قالت ليما ديريلي المقروض ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
هاهو مابقاش لرمضان لعزيز، مانعرف نكملوه و لالا ؟؟؟ ومانعرف نلحقو عليه العام الجاي و لالا
ياسعدو فاعل الخير ...
أيا ياخي علابالكم مابقاش بزاف للعيد، والناس بدات أدير في القاطوات لعشية سخفوني بلكروكي ههههه
وحنا الجزايرين تبالي كامل ندير قاطو نهار العيد كل واحد وعلى حساب قدرو
وألي مادارش راهو يدي خبز الدار ولا حاجة خفيفة الا لقليل ...
والقاطوات ألي ديما حاضرة نهار العيد المقروض مممم ههه هذا ملح الميدة مايخطاش خلاص في لعياد ولعراس
بكري كان غير هوا ولغريبية والقاطو المقصوص (لكروكي) عوام لفقر هههه
وذرك ولينا نسمعو بقاطوات جديدة وغير اللوز والجوز يخبط هههه
أيا قبيل عيطت ختي المزوجة ليما وقالتلها غدوة نشريلك الدقيق وديريلي المقروض ؟؟؟ _o:
أيا باينة الوالدة راح أديرلها بلا ماتقلها لاخاطر الحابسة تاع ختي ماتعرفش ...
أيا قلت هذي ختي عندها 38 سنة وماتعرفش ادير المقروض يعني شوي من الجيل لي فات، فمابالك الجيل تاعنا هذا والجيل ألي راهو جاي
تبالي المقروض يروح مع لعجايز ووالدينا ...
زعما صح لبنات تاع ذرك تنوض على ال6 تاع الصباح وتذوب هذيك الصمعة وتخدم الدقيق هذاك والغرس وقاعدة القعدة هذيك تاع لحراير تاع بكري ؟؟؟ ماشكيتش
مانعرف بلاك الوقت هذاك يخدمونا المقروض تاع الديار يتباع يهنيوهم مسكينات كيما هناوهم في فتيل البربوشة ووو ...
أيا واش رايكم في القاطوات هذو الشعبية التقليدية هل جاي وقت وينقارضو ويروحو ؟؟
انا تبالي هيه راهم رايحين ....​

الملاحظة:
بزاف امور راح تروح ومنها الطاجين تاع الكسرة ودرتلكم عليه موضوع ...

ثانيا:
راني نرد على مشاركاتكم كامل بإذن الله وساعات يفوتوني الردود بزاف مانلحقش ههههه​

 

[ماكانش]

شكرا لقبول الموضوع

 

[lolitta]

bal3aks makrout howa sahel par araport lel gateuax t3a dhoka 'décoration galçage farce et tout ce qui s'en suit)


fi rayi , il faut pas t3amam , ya3ni idha kayan li maya.3arfouch nass kamal kifkif

 

[ماكانش]

bal3aks makrout howa sahel par araport lel gateuax t3a dhoka 'décoration galçage farce et tout ce qui s'en suit)


fi rayi , il faut pas t3amam , ya3ni idha kayan li maya.3arfouch nass kamal kifkif

يعطيك الصحة لوليتا
والله عندك الحق
يبان المروض هوا الساهل
بصح هذاك السميد والصمعة واعرة في تخلاطهم هههه
واي حاجة باينة ماشي كامل
ولكن الجيل الي راهو جاي تقدري تقولي كامل ...​

 

[السلطانة]

وعليكم السلام
عندي شهر مادخلتش الركن هادا
لقيت موضوعك دخلت
ههه
ماشكيتش ينقارضو الحلويات التقليدية
المقروض والغريبية والبقلاوة
مام انا منعرفش نديرو المقروض
مي موالفة نلبزو مع ماما
نشالله عن قريب نعود نديرو وحدي لاتطفر فيا كيما اختك ههه

تحياتي
صحا عيدك

​

 

[ماكانش]

وعليكم السلام

عندي شهر مادخلتش الركن هادا
لقيت موضوعك دخلت
ههه
ماشكيتش ينقارضو الحلويات التقليدية
المقروض والغريبية والبقلاوة
مام انا منعرفش نديرو المقروض
مي موالفة نلبزو مع ماما
نشالله عن قريب نعود نديرو وحدي لاتطفر فيا كيما اختك ههه ​

تحياتي
صحا عيدك ​

أهلا بيك شوشو
راني والفت بشرطية اللمة
ربي خليك
والله نورتي المنتدى والموضوع
وان شاء الله ماتغيبيش علينا واديرينا دورات هنا
علابالي صماطت الحالة بصح رانا معاها غير بالشوي واذا بقات هكذا كامل نهزو الكابة ونروحو هههههههه
والله مع لبنات تاع ذرك والي راهم طالعات تبالي يروح كلش هههه
انا غير القعدة ألي تقعدها يما كي تكون اطيب في المقروض مانيش متخيل بشبوشة قاعدتها ههههه
​

