ملف الحلويات المجربة

[حكيك]

كيكة بعصير البرتقال...........سوهاد.

وصفة لكيكة خفيفة ولذيذة

المقادير :
​

3بيضات + رشة فانيلة
​

كوب الا ربع سكر
كوب الا ربع زيت
كوب عصير برتقال + ملعقة من بشر البرتقال

كوبين طحين + 2 ملعقة صغيرة بيكنج باودر​

​

الطريقة
في خلاط العصير اخفقي البيض مع الفانيلا ثم أضيفي السكر واخفقي
صبي الخليط في وعاء للخلط .. وأضيفي الطحين بالتدريج
بعد نخله مع البيكنج باودر واخلطي بالخفاق اليدوي
على أقل سرعة حتى تتجانس المكونات ,, ولا تطيلي عملية الخفق ..
يصب الخليط في القالب ،
ويدخل الفرن بحرارة 160 درجة مئوية لمدة 35 دقيقة
ترش بالسكر البودرة وتقدم بعد أن تبرد .. لذيذة جدا







شوفو هنايا كيقسمتها كيف تبان خفيفة فلوسط

​

 

[حكيك]

المخبز من مطبخي بالصور ...........راجية العفو

السلآم عليكم ورحمة الله​

المقـآدير :
​

500غ كوكآو أو لوز مرحي رقيق
​

300غ سكر قلآصي
​

1 م ص فآنيليآ
​

قشور ليمون
​

بيض حسب الحآجة أنآ استعملت 2
​

للتغليف :
​

قلآصآج
​

طريقة التحضير :
​

يطحن الكوكآو في خلآط ميكسر مع السكر
​

ثم يوضع الخليط في وعآء وتضآف له الفآنيليآ وقشور الليمون
​

والبيض حسب الحآجة حتى تتحصلي على عجينة متمآسكة
​

تفرد العجينة وتطبع بأي طآبع أنآ اسعملت طآبع مدور
​

​

يوضع في الصينينة
​

​

ويدخل للفرن لمدة خمس دقآئق
​

وبعد ذلكـ يجهز القلآصآج وحين يبرد يزين حسب الرغبة
​

​

​

 

[حكيك]

غريبية براليني من مطبخي..........ياسمين177

مقادير:

500غ كوكاو

500غ سكر قلاسي

500غ فرينة

1 خمارة ونصف

1 ملعقة صغيرة قرفة

زيت لجمع العجينة

سكر حرش
​

التحضير:
اولا نشرح البراليني هوعجين يصنع من اللوز والسكر يعني نفس كمية السكر تكون نفس كمية اللوز اللوز يكون بقشوره تحمصيه وهو سخون تطحنيه مع السكر حتى يصبح مثل العجين لازم يكون سخون ويدخل في تحضير العديد من الحلويات والتورتات والكريمات.

انا اليوم جبتلكم غريبية بالبراليني تاع الكوكاو وتجي رائعة في الذوق.

نحمص الكوكاو حتى يحمر قليلا وهو سخون نرحيه في الروبو مع السكر قلاسي حتى يصبح كالعجينة
​

​

ثم نضيف في الصحن


​

ثم نضيف له الفرينة والخمارة والقرفة ونخلط حتى يدخل خليط الكوكاو في الفرينة مبعد نبدا نزيد الزيت تدريجيا ونعجن حتى تتلم العجينة وتصبح متماسكة
​

​

نشكل كويرات نرمدهم في السكر الاحرش


​

ثم ندخلهم للكوشة يطيبوا في فرن 180 درجة لمدة20د حتى تشوفي الحلوى تتشقق وهذا شكلها لما تطيب.
​

​

​

لما تطيب خليها تبرد مبعد نحيها من المول لانها تتفتت
​

ياسمين177

​

 

[حكيك]

