الشيفة أم منير-ضيفة المطبخ اللماوي العدد الثــآلث-

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

مساء الخير خالتي ام منير ان شاء الله راكي بخير

شفت تطبيقك للمخنفر هههه

مالا جيت نسقسيك كيفاه طريقتو ووصفتو ؟

مساء النور حبيبتي
ايه ما كانش مشكل
هادي وصفة مغربية شفتها في اليوتوب جربتها ساهلة و خفيفة
500 غ سميد رقيق
ملعقة صغيرة ملح
حب بيض
ملعقة كبيرة زيت
ملعقة كبيرة سكر
ملعقة كبيرة خميرة الخبز والماء دافئ
نخلطو كل شي مع بعض و خدميه مليح بيديك يجي شويا جاري ماشي كما البغرير بصح مطلوق
المهم خدميه مليح بيديك و خليه يخمر
سخني طاجين ول مقلة ثقيلة دهنيها بالزيت و خدي السقاية عمريها و فرغي في الطاجين و حاولي تسرحيها بالمغرف
من بعد خدي بانسو و رشي الوجه نتاعو بشوية زيت و قلبيها و خليها تحمار و نحيها و فرغي عليها العسل و قدميها بالصحة يجي محمر من الجهتين
نتمنى تكوني فهمتيني كانش حاجة راني هنا مرحبا بيك

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

ماهي ابرز اكلات التي توجدينها؟

كل الاطباق الرئيسية و الطعام و انواع المعجنات تقريبا كل شي
باقيلي نتعلم واحد الوصفات من الشرق الجزائري
شكرا:regards01:
​

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

مساء الخير اختي
لدي سؤال لك
اذا اتحت لك الفرصة لفتح مطبخ هل تفتحينه وماهي اكلات التي تردينها في مطبخك ؟

ربما
كل شي و خصوصا الحريرة و البيتزا و اللوبيا و الكارانتيكا هادو يمشيو مليح يحبوهم الناس :d
شكرا بني :thumb_up02:
​

 

[ريحـان]

رد: الشيفة أم منير-ضيفة المطبخ اللماوي العدد الثــآلث-

مرحبا طاطا ام منير
اسئلتي:

هل سبق وان اخترعت وصفة ؟نجحت ام لا
في رمضان هل تطبخين وحدك ؟
ماهو سر نجاح البيتزا لديكي؟
كيف تعقمين مطبخك؟
ماهي طبختك المميزة؟

---لي عودة----​

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

السلام عليكم
هادي وصفة الكعك للغالية رقية لي طلبت

نص غرفية زيت ، نص غرفية زبدة ، كاس صغير شنان ونافع ، كاس صغير جلجلان ، غرفية سكر،غرفية حليب، 3 خمارة قاطو ، فرينة ، خلطي كلش مع بعض
ادا عندك ماشينة تع الكعك خدمي بيها وادا لا عملي حرابش بيديك وشكلي كعكة وخلاص

هادي لي نعتامدوها فدارنا وناجحة 100/100 وبنينة
​

 

[ام سراج الدين وملك]

رد: الشيفة أم منير-ضيفة المطبخ اللماوي العدد الثــآلث-

السلام عليكم ورحمة الله وبركاته
راني جيت متأخرة اسمحولي والله عندي بد زاف شغالات
المهم
هل الطبخ هوايتك الاولى
اذا حبيتي تعرضي ناس وحبيتي تقدميلهم احسن الاطباق لي تحبيها واش هاذ الاطباق
هل تستغل ام منير الخضر الموسمية وتخبيها. لوقت الحاجة ام لا
اذا رحتي لمكان وقدمولك اكلة عمرك كليتيها هل تحبي تجربيها. وتسقسي كيفاش يعملوها
​

اذا طلب منك ان تطبخي في عرس هل تقدري ولا ماتقدريش
هل سبق لكي جاوك ظياف وقت القهوة وماكان عندك والووو اذا صراتلك كيفاش سلكتي روحك هههههه
هل تهتمي بالطبخ الصحي او انك تطبخي وخلاص
اسمحيلي اذا كترت عليك بالاسءلة وبارك الله فيك

 

[Oussama.GF]

رد: الشيفة أم منير-ضيفة المطبخ اللماوي العدد الثــآلث-

اذا طلب منك في مرافق عامة هل توافقين ؟

 

[Oussama.GF]

رد: الشيفة أم منير-ضيفة المطبخ اللماوي العدد الثــآلث-

من هي العضوة التي تردنها ان تكون زملتك في طبخ؟

 

[Oussama.GF]

رد: الشيفة أم منير-ضيفة المطبخ اللماوي العدد الثــآلث-

اذا كانت عندك مناسبة
وش هي الحلويات لي راح تقدميها
وش هي وجبات لي راح تقدميها

 

[Oussama.GF]

