كـرسـي التعآرف { الضيـف الـثآني والعشرون } سآندريلآ زمآني

[{مُدَلَّلَتُهُ}]

رد: كـرسـي التعآرف { الضيـف الـثآني والعشرون } سآندريلآ زمآني

السلام عليكم و رحمة الله و بركاته

مرحبا بيك ساندي منورة الكرسي اختي !

احم نبداوها مع أني من جماعة 2008 يعني نعقلك مين سجلتي "شرطية اللمة " و نعرف عليك حوايج لاباس بيهم :p

ما نعرفش نرتب الأسئلة نسقسيك هاك و هاك ساعفيني و جاوبي الله غالب

شوشو كنتي بزاف ناشطة في منتدى المرأة مي ضوكا مانيش نشوفك بزاف علاه ؟

كيفاش تعرفتي على نور ؟ moon light قصدي !

قررتي كاش نهار أنك تنسحبي من اللمة ولا جامي؟

شوشو أنت مقلقة ولا لا ؟ كي تتقلقي شا تديري ؟

كاش نهار زعفتي و درتي حاجة ولا قلتي حاجة ندمتي عليها ؟

قلتي أنو التعامل مع أهل الزوج ليقله ذكاء . . . اعطيني مثال ؟ ! مش شرط موقف حصلك المهم مثال


واقيلا بزاف عليك :$ بصح نرجعلك ان شاا الله اذا مشي باه نسقسي نرجع نقرعج برك

اتهلآي ^^
​

 

[AmiR@RoRo]

رد: كـرسـي التعآرف { الضيـف الـثآني والعشرون } سآندريلآ زمآني

السلآم عليكم
اهلا وسهلا بك أختي ساندي
نتمنالك اقامة طيبة على الكرسي
راهم كفاو ووفاو الاعضاء نزيدك شوي برك

ساندي في اي سنة دخلتِ للكوزينة وبديتي الطبخ ؟
زواجك كان تقليدي أم عن حب ؟
متى تشعر ساندي بالغيرة ؟
ساندي شفتلك كتابات وبزاف رائعة ،،كفاش كانت انطلاقتك مع الكتابة ؟
تحبي الخواطر اكتر ام الشعر ؟
متى تلجا ساندي للكتابة ؟
كاتب تحبي تقرايله بزاف وتابعيه ؟
هل ساندي انسانة مزاجية وتعامل الناس على حساب مزاجها ؟
واش رايك في الصداقة بين الجنسين ؟
هل تؤمنين بزواج النت ؟وواش رايك فيه ؟
تحبي تسمعي غناء ولا خاطيه ؟ادا ايه وش النوع لي يجدبك ؟
كفاش لقيتي روحك بين العائلة الجديدة ؟انت من ولاية وسكنتي فولاية تانيه يعني هل هناك اختلاف كبير فالعادات والتقاليد والاكل ..؟وكفاش تاقلمتي مع هاد العادات ؟
وفالاخير بالتوفيق راني كترت عليك :d
ربي يكون فعونك
سلامي ~
​

 

[~خفة روح~]

رد: كـرسـي التعآرف { الضيـف الـثآني والعشرون } سآندريلآ زمآني

ههههه كاشما شفتي نهار واحد يحكي على روحو :p
سقسي وانا نجاوب

احم احم اوك

اسمك

شحال في عمرك

متزوجة شحال عندك ذراري

:love01: ما رايك في خفة روح بصراحة والله مانزعف

لو يقولولك بديلي اسمي في اللمة واش تسميني

:smile02: واش الحاجة متعجبكش فية

:thumb_up02: واش الحاجة تعجبك فية

​

 

[السلطانة]

