اللهجات الجزائرية المتنوعة من الشرق الى الغرب الى الجنوب

[السلطانة]

هذاك هو خويا
و عليك سلام من عند ولاد نايل و ناس الجلفة و المسيلة و مسعد و بوسعادة والمجبارة و سلمانة و المعلبة و القاهرة و تعظميت و قطارة و ام العظام و سيدي بايزيد و دار الشيوخ و عين معبد و الشارف و المويلح و المليليحة .. و الفيض و عمورة و كل انحاء مناطق ولاد نايل و زيد ...وزيد ..الخ
ههه
بارك الله فيك

​

وعين الابل والبيرين وحاسي بحبح وحد الصحاري
والقهوة الخضرا وطعام النوايل ومطلوع النوايل لي اكتسبت تقاليدهم وعاداتهم
هههه

 

[السلطانة]

حويتشة مقلية في الزويتشة
راكي مطلوبة هنا
@الورد الأحمر

 

[الورد الأحمر]

حويتشة مقلية في الزويتشة
راكي مطلوبة هنا
@الورد الأحمر

هههه وناس سكيكدة وجهة سطورة والتاء تاعهم لي تروح للتشاء حوتشة تبقبق في الماء ههههههه ولي ما تفيقلوش بالتاء تاعو غير سجلو الهدرة وعاود اسمعها تلقى التشاء تقولك صحيت.

في سكيكدة عندنا كلمة ماها لي تعني لا تقريبا كامل الولايات نظن يقولو لا ولا نو احنا في سكيكدة نقولو ماها.

ناس جيجل جارتنا هوما لي يتحفوني باللهجة تاعهم وقت تجي خالة بابا عندنا للدار كنت نظل نعسلها في كلامها وهي تحكي بالكالي وكلتلك ووقت يسبقو الكلمة بحرف الحاء بعثتلي حالزيت ههه والله تعجبني كي نسمعها.

ناس عنابة يفخمو الكلمة بزاف: والله لوكان ما شفتو كنا رحنا فاها.

ناس قسنطينة والتاء والمتأتأة تاعهم يحننوها بزاف حتى تحسهم ينطقوها تسا ماشي تاء: gـلتسلك (قلتلك)

المهم الجزاير كبيرة بزاف وفيها بزاف ولايات وكل ولاية عندها لهجتها تقريبا متقاربة نوعا ما يبقى الاختلاف مرات في النطق من ناحية تفخيم الكلمة أو تحقيرها هههه.

مغسي @أم ياسمينdz ع العرضة هنا .

 

[السلطانة]

@الورد الأحمر

هههه تشا تشا تعجبني كي تهدرو بيها

وناس وهران واه واه نيشان
آمِيْرَتُه@ راكي معروضة هنا
​

 

[ام راس يابس]

ناس جيجل جارتنا هوما لي يتحفوني باللهجة تاعهم وقت تجي خالة بابا عندنا للدار كنت نظل نعسلها في كلامها وهي تحكي بالكالي وكلتلك

كنت حاسبة غير ناس غزوات لي يهدرو هكا

 

[آمِيْرَتُه]

@الورد الأحمر

هههه تشا تشا تعجبني كي تهدرو بيها

وناس وهران واه واه نيشان
آمِيْرَتُه@ راكي معروضة هنا
​

السلام عليك
راني جيت ههه واه نيشان قاتلي عجوزي قتلتني بواه نتاعك خخخخخ
تعجبني لهجة الشرق جهة عنابة سوق اهراس و تبسة و ناس قالمة تبان ليا هدرة وحدة مع عنابة
فكرتيني مرة رحنا لام البواقي و جارة خويا كل يوم تجي طل علينا تقول معليكش هههه كل يوم تقولنا معليكش و ماما مافهمة والو فيها حتى قاتلي مالها هذي معليكش معليكش شادرات لينا ههههه
حنا عندنا ماعليش يعني مافيها والو ههههه
الوحيدة لنفهم لكنتنا خويا يعيطلي غير المترجم ههه

 

[Hakan]

@hakim story
@habchisalaheddin
@"viola"
@،كارينا،

خاوتي لعزاز لهجتكم هي افضل لهجة مع تاع الشرق خاصة سوق اهراس
نحب هدرتكم بزاااااف
اتمسكو بلهجتكم و متغيروهاش و لا تعوجوها كي تخرجوا من ولا من لانو انتم متميزين بيها