 

[makour]

ااااااااااااااه حنا عندنا المقروط فرض لازم نديروه
ديجا يما راهي قرات الموضوع تاعك ماتت بالضحك قالتلي هادا عجوزة ههههههه
حنا فدار نحبوا الحلويات التقليدية بقلاوة مقروط كروكي نقاش تشاراك ...الخ اللي يتكلوا ماشي كيما اللي دوكا ولاو يديروا الشكل شباب مي ادوقيه يطير سنتك ني بنة ني والوا

 

[ماكانش]

ااااااااااااااه حنا عندنا المقروط فرض لازم نديروه
ديجا يما راهي قرات الموضوع تاعك ماتت بالضحك قالتلي هادا عجوزة ههههههه
حنا فدار نحبوا الحلويات التقليدية بقلاوة مقروط كروكي نقاش تشاراك ...الخ اللي يتكلوا ماشي كيما اللي دوكا ولاو يديروا الشكل شباب مي ادوقيه يطير سنتك ني بنة ني والوا

ههههههههه
اهلا بيك ماكور
ربي يحفظك ويحفظلك يماك لعزيزة
سالي عليها وبلغيها السلام
قتلتيني بالضحك كي قلتيلي قرات الموضوع وقالت نتا عجوزة ههههههههه
ياربي ونشفها تبعثلي شوي مقروط تاعها نذوقو ههههه
كيما قلتي الرسمي ثاني في البنة
ساعات يجيبولي مقروض نذوقو ماشي مليح خلاص بلاك كثرولو سحور هههههه وساعات مقروط يجي هايل
تاع الدار نكثر منو كي يكون سخون هكذاك ...
يعطيك الصحة ...​

 

[♥بنت عنابة♥]

علابالك راك خوفتني ماخي كي يجو يخطبوا مايسقسوش على المقروض تعرف ديرو ولا لا هههههههههههههههههههههه
اواه لازم نتعلم نديروا
جابلي ربي رايحين وينقرضوا هاد الحلويات التقليدية ملي ولات البقلاوة والمقروض تتباع في لحوانت مابقاتش هدرة

انا حب حوايج تقليدية كيما هادي بزااااف تعايلي انت راك تعرف دير المقروض خير مني ههههههههههه​

 

[ماكانش]

علابالك راك خوفتني ماخي كي يجو يخطبوا مايسقسوش على المقروض تعرف ديرو ولا لا هههههههههههههههههههههه

اواه لازم نتعلم نديروا
جابلي ربي رايحين وينقرضوا هاد الحلويات التقليدية ملي ولات البقلاوة والمقروض تتباع في لحوانت مابقاتش هدرة ​

انا حب حوايج تقليدية كيما هادي بزااااف تعايلي انت راك تعرف دير المقروض خير مني ههههههههههه​

هههههههههههههههه
ضحكتيني يا بنت عنابة ربي يحفظك هههههههه
انا نسقسي على البغرير (لغرايف) ماتعرفش أطيبو مانخطبش ههههههه
ماكانش قد لحوايج التقليدية ، وكيما قلتي راهم هناوكم وهناوهم كلش يتباع من البربوشة وروح هههه
​

 

[sisou023]

منكذبش عليك والله غير منعرفش وين نبداه المقروض بصح قلت ليما هذا العيد علميني كيفاه نديرو ختي حلت فمها قتلي لالا انا نديرو زعما راهي في طريق الاحترافية ولي يقولو عليها تعرف تصنع القاطو لازم تكون تعرف دير البقلاوة والمقروض مشي قاطو تاع الجوز واللوز هههه هاذوك ساهلين قوي دراهم برك صحا على الموضوع

 

[إيمان قلب]

السلام عليكم
مازلت غي تشكي ياسفيان ؟؟؟
انا ننصحك كي تروح تخطب ادي ليستا بالمؤكولات الشعبية اذا تعرف اطيبهم ولالا
وزيدلها القعدة تاع الحراير لخاطر صدقت فيها والله قليييل اللي يعرفوا يقعدو هذيك القعدة تاع الفتيل وادير ركبة ونص ههههه
ايا سيدي خلي يماك ادير لخيتك المقروط مافيها والوا راهي قصدت غي يماها
وربي يبعثلك مرة تعرف ادير المقروط خير ماتجي تكتب عليها موضوع في فرغ واش كاين في قلبك هههه
السلام عليكم​

 

[hananor]

واش يا البنات وقيلة ماريحينش تتزوجوا كامل كي ماتعرفوش المقروط ههههههههه
في الحقيقة انا تاني مانعرفش نديرو بصح كي نتخطب نبدا نتعلم
حبيت نقول بلي ماتخافوش غير المقروط و الباقلاوة الي ما ينقرضوش.