رد: كـرسـي التعآرف { الضيـف الـثآني والعشرون } سآندريلآ زمآني

السلام عليكم و رحمة الله و بركاته

مرحبا بيك ساندي منورة الكرسي اختي !
وعليكم السلام اهلا نونو النور نورك حبيبتي

احم نبداوها مع أني من جماعة 2008 يعني نعقلك مين سجلتي "شرطية اللمة " و نعرف عليك حوايج لاباس بيهم :p
واش تعرفي مثلا :p:p:p:p
انا نشفالك منين كان اسمك نور خ :love01:
ما نعرفش نرتب الأسئلة نسقسيك هاك و هاك ساعفيني و جاوبي الله غالب
وانا نحب الاسئلة هادي خير من المرتبة :yahoo01:
شوشو كنتي بزاف ناشطة في منتدى المرأة مي ضوكا مانيش نشوفك بزاف علاه ؟
منتدى عالم المرأة
نقدر نقولو عليه درك ماوش محتاج لتنشيط بزاف
لأنو منتدى وقف على رجليه خلاص
من 2010 حتى 2015
تنظم وتسقم مليح مبقيناش نشوفو فيه عضوات يغلطو ميطمسوش صور مثلا ولايديرو موضوع مخالف قليل وين نشوفو هاد الشي فقط من عضوات جدد وبعدها وحدهم يتسقمو
درك ماش محتاج جهد كبير
حاليا نكتيفيو بمسابقات كبيرة من فترة لفترة
ومواضيع تنشيطية فقط وباقيها يبقى للعضوات
نسناوهم يكملو المشوار

كيفاش تعرفتي على نور ؟ moon light قصدي !
تعرفت عليها في موضوع في اللمة
بعدها توطدت علاقتنا كثر
قررتي كاش نهار أنك تنسحبي من اللمة ولا جامي؟
وي

شوشو أنت مقلقة ولا لا ؟ كي تتقلقي شا تديري ؟
وي مرات اكيد نتقلق
نفرغ غشي باه نبرد
كاش نهار زعفتي و درتي حاجة ولا قلتي حاجة ندمتي عليها ؟
ممكن لكني عادة منهدرش هدرة نندم عليها
قلتي أنو التعامل مع أهل الزوج ليقله ذكاء . . . اعطيني مثال ؟ ! مش شرط موقف حصلك المهم مثال
نعم صعيب الحال
العيش مع ناس مبدلين عليك في كلش
لازم ديما التروي اثناء التصرف والتفكير عند كل حاجة وعدم التسرع

واقيلا بزاف عليك :$ بصح نرجعلك ان شاا الله اذا مشي باه نسقسي نرجع نقرعج برك

اتهلآي ^^
​

نورتي حبيبتي
في انتظارك :p

 

[السلطانة]