تارت بالفواكه.................حكيك

اليكم تارتة اللذيذة
عبارة على جينواز مكونة من
4بيضات
150سكر
150غ فرينة
1خمارة
اخفيقي البيض ثم السكر وبواسطة ملعقة
اخليطي الفرينة مع خمارة برفق
ادهني مول واسكبي الخليط وادخليه الى لفرن
حوالي 20 الى 25دقيقة
عندما تبرد اقسميها الى جزئين اسكبي على جزء
الاول شربات اطلي بالكريمة الزبدة ثم ضفي
الفاكهة الموجودة عندكي
ثم الكريمة وغطي الحلوة بجزء الثاني
ثم زينيها حسب الرغبة
ملاحظة
كريمة الزبدة
ضعي ربع لتر ماء مع 200غ سكر في قدر على نار هادئة اتركي يغلي مدة 20 دقيقة
بواسطة خلاط كهربائي اخفقي بيضة ثم افرغي الشربات واستمري في خفق
ضفي 300غ زبدة مع الخفق في الاخير زيدي
4معالق زيت وعطر

​

الصور المصغرة للصور المرفقة

​

 

[حكيك]

البيني....ممممم من كوزينتنا..............kahla

المقادير:
2عبار فرينة
رشة ملح
ملعقة كبيرة سكر
ملعقة خميرة الخبز
كاس اتاي ماء الزهر
2ملاعق زيت
ماء دافي
للتزيين:
مربى المشمش
سكر
طريقة التحضير:
خلطي كل المقادير

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

ضربي بيدك

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

خليها تخمر ساعة حتى يضاعف الحجم

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

شمخي يديك في الماء وشكلي كويرة وقليها

حتى تكملي كامل العجينوفتحيها من الوسط وحشيها بمغرف مربى ورمدي في سكر

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

بالصحة عليكم​

 

[حكيك]

~المـآدلين اتفضلوا~...........راجية العفو

السلآم عليكم ورحمة الله
جبت ليكم مـآدلين من مطبخ بنت عمي :det_ective:

المقـآدير :
4 بيض
200غ سكر
قشور حبة ليمون
40غ زبدة ذآئبة
4 م ك حليب
300غ فرينة
1 كيس خميرة كيميآئية
طريقة التحضير :

أولآ تجهز قوآلب المآدلين يدهنهآ بالزبدة الذآئبة ورشهآ بالفرينة

بعد ذلكـ في وعـآء وبخلآط كربآئي يخفق البيض مع السكر جيدآ
ثم تضآف قشور الليمون والزبدة الذآئبة والحليب ويخلط الكل
ثم أخيرآ تضآف الفرينة والخمـآرة ويخلط حتى نتحصل على خليط كهذآ

يسكب الخليط في القوآلب

ويدخل للفرن المسخن 180° حتى يطهى

تملأ الفرآغآت بالمربى وتقدم

​

 

[حكيك]

الكيكة اللي عملتهآ بسومة ♥...........راجية العفو

السلآم عليكم ورحمة الله

شكرآ بسومة على الكيكة رآآئعة
المقـآدير :
4 بيض
1و1/2 ك سكر
2 م ص فآنيليآ
4 حبآت موز كبآر :wink:
1 ك خليط من زبدة ذآيبة وزيت
1/2 ك حليب
2 كيس خميرة كيميآئية
4 ك فرينة
رشة ملح

طريقة التحضير :

يوضع في وعـآء البيض والسكر والفآنيليآ

ويخلط جيدآ بالخلآط الكربآئي ثم يضآف الموز المقطع

ويخلط الكل بالخلآط

بعد يضآف خليط الزيت والزبدة الذآيبة والحليب ويخلط الكل
ثم تضآف الفرينة والخميرة ويخلط الجميع مع بعض
يوضع القليل من الخليط في المول

بعد ذلكـ نضيف 1/2 ك لوز مفروم ورقآئق الشكولآ
حسب الرغبة

ويخلط الكل جيدآ ثم
ويفرغ الخليط في المول

ويدخل للفرن المسخن لمدة 30د

هنآ بعد إخرآجهم من الفرن

ثم يزين ويقدم

​

 

[حكيك]

المشقق...........nawal1980

بسم الله الحمان اللرحيم

المكونات

500غ لوز مرحي رقيق

250غ سكر رطب

فاني

3بياض بيض

التحضير

اللوز +السكر +فاني

نلم العجينة ببياض البيض حتى نتحصل على عجينة شادة روحها

نقسم العجينة على 2 او اكتر كيما نحب ونلون كل جزء باللون والنكهة المناسبة

نشكل الكويرات نلرمدهم في سكر رطب ونرشقهم بانصاص حبات اللوز او البيستاش للعجينة الخضرا

ونحطهم في سينية مرشوشة بالفرينة

ندخلهم يطيبو في فرن 180°حتى يحمارو من التحت

واترككم مع الصور
​

​

​

​

​

​

​

​

​

 

[حكيك]

دزيريات من مطبخي..................حكيك

المقادير:
3كيلات فرينة
-نصف كيلة زبدة
رشة ملح
-3ملاعق ماء الزهر-
ماء
الفانيلة.