 

[ماكانش]

ربي يحفظكم كامل
لي عودة نرد عليكم بعد الفطور بإذن الله
صحا فطوركم ...

 

[ماكانش]

منكذبش عليك والله غير منعرفش وين نبداه المقروض بصح قلت ليما هذا العيد علميني كيفاه نديرو ختي حلت فمها قتلي لالا انا نديرو زعما راهي في طريق الاحترافية ولي يقولو عليها تعرف تصنع القاطو لازم تكون تعرف دير البقلاوة والمقروض مشي قاطو تاع الجوز واللوز هههه هاذوك ساهلين قوي دراهم برك صحا على الموضوع

هههههههه
أهلا بيك سيسو
نورتي الموضوع
إيه يا الفحلة شمري على يديك وفي هذ العيد على الأقل هزي شوي
واي باينة تبعثينا نذوقو ههههه
ألي مايعرفش يطيب الباقلاوة والمقروط مايعرفش يطيب
والقاطوات تاع ذرك كيما قلتي كامل مصاريف ولجوز ووو لازم يجيو بنان ههههه​

 

[بنت الجزائر و افتخر]

لا ...هاد الحلويات مستحيل ينقارضو

ممكن كاين بنات ما يديروهش

لكن كاين الساجيات ~ الشاطرات~ اللي يقدرو يديروه احم

و طبعا اللي هوما ماشي انا ههه ...

انا ما نعرفش نديرهم ... صعاب بزاااف

ماما هي اللي تقدر تديرهم و يجو هايلين

و مهما كان الجيل خايب

غير هاد الحلويات اللي يقعدو

العيد ما يحاش الا بيهم ...

المقروض ... البقلاوه ... الgريوش .....الخ

شكرا على الموضوع
​

 

[nina bonoise]

ههههههه
ملخر انا منعرفش نديروا
الحلويات التقليدية راهي في انقراض
كلش عاد يتباع

 

[maya31]

لالا البنت بسيف عليها تعرف طيب
كو ساسوا اليوم و لا غدوة
مي بكري ماكانوش يقرو و لا يخدمو يعني كانو غير في دار يعجنو و يطيبو دركا الوقت تبدل
و مام الحوايج غلاو بزاااف الواحد ماولاش يغزر يشري و يدير القاطو
كاين بزااااااااااااااف مواكل و قاطوات
و امبوسيبل يتعلموهم كامل
كيما اختك يمكن ما تعرفش دير المقروض مي تعرف دير حاجا اخري سي سير
و ديجا ماهوش مفروض انو كي تقول بنت تقول كوزينة
ولي عايش وحدو و لا هوما غير رجال فالدار ماكانش امهم
رايح يدير الوقروط هو ماشكيتش
امالا خويا ماكانش يليقلك نتا دير لمقروط و تقولنا هههههههههههههههههههههههه نزعق برك
المهم حبيت نقول بلي ماشي كلشي نتعلموه في خطرة وحدة بشوية بشوية نتعلمو
و مازال كاين بنات يعرفو يطيبو
​

 

[Estrella]

عندك الصح العيد بلا مقروض ما هو عيد هو الصح ههههه
ناس بكري يعرفو يديروه مليح و يجيهم شباب ...
اما الجيل تاع ضرك مشكيتش يلا يحصيلها للمقروض ههههه قليييييييل
باسكو راهم يبغو كلشي واااجد ...
مكانش كيف الحلويات التقليدية نتاع زمان
ضرك راهم غير يلبزو و صايي ههههه
يعطيك الصحة على الموضوع شباب

 

[NINA_c9]

vraiment mana3rafchhhhhhhhhhhhh ndir ma9rot walah chwi wa3arrrrrrrr nchof ghir lkbar w l7rayer li dirohhhhh w yji fort matsakhfnech khoya lil lil basa3 n7abooooooo bnin surtous ma9li mmmmmmm ana n9ollllllll ghir hado les gateaux li mayn9arthoch madaniteeeeech lbana kamel fihom w l3id bla ma9rot mechi 3id loool w zid doka bdlohom chwi 3ad ma9rot madforrrr w lkroki malfof w fo9o cacaw w 7ala allah allah chwi tbadlet l7ala kima 7na ma9rot w kroki w ba9lawa toujours ndirohom w zid anwa3 nta3 gateauuux merciiiiiiiiiiiiiii khoya