رد: كـرسـي التعآرف { الضيـف الـثآني والعشرون } سآندريلآ زمآني

السلآم عليكم
اهلا وسهلا بك أختي ساندي
نتمنالك اقامة طيبة على الكرسي
راهم كفاو ووفاو الاعضاء نزيدك شوي برك
اهلا وسهلا اختي اميرة مرحبا بيك
ساندي في اي سنة دخلتِ للكوزينة وبديتي الطبخ ؟
اول مرة نشفالها كي كنت نقرا في الابتدائي
سنة خامسة طيبتلهم شربة والبطاطا مقلية
من تم بديت ندخل للكوزينة مع ماما
زواجك كان تقليدي أم عن حب ؟
عن حب بطقوس تقليدية
متى تشعر ساندي بالغيرة ؟
اواه مافياش هاد الصيفة
غير نشفى زمان منين كنت صغيرة كنت نغير من خويا هههه
شبع من عندي طرايح
ساندي شفتلك كتابات وبزاف رائعة ،،كفاش كانت انطلاقتك مع الكتابة ؟
سابقا لما كنت في المتوسطة كنت نطالع الكتب
خاصة قبل النوم
وفي الطور الثانوي بديت نخربش
لكني وقتها مااستحفظتش بالكتابات العفوية لي كنت نخربشها
وبعدها بديت نكتب في مذكرتي الخاصة قبل الكتابة في اللمة
تحبي الخواطر اكتر ام الشعر ؟
الخواطر
متى تلجا ساندي للكتابة ؟
عند الحزن ،عند الوحدة ،عند الفرح
كاتب تحبي تقرايله بزاف وتابعيه ؟
زمان وقت القراية
لكن حاليا اتابع
احلام مستغانمي وبعض الكتاب عبر مواقع التواصل الاجتماعي
هل ساندي انسانة مزاجية وتعامل الناس على حساب مزاجها ؟
ربما في السابق
لكن حاليا لااتعامل وفق المزاج
لازم العبد يكون يعرف كيفاه يتعامل وميخليش الناس تدي عليه نظرة ماش مليحة
واش رايك في الصداقة بين الجنسين ؟
في حدود ربما
لكنه امر صعب غاليا ماتتحول الى حب من احد الطرفين او كلاهما ويسقط مفهومها
في الجزائر ماكانش صداقة بين الطرفين الا لمصلحة معينة
هل تؤمنين بزواج النت ؟وواش رايك فيه ؟
نعم
هناك الكثير ممن تزوجو عبر النت وكانت العلاقة ناجحة
النت وسيلة مكتوب ايضا
وكثيرون تزوجو عبر منتدى اللمة ايضا.
تحبي تسمعي غناء ولا خاطيه ؟ادا ايه وش النوع لي يجدبك ؟
كيما قلت سابقا
كي كنت على ديداني :yahoo01:
كنت نسمع كيما يسمعو بنات جيلي
جوجو والجماعة وآشر وبيونساي ومرت بيكي :pوماتبعهم
لكني حاليا لااسمع...
كفاش لقيتي روحك بين العائلة الجديدة ؟انت من ولاية وسكنتي فولاية تانيه يعني هل هناك اختلاف كبير فالعادات والتقاليد والاكل ..؟وكفاش تاقلمتي مع هاد العادات ؟
الحمد لله
بالرغم من انو الامر صعب
كون وحدة خلاف في بلاصتي ضعيفة الشخصية متقدرش تتأقلم لكن الحمد لله
العايلة لكبيرة فيها شحال من عقلية
وشحال من تفكير
درك باه يتلمو ويعيشو كل بعقلية وحدة مستحيل
انا لقيت امور عجبتني بزاف
من ناحية انهم ناس ملاح ومساعديني
انا تاني والفت بعاداتهم وتقاليدهم ومشيت بيهم
وتاني متخليتش عن بعض الامور الخاصة بيا
مثلا مقسمة وقتي
بين واجباتي معاهم وواجباتي مع زوجي وواجباتي مع روحي
واموري الخاصة بقيت محافظةعليهم
يعني ميقدروش هوما يفرضو عليا
مثلا كيفاه نفكر وكيفاه نهدر
اسلوبي الخاص منبدلوش ومنتخلاش عليه

وفالاخير بالتوفيق راني كترت عليك :d
ربي يكون فعونك
سلامي ~
​

شكرا ختيتو

 

[السلطانة]

رد: كـرسـي التعآرف { الضيـف الـثآني والعشرون } سآندريلآ زمآني

احم احم اوك

اسمك

شحال في عمرك
جاوبت في الردود الاولى ارجعي شوفي :p

متزوجة شحال عندك ذراري
هههههه في عام زعم شحال يعودو عندي :p:p:p:p:p:p
كون عندي راني خبرتكم
مازال ماكتبش ربي

:love01: ما رايك في خفة روح بصراحة والله مانزعف
طيبة وناس ملاح
نحلة نشيطة
لكنها مرات متسرعة هههه

لو يقولولك بديلي اسمي في اللمة واش تسميني
فراشة اللمة :p

:smile02: واش الحاجة متعجبكش فية
ماكانش حتى حاجة

:thumb_up02: واش الحاجة تعجبك فية
بالخف تستعرفي بالخطأ تاعك وهادي حاجة مليحة
​

في انتظار عودتك حبيبتي

 