خخخخ حسيت كي شقل {اني نكتب في اللهجة نتاعنا بين قوسين }
نيلسون مانديلا يحكي مع نتاع جنوب افريقيا ويقلهم تمسكو بالحرية خخخخ
ياي نورمال كل واحد يحكي باللهجة نتاعو مافيها حتى حاجة
المشكل كاين اللي يحشم بيها والمشكلة الاخرى كاين الناس اللي مريضة لوكان ما تحكيش بلسانو يضحك عليك
علابيها لواحد يحكي بواش تعلم من صغرو واكيد المعنى الدلالي نتاع الكلام هو ما يفهمه الطرفان
ربي يهنيك ختي ​

 

[Hakan]

وعين الابل والبيرين وحاسي بحبح وحد الصحاري
والقهوة الخضرا وطعام النوايل ومطلوع النوايل لي اكتسبت تقاليدهم وعاداتهم
هههه

ههههه ما تقوليليش تعرفي حد الصحاري برك هههه ياي الاصل نتاعي من ثم هههه
ظهرتي واعرة تعرفي الجلفة خير منا هههه​

 

[Hakan]

هههه وناس سكيكدة وجهة سطورة والتاء تاعهم لي تروح للتشاء حوتشة تبقبق في الماء ههههههه ولي ما تفيقلوش بالتاء تاعو غير سجلو الهدرة وعاود اسمعها تلقى التشاء تقولك صحيت.

في سكيكدة عندنا كلمة ماها لي تعني لا تقريبا كامل الولايات نظن يقولو لا ولا نو احنا في سكيكدة نقولو ماها.

ناس جيجل جارتنا هوما لي يتحفوني باللهجة تاعهم وقت تجي خالة بابا عندنا للدار كنت نظل نعسلها في كلامها وهي تحكي بالكالي وكلتلك ووقت يسبقو الكلمة بحرف الحاء بعثتلي حالزيت ههه والله تعجبني كي نسمعها.

ناس عنابة يفخمو الكلمة بزاف: والله لوكان ما شفتو كنا رحنا فاها.

ناس قسنطينة والتاء والمتأتأة تاعهم يحننوها بزاف حتى تحسهم ينطقوها تسا ماشي تاء: gـلتسلك (قلتلك)

المهم الجزاير كبيرة بزاف وفيها بزاف ولايات وكل ولاية عندها لهجتها تقريبا متقاربة نوعا ما يبقى الاختلاف مرات في النطق من ناحية تفخيم الكلمة أو تحقيرها هههه.

مغسي @أم ياسمينdz ع العرضة هنا .

حنا في العايلة نتاعي بالظبط
نقولو ماها كي نقولو لالا خخخخ وقيلا راني سكيكدي متخبي خخخ
مي على حساب علمي جدي قبل لا يجي للجلفة كانو ديجا ساكنين في الشرق من جهة تبسة والجوايه هذوك
بالاك سرقناهالكم مههه​

 

[Salah eddin]

وعين الابل والبيرين وحاسي بحبح وحد الصحاري
والقهوة الخضرا وطعام النوايل ومطلوع النوايل لي اكتسبت تقاليدهم وعاداتهم
هههه

و نسيتي فنجال الفرفوري

ههه
امالا راكي نايلية ضروك خلاص
هه
​

 

[Salah eddin]

@hakim story
@habchisalaheddin
@"viola"
@،كارينا،

خاوتي لعزاز لهجتكم هي افضل لهجة مع تاع الشرق خاصة سوق اهراس
نحب هدرتكم بزاااااف
اتمسكو بلهجتكم و متغيروهاش و لا تعوجوها كي تخرجوا من ولا من لانو انتم متميزين بيها

ههه
و الله عندك الحق يا اختي المدانية
ههه
الواحد لازم يتمسك بلهجته
و الحمد لله لحد الان رانا متمسكي بيها
كاين صح ناس يبلدو لهجتهم كي يروحو من بلادهم و الله يهديهم ..متحشمين ولا مانيش عارف
الله يجعلنا متمسكين بعاداتنا و تقاليدنا الحميدة
الله يحفظك و يجازيك من كل خير​

 

[Salah eddin]

حنا في العايلة نتاعي بالظبط
نقولو ماها كي نقولو لالا خخخخ وقيلا راني سكيكدي متخبي خخخ
مي على حساب علمي جدي قبل لا يجي للجلفة كانو ديجا ساكنين في الشرق من جهة تبسة والجوايه هذوك
بالاك سرقناهالكم مههه​

احبس احبس احبس
ههه
جدك من الشرق
امالا نايليتك مشكوك فيها
هههه
اواه يا خويا حكيم
اجري على روحك
ههه​

 