الحشوة
500غ لوز ا وكاوكاو مرحي-
300غ سكر ناعم-
مبشور الليمون-
2الى 3 حبات بيض-
الفانيلة.​

للتزيين:
حبات لوز او كاوكاو
- عسيلة.​

طريقة التحضير:
اخليطي فرينة والملح وفانيلية مع الزبدة
بسيها مليح ثم لميها بالماءالزهر والماء تتحصليين
على عجينة طرية اتركيها ترتاح
في نفس الوقت حضري الحشوة
لمي الكاوكاو وسكر مبشور الليمون وفانيلية بالحبات البيض
شكلي كويرات وخليها
ابسطي العجينة اقطعي بواسطة مول دائري اعملي كورة الحشوة
وشكلي الدزيريات ادخليهم الى الفرن وعند الطهي عسليهم
واعملي فوقهم اللماع

​

​

 

[حكيك]

قاطو ما يطيبش وبنين من مطبخي ..........nada242008

المكونات
قاطو بيمو
حليب محلى ومكثف نستلي
حفنة مكسرات جوز ولوز
شيكولة نوار
الطريقة
نفتت حبات البيمو ونحطها في الميكسور مع الجوز واللوز ونرحيهم

ثم نضيف النستلي ونخلط

ثم نشكلها كويرات وداخل كل كويرة نضع نصف جوزة

نذوب الشيكولة في حمام مائي ونضيفلها ملعقة صغيرة زبدة
نغطس الكويرات في الشيكولة الدائبة ونضعها في صحن مغلف ببلاستيك حتى يسهل نزعها فيما بعد

ندخلها للثلاجة حتى تجمد الشيكولة ثم نخرجها ونزينها بملأ la seringue بالشيكولة الذائبة
ونتركها تبرد مرة ثانية
ثم تقدم في اكياس ورقية

 

[حكيك]

قفريط من مطبخي................ياسمين177

المقادير:
200غ زبدة طرية
300غ سكر قلاسي
300غ فرينة
125غ مايزينة
مغرف صغيرة خمارة
6 بيض
فاني
رشة ملح
زيت لهن القالب
سكر قلاسي للتزيين
التحضير:
نضع الزبدة ونخبطها بالخلاط الكهربائي حتى تصبح مثل الكريمة ثم نضيف السكر تدريجيا ونخبط حتى نكمل كمية السكر + البيض بالواحدة ونخبط + ملح
في الاخير نضع الفرينة نكون غربلتها مع المايزينة والخمارة ونخلط الكل
ناخد مول القفريط العادي والكهربائي وهدي صورتهم

مبعد ندهن المول بالزيت في زوج

ثم نضع القليل من العجينة في الالقالب ونغلق ونطيبها على الطابونة اي على نار قليلة مرة على مرة نقلبوا باش ميتحرقش
نحوه يكون لاسق مع بعضو بواسطة مقص نقص القفريط نخليه يبرد ونرش بالسكر قلاسي.
هدا القفريط سهل التحضير ةلديد انا نخدم كثيرا هده المرة صورت لاجلكم اتمنى يعجبكم.