[أم أُنٌَيسة]

رد: كـرسـي التعآرف { الضيـف الـثآني والعشرون } سآندريلآ زمآني

السلام عليكم و الرحمة و البركة
اتمنى تكوني بالف الف خير ان شاء الله يارب
ماشاء الله عليك اختي الغالية و حبيبتي ، تبارك الدي بيده الملك
أسأل الله لك : رزق مريم وقصر أسيا وتقوى عائشة وقلب خديجه ورفقة فاطمة وجمال يوسف ومال قارون وحكمة لقمان وملك سليمان وصبر أيوب وعدل عمر وحياء عثمان ووجه على وصحبة آل بيت رسول الله صلى الله عليه وسلم
كنت متابعة ، و ماشاء الله حبيبتي تبارك الدي بيده الملك
بارك الله لك في دينك و عرضك و مالك و د****ي و حفظ من تحبين و رزقك بما تحبين فيما يحب و يرضى لك
لا احب ان اسال لكي لا ازعج اي احد
و الاخوة و الاخوات كفوا و وفوا
لدي سؤالين فقط :
هل ظلمتك او ازعجتك يوما غاليتي ؟
ان كان كدلك فارجو منك المعذرة حبيبتي
و الثاني ما رايك في ملك له ؟
ارجو تقبل مروري حبيبتي الغالية
تحياتي احترامي و تقديري لشخصكم الكريم الغالي
استودعك الرحمن الدي لا تضيع ودائعه
سلام الله عليكم
​

 

[أم منيــــــر]

رد: كـرسـي التعآرف { الضيـف الـثآني والعشرون } سآندريلآ زمآني

السلام عليكم
بين البارح واليوم نلقاهم طاحو عليك وطرحو كامل الاسئلة ما شاء الله
الله يبارك فيهم كامل
نهديلك هاد الحلوى باش تحلي الجلسة

​

 

[touta04]

رد: كـرسـي التعآرف { الضيـف الـثآني والعشرون } سآندريلآ زمآني

السلام عليكم اهلاااااااااااااااااااااا بيك ساندي نورتي الكرسي :regards01::regards01::regards01:

اولا اعلم انك بنت الشرق و نعرف عوايدنا مع القهوة تع المساء لكي وحدك :p:p:p تفضلي

وما يزعف مني باقي الاعضاء راني مانسيتكم هذا لحضرتكم لكن ساندي هي الي تقسم :d:d

اولا كيف حالك اختي

كيف كان مشوارك الدراسي

علمت انكي لا تعملين ماهي الاسباب عدم وجود منصب ام راي زوجك او رايك

لو طلبوا منك تغيير قسم في اللمة ماهو القسم

ماهو القسم الي تمنيتي تتراسيه

اعلم انوا موضوع الاختصارات هبلوك فيه هههه بصراحة هل كنتي تقلقي بزاف و لاي درجة :d:d:d

هل عندك عجوزتك كيف هي علاقتك معها

نخليك مع هدي الاسئلة لي عودة باذن الله نروح نفطر الأذان قرب

دمت متالقة ساندريلا :regards01::regards01::regards01:

 

[السلطانة]

