.. نَبَطٌٌيــــــــــــــــــــــ ــــــــــاتْ موح ..

Moha le sage · 21 ماي 2011

%D8%A7%D9%84%D8%A8%D8%B3%D9%85%D9%84%D8%A93.bmp

عشقي للشعر النبطي جعلني اطرح هذا الموضوع ..

هي صفحات أخصصها لكل الاشعار النبطية باختلاف نوعها ..

مدح ..غزل ..فخر ..الخ ..

كل مآ رآق لي ..سآتي به هنا ..

ربما اقتسم معي حب هته الاشعار .. بعض الاعضاء

تحياتـــــــــــــــــــــــــ ي

موح

Moha le sage · 21 ماي 2011

http://www.youtube.com/watch?v=oPgbOxVX8AQ

أنا لوأوزع على الناس أبتساماتـي ... ياميتين المشاعر ويش يحييها

حقك علي ماتدسم لي شنباتــي ... وفعايل الناس ماتشبه مباديها

والفرصه مواتيه والطاري مواتي ... والشعر حاجه تعنيني وأعنيها

لكن ماهو يعبر عن معاناتـــي ... ألا تعبر عن الدنيا ضواحيهـا

من تجربة ربع قرن عاشها ذاتي ... ماكل فرق يهز القلب طاريهـا

ولا تحرش هجوسي في بنياتـي ... تطابقت روس عجميها وياميها

والا أمبراطورك الخافق ومشهاتي ... تطربخ في بركة الخفاق رجليها

يا أول محطة غرام من محطاتي ... ليالي جمـــــعتني فيك يسقيهـا

أجيك وأنا كبيراتن طموحــــاتــي ... وأروح وأنا محبلـــــــــــها ومعطيها

وعليك قلبي ورا الأضلاع ماباتي ... ولا يقرب ديــــــــــــارك يوم أنويها

ان كان حبك من اسوا احتمالاتي ... كل احتمالات فيها سؤء لبيها

ياكود جمس ماتنافى المسافاتي ... ملكع بأول الـــــــــدنيا وتالــــيها

منحره لأقبل مع خشمه الطويلاتي ... منحر ذلـــول تزود بكبد راعيها

ومرايته دون كبوته عريضـــــــاتـي ... كفوف أمام مع دعــوها ويدعيها

ولهولي يبخ بلوفه بلــــــــــوفاتــي ... يولع الـــنار والا مايــــــــــطفيها

مابينه وبين اهل نجد عـــلاقاتي ... لاهيب تدانيه ولاهــــــوب يدانيها

وصوته لاريح بنمره عقب زكاتي ... تنهيدة اللي صدوق العشق كاويها

تناحي بالمحبه بالتـــناهاتـــي ... ولا لقت المــــــحبه من يناهيهـــــا

ورفارفه يوم يصـــفق بالمطباتي ... ردوف بنت من النعــــــمه تدربيها

لا ناطحه هــــــــــوا يبيته عاتــي ... خايف انه من الزود متــــقفيهـــا

ومساحتيــنه لاقامت تقبل وتاتـي ... أصبع عجوز كثيــــــرات دعاويها

عليها الأحياء تدخل جو الأمواتي ... وعليها الأموات مدري وين أوديها

الجكور أكبر عياله والبنياتـي ... اللكزس والبورش والبي أم وافـــــيها

أن قلت يا الجيب خاوه قال ما احاتي ... ماكل ديره يوالــــيها اواليهــا

يشرب فناجيلي ويكسر بيالاتـي ... يمد رجله عـــلى دربـــي ويثنيها

أن قلت يا الفورد قال الفورد سكاتي ... بعض الطواريق ماودك تناحيها

الجمس أبداع من كل أتجاهاتـي ... كنه قصيدتك ذيك اللي على أيها

مصدر من الفجيرة بأسم كرواتـي ... يدرس علوم الطبيعه في نواحيها

وشراه واحد سعودي من أماراتي ... وباعه على حـضرمي رايحن فيها

والحضرمي كل ماخزن من القاتي ... الحاجه اللي على باله يسويهـــا

لابغى يرهب كبار الحكوماتــي ... رجله على قطـــــعة الفرجه مضريها

والا خواطر خفوقي وآخر أبياتـي ... قصايدي كل أبيها قد ســــــمعتيــها

والله أني عشقت رضاك بالذاتــي ... مابه مساحه بقلبي ما مشيتيها

يانيلي العذب يا دجلاي يافراتــي ... ياديرة الحب شــــــــــارعها وكبريها

يا أبلغ قصيده عليها من حركاتـي ... تلتفت بالدهـــــشه لعيني قاريها

والى انتثر دمع عينك سوي سواتي ... قولي بكـــمك كذيه ثم مشيها

الحزن يوم المفارق عاملا ذاتي ... فطرة في الانسان ما يقدر يخليها

محمد بن الذيب

Moha le sage · 21 ماي 2011

http://www.youtube.com/watch?v=2nlAue7wEKU&feature=related

انكسرت من الفراق وشوف عينـي
شوف عيني وانت تدري بإنكساري

كـل مامديـت لوصالـك يمينـي
رحت تتجاهل يميني مـع يسـاري

حتى صرت اشوف جرحك في يديني
في يديني لجور صداتـك مـواري

حس فيها لا بلاهـا حـس فينـي
لا تعبرهـا لـكـن رد اعتـبـاري

وين مقفي جعل منـت بمنتوينـي
بالجفا والخوف وانـواع العـزاري

ياهلي يانصـف ربعـي ياخدينـي
ياموانـي غربتـي يـاروح داري

ياشموخـي ياانكشافـي يادفينـي
