيراً عزيزتي وربي يتمم لك كل خير على خير ان شاء الله

​

الله الله أتت من تُضفي السرور زيادة على سروري معكن
اهلا ومرحبا ويا هلا وغلا بالغالية
آمين يارب بارك الله فيك
​

1- كنت أميل الى تحضير الحلويات أكثرمن الموالح ،لكن حاليا احب تحضير كلاهما
2- أكيد أهتم كثيرا بتقديم شكل الطبق
3- نعم سبق وطهوت لعزيمة ، قدمت الشوربة والطبق الرئيسي لوبيا خضراء وles crepes وسلطة الحشيش مع الارز بالمايونيز
مع الشاي قدمت البسبوسة والحنيفيات الصور ليست بجهازي حاليا
​

شكرا عزيزتي ربي يحفظك ويخليك
بارك الله فيك


تفضلي

 

[Soumia hadj mohammed]

رد: الشيفةsoumia hadj-ضيفة المطبخ اللماوي العدد الســآبع-

صباحكم مبارك يا طباخات
وينكم غبتو عليا

 

[Soumia hadj mohammed]

مدة سلق البيض

 

[بنقابي افتخر]

رد: الشيفةsoumia hadj-ضيفة المطبخ اللماوي العدد الســآبع-

السلام عليكم
اني جيت نهبلك شويا
امممممم
اولا شكون هي سمية. احكيلنا عليك
سمية و اكلها المفضل
سمية و اكلها المحروق. كيف تتصرف. ام لا تبالي وتترتما الاكلة ...
سمية واسوء اكلة جربتها وتتندم احد الساعة
سمية والكل الحلو​

اكتفي بهاذ القدر. لي عودة

 

[Soumia hadj mohammed]

رد: الشيفةsoumia hadj-ضيفة المطبخ اللماوي العدد الســآبع-

السلام عليكم
اني جيت نهبلك شويا
امممممم
اولا شكون هي سمية. احكيلنا عليك
سمية و اكلها المفضل
سمية و اكلها المحروق. كيف تتصرف. ام لا تبالي وتترتما الاكلة ...
سمية واسوء اكلة جربتها وتتندم احد الساعة
سمية والكل الحلو​

اكتفي بهاذ القدر. لي عودة

وعليك السلام
يا هلا يا هلا ومرحبا بالاخت الغالية وأخيرا نورتي ايتها الهرّاابة هههه
على العين والراس هبليني معليش المهم تكون معانا موجودة
ممم هذا سؤال طرحتيه وانا ثرثارة حسنا سأختصر

سمية فتاة بسيطة طموحة طيبة :$ بصح مع بزاف حوايج قاسيين عشتهم يجبروني نتصرف بعدم احترام طبعا مع من يستحق ذلك
منذ الطفولة نمى فيا حب الطبخ الخياطة والمغامرات

والرسم والنبتات ياااي و ملاحقة صغار الدجاج

وتربية الارانب أول أرنوبة كانت هدية من جدة جارتنا وواستقبلتها بفرح كبير ثم اخذت جزرة هههه وقمت بتقشيرها لاعطيها اياها فضحكت أمي وقالت لي لا داعي للتقشير هه اييه يا زمان البراءة :love01:
كنت صغيرة وكنا ذراري بنات الجيران نلعبو العرايس /البوبيات / ونا كنت الخياطة تعهم ههههه يجيبولي الكتان ونخيطلهم روبات جيبات سراول هههه يا ذاك الزمان الهايل :love01:
وفالمنزل اثناء القيلولة الكل نيام الا الزربوطة مفتحة العيون ونروح للمطبخ ونطلع فوق البوتاجي باه نجيب التوابل ونروح لوحد البلاصة نلعب فيها وندير روحي راني نقدم في حصة الطبخ هههه يا ذاك الزمان الرائع :love01:
كلما كانت أمي تصنع شيئا من الاكل اجلس مقابلة لها أتفرج عليها وادون براسي واطلبها بالتجريب فتترك لي دائما مثلا حبة المسمن الاخير وصغيرررة ههه تقولي هذي على حسابك ، ربي يحفظها
درست وتحصلت على شهادة تعليم الابتدائي ف 2006 ، المتوسط 2010 ، الباكالوريا 2013 ، الليسانس 2016 ولله الحمد
ولم تخلو حياتي إلا ويتخللها عالم الطبخ طبعا
كنت نحب نتلعم على النسا الكبار الاطباق التقليدية هه لومي هذا مزالني مسجلة فراسي بعض الاسماء اللي راح تعلمني الحوايج للي تتقنها وعجبوني فيها
كانت هذه بالاختصار الشديد

أكلي المفضل هو طبخ أمي وعمتي وطاطا الحاجة
نحب اللازانيا والشخشوخة وحريرة ماما نحب الاكل السوري
نحب بزاااااف السمك
أكلي المحروق ههه صح مرة حرقت طبخة مي ماشفيتش متى صدقا هه عندها بزاف ، بطبعي في المطبخ خاصة مع اعوامي الاولي كنت جد حريصة ومرافقة للطبخة حتى تنضج مكنتش نخليها وحدها ههه نعيش فالكوزينة مي مشي مليح ثاني هك دركا خففت نوقف وقت الحاجة
يا حسراه لوكان تتحرق أكيد ابالي واعض اصابعي اين كنت غائبة :-o:s آه تترما مممم نونو مش مليح دوكا حتى لو تتحرق ماراحش تتفحم كامل ، نحي اللي يصلح ولي تحرق نمدو للقطة واذا ماكلاتوش القطة نرميه الله غالب الانسان يسهى فبعض المرات

ههه يا لطييف اسوء اكلة ، كنت جربت لقيمات أم محمود هذيك ام محمود تع مسلسل جميل وهناء هههه شحال كانت تغير فيا كي تصنعهم وتعسلهم وتاكلهم
كي جربتها كان في عمري 15 سنة هكا وجبتها من وحد الدفتر تسلفتو على كنة جارتنا ههه هآىه يا زمان الزين :love01:
​

سمية والاكل الحلو ؟؟؟ كيفاش زعما الاكلات الحلوين
مزال ماعنديش خبرة أما اكان قصدك على الحلويات لاباس الحمد لله

بارك الله فيك أختي
سررت كثيـــرا بوجودك
ماسخيناش بيك كيما يقولو البشاشرة
عاودي زورينا

تفضلي
​

​

 

[Soumia hadj mohammed]

رد: الشيفةsoumia hadj-ضيفة المطبخ اللماوي العدد الســآبع-

اييييه قالك زعما عرضناها ضيفة
لبارح مجيتوش وليوم
معليه
جمعتكم مباركة
اسعدكم الله في الدارين

​

 

[الحلم الوردي]

رد: الشيفةsoumia hadj-ضيفة المطبخ اللماوي العدد الســآبع-

كل الشكر لكي اختي

استمتعنا كثيرا باستضاقتكي
ستعلن النتائج بعد قليل
​