​

 

[حكيك]

*صابلي روايال****..........omaima

المقادير::heh:
250غ صمعة(سمن)
نصف كأس سكر ارطب
بيضة وصفار
نصف كيس خميرة
ملعقة اكل معجون المشمش
ملعقة اكل جنجلانية مرحية
ونشيح بلفرينة
التزين::u_pc:
بياض بيضة عصير حبة قارص
3ملاعق اكل ماء الزهر وسكر نونورس
معجون +عجينة اللوز
طريقة التحضير ::yahoo:
نجمع السمن مع باقي المكونات ونشيح بلفرينة نطرحه وطبعه على شكل قلب
نطهيه في فرن معتدل
ولما هو ينضج نحضر قلاصاج روايال: نخلط بليد بياض البيض مع عصير القارص والماء الزهر ثم نعجنه بسكر نونورس ولما يصبح عجينة متماسكة نطرحها تكون رقيقة ونطبعها بنفس القلب الذي طبعنا به الحلوى
لما تنضج الحلوى ندهنها بالمعجون ونضع فوقها الالقلب المصنوع من القلاصاج ونضع في نصفه نواد كوكو وفي النصف الاخر وردة من عجينة اللوز

 

[حكيك]

مادلان بطريقتي بالصور.........nawal1980

لحوالي 22حبة مادلين كبار
في الميكسور او الباتور
نحط 3 بيض +كاس سكر+3/4كاس زيت +كاس حليب +2ليفور خميرة كيميائيةفاني +قشور قارص او برتقال +1/2كوب جوز هند (اختياري) +2كوب فرينة +1/2كوب نشاء ويمكن تعويضه بالفرينة بالنشا يجي خفيف كتر
نعنر المولات المخصصة للمدلان كي يقعد شوية عجينة تاع المادلين نضيفلو الكاكاو هد الخطوة اختيارية ونشبح بيه فوق لي العجينة البيضا
ندخلو فرن مسخن 180°مدة 30 د بدون ما نحل الكوشة






​

 

[حكيك]

قلب اللوز.................ibtessem

المقادير
500غ سميد احرش
250غ سكر
125غ زبدة ذائبة او سمن
65مل ماء الزهر
60مل ماء
التحضير
اولا نخلط السميد والسكر

نضيف الان الزبدة

نضيف نصف المقدار الماء والماء الزهر

تخلط بالاصابع لكي لا تتعجن
نتلركها ليلة كاملة او يوم كامل لكي حبات السميد تنتفخ
عند الوضعها نكمل النصف الدي تبقى من خليط الماء ونضعها في الصنية

اما خلطة اللوز تحبو تعملوها او لا
لحب اجرب يقدر يستغنى على خلطة اللوز

ونكمل باقي العجين ونقطعها ونصف عليها حبات اللوز
وندخلها الفرن

على درجة حرارة 300 لست ادري كم تكون في الفرن الجزائر

ونضعها فوق لتطبخ على مهلها

نسقيها بالعسل ونتركها تتشرب ليلة كاملة
انا كثرت العسل جاتني شوية جارية

وهدي قطعة منها في الصحن

​

 

[حكيك]

كيكة بالموز روعة من مطبخي.............ياسمين177

المقادير:
6 مغارف زبدة
1 كاس سكر
10 حبات جوز
4 حبات موز
خليط الكيك:
2 كيسان فرينة
3 بيض
1 كاس ونصف سكر
150غ زبدة
1 مغرف صغيرة فاني
ربع مغرف صغيرة بكربونات
2 مغارف صغار و ربع خمارة
نصف كاس حليب و نصف مغرف صغيرة ملح
التحضير:اولا نضع 6 مغارف زبدة في المول

مبعد ندهن المول كامل بالزبدة

ثم نرش كاس السكر على كامل المول مليح
ونقطع الموز على الطول الحبة الى اثنان ونستفوه في المول فوق السكر ونضع حبات الجوز بينهم

ثم نبدا بتحضير الكيك
نضع الزبدة + السكر ونخبطهم مع بعض مليح + البيض بالواحدة ونخلط + الفاني ثم نغربل الفرينة مع الخمارة والملح والبكربونات مع بعض ونضيفهم لخليط البيض +الحليب ونخلط حتى يتجانس الخليط نضع خليط الكيك فوق الموز

وندخلوه يطيب في فرن 180د لمدة 30 الى 35د حتى يحمار لما يطيب مباشرة من الفرن نقلبوه ونخلوه يبرد ويقدم.