رد: الشيفة أم منير-ضيفة المطبخ اللماوي العدد الثــآلث-

اذا عطاوك اكلة مشفتهاش في حياتك وقالولك طيبها
نعم ام لا وهل تقدري عليها

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

السلام عليكم ورحمة الله وبركاته
و عليكم السلام و الرحمة و الاكرام
راني جيت متأخرة اسمحولي والله عندي بد زاف شغالات
الله يكون في العون الدنيا مشاغل اهلا بيك
المهم
هل الطبخ هوايتك الاولى
لالا الطبخ هوايتي الثانية بعد هوايتي للطرز و الخياطة
اذا حبيتي تعرضي ناس وحبيتي تقدميلهم احسن الاطباق لي تحبيها واش هاذ الاطباق
لحريرة اولا مع لي صالي طاجين حلو باللحم و البرقوق طاجين المثوم بالدجاج المحمر في الكوشة
سلايط و الشكشوكة نتع الفلفلة و نزيد الروز مبخر نتع باسمتي بلي زيسكالوب رولي مع الكفتة و الفرماج و الديسار بعدة انواع
و بالصحة و الهنا
هل تستغل ام منير الخضر الموسمية وتخبيها. لوقت الحاجة ام لا
ما شي بزاف نحب الخضر طازجة ما نحبش الكونجلي بزاف
اذا رحتي لمكان وقدمولك اكلة عمرك كليتيها هل تحبي تجربيها. وتسقسي كيفاش يعملوها
انا من عادتي الحاجة لي ماشي موالفتها ما نقدرش ناكلها في حالة ما ادا سخفتني و كليتها و عجبتني نطلب الوصفة و الطريقة من صاحبتها عادي

اذا طلب منك ان تطبخي في عرس هل تقدري ولا ماتقدريش
لالا ما نقدرش صراحة
هل سبق لكي جاوك ظياف وقت القهوة وماكان عندك والووو اذا صراتلك كيفاش سلكتي روحك هههههه
صراتلي ........ما عندي حتى حل الا اني نشري نوعين ول تلاتة نتع حلوى
ما كانش حل آخر خصوصا ادا جاوك مزروبين
الحمد لله محل الحلوى قدامي برك و زيد نتع وليد خويا :d
مليح لي يخبر الناس قبل الزيارة هكدا باش الواحد يحضر روحو
هل تهتمي بالطبخ الصحي او انك تطبخي وخلاص
أكيد نهتم بالطبخ الصحي لانو صحة زوجي وولادي و صحتي تهمني بزاف
اسمحيلي اذا كترت عليك بالاسءلة وبارك الله فيك

​

لالا ما كثرتي ما والو مرحبا بيك:up:
​

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

مرحبا طاطا ام منير
اهلا بيك من جديد
اسئلتي:

هل سبق وان اخترعت وصفة ؟نجحت ام لا
صراتلي انو في يوم من الايام تلفتلي واش ندير فطور
رحت للثلاجة و جبدت كامل الحوايج لي كانو باقيين
بطاطا مقلية روز مبخر بالزيتون و الدجاج و حب زرودية بخرتها مع حب كابويا و زد الفرماج رابي
و زدالبيض مع صوص بيشاميل خلطت كل شي و طيبتو في الكوشة جا هااااايل
اختراع بسيط بصح سلكني من الحصلة نتع الفطور :p
في رمضان هل تطبخين وحدك ؟
ايه نطيب وحدي بنتي تعاوني في كانش حاجة خفيفة برك ما نحبش نعييها بزاف :d
ماهو سر نجاح البيتزا لديكي؟
كي تكون لعجينة ناجحة اما الحشو انت و مقدورك مراحش ياثر في نجاح البيتزا ول خسارتها
كيف تعقمين مطبخك؟
بالجافييييييييييل
ماهي طبختك المميزة؟
كاين بزاف ما كانش حاجة وحدة برك
---لي عودة----​

مرحبا بيك عزيزتي:love01:
​

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

اذا طلب منك في مرافق عامة هل توافقين ؟

:s:s:s:s:s:s:s:s:s:s

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

من هي العضوة التي تردنها ان تكون زملتك في طبخ؟

كاين شحال من وحدة
رقية.. ملاك ..سكون الفجر... و روز
في نظرك هادو يقبلو باش يكونو زميلاتي في المطبخ :-r

 

[أم منيــــــر]

رد: الشيفة أم منير-ضيفة المطبخ اللماوي العدد الثــآلث-

اذا كانت عندك مناسبة
وش هي الحلويات لي راح تقدميها
وش هي وجبات لي راح تقدميها

راني جاوبت الاخت ام سراج الدين
اما الحلويات
قريوش صامصة تشاراك نوعين من الحلوى بالكاوكاو و اللوز هادو مع القهوة و ل الشاي
لي تارتولات بالفواكه و لي بابا بعد الغداء
و بصحتهم