رد: كـرسـي التعآرف { الضيـف الـثآني والعشرون } سآندريلآ زمآني

السلام عليكم و الرحمة و البركة
اتمنى تكوني بالف الف خير ان شاء الله يارب
ماشاء الله عليك اختي الغالية و حبيبتي ، تبارك الدي بيده الملك
أسأل الله لك : رزق مريم وقصر أسيا وتقوى عائشة وقلب خديجه ورفقة فاطمة وجمال يوسف ومال قارون وحكمة لقمان وملك سليمان وصبر أيوب وعدل عمر وحياء عثمان ووجه على وصحبة آل بيت رسول الله صلى الله عليه وسلم
كنت متابعة ، و ماشاء الله حبيبتي تبارك الدي بيده الملك
بارك الله لك في دينك و عرضك و مالك و د****ي و حفظ من تحبين و رزقك بما تحبين فيما يحب و يرضى لك
لا احب ان اسال لكي لا ازعج اي احد
و الاخوة و الاخوات كفوا و وفوا
لدي سؤالين فقط :
هل ظلمتك او ازعجتك يوما غاليتي ؟
نعم هناك من ظلمني وكلت عليه ربي وهناك من سامحته
ان كان كدلك فارجو منك المعذرة حبيبتي
و الثاني ما رايك في ملك له ؟
انسانة عاقلة طيبة خاطيها المشاكل
ارجو تقبل مروري حبيبتي الغالية
تحياتي احترامي و تقديري لشخصكم الكريم الغالي
استودعك الرحمن الدي لا تضيع ودائعه
سلام الله عليكم
​

وعليكم السلام اهلا وسهلا اختي الطيبة
آمين يااااااااااااااارب لنا اجمعين
ربي يحفظك وييسرلك امورك

 

[السلطانة]

رد: كـرسـي التعآرف { الضيـف الـثآني والعشرون } سآندريلآ زمآني

السلام عليكم
بين البارح واليوم نلقاهم طاحو عليك وطرحو كامل الاسئلة ما شاء الله
الله يبارك فيهم كامل
نهديلك هاد الحلوى باش تحلي الجلسة

​

حضورك احلى هدية امي الغالية حفظك الله وحماك
يممممممممم حلوى رائعة
راح نتقاسمها مع جميع الأعضاء

:yahoo01:

 

[السلطانة]

رد: كـرسـي التعآرف { الضيـف الـثآني والعشرون } سآندريلآ زمآني

السلام عليكم اهلاااااااااااااااااااااا بيك ساندي نورتي الكرسي :regards01::regards01::regards01:

اولا اعلم انك بنت الشرق و نعرف عوايدنا مع القهوة تع المساء لكي وحدك :p:p:p تفضلي

وعليكم السلام اهلا اختي توتا
ايواه عادات ناس الشرق :yahoo01::yahoo01::yahoo01:توحشت الشرق بعد
كون منعمروش الصحن للضيف بالقاطو منهناوش
الله يسلمك
وما يزعف مني باقي الاعضاء راني مانسيتكم هذا لحضرتكم لكن ساندي هي الي تقسم :d:d

راح نقسملهم شوي شوي :yahoo01:متخافيش نعرف نقسم
بصحتكم
اولا كيف حالك اختي

الحمد لله
كيف كان مشوارك الدراسي
اكيد ليس بالسهل هههه
لكن نقول الحمد لله جاز بخير

علمت انكي لا تعملين ماهي الاسباب عدم وجود منصب ام راي زوجك او رايك
بالنسبة للعمل لم اجد منصبا
ولم انجح في مسابقة التدريس للمرة الرابعة

لو طلبوا منك تغيير قسم في اللمة ماهو القسم
صراحة كل الاقسام لاباس بيها معندي واش نغير ههه
ماهو القسم الي تمنيتي تتراسيه
قسم خاص بالبنات :d:d:d:d
اعلم انوا موضوع الاختصارات هبلوك فيه هههه بصراحة هل كنتي تقلقي بزاف و لاي درجة :d:d:d
نعم احيانا بسبب بعض الردود الغير لائقة

هل عندك عجوزتك كيف هي علاقتك معها
ايه عندي
لاباس الحمد لله علاقة جيدة
نخليك مع هدي الاسئلة لي عودة باذن الله نروح نفطر الأذان قرب

دمت متالقة ساندريلا :regards01::regards01::regards01:

ان شاء الله في انتظار عودتك

 

[~خفة روح~]

رد: كـرسـي التعآرف { الضيـف الـثآني والعشرون } سآندريلآ زمآني

عييناك وانت عندك شغل بزاف سامحنا حبيبتي ربي يخليك لينا

 

