فهرس وصفات مجربة من الاجزاء مادا ستطبخيين

[حكيك]

اخواتي
لقد وصل الموضوع
ماداستطبخين سيدتي
الى جزء
16
الله يبارك و نضرا لكثرة المواضيع اي الوصفات المجربة
من صنع ايديكم
قررت ان اجمعها واعملها في موضوع واحد
كما عملت الاخت الفاضلة حاملة المسك
مدونة الطبخ الرمضانية لعام 2011
هنا تجمع الوصفات الاعضاء مع صورة
ابتداءا من الجزء العاشر والتاسع والثامن .........الخ
ليتسنى الاعضاء
الاطلاع والاستفادة اكثر


​

 

[حكيك]

nada242008

الطريقة ساهلة خلاص وصحية والنتيجة هايلة
انا استعملت رقبة كاملة معاها تقريبا راس ثوم كامل
ترابي الثوم في طنجرة الضغط بلا ماتحطي ولا قطرة زيت ومعاه الرقبة وحوالي فنجان خل وملح وفلفل اكحل كمية مليحة وتمرقي بالماء الدافئ بلا ماتقلي
تغلقي الطنجرة وتخليها حتان تنقص كل كمية الما بعد ما ينشف تقلبيه من الجهتين باش يتحمر في ليدام تاعو
تعرفي يطيب زبدة ويذوب في الفم والشحم كامل يروح
ونفس الطريقة نستعملها مع لي كوطلات تجي هايلة وطريةخير من المقلية يابسة ومعمرة زيت
ونكهة الخل ماتبانش خلاص

​

 

[حكيك]

nada242008

المقادير
3 كيلات سميد
3/4 كيلة زبدة ولا سمن و 1/4 كيلة زيت
رشة ملح
تبسيه مليح ومن بعد تبلي بالما بلا ماتعجنيه لميه برك وخليه يرتاح
الحشو
غرس منقي ومرحي وشوية جلجلانية محمصة و م ك زيت تعجنيه مليح وتحليه على شكل قرصة فوق بلاستيك غذائي
وجوز مدشش // مرحي خشين

الطريقة
تقسمي العجينة الى قسمين
تحلي النصف الاول فوق بلاستيك وتحطي فوقو قرصة الغرس وطبقة من الجوز اختياري
وتزيدي تحلي النصف الثاني من العجينة فوق بلاستيك وتحطيه فوق الجوز
تعقبي عليها الحلال ولازم الحبات كامل يكون فيهم الغرس
تقطعيها مقروضات وتطيبيها في الطاجين
انا طيبتو فوق الالة الكهربائية تاع الخبز العربي
وقلبيه على الجهتين وبالصحة والهنا
​

 

[حكيك]

كوثر الوهرانية

وصفة الطورنوا

6 حبات بيض +5 كيسان تاع اتاي سكر+4 كيسان تاع اتاي زيت+4خمارة الحلوة+ 250غ مايزينة+ فاني و مبشور الليمون فرينة على حسب الخلط تكون العجينة طرية مثل عجية الصابلي
القلاساج
750غ سكر قلاسي+بياض بيضة و عصير ليمونة نخلطهم و نضيف ماء زهر و نخلك بملعقة خشب حت تحصل على قلاساج
ادا جراتلك زيدي شويا سكر قلاسي و ديري الملون الي تحبيه

​

 

[حكيك]

imane27

وصفة لسمو
سمو درتو فى طنجرة دري فيها زيت زيتون وثوم ملح فلفل لكحل وفلفل عكرى حار وحلو وكمون وزعيترة وخليهم يتقلاو وبجيه رابي طماطم وضفيها وضفى طماطم علب وخليها تتقلا ودريلها شوية ماء وخليها تغلى وينقص لما اومبعد حطى سمو وخليه يطيب فالمرقة حوالى 10 دقائق برك وطفى عليها وزينيها بمعدنوس وقارص
​

 

[حكيك]

كوثر الوهرانية

وصفة القرتان بقلم صاحبة الوصفة ياسمين

بعد بسم الله السلام عليكم
ليوم جبتلكم وصفة ساهلة ولذيذذذذذذذذذذذذذذذذة جدااااااااااااااا وجربوها وردو عليا جات بنينة بزاااااااااف
التحضير: راس شفلور تغليه او تفوريه مبعد قطريه وعبزيه بفرشيطة + بصلة مسكرفجة+ معدنوس+ ملح + فلفل اكحل + فورماج ابيض مقطع + كاس شابلير وخلطي + 3 الى 4 بيضات مضربين وخلطي الكل
3الى 4 حبات بطاطة قطعيهم مربعات صغيرة واقليهم
لحم مرحي طيبيه كيما البوراك بالبصل والمعدنوس
كريمة الفورماج: لتر حليب+ 3 بيضات + 150غ مايزينة+ ملح+200غ فورماج ابيض حطيها على النار وخلطي حتى تعقد كيما تحضري البيشمال متخليهاش تعقد بزاف
تحضري مول تاع كوشة ادهنيه ديري طبقة بطاطة مقلية ثم طبقة الثانية لحم مرحي ثم طبقة تاع الشوفلور اسويها مليح وغطيها كامل بكريمة الفورماج ورشي عليها جبن مرحي
​