ياعلـوي يابقائـي يـا انحـداري

يابداياتـي يامائـي يااكسجيـنـي
يا اندثاري يا اعتدالـي يازدهـاري

يابـلادة حسـي وقمـة حنيـنـي
يا اختياري ..لا ياعشواء اختياري

اعشقك من عادني ف اول سنينـي
لين صرت اخذ مع نفسـي قـراري

من عرفتك وانت ثالـث والدينـي
واللجـوء اليـك يعنيلـك فـراري

ضمني خل الضرر بينـك وبينـي
الضرر من ضمتك شي اضطـراري

خل يدينك مـن الجـور اتحمينـي
من جمودي عيشني لين انصهاري

كـل ماضاقـت بعينـي يامعينـي
ابتسمت وصار لي ليلـي نهـاري

إفلا سكت تروح بالطيش اتحكينـي
رجعي بطبعك وبإسلوبك حضـاري

ماذبحنـي فيـك الا انـك تبينـي
وماسحرني الا حكـاك الاستعـاري

لا حكيت احـس بأشيـا تعترينـي
وينخشع قلبي وتطريلـي طـواري

اعشق حكيك واحفظـه ياضنينـي
حفظ بن تيميـه لحكـي البخـاري

ولا سكت احط يـدي فـي جبينـي
وارجـي الله مايطـول بإنتظـاري

ادري اني عندك واسألـك وينـي؟
داري(ن) لكـن ماكنـي بــداري

ليـن شيطانـي تلفـظ بكلمتينـي
ورحت مني ماتبي سمع اعتـذاري

لاتبكيـنـي وتـفـرح عاذليـنـي
لا تخسرني بعـد كبـر انتصـاري

لاتخلينـي بعـد فيضـة كنيـنـي
وانت خابرني على الوصل انتحاري

لا تـروح بروحتـك كـلٍ يجينـي
مانـي مكابـر ولا حتـى مـداري

انكسرت من الفراق وشوف عينـي
شوف عيني وانت تدري بإنكساري

سعد علوش

Moha le sage · 21 ماي 2011

(( لا تعتـــــذر ))

لا تعتــــــذر يا صاحبــي ولا تبيـن لــي خطـــاك
......... جرحك كبير ومابعد طابت جروحي الأوله

كـل مانـويت اسامحـك وجدد احــلامـي معـــــاك
.......... ترجعلي بجرحن جديد وحلم عمـري تقتلـه

أفنيت عمــري في عنـا كله لجـل بسمـة رضـاك
.......... وشفتك الحلم الغريب اللي اعـرفه واجهله

مليت مـن كثـر الجــروح ولا حصلي مـن وراك
........... إلا المتاعب والقهر وهمن عجزت اتحمله

سـافرت قلبي منكـسـر رحلت عـن دنيــا هــواك
...........وما بقى في خاطري ياكود بعـض الأسئله

ليه الوحيد اللي قضيت العمـر في حبـه نســـاك
........... ليــــه الزمن غير طباعه وبسهــوله حوله

ليه الهوى خانك عبث والهـــم في دربـه طواك
........... ليه الأمـل قـدام عينك وانت عاجــز توصله

سألت قلبـي ليـــه أنا ذليت نفسـي فـي رجـــاك
........... ولا لقيت إلا جــــواب ولازم إنـك تقبــــــله

أبيك تنسى لهفتي وتمحــي اسمــي من سمــاك
........... ون كــان عــذرك حبنا فلا يهمـــك وازهله

بطويه وانسى ما مضى وانسى معه لحظة لقاك
.......... وايامنا اللي مضت وجــروح قلبـي والوله

مـا عاد اطيــق اتحملك تعبت واتعبنـــي جفــاك
.......... دامك تعـذب خافقي وجرحي كـذا تستسهله

لــــذا نويت أوادعك يا صاحبـــي والله معـــاك
.......... ما عاد في دنيا الهوى بيني وبينك أي صله

خلاص ياقلبي كفـاك جروح ياقلبــي كفـــــــاك
.......... يمكـن تزيــن احـوالنا مع الليالــي المقبلــه

Moha le sage · 21 ماي 2011

>< ][...◄▓▒--> البــــــــرواز <--▒▓ ► ...][ >< ஐ๑

http://www.youtube.com/watch?v=yRKKihvXMnk&feature=player_embedded

بقات الايام ونصار للصورة برواز
وبين البشر لك صار شي يميزك

وركزتلك قفال الشواهيد مركاز
اثبت وحارب لجل تبقى مراكزك

طويق ماهزه مع الريح هزاز
ضليع عرضه من تواريخ ابروزك

والجايزة تعطى على قد الإنجاز
والحظ لا لقاك وجهه يبرزك

لو كنت ماتعتاز او كنت تعتاز
يجيك والعالم تشاهد ويفرزك

والناس تدري من تخسر ومن فاز
واعرف ترى في الناس شي يفوزك

..واعرف ترى في الناس هماز لماز
واعرف ترى في الناس من كان يحرزك

والسيف في جرابه وله وقت ينعاز
وما كل كلمة ثرثر بها تنرفزك

وبدل كثير الثرثرة بكثر الايجاز
واوزن كلامك لا يجي من يهزهزك

ياصاحبي ماينفع الكنز كناز
المخض محرزني ولا هو بمحرزك

ما ينفع العكاز مساك عكاز
ولا تعتمد دايم على من يعنزك

والشعر منطق حق واعجازه اعجاز
لترجمة موقف وتثبيت مركزك

واذا صدق ظني وحليت الألغاز
خليك على دربك وانا جيك وانجزك

محمد فراج السهلي

Moha le sage · 21 ماي 2011

°*..*° إذا قلت اقطع حبالك ... تراني باقطع حبالك // {#~ التمـــــــثال ~ # } °*..*°