[ضآحكة مستبشرة]

رد: كـرسـي التعآرف { الضيـف الـثآني والعشرون } سآندريلآ زمآني

السلآم عليكم شوشو وشراكي يا الغالية

احمممم نبدا بسِالي المحبب

- وآش رايك في عاشقة الجنة ؟
- وآش تفكرك هآد الموآضيع كل واحد اعطينا عليه كلمآت ؟

https://www.4algeria.com/forum/t/407920/

https://www.4algeria.com/forum/t/408547/

https://www.4algeria.com/forum/t/408727/

-وآش تقولـي لفرح بسكرية لي طال غيابهآ عنآ ؟
-لوكان يخيروك بين دبي و لندن واش تخيري ؟
- و علاش ؟
- واش هي الاشياء لي متربيتيش عليها حابة تربي ولادك عليها ؟
- كيف كانت معاملة والديك ليك لانك انتي الوحيدة ؟
- هل عانيتي من التقصير في حياتك ؟
- هل زواجك كان عن حب ولا تقليدي ؟
- واش هي التقاليد لي تختلف من منطقتكم قالمة لمكان سكنك حآليآ ؟
- هل الاخت ساندريلا كان لها احلام عجزت عن تحقيقها لسبب ما ؟
- و ان كان جوابك نعم ماهو السبب ؟
​

-

 

[السلطانة]

رد: كـرسـي التعآرف { الضيـف الـثآني والعشرون } سآندريلآ زمآني

السلآم عليكم شوشو وشراكي يا الغالية

احمممم نبدا بسِالي المحبب
وعليكم السلام
مساء الانوار
لاباس الحمد لله
كنت نخبز في الكسرة نجيبلكم شوي :sport02::love01:

- وآش رايك في عاشقة الجنة ؟
اخت طيبة ربي يرزقها كل خير
- وآش تفكرك هآد الموآضيع كل واحد اعطينا عليه كلمآت ؟

https://www.4algeria.com/forum/t/407920/

https://www.4algeria.com/forum/t/408547/

https://www.4algeria.com/forum/t/408727/


هههههه اييييييييييه راه قريب ديجا يفوت عليهم عام
مواضيع يخشخشو لي سونتيمون :d
-وآش تقولـي لفرح بسكرية لي طال غيابهآ عنآ ؟
طال غيابك ان شاء الله ترجعي في ساع

-لوكان يخيروك بين دبي و لندن واش تخيري ؟
- و علاش ؟
لندن :d
بويسك ليا فضول باه نشوفها
- واش هي الاشياء لي متربيتيش عليها حابة تربي ولادك عليها ؟
مممم حابتهم منلي يكونو صغار يحفظو القرآن ويبقى رفيقهم الدائم
- كيف كانت معاملة والديك ليك لانك انتي الوحيدة ؟
الحمد لله :-r كانت رائعة ووفرولي كلشي من الحنان
- هل عانيتي من التقصير في حياتك ؟
لا
- هل زواجك كان عن حب ولا تقليدي ؟
عن حب بصيغة تقليدية
- واش هي التقاليد لي تختلف من منطقتكم قالمة لمكان سكنك حآليآ ؟
ايه تقاليد في الأكل والزيارات
- هل الاخت ساندريلا كان لها احلام عجزت عن تحقيقها لسبب ما ؟
لا
- و ان كان جوابك نعم ماهو السبب ؟
​

-

نورتي اختي

 

[السلطانة]

رد: كـرسـي التعآرف { الضيـف الـثآني والعشرون } سآندريلآ زمآني

شكرا ليكم ربي يحفظكم ان شاء الله

وبالتالي نشكر جميع الأعضاء لي شاركوا في موضوع كرسي التعارف سواء كضيوف أو مضيفين للضيف


الله يعطيكم الصحة


نختم اليوم هذه الطبعة من كرسي التعارف


الى أن نلتقي في مرة أخرى ان شاء الله

دمتم بألف خير