 

[حكيك]

Ahlem&mou

للوصفة ,لا بات انا ندير فرينة عيني ميزاني و نزيد حبة بيض و ندير ملح و نبسسها باالزيت (كثر من خبز فطير) نبسسها كي لا بات بريزي مي فبلاصة الزبدة ندير الزيت ,كي نبسسوها مليح ندير نص مغرفة صغيرة خميرة فالما و نلم لعجينة,تجي كي لابات بريزي ماتجيش جارية,نشالله المرة الجاية ننتبه على الكمية و نحطهالكم
بالنسبة للسلق نغليه و نصفيه مبعد ندير شوية زيت و نقليه حتى ينشف,مبعد نقسم لعجينة على 2 و ننحلها ,نديرها فبلاتو و نحط عليها السلق(ولا بصل و طماطم)و ندير زيتون بلا عظم و فرماج بيض ولا بيشاميل(في حالة نديرو بصل و طمطم يعني تشكتشوكة ممكن نزيدو طن ممكن فيونداشي), نضرب 2او3بيضات و نغطيها بالعجينة اللي نثقبوها بالفرشيطة و نديرولها صفار بيضة باش تحمار و ندخلوها للفور بعد ما يكون سخن و نطيبوها

​

 

[حكيك]

حكيك

عملت 3 عبار فرينة مع تلت ارباع زبدة دايبة وربع زيت وشوية ملح لميتهم بالماء حليتها ترتاح
اما الحشو قليت الشوية بصل خليتو على الجهة ثم سكرفجت الفرعة وقليتها من بعد خلطها مع البصل زتلها زيتون مقطع دوائر شوية قلقل اسود وهريسة وفرماج طري ونحيتها من بردت شوية
فرغت عليها يارووت طبيعي
قسمت العجينة على الاثنين ممدت الاول فرغت الحشو ثم غلقتها بالتانية وخليت شوية عجينة
زينتها من فوق بالطابع تاع الفراشة تفبتها بالفرشيطة طليت عليها صفار البيض ودخلتها الى الفرن
​

 

[حكيك]

روز22

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 800×600.

4 كيلات فرينة كيلة زبدة او سمن، 2 كاس حليب، 1 كاس سكر، ربع ملعقة خميرة،
للحشوة: 1 كيلو تمر غرس مزال النوى+ ربع كوب زبدة طرية، 1ملعقة صغيرة قرفة، جوز (اختياري). وادلكيه مليح حتي يولي املس
العجينة
تخلطي المواد الجافة معا امبعدادلكيها مليح مع الزبدة و امبعد الحليب و يعجن حتى يختلط مليح
تغطى العجينة و تقطع لكرات متساوية حسب حجم المول و تكوري و يعمل في وسطها حفرة و تحشى بقطعة صغيرة من التمر.
يصف المعمول في السنيوة و ديريه في فرن حرارته 180 س او 350 ف في الطبقة الوسطى من الفرن حتى يصير اسفل حبات المعمول ذهبي.
كي يطيب ارفديه بالشوي من السينية وخليه حتى يبرد تماما و يرش بسكر بودرة عند التقديم
​

 

[حكيك]

nada242008

وزوووووووووم

تقشري الباذنجان بقشارة البطاطا زيgـة زيـgـــة
ومن بعد تقطعيه شرائح وتحطيهم في بلاطو .. تدهنيهم ب pinceau بالزيت وتذرذري
عليهم الملح في الجهتين
تدخليهم للفور يطيبو حتان يحمارو وتقلبيهم من الجهة الاخرى ثاني يحمارو
ومن بعد تحطي فرماج بين كل شريحتين // انا استعملت لافاش كيري
تغمسيهم في حبة بيضة فيها فلفل اكحل ومن بعد في لاشابلير وتقليهم في زيت سخووون
غير قيس ما تتحمر خطراه راهو طايب
تنشفيه من الزيت وتقدميه
​

 

[حكيك]

imen85



استعملت عجينة السابلي و الكريمة كريمة الليمون 3 حبات بيض و فنجان عصير القارص و نصف كاس سكر كلاسي و لاغوم انتاع الليمون فنجان ماء ومغرفة كبيرة فرينة نخلط كلش مليح ثم انحطهم على نار هادئة حتى تخثر و نضيفها الى التارت و كي انقدمها انضيفلها لكريم شنتيي
​

 

[حكيك]