http://www.youtube.com/watch?v=ioxjZnwXung&feature=player_embedded

عفى الله عن غدر الخناجر والضلوع أبطال
باسامح واتركك تحت الظلام الحالك لحالك

دخيلك وفر دموعك ترى هدر الدموع ذلال
وترى مافيه احد يصبر مثل صبري بغربالك

أنا عيب على انقض كلامي والرجال افعال
وإذا قلت اقطع حبالك تراني باقطع حبالك

عشان اكسب هدب عينك تجرعت العذاب أشكال
وليتك ترأف بحالي علشان ارأف بحالك

مسوي في حياتي شي مايذكر ولا ينقال
حشا حتى العدر وهو العدو مايعمل اعمالك

تمسيني على الهم وتصبحني على الغربال
تقلطني فناجيلك وتقصر عني دلالك

تحملت التعب لأجلك وأنا حملي يهد جبال
رحلت من العذاب وماوقفت الا على جالك

علامك كلما اجيك متواضع جيتني تختال
معاك اليا متى باصبر وصبري معك يحلى لك

مثل مااقبلت لعيونك لزوم تلد لي باقبال
ومثل ماقد حشمتك حس واحشم قلبي أشوالك

انا محد بجابرني أساير معك هالمنوال
ترى لأني تبيع لك ولاني بأصغر عيالك

أنا جيت اعشقك نبض ومشاعر ماأعشقك تمثال
انا جيت اسكنك واحياك وأبقى فيك وأبقى لك

أنا جيت بظمى عاشق تعب يطرد سراب اللال
أنا جيت استفز رضاك من فرقاك والجا لك

أن ماهمت بك عاقل انا كنت اعشقك بخبال
انا ماكنت احبك حي انا كنت أعشقك هالك

تخيل من كثر ماخاف تلقى للزعل مدخال
اخاف أخطي على طيفك وادوس برجلي ظلالك

تبعتك والعرب تتبع رعود البارق الهمال
وصرت أقرب جسد يمشي معك باقفال واقبالك

أبي قلبك يحس انه فقد بمحبته رجال
ملكته من هدب عين وخسرت ارضاه باهمالك

صحيح ان الفراق اقسى ولكن الوصال محال
وأنا صعب على ارضى غرورك واضعف قبالك

بعد ماحققت عيني في بعدك للرقاد امال
اعود للسهر.... يااخوي فال الله ولا فالك

ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك

با المك وانثرك واجمعك وارجع انثرك باهمال
با اخونك وازعلك وارضيك وازعل منك وارضى لك

ابا ارسم بالثرى وجهك وابا ادفن صورتك برمال
ابا اشكي للعرب فرقاك واضحك عند عذالك

ابا اهديك الوصال فراق واهديك الفراق وصال
باسوي مثل مااشوفك تسوى وافعل افعالك

عشان تعرف من فينا الزعول ومن وسيع البال
ابيك تذوق فنجالي وانا باذوق فنجالك

نصيحة واحتفظ فيها قصر معك الزمن او طال
أبي تسمع كلامي زين وتحطه على بالك

إذا حبك هبال أطفال لك عندي هبال أطفال
ولا وابشر بعد بهبال حب ماهو هبالك

وإذا قصدك تهين اسمي عشان تشمت العذال
حشا لا انته ولا غيرك ولا عشره من اشكالك

المبدع : حامد زيد

Moha le sage · 21 ماي 2011

~^^{~`°° فمان الجـرح لا والله ..// ... فمان احـــزاني الكُـبـرى/ °°`~ }^^~

http://www.youtube.com/watch?v=S9z6sjEy3No&feature=player_embedded

فمان الجـرح لا والله فمان احـــزاني الكُـبـرى
فمان اغـلى ثلاث سنيـن مِـتّ بْـها عشــان اعيش

فمان الحب واحـلام القلوب البيض والخضرا
فمان الآه مـن كثــر الزعـل والشـــوق والتطنيش

فمان عيونك اللي مالها بين العيون .. اُخرى
فمان غــرورك اللي علّـم الطاووس نفـْـش الريش

فمان عطورك اللي تسكن انفاسي وبالأحـرى
فمان انفاسك اللي تسكـن عطـوري ومدري ليش؟

فمان الليل واحضان الدفــا ومصافح القمـرا
فمان البــاب والشبّـاك يــوم اواعـــدك .. ونطيش

فمان التوت والرمــان واحلى فاكهــه حمـرا
فمان الضحكه اللي كنّـها مـن مبسمك .. بخشيش