[Hakan]

احبس احبس احبس
ههه
جدك من الشرق
امالا نايليتك مشكوك فيها
هههه
اواه يا خويا حكيم
اجري على روحك
ههه​

هي اصلي ماهوش نايلي باه يكون في علمك
يعني اذا تعرف العروش مليح اصلي صحراوي من حدالصحاري ويقولولنا السحاري ​

 

[Salah eddin]

هي اصلي ماهوش نايلي باه يكون في علمك
يعني اذا تعرف العروش مليح اصلي صحراوي من حدالصحاري ويقولولنا السحاري ​

ايه نعرف العروش مليح مليح
ههه
و السحاري بالرغم انو ماهمش نوايل
بصح كاين ياسر عندنا في الجلفة و تلقاهم تقريبا في كل مناطق الجلفة ​

 

[الورد الأحمر]

حنا في العايلة نتاعي بالظبط
نقولو ماها كي نقولو لالا خخخخ وقيلا راني سكيكدي متخبي خخخ
مي على حساب علمي جدي قبل لا يجي للجلفة كانو ديجا ساكنين في الشرق من جهة تبسة والجوايه هذوك
بالاك سرقناهالكم مههه​

واقيلا جدك سكيكدي هارب من عندنا وتالع للجوايه تاعكم. ماها ماها رجعولنا الكلمة تاعنا سرقهالنا جدك .

قهوة للرايحين والجايين ع الموضوع راه حاكم مليح السينيال الكل داه ليه نقصلنا الديبي .

 

[فيتامين سي]

عمو سكاكر و اللهجات
مي نطيحلك المورال مجبتهاش 100% هع هع هع
اولا اولا اولا
اللهجة التلمسانية نضن حكيت بالغزاوتية ؟؟ صحبتي تحكي هكدا و رغم انا و هي جوارين في الاصل بصح منفهموش بزاف على بعضانا
دجا بين بلاصة و بلاصة يخصك ليكوغ باش تتعلم تحكي كيفهم و ادا سلكتها
لي نعرفهم كاين تلمسان وسط صحاب الالف آالي و أولتلو و كاين كالي و كلتلو و قالي و gالي
وهران جبتها نيشان 10/10
لي تعجبني باينة تاع وهران مي ماشي في كلش مي تحيا وهران :Love:
انا و كي نحكي هنا نجيهم بيزاغ واع واع حسيت روحي مديت اي لهجة و درك لي صحاباتي كل وحدة و مين وليت نحكي ب بزاف لهجات من كل بستان زهرة و ربي يجيب الخير
تفكرت خطرة مع خالي و نحكو كل كلمة عيب اخالي عيب اخالي هههههه عقدنا و يحكي بهدرة نبقو ماذا يقول اخ العرب و درك يأسوا منا عرفو جبنالهم هدرة جديدة مخلطة بين و بين فيها 48 ولاية :X3:

 

[الصحافية الساخرة]

هههههههههههههههههههههههههههههههههههههههههههههههههههههههههههههه الله يعطيك ضربة تضربك ههخخخه هذي دعوة سبيسيال من عندنا
يااك قلتلك متفضحناااش . تكربعلي ههههه عجبتني منيين جبتها ههههه يالوكان نهدرلك بهدرتي الخاصة بي كامل متفهمش ريح ترونكيل
ههههه كهوة هذي ماشي جهتي الحمد لله جهة الطاهير و القنار هههه انا بعيدة اما البحر والجماال والقاف لدي قااف
كشفت اسرار الولايات ههههه مجرم
راك عرفت تكتب اللهجة بصح متعرفش تجيبها نطقا مثل اصحابها :p
اه خويي دش هذا هكذا نطرح السؤال حنا "الجواجلة" افتخر بجيجليتي 21 سنة فيها وسأبور على ارضها ععههههه
شفت كيفاش هدرة الجواجلة مليحة وغير حنا نفهمو القبايلية وعندنا كلمات بالقبايلية أش رايك ؟ ههههه
انتم يذخل عندكم قبايلي تحيروا في امركم ههه تحوسو مترجمين تهههه , احنا تقولوا دش تحتاج يفطن هههههه
المهم نحيي كامل الولايات من الشرق للغرب وخااصة السطايفيية بكثرة نحبهمونحب لهجتهم باهية كما هوما اول ولاية ساذخلها هي "سطيف" باذن الله (كامل دارنا ذخلوها غير انا"
كذلك نحب لهجة ناس عنابة فووور فيها سرر متجيش باهية غير من اهلها تحية ليهم
@missing heart خيار الناس تعجبني هدرتكم اللي تشبه التونسية فوور تحية للي يهدر هكاك مي اختي نكره هدرة بعض المناطق عندكم تفشششل هذوك منحييهمش هههههه
خياار الناس كامل 48 ولاية باهية تحية ليكم , علموني شوية الجلفاوية ازقيوا للجلفاويين لي هنا هههه و @Malika Tlm خدعتينا ماكيش تهدري بلهجتك وانا كنت نحسبها باهية مي ماجبهاش سكر قلاص صحيحة خالطت تلمسانيات كامل ميهدروش هكا هههه وكلمة "دريوا" نقولوها حنا تان متخفيش ختك هنا تفهمكم هههه (علابلكم حنا نهدرو من كل ولاية شوية دينا كلشي هههه)
مرسي خويا @Skor m@k موضووع قنببلة ههههه
واخر كلمة : ساعتزلكم واصبح اتكلم اليابانية وحوسو شكون يترجمليكم هههههه