​

 

[حكيك]

تارت الليمون بالخوخ من مطبخي..........ياسمين177

المقادير:
العجينة:
1 كاس وربع كاس فرينة
ربع كاس سكر قلاسي
100غ زبدة باردة من الثلاجة
1 صفار بيضة
مغرف كبيرة عصير ليمون
مغرف صغيرة فاني و ربع مغرف صغيرة ملح
مغرف صغيرة قشور ليمون
الحشوة:
علبة حليب نسلي
5 صفار بيض
نصف كاس عصير ليمون
مغرف صغيرة فاني
مغرف صغيرة قشور ليمون
للتزيين:
خوخ او مشمش معلب او طازج
التحضير:
نضع في خلاط الفرينة+ السكر+ الزبدة ونخدمهم مع بعض حتى يصبح مثل الرمل ثم نضيف له عصير وقشور الليمون والفاني والملح ونجمع الكل نغلف العجينة ببلاستيك غدائي وندخلها للثلاجة ترتاح15د.

ثم نبدا بتحضير الحشوة:
نضع الحليب نسلي+ عصير وقشور الليمون+ الفاني+ صفار البيض

نخلطهم مع بعض حتى يمتزجوا

لما ترتاح العجينة نحلها ونديرها في مول تارت ونثقبها

ندخلها لفرن مسخن180د لمدة 15د تطيب نصف طياب

ثم لما نخرجها من الفرن نفرغ فوقها خليط الحشوة

وندخلها للفرن لمدة10د حتى تتماسك الحشوةونخرجها

نخليها تبرد تماما مبعد نزوقها بابراج الخوخ على شكل وردة او بانصاف المشمش نغطي كامل الوجه

ثم نرشها بشوي لوز ايفيلي

​

 

[حكيك]

قاطو مول الشاش من مطبخي.............ياسمين177

المقادير:
العجينة:
250غ زبدة طرية
1 كاس سكر قلاسي
نصف كاس مايزينة
فاني
2 بيض
نصف باكي خمارة
فرينة
المرانغ:
4 بياض بيض
250غ سكر قلاسي
فاني
للتزيين:
معجون
كاكاو
سكر قلاسي
التحضير:
نضع الزبدة+ السكر+ فاني ونخدمهم مع بعض+البيض+ المايزينة ونخدم مع بعض+الفرينة والخمارة حتى تتجمع العجينة تكون طرية نغلفها ونحطها ترتاح في الثلاجة لمدة15د.
نحضر المرانغ:
نضع بياض البيض في خلاط + السكر + الفاني ونخبط حتى يتماسك البياض ويصبح يلمع

ثم نحل العجينة بسمك1 سم ونقطعا دوائر نحطها في صينية

ثم نضع المرانغ في كيس حلواني يكون راسه صغير ونضع دائرة من المرانغ فوق دوائر العجينة

ندخلها الفرن تطيب لمدة15د في فرن180د.

ثم نرش المرانغ بالسكر قلاسي قليلا مبعد نرش كذلك بالكاكاو قليلا فوق المرانغ فقط

ثم نعمرها في الوسط بالمعجون
وهذي صورة النهائية

​

 

[حكيك]

تارت الشوكولا من مطبخي...........nada242008

المكونات
5 بيضات
150 غ شوكولا نوار
فانيلا
100غ فرينة
50غ بودرة اللوز
60 غ زبدة طرية
80 غ سكر

كريمة الحشو
200 ملل كريمة طازجة للخفق
100 غ شوكولا نوار
2 م ك نسكافيه مدوبة في ماء سخون
2 م ك سكر بودرة
كريمة التزيين
200 ملل كريمة طازجة للخفق
100 شوكولا نوار
سيرو لسقي الكيكة
الطريقة

اولا نفصل صفار 5 بيضات عن البياض
نخفق بياض البيض مع رشة ملح حتى يصبح كالثلج

ثم نضع الزبدة مع السكر والفانيلا ونقوم بخفقها حتى تصبح كالمرهم

نواصل الخفق ثم نضيف لها صفار 5 بيضات

ندوب كمية الشوكولا على حمام مائي ثم نضيفه الى المزيج

ثم نضيف تدريجيا كمية الفرينة مع اللوز المرحي ونخلط بملعقة خشبية

نواصل الخلط حتى يتجانس الخليط
ثم نضيف الميرانق تدريجيا مع المحافظة على الهواء الذي بداخله