فمان غيابك اللي ما ترك لمْواصلك .. بُشرى
فمان الشـك وظنــون الخطــأ والكـذب والتشويش

فمان العيد .. كنـّي به يجيني وحالتي تزرى
يطبْطبْ فوق أكتـافي حزن ويقــولَ لِي "معْـليش"

فمان الجوع واحساس العطش ومفارقك صحرا
تعبــت افتـّــش ْلواحاتـــها .. واضـنــاني التفتيش

فمان ضلوع مكتـوب ٍعلى أنحاءها اليُسرى
"هُــنا توجـد جـروحي" لو تكــرّمتي: بـلا تنبيش

فمان دموع لا تـُسمن ولا تُغني من الذكـرى
وانا اللي ماقدرت اطلع من اجوائي معك بشويش

فمان الشـارع اللي كلّما جيـته .. وانا أقــرا
معانـاتي من اوّل يــوم فـي وصـلك إلى التهميش

فمان الشاعر اللي يجمع بتجربْـته الصغرى
فكر بــدْر .. ورومانسيّة نزار .. وفلسفة درويش

فمان العاشق المجني عليه .. بتسلية عذرا
من اوّل "بعشقـك" حتى نهايـة "ما تصبّرنيش"

فمان الخوف ويدينك جنود وأضلعي أسرى
وانا فينـي مــن الإحبــاط ما يكفي هزيمــة جيش

فمان اشيــاء ما تنقــال للعالم .. ولا تــطرى
ممـالك حـب .. دمّـرها اللعب وسْياسـة التطفيش

فمان الإيش؟ ما أدري ولكنّ الزمان ادرى
وانا اللي ضاع ما يدري حبيبه ضيّـعه لجل ايش؟

فمان الله ياقلبـي مع انّــك جــرح ما يبــرا
كتب ربّي عليّ اعيش من دونك وانا ما اعيش