 

[فيتامين سي]

هههههه جيت نزيدك عمو سكاكر غزوات و جيجل توائم مختلفة يحكو تقريبا كيف كيف سبحان الله تقول جدهم واحد و قسمهم واحد حطه في الغرب و واحد في الشرق

 

[وائل ابن الجزائر]

سلامو خويا موضوعك خويا واسمحلي بالاضافة
وآدي سوف و ورقلــة
وقتاش تجي تديها فططتلنا رواحنا يا الزحي هههههههه
هات اربي طاس ميئ معطوووش عالاخر
ههههههههههه

 

[أم أُنٌَيسة]

هههههههههههههههههههههههههههههههههههههههههههههههههههههههههههههه الله يعطيك ضربة تضربك ههخخخه هذي دعوة سبيسيال من عندنا
يااك قلتلك متفضحناااش . تكربعلي ههههه عجبتني منيين جبتها ههههه يالوكان نهدرلك بهدرتي الخاصة بي كامل متفهمش ريح ترونكيل
ههههه كهوة هذي ماشي جهىتي الحمد لله جهة الطاهير و القنار هههه انا بعيدة اما البحر والجماال والقاف لدي قااف
كشفت اسرار الولايات ههههه مجرم
راك عرفت تكتب اللهجة بصح متعرفش تجيبها نطقا مثل اصحابها :p
اه خويي دش هذا هكذا نطرح السؤال حنا "الجواجلة" افتخر بجيجليتي 21 سنة فيها وسأبور على ارضها ععههههه
شفت كيفاش هدرة الجواجلة مليحة وغير حنا نفهمو القبايلية وعندنا كلمات بالقبايلية أش رايك ؟ ههههه
انتم يذخل عندكم قبايلي تحيروا في امركم ههه تحوسو مترجمين تهههه , احنا تقولوا دش تحتاج يفطن هههههه
المهم نحيي كامل الولايات من الشرق للغرب وخااصة السطايفيية بكثرة نحبهمونحب لهجتهم باهية كما هوما اول ولاية ساذخلها هي "سطيف" باذن الله (كامل دارنا ذخلوها غير انا"
كذلك نحب لهجة ناس عنابة فووور فيها سرر متجيش باهية غير من اهلها تحية ليهم
@missing heart خيار الناس تعجبني هدرتكم اللي تشبه التونسية فوور تحية للي يهدر هكاك مي اختي نكره هدرة بعض المناطق عندكم تفشششل هذوك منحييهمش هههههه
خياار الناس كامل 48 ولاية باهية تحية ليكم , علموني شوية الجلفاوية ازقيوا للجلفاويين لي هنا هههه و @Malika Tlm خدعتينا ماكيش تهدري بلهجتك وانا كنت نحسبها باهية مي ماجبهاش سكر قلاص صحيحة خالطت تلمسانيات كامل ميهدروش هكا هههه وكلمة "دريوا" نقولوها حنا تان متخفيش ختك هنا تفهمكم هههه (علابلكم حنا نهدرو من كل ولاية شوية دينا كلشي هههه)
مرسي خويا @Skor m@k موضووع قنببلة ههههه
واخر كلمة : ساعتزلكم واصبح اتكلم اليابانية وحوسو شكون يترجمليكم هههههه

ايه حتى هنا كاين اللي مايحبهاش
و السكيكدية الاصاية قليل وين تلقايها
نحكي كيما نحب ن من كل لهجة عندي كلمات
وكاين كلمات اخترعتهم وحدي
الله يعزك حبيبتي اتمنى تجي تزوريني ان شاء الله​