ثم ندهن في مول مدهون ومرشوش بالفرينة نضع في قاعدته ورق شمع لسهولة نزع الكيكة فيما بعد

وندخل الكيكة الى فرن مسخن مسبقا 200 درجة

بعدما تطيب نتركها تبرد جيدا ثم نقسمها على ثلاثة دوائر
في هذه الاثناء نحضر كريمة الحشو
نخفق الكريمة الطازجة مع السكر
ونذوب الشوكولا في حمام مائي ثم نضيف لها النسكافي
بعدها نضيف الكريمة المخفوقة الى الشوكولا حتى يتجانش الخليط ونتركه يبرد في الثلاجة

نسقي القسم الاول من الكيكة بالسيروثم نضع عليه كريمة الحشو

ثم القسم الثاني ونسقيه بالسيرو وعليه كريمة الحشو

والقسم الثالث

نتركها تبرد وتتماسك
ثم نحضر كريمة التزيين
نضع الكريمة الطازجة على النار الى ان تصل الى درجة الغليان نبعدها عن النار ثم نضيف لها كمية الشوكولا المفرومة ونخلط جيدا حتى يتماسك الخليط ويصبح يلمع
نصبه على الكيكة ونتركها تبرد مرة اخرى

بعدما تتماسك نرش عليها بودرة الكاكاو بواسطة مصفاة

يستحسن تركها ليلة كاملة لتتماسك وتقسم في الغد وهذا شكلها

 

[حكيك]

تارت الأناناس بالبسكويت.......هبهالرحمان

المقادير
بسكويت حسب الحاجة
3 صفار بيض
2 مغارف كبرا سكر
2 مغارف كبار نشاء
2 مغارف كبار فرينة
1/2 لتر حليب
علبة اناناس
حبات من الفراز للتزيين​

الطريقة :​

1/// في الخلاط نحطو البيض و الحليب و النشاء و الفرينة و السكر الكل مع بعض و نخلطو

2// نحطو الخليط في كاسرونة و نحطوه على نار هادية و نحركو بمغرف من اللوح ​

3///
نفتحو علبة الاناناس و نحطو العصير الي فيها في ايناء و نشمخو فيه حبات البسكويت و امبعد نحطوه في المول
لازم ما نخليوش البسكويت بزاااف يتشمخ لانو رح يتفتت​

4/// بعدها نصبو لاكرام الي طيبناها في وسط المول​

5//و هكذا ما يبقى غير تزيين الطبق بالأناناس و الفراز

 

[حكيك]

les petits fours merringuées من مطبخ أمي..........ام انس الموحدةl

السلام عليكم ورحمة الله

بالمقادير:
500غ زبدة
2صفار بيض
130غ سكر غلاس
ملعقة قهوة خميرة الحلوى
700-800غ فرينة

طريقة العمل:
نخلط الزبدة اللي تكون مرهمة مع الصفار البيض جيدا ثم نضيف سكر غلاص ويمكنكم اضافة فوق 130 غ اذا تطلب الامر + الخميرة وتكون ممزوجة بالفرينة حتى تتكون لنا عجين مثل اللي بالصورة

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

ونتركها ترتاح في البراد لمدة 30د

المرانغ la meringue :

2بياض البيض مع 130-140غ سكر غلاص ونمزج بالخلاط الكهربائي جيدا ويجب ان تكون جارية

ونضيف اذا اردتم ملون غذائي فمثلا انا اخترت اربع الوان الابيض والاصفر والاخضر والبرتقالي

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

بعدما ترتاح العجينة نورقها الى ان يكون سمكها تقريبا من 2-3 ملم ونقطعها بالطابع الذي يحلو لكي فانا اخترت طابع الزهرة و تضعيها في البلاطو وبالسبابة تطلي فوق كل وردة المورانغ

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

ثم اذا اردتي ضعي من الفوق في الوسط شوي فول سوداني مرحي

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

بعد ان يطيب وتكون مدة الطهي 10د الى 13د نأخذ كل وردة ونلصقها باخرى بمربى البرتقال (مثلا)

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

وأخيرا الشكل النهائي يكون كالآتي

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

​