محمد الشهــري

Moha le sage · 21 ماي 2011

ܔ҉ܔ لحضة وداااااااااااااااع ܔ҉ܔ

طغى وجه الظلام ولا بقا وسط المدايـن نـور
آبطوي طاري وصالك وافل لبعـدك شراعـي

تعبت اسأل متى اشوفك وامد من الحنين جسور
تعبت اسامر طيوفك وانـا واعـي ولا واعـي

تعبت افتح شبابيك الولـه للموعـد المهجـور
تعبت أشهق مع انفاسي ونين الناي والراعـي

تخيلتك مسارح شوق واحساسك وله جمهـور
وهقيت اني بلحظة شاعرك وعيونـك اتباعـي

نشرت من الوفا نور ونثرت من الغرام زهـور
انا وش ذنبي ان كانت حروفي تكتب اطباعـي

أمد ايديني استنجد لقـاك وخاطـري مكسـور
وتشر لي على فرقاك وانـت هنـاك وتراعـي

حبيبي تذكر اوجاعي هاك اللحظة وانا مقهـور
ترا للحين انا مقهور واوجاعي هي اوجاعـي

بعد مااسقيتني كاس الجفا هم وتعب وغـرور
بعد ماارويتني فرقا تجي تنشد عن اوضاعـي

حبيبي مات لك وسط الحشا من غيبتك عصفور
عجز يلحق مداك ولا رضا يستوطن اضلاعـي

وشعري ماعليه خلاف وديانه تسيـل سطـور
مادام احساسي غيوم وسحاب ودفتري قاعـي

ترى مالي حمل طعنة جديدة لعن ابوه شعـور
اذا ماطاعنـي قلبـي قسـم للويـه بذراعـي

يقولون الكلام فما مضى به للعقـول قصـور
واقول عقولنا من دون ذكـرى مالهـا داعـي

حبيبي كثّر الله الف خيـرك تسلـم ومشكـور
بعـد ماذبلـت ورود اللقـا ذي وردة وداعـي

الشاعر محمد العايد

Moha le sage · 21 ماي 2011

][][×][][ دخيـلك لاتخليـني عشـااني ][][×][][

اذا لك شف في شوفي ترانـي ......على شوفتك صحيت الامانـي

زرعت الشوق كله بأنتظـارك.....واخذت الانتظار وجيت عانـي

نسيت الناس لكـن مانسيتـك.....عجزت انساك حتى لو ثوانـي

مليت الكون واشغلت الجوارح.....نظر عيني سماع اذني لساني

عطيتك شي ماهو عند غيـرك..... ولا قصـرت لكـنـك انـانـي

انـا احبـك واذا ودك تـأكـد شف....... الله كيف بيدينك هدانـي

غيابك صعب والاصعب وجودك......وانا في الحالتين اتعب واعاني

حبيبـي لاتواخذنـي ولـكـن......ابيك تحط نفسك فـي مكانـي

اذا جيتك وانا مشتـاق تكفـي .....تجاهلنـي وكنـك ماتـرانـي

واذا صديت عنك وقلت ابرحل.....وقف قلبك على الباب ودعاني

ولو سويت نفسـي مااشوفـك.....يميل القلب صوبك ويحدانـي

انا يابنت الحلال اصعب حكايه.....كتبني الوقت لكـن ماقرانـي

مضى عمري وتقدر تعتبرينـي....غريب وفي زمن ماهو زماني

زماني راح مع نصفي ونصفي....نسى نفسه مع الوقت ونساني

اسافر حزن والصحبـه ثلاثـه........انا والصبر وسهـل اليمانـي

واذا مريـت فبـلاد الطفولـه.....فتحت الصدر للحزن وطوانـي

هنا دمعه جرت من عين جاهل....هنا لاقيـت همـي والتقانـي

هنا باعتنـي الديـره واهلهـا.......هنا ضحيت لفـلان وجفانـي

هنا حاولت اصيح وماسمعنـي.....سوى بعض الشوارع والمباني

انـا ياسيـدتي دقـه قديـمـه........بغيت اخذ من الوقت وخذانـي

على الأنقاض واقف دون حيله....اشوفك وجهتي بين الموانـي

تعالي وطـف بيدينـك حنينـي......تملكيني وانا اشعلـك حنانـي

تعالي وضمينـي ياتـاج قلبـي.....دخيلـك لاتخلينـي عشانـي

انا شاعر عيونـك ياحبيبـتي....مع التحريف في بعض المعاني

ومانيـل المطالـب بالتمنـي....ولكن شوفتـك كـل الامانـي

محبة صـادق النيـة قصايـد.......محبة ساقـط النيـه اغانـي

قسم بالله لـو موتـي بيديـك.....اموت الفين مـره ماكفانـي

اذا باقي من الطلقـات طلقـه.....دخيلك حطيها بيـن المحانـي.

Moha le sage · 21 ماي 2011

..**... فــاقــد الشــــــيئ ...**..

اخطيت يوم اني طلبتك حنانك ...... لاصرت فاقد شي ..وشلون تعطيه

مهما نطق لي بالمشاعر... لسانك ...... شيٍ بدون احساس .. ما اقتنع فيه

احساسك المصنوع خنته وخانك ...... جاملتني به وانت تجهل ..معانيه

مني نصيحه تنفعك في زمانك ...... إلا شعورك .. لا تبيعه وتــشـــريه

كانك تقدر قيمه الحب .. كانك ...... اللي يودك .. لا تحــــاول تعنيه

يا كـثـر ما حبك فوادي وصانك ...... مع كـثــر ما تبعده .. كـنـــك تناديه

غيرك امانه خوف والخوف امانك ...... ما كل من راعاك تقدر تراعيه

حتى لو عليت بالقلب ...شانك ...... ابقى يتيم الحب .. جرحي اقاسيه

اعذرك ..لاحطيت نفسي مكانك ...... لا صرت فاقد شي وشلون تعطيه

Moha le sage · 21 ماي 2011

ليه تطعني ...

ليه تطعــني و انا ميت بليـّا
ما كفــاك الي حصــلّي قـبـل سـاعـه

كِـن بـيـن همومـي و بـينـك حـميا
جيتكم واحـــد و جيـتوني جمـاعــه

انت منا و المصايب من هنيا
كلكم ضـدي تـرى ما هــي شجــاعه

ما ابشع من جروح طعنات القفيّا
غـير سكـينٍ تصيـب بهالبــشاعــــه

لا تتوب و لاتذوب و لا تريّا
جرحـها جرح و فـظاعتها فـظاعـــه

ترتوي من فيض دمي واتفيا
و صار قلبي مثل اخـوها بالرضـاعه

و انت ليل لو ضويته ما يضيّا
ضعت فيه و شفت نفسي في ضياعه

اتهيا وين ما اشوفه تهيّا
و ارسـي بمرساه و شراعي شـراعـه

من عرفته و المحيّا في المحيّا
و مايـروح الا ذراعـــي فـي ذراعــه

ان رضيت ارضيه و ان عييت عيّا
و ان طلـبني قلـت لـه سمع وطـاعـه

ما عشقت من النجوم إلا الثريّا
و مـا مـلكت من الـكنـوز إلا القـناعه

و انت و جيوش الموادع و الجفيّا
كيـف اوقـف ضـدكم و انـتم جـماعه

لو بجيكم بالشجاعه و الحميّّا
البـلا ان الكـثـره تغـلـب الشــجاعـه

حامد زيد

Moha le sage · 21 ماي 2011

ܔೋ҉ܔ .. الجـــــــــــــــــــــــــــ ــــــرح .. ܔೋ҉ܔ

http://www.youtube.com/watch?v=GOzW_TCKy14&feature=related

الجرح ماهو خاطر شوي ويروق
الجرح حتى لو تشافى يعللك
**
واذاك متحمس متاهات وطروق
انا تعبت اشد حيلي واحاولك

سماي ما شيّ شمس ورعود وبروق
والريح ماهبت ولايجري الفلك
**
والقلب ناشف بحر وشقوقه شقوق
وشلون بيكوّن سحاب ويبللك
**
يا ضامي انا الضما ومتشبع حروق
واذاك ضامي للمواصل .. انا هلك!!
**
هلك ووقف في وجهي الاصل والذوق
والمجتمع والعرف والفقر واهلك
**
متعومس وحزن النبلاء مرموق
يعني لو احتاج الك ماجيتك اسألك
**
اللي علي اشكي واعاتبك برفوق
واقولك ودي ماعاد اتأملك
**
من دورة الايام ياخوك مخنوق
الوقت مشاني من السلك لسلك
**
ازل خطوه .. بس ما ازل منطوق
ولو صارت ابحب خشمك واجاملك
**
يبقى البني ادم مجرد ومخلوق
ملك ولكن في الحقيقه بلا ملك
**
كذاب.. قايل كل مطرود ملحوق
سنيييين وانا اطردك وازريت لا اوصلك
**
كنك تطيش وكني ادور في طوق
كل ما وصلت اخرك يطلعلي اولك
**
ليت مافي خاطري شوق وحروق
ماكان حسيت ان انا بس منك والك
**
الشوق ماهو رعشه وقبضة عروق
وماهو اللي من شينك فعينك يجملك
**
وماهو شعور ياخالق الروح برفوق
وماهو سحر ولا ادري والله شقول الك
**
انا سحابة حلم وتطير بك فوق
وتطير ولا ودك انها تنزلك
**
الشوق هذا .. والا انا شوقي البوق
ماقد حصل في شوق هذي ولا تلك
**
تدري وش اسوي ليا اضناني الشوق
اسوي بعيوني كذا واتخيلك
**
واقربك واتوق واتوق واتوق
واكثرك واحلف ماعاد اقللك
**
واصورك في الموق وتكبر على الموق
وتطيح مع دمعي على ايدي واقبلك
**
هذا غلاي اللي مع الدم مدقوق
ولا عاد تسأل عن شعوري وازعلك
**
محبة ماهيب من طارف السوق
لو انك توكل.. كان والله لاكلك
**
جيتك حقوق ورحت ماعندي حقوق
وان قلت ما احبك ابجحد مواصلك
**
احبك .. الا يا بري حالي وعوق
من كثر ما احبك اخاف اني اقتلك

سعد علوش

Moha le sage · 21 ماي 2011

http://www.youtube.com/watch?v=cHt3UMnomtk&feature=related

الـزمن لاصـار ضدك واحتوى درب المصايب
لاتــحـاول تـنـكـسرله لاتــزيـد الـطـيـن طـيـنه

لـلزمن حـكمه غـريبه تـحكم بـدرب الصعايب
ويا كثر من ضيع الفرصه وهي فرصه ثمينه

عـز نـفسك فـي زمـانك لا تـقول الـحظ خـايب
وسـق عمرك للمعالى واكسر النفس الحزينه

والـطريق الـلى تـشوفه يـرسم الـدنيا عجايب
مــد يــدك فــي طـريـقه لـيـن مـاتمسك يـمينه

والـرفيق ان طـال وقـته لا تـحاتى وكل غايب
حـجـتـه دايـــم مـعـاه ولا تـقـول فــلان ويـنـه

ولا تـكابر بـالمصيبه لا حـكو باغلى الحبايب
قــول غـالـى وكــل غـالى تـكرم لـعينه مـدينه

والـبـلا واكـبـر مـصـيبه لا تـناسوك الـقرايب
تـصبح الـدنيا ظـلام وتـصبح الـلحظه حزينة

وقـتـهـا لاعـــاد يـنـفـع لا عـتـاب ولا طـلايـب
والـزمن والـحظ الاقـشر اتركه واترك سنينه

^

Moha le sage · 21 ماي 2011

http://www.youtube.com/watch?v=S-KvN4D4KEU&feature=player_embedded

اي بالله اخطوا والخطا اللي جابهم عين الصواب ** مبطي وانا اشوف الطمع يكشف رداهم واستره ..

ما يملي عيون الحسود بهالزمن غير التراب ** ومن لا يتوب من الخطا تحرم عليه المعذره ..

اللي من اولها خراب اكيد تاليها خراب ** والبندق اللي ما تثور في هدفها تذعره ..

ودك ليا من جاتك الغلطة من الناس القراب ** الصاحب اللي ما كسبت محبته ما تخسره ..

مشكلتي اني ما عرفت احسب لصدتهم حساب ** قلّطتهم صدري على ذكري قصيد وحنجره ..

صوت يصول بمنبره وخطاب ما مثله خطاب ** والطيبه اللي زعزعت صوت الخطيب ومنظره ..

ما فيه دمعٍ صوبوه احبابي بوجهي وخاب ** ولا زرق حزني على غالي ولا فج نحره ..

كل الزهاب اللي معي ذكرى من اصحاب الزهاب ** واللي بقى لي من عذاب اشرس طريقي واخطره ..

لانّي تجنبت الغرق عديت من فوق السحاب ** لان اكثر اصحابي ورق ما شفت للطيب ثمره ..

والله ما حطيت بين الحقد والخوه حجاب ** حتى غدوا ربعي يحدوني على الضيق اشكره ..

البارحه ثارت علي رقاب وآوتني رقاب ** البارحه يا ثقل دم البارح ويامااحقره ..

اهب يا وجه الحسد وشلون جمعهم وغاب ** كيف السنين اللي عطتني بعثرتهم بعثره ..

اثر المصايب ما تجيك الا من الناس القراب ** وبهالزمن حتى الرفيق اللي تثق فيه احذره ..

لا بارك الله في رفيق تزعله كلمة عتاب ** ولا جمع الله الرجال اللي تفرقهم مره ..

عودت نفسي كل ما شدّدت لليمّه ركاب ** ما اصدّ وجهي عن طريق الا ليا جبت خبره ..

الصاحب اللي ما يجي من صحبته غير العذاب ** نذر علي ان ما هجرني والا انا اللي ابهجره ..

من يفتح لفرقاي باب افك له عشرين باب ** واذا خويي ما يقدّر خوّتي ما اقدره ..