روز22

فيها 6بيضات وكاس سكر وبالباتور حتى تولي بيضا
بعدهاديري كأس الزيت بالشوي وضربي مليح راه يتضاعف
حجمها
بعدها نصف ملعقة صغيرة قهوة ولا نسكافيه
وملعقتين عسل
و3ملاعق كاكاو
وأفاني وليمون مرابي
وكاس ونصف فرينة ولا كأسين نتي شوفي القوام ماتكونش ثقيلة بزاف
و2الخمارة
وكاس جوز ولا لوز ولا كوكاو ولا اي مكسرات مطحونين خشين
ديريها اطيب وبعدها اقسميها على 2 ديري دريم ويب وشرائح الاناناس والجوز
وامبعد رجعي الطبقة الثانية والديكور نتي حرة فيه من فوق
تحبي شكولاطة وجوز تحبي دريم ويب وشكولة وجوز اي شي المهم تحطي شوي
جوز من فوق

​

 

[حكيك]

nada242008

طريقة عادية جدا
كار سميد 3 م ك لحظة+ قشور ليمون + م ك خميرة خبز + م ص محسن + م ك سكر
تبسيه بفنجان زيت وتبلي بالماء الدافئ وتخليه يرتاح ربع ساعة
ومن بعد تبقاي تعجني وتضيفي الما تديريجيا وفي الاخر تضيفي الملح وماء الزهر
وتكون العجينة مرخوفة خلاص باش يجيك خفيف
تخليه يخمر ومن بعد تهني المول بالزيت وتقرصيه وتخليه يخمر
ومن بعد تدهنين بالبيض مع شوية سكر وتزينيه بالجلجلانيةولا السينوج
وتطيبه على 200 درجة مئوية
​

 

[حكيك]

nada242008

الدوبارة تحبيها فول ولا حمص ولا ميلونج
ترنخي الفول ولا الحمص ليلة كاملة مع البيكربونات او خميرة الحلوى
وفي الغد تطيبيه في لاكوكوت مع شريحة قارص اذا كان فول حتان يطيب زبدة
والما اللي طاب فيه احتفظي بيه
وجدي لاصوص بارد في بارد يعني ماتطيبيهاش
رابي الطماطم // الكمية حسب افراد العائلة 2 حبات ولا 3 كبار اذا كانت العائلة
صغيرة واذا العكس ديري حتان 6 حبات وتكون طايبة مليح
فصوص ثوم مرابية
م ص طماطم مركزة
ملح فلفل اكحل كمون شوية راس الحانوت فلفل احمر حار وتضيفيلها شوية زيت
وتخلطي مليح من بعد تضيفيلها الطماطم المرحية والثوم والمصبرة
ودبشة مقطعة رقيق + شرائح فلفل اخضر حار + شرائح قارص
تكوني سخنتي الفول والحمص بالما اللي طاب فيه
تحطي كمية منو في صحن وفوقو لاصوص // كيما قتلك ماتطيبهاش
وتزينيها بقطرات زيت زيتون والفلفل المرقد
​

 

[حكيك]

ام منصف

لوصفة سهلة وسريعة
غلي المقرونة نتاعك وصفيها
كرفجي بصلة مع شوية ثوم ذبليهم في شوية زبدة وزيت مع وحدة جومبو دجاج وورقة رند وامرقي بشوية ماء كي تغلي لاصوص حطي الزيتون الفرماج والطون وطفي ولوحي المقرونة خلطيهم مع بعض
امبعد ديريهم في بلاتو والى الفرن
وشهية طيبة
تقدري تزيدي معاها السلق ثاني تجي هايلة
​

 

[حكيك]

faloussa

العجينة
قيص زوج قرصات يعنى زوج كيلات دقيق ارطب +زوج مغارف نتاع قهوة ملح وتبلي بالماء وتعجني مليح ثم لازم تكون طرية العجينة وتدهنيها بالزيت وخليها ترتاح ربع ساعة ثم كوريها كويرات صغيرة بحجم لامندارين ودهنيها من الفوق بالزيت وخليها ترتاح
الحشو
حبة بصل زوج قرون فلفل وزوج حبات طماطم وترحيهم في الميكسار وتحطيهم يطيبو في مقلاة فيها شوية زيت وتضيفى طماطم مصبرة نصف مغرف كبيرة وملح وخليها تتقلى مليح اضيفى نصف فنجال ماء وخليها حتى تنشف شوية
ممكن تستعملى شوية شحمة مع الحشو انا ما نستعملهاش لان زوجي ما يحبش ريحتها
تحلي الكويرة نتاع العجينة بالزيت ترقيها مليح ثم تتدهنيها بمغرف نتاع الحشو وطبقيها وطيبيها في مقلاة او طاجين سبيسيال
​

 

[حكيك]

imane27

الوصفة
فوري شفلور وخليه بجنب
فى طنجرة قلي جاج مع ثوم ملح فلفل لكحل كمون فلفل حار وضفيلو طماطم حب وعلب وخليه يطيب كى طاب لجاج ومرقة نقصت ضفى شفلور وخليه يتشرب ومن جهة اخرى كسري لبيض مع معدنوش وملح وفلفل لكحل وضفيه فوقو وطفى عليه
​

 

[حكيك]

......................
​

 

[حكيك]

...................

 

[mimi53]

يعتيكم الصحة بارك الله فيكم