ان روّحوا فانا برئ منهم ليوم الحساب ** وان جرّحوا قولوا لهم ما حركوا فيني شعره ..

شفهم لهم حول السنه ولا اخذوا مني جواب ** أحسن دواء للي يحاول يستفزك تحقره ..

انا جمعت اوراقهم بكتاب واغلقت الكتاب ** يا وقت لمّ اللي تلمّه وانثر اللي تنثره ..

ما كنت احاتيهم صغير عاد احاتيهم شباب ** ان ما ذخرني صاحبي لليوم الاسود ما اذخره ..

عقب اكتئاب البارحه ما عاد انا حمل اكتئاب ** الطيب جرجرني وانا ماني بناقص جرجره ..

اللي يخاف من الظما يترك لنا طرد السراب ** واللي مهوب قدّ الظلام ووحشته لا يسهره ..

انا تجرعت العطش لين احترق وجهي وذاب ** انا كسرت بخاطري قبل الصداقه تكسره ..

انا خسرت اللي غيابه غير عن كل الغياب ** انا غفرت لعالم ما تستحق المغفره ..

انا اكثر انسان تعلم من كثر ما اخطا واصاب ** انا اخر انسان يتكلم في زمان الثرثره ..

انا القصيد اللي فزع من دفتره مليون ناب ** وانا الوحيد اللي جمع مليون ناب بدفتره ..

جفني وجرّحها السهر حيلي وهدّتها الصعاب ** دمعي هدر ضحكي ندر عمري وضيعت اكثره ..

شيّبت بعقول العرب,هيبت روس ما تهاب ** جمهرت ناس عمرهم ما يعرفون الجمهرة ..

ما صرت ذيب الا لان اللي حواليني ذياب ** ما كنت اغيب الا لان العفو عند المقدرة ..

ترى حلاتك لاحملت لصاحبك كلمة عتاب ** إن ما نطقت بها بوجهه ما تذمه بظهره ..

في هالزمن ما يملي عيون الحسود إلاّ التراب ** ولا الحظيظ الطلقة اللي ما تصيبه تذعره ..

ودك ليا من جاتك الغلطة من الناس القراب ** الصاحب اللي ما كسبت محبته ما تخسره ..

حامد زيد

Moha le sage · 21 ماي 2011

تضيق فيني دنيتي وأسكت وفي نفسي أقول
يا خاطري لا لا تضيق شوف الفضا ما أوسعه

وأنا تعبت وما بقى للوضع بيديني حلـول
بس أتفاءل بالصبر وانثر همومي واجمعـــه

ما عاد به فيني على مشواري الباقي ميول
لكن معي بعض الظنون تمنعني أني أقطعـــه

يا حظي العاثر معك ما فيه للفرحة حصول
ولا الأمل في حضرتك يمكن أعانق مطلعـــه

والسالفة قصة هوى عيّت تصدقها العقــول
حبٍ شبع من قلب بس القلب عيْا يشبعـــه

قال المثل فكّر في المخرج قبل تبدأ الدخــــــول
والحب عيبه له دخول.. لكن مخرج ما مــعه

الحلم مهما انتظرته عارفٍ ما له وصـــــــــول
حتى الفرح ما أعرفه ما غير طاريه أسمعـــه

وإن جيت للفرقا تجي في بالي الذكرى تجول
حتى تذكرني هنا عمري وليلة مصــــرعه

الوقت مدري ليه لا منه أبتسم يمضي عجول
أو ليه يجرحنا ولا مرّة قدرنا نمنعــــــه

عندي كثير الأسئلة ولأجوبه فيها تطــول
ساعات ما لقى لي إجابة كود دمعٍ أدمعــه

إن ضاقت الدنيا علي أجلس مع نفسي أقول
يا خاطري لا لا تضيق شوف الفضا ما أوسعــه

.

Moha le sage · 21 ماي 2011

جــآني واحد قـأل : ابسال كم سـؤالـ ~ ..

جاني واحد قال : بسأل كم سؤال
وقبل يسأل قلت : أنا ماني خبير !

قال: جاوب بس , يا ولد الحلال
وكل كلمه حِطَّهَا .. فبيتٍ صغير

قال نبدي : شنهو تعريف المُحال..؟
قلت :خَل الكلمه فـ الشطر الأخيـر ..!

القهر : إن شفت دمعـات الرجال
والوطن : ( إنسان ) .. مِتغيِّر كثير

والطفل : لعبه على شاطـي الرمال
والأمل : إحساس في عين الضرير

الوفا : [ قلبين ] .. يجمَعهُم حلال
والرَجُل : اللـي علـى أهلـه يغير

والرجا : لا قلت : للواطـي تعال
والفشل : مدري .. ولكنـه مرير

الشعر : في وقتنا .. بدر وطلال
وكان أوَّل : حيـل يعجبنـي جرير ..!

والغلا : إحساس إلى حَـد الخيال
والعِشِق : لا شفت مَعشُوقِك تطير

والجفا : إعكس مفاهيم / الوصال
والوَصِل : يعنـي تأكَّـد فيك خير

والعقل : تِسْفَـه أقاويـل الجهال
والجهل : إن قلت عن نفسك كبير

والخطر : لا صار ما عندك مجال
والبلا : إن صرت معدوم الضمير

والعجب : لا صرت تسأل منهو قال
والتعب : إن كنت تِبْحَثْ عن مصير

الغنى : بالنفس ما هو راس مال
والفقر : من كان .. بأعماله فقير

هذا تعريفي إلى كلمة : مُحَال
شي ودِّك فيه ولا يمكن يصير ..!

Moha le sage · 21 ماي 2011

الحقيقة مـا على الدنيــا عتب
لا تجاملني وأنــا عيني تشوف

أبتعد مــا بيك لا تبـدي سبب
القصيدة تعشق إبـداع الحروف

الحياة أحــزان والغـربة تعب
والليالي كلهــا دمعـة وخوف

النظر يكفيـك والخـافي غضب

والشقـا مكتوب مع وقتي يطوف

يا حبيبي : النار يشعلهـا حطب
لا تزيد الجرح مـا عندي نكوف

من عطش بالحب من قلبي شرب
والموادع يحتـري لمس الكفوف

كل من حبيت في حبــه رسب

النتيجة تشكي أحـوال الظروف

القلوب بوقتنــــا تهوي كذب

والصدق يموت من طعن السيوف

الحقيقة مـــا على الدنيا عتب
وكل منــا في نظر عينه يشوف

محمد العرادي

Moha le sage · 21 ماي 2011

http://www.youtube.com/watch?v=4cqjMLbKY4E&feature=related

اخذيني اليا عجبتك بس رديني
وان ما عجبتك خلاص اخذيني ما ابيني

ما دامني شفت فيك الطهر والعفة
بعيف نفسي اليا منك كرهتيني

اخذيني لو اعتبر من ضمن اشياءك
وانا بحبك ولا لازم تحبيني

لا ابي علاقة ولا ابي نظرة وبسمه
احساسي اني بقربك بس يكفيني

ولو اني انضفت لأشياءك غصب عنك
طلي علي يا غناتي لا تخليني

تراي لاجاء المصامد ما ني بهين
تقول كن العرب لعبة بيديني

شخصيتي من غرابتها وطيبتها
كن الزمن في تحدي بينه وبيني

اخذيني الشاعر اللي ما صدق حظه
لاقلت يا حظ وينك قال ياويني

اخذيني المبدع المتفلسف ألتحفة
هموم وتضحك على العالم شياطيني

شهرة شكسبير وأفلاطون ونيوتن
لاقلت لي بيت شعر تطيح من عيني

واخذيني الشاعر اللي ما صدق حظه
لا قلت يا حظ وينك ..قال يا ويني

واخذيني اللي اليا منه طلب يعطى
وتكفين لامن طلبتك لاترديني

تكفين يا غايتي يابهجة الدنيا
ابحرق قلوب ناس ما تدانيني

اخذيني بكل شوق وقولي احبه
وان شككوا فيك والا في ضميني

قولي سعد والله انه غالي جدا
ويا جعل فدوه شبابي واخر سنيني

وانا بصدق كلامك واعتنز بالله
وباقول للناس ما يعنيك يعنيني

وانا علي نذر ما أرخص جيتك
وانتي نذر على رقبتك انك ما تخليني

سعد علوش

الخيزران · 21 ماي 2011

قصائد في غاية الروعة اخي محمد
ونبطيات مختارة بمنتهى الجمال وبالغ الرقة

Moha le sage · 21 ماي 2011

مات الجمر ... و قلوب الاحباب حية

http://www.youtube.com/watch?v=fJXFsEFHN54

مات الجمر وقلوب الاحباب حيه ... والموت لا ماتت قلوب الحبايب

ياشيشتي لو فيك ذنب وخطيه... معاك احس اني عن الناس غايب

العام كانوا لي من الاصحاب ميه ... وقت الرخا لكن جفوا بالنوايب

لاهنت يا قلبن شكى من خويه ... كم راس من طعنات الاصحاب شايب

مرات اقول ان الخبل يا هينه ... ولقيتهم يشكون ظلم القرايب

ومرات اقول النذل لا رحم حيه ... واثر النذل في بعض الاوقات صايب

يا نفس شيليها على السامريه ... شيلة طرب ماعاد فيها طلايب

وش لي بتنبيه القلوب العميه ... وحنا في هالدنيا دروب وركايب

ابتغزل في هذيك البنيه ... بنت تفل القلب فل الذوايب

كم بعثرتني واجمعتني هنيه ... بنفس المكان اللي جمعنا غرايب

مرباعها بين العيون الشقيه ... ومقيضها بين الجروح العطايب

يا ضعفها معهم وعندي قويه ... منها غدا ثلثين قلبي خرايب

ما اقول يذبح زينها بس هيه ... تلفت لها قلب عن الحب تايب

ولا اقول مغروره ولا هي خليه ... فيها دلع طفل تبناه شايب

جمال نجد وفتنة حايليه ... وش جمع الثنتين فيها عجايب

اليا اقبلت بين احسنات وسيه ... ياكثر ذنبي بين طيب وغصايب

واليا ادبرت في دمعتين نديه ... قلب معاها وقلب في الصدر ذايب

راح العمر ما بين روحه وجيه ... ياكثر غلطاتي ولاني بتايب

شب الجمر مادام الاشواق حيه ... وطف العتب والعمر ضحك ومصايب

حمد السعيد

.. نَبَطٌٌيــــــــــــــــــــــ ــــــــــاتْ موح ..

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

المواضيع المشابهة

نحن نقدر